انار بۇلت \ شينجياڭ گازەتىنىڭ ٴتىلشىسى شيە حۇيبيان 5 ـ ايدىڭ 31 ـ كۇنى ۇرىمجىدەن حابارلايدى. 5 ـ ايدىڭ 30 ـ كۇنى 4 ـ كەزەكتى مەملەكەتتىك جاڭالىق اشۋداعى اتويشى سيلىعىن باعالاۋ، ماداقتاۋ ـ سيلاۋ ناتيجەسى بەيجيڭدە جاريالاندى. تيانشان تاجىريبەحاناسىنىڭ مەڭگەرۋشىسى بي يىنلي، جۇڭگو ينجەنەريا اكادەمياسىنىڭ اكادەميگى، شىحىزى داشۋەسىنىڭ پروفەسسورى چىن شۋەگىڭ 4 ـ كەزەكتى مەملەكەتتىك جاڭالىق اشۋداعى اتويشى سيلىعىنا يە بولدى.
ۇزدىكتەردى ماداقتاۋ ـ سيلاۋ، تيپتىك ۇلگى ورناتۋ ٴۇشىن، جاقىندا ادام كۇشى بايلىعى جانە قوعامدىق قامتاماسىزداندىرۋ مينيسترلىگى، جۇڭگو عىلىم ـ تەحنولوگيا قوعامى، عىلىم ـ تەحنولوگيا مينيسترلىگى، مەملەكەتتىك كەڭەستىڭ مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتى 4 ـ كەزەكتى مەملەكەتتىك جاڭالىق اشۋداعى اتويشى سيلىعىن باعالاۋدى بىرلەسىپ ورىستەتىپ، دۇنيە ٴجۇزى عىلىم ـ تەحنولوگياسىنىڭ الدىڭعى لەگىن بەتكە العان، ەكونوميكانىڭ نەگىزگى شايقاس شەبىن بەتكە العان، مەملەكەتتىڭ كەلەلى سۇرانىسىن بەتكە العان، حالىقتىڭ باس اماندىعىن، سالاماتتىعىن بەتكە العان عىلىم ـ تەحنولوگيادا جاڭالىق اشۋ سالاسىندا كورنەكتى ۇلكەس قوسقان ٴبىر توپ جەكەنى جانە كوللەكتيۆتى ماداقتاۋ ـ سيلاۋدى ۇيعاردى. مەملەكەتتىك جاڭالىق اشۋداعى اتويشى سيلىعى 2017 ـ جىلى پارتيا ورتالىق كوميتەتىنىڭ بەكىتۋىمەن بەلگىلەنگەن، باعالاۋ، سيلاۋ پەريودى 3 جىل بولادى.
شينجياڭدا وسى رەت تىزىمگە ىلىنگەن ەكى سيلىق يەگەرى ٴوز سالالارىندا كورنەكتى تابىستارعا قول جەتكىزدى.
بي يىنلي 20 نەشە جىلدى ٴبىر كۇندەي وتكىزىپ، باتىس بولىك كەن رايونىنا تامىر تارتتى، ول باتىس بولىكتىڭ قۋاڭ، جارتىلاي قۋاڭ كومىر كەن رايونىنداعى ميكرو ورگانيزمدەردىڭ قالپىنا كەلتىرۋدەگى اسەر ەتۋ مەحانيزمىن جۇيەلى اشىپ كورسەتىپ، كۇردەلى گەولوگيالىق ورتاداعى كەن رايونى ميكرو ورگانيزمدەرىن قالپىنا كەلتىرۋدىڭ جاڭا تەحنولوگياسىن جاراتىپ، ەرەكشە قۋاڭ ورتادا جوعارى كۇشەمەلىلىكتە كومىردى اشۋ مەن ٴالسىز ەكولوگيالىق ورتا قاباتتاسقان ەكولوگيانى قالپىنا كەلتىرۋدەگى كەلەلى قيىن تاقىرىپتان قامال الىپ، كوپ ٴتۇرلى جاسىل، جوعارى ٴونىمدى بيولوگيالىق ميكروپ ٴدارىسى ارقىلى قالپىنا كەلتىرۋ ٴونىمىن زەرتتەپ جاساپ شىقتى. ول ۇجىمدى باستاپ شانشي، ىشكى موڭعۇل، شينجياڭ، نيڭشيا سياقتى كومىر ەنەرگيا بازالارىندا كاسىپ سالاسى، مەكتەپ، عىلمي زەرتتەۋ قۇرىلىمدارى ٴبىر تۇلعالانعان 12 ەكولوگيانى قالپىنا كەلتىرۋدەن ۇلگى كورسەتۋ بازاسىن قۇرىپ، جالپىلاستىرىلعان اۋماقتى نەشە 100 مىڭ مۋعا جەتكىزىپ، جوعارى ٴونىمدى، وزىندىك قۇنى تومەن، كوشىرىپ پايدالانۋعا بولاتىن بۇلىنگەن كەن رايونى ەكولوگياسىن قالپىنا كەلتىرۋدىڭ تەحنولوگيالىق ۇلگىسىن ورناتتى. ىلگەرىندى ـ كەيىندى 2 مەملەكەتتىك عىلىم ـ تەحنولوگيا العاباسارلىعى سيلىعىنىڭ 2 ـ دارەجەلى سيلىعىنا، 2 ولكە (كاسىپ سالاسى) دارەجەلى ەرەكشە سيلىققا، توعىز 1 ـ دارەجەلى سيلىققا يە بولدى، بۇرىن مەملەكەتتىك 8 ـ ناۋرىز قىزىلتۋشىسى، جۇڭگو ەكولوگيالىق وركەنيەت سيلىعى بويىنشا وزات جەكە سياقتىلارعا يە بولعان.
چىن شۋەگىڭ ەلىمىزدىڭ ايگىلى اۋىل شارۋاشىلىعى ماشينالارىن جوبالاۋ، جاساۋ مامانى، ول ۇجىمىن باستاپ 14 جىل ۋاقىت جۇمساپ، سۋلياۋ جارعاق جاۋىپ ماقتا ەگۋدى ماشينالاندىرۋ تەحنولوگياسىنان قامال الدى، جاسامپازدىقپەن جاساعان ماقتاعا سۋلياۋ جارعاق جاۋىپ ەگۋ ماشيناسى مەملەكەتتىك عىلىم ـ تەحنولوگيا العاباسار سيلىعىنىڭ 1 ـ دارەجەلى سيلىعىنا يە بولدى، وسىدان كەيىن تاعى ىركەس ـ تىركەس سۋلياۋ جارعاق استىندا تامشىلاتىپ سۋارىپ ٴدال مولشەرمەن ەگۋ، ماقتا ٴوندىرىسىنىڭ جالپى بارىسىن ماشينالاندىرۋ سياقتى شەشۋشى تەحنولوگيالاردان قامال الىپ، ماقتانى ەلىمىزدەگى تۇڭعىش جالپى بارىسى ماشينالانعان نەگىزگى ەكونوميكالىق داقىلعا اينالدىرىپ، شينجياڭ ماقتاشىلارىنىڭ ٴوندىرىس ٴتاسىلىن تۇبەگەيلى وزگەرتتى. ول ”اۋىل شارۋاشىلىعى ماشينالارىن زەرتتەپ اشۋدا، اتىزدان الىپ اتىزعا قايتارۋ“ سىندى عىلمي زەرتتەۋ ۇستانىمىنا باستان ـ اياق تاباندى بولدى، بەرتىنگى جىلدارى تاعى اتىزداعى قالدىق سۋلياۋ جارعاقتاردىڭ لاستاۋىن وڭاۋعا كۇش سالىپ، حالىقارادا وزىق قالدىق سۋلياۋ جارعاقتاردى جيناپ الاتىن بىرلەسىپ جۇمىس جۇرگىزۋ ماشيناسىن زەرتتەپ شىقتى. بۇگىنگى كۇندە ول تاعى 5 عىلمي زەرتتەۋ تاقىرىبىن تەڭ قادامدا ىلگەرىلەتۋدە، بۇل ماقتا اتىزى قۇلتەمىرىن، زەردەلى ماقتا تەرۋ ماشيناسى سياقتى الدىڭعى لەكتىك بەتالىستاردى قامتيدى.
