− باس شۋجي شي جينپيڭنىڭ جاۋاپ حاتى شينجياڭداعى ٴار ۇلت ٴوسپىرىم بالالارىن جانە جاستار مەن وسپىرىمدەر قىزمەتكەرلەرىن ۇلتتى گۇلدەندىرۋ ۇلى ٴىسى جولىندا ۇزدىكسىز كۇرەس جۇرگىزۋگە شابىتتاندىردى
□ انار بۇلت \ شينجياڭ گازەتىنىڭ تىلشىلەرى
”سەندەردىڭ وترياد تۋىن بيىك ۇستاپ، پارتياعا ىلەسىپ، قىزىل گەندى جالعاستىرىپ، ٴبىلىم ـ قابىلەتتى ارتتىرىپ، ەرىك ـ جىگەردى شىڭداپ، پارتيا مەن حالىقتىڭ توڭكەرىسشىل ۇرپاعى بولىپ، جاڭا جورىقتاعى تاريحتىڭ ۇتىلامالى جارىسىندا ويداعىداي جۇگىرۋلەرىڭدى ٴۇمىت ەتەمىن .“ ”1 ـ ماۋسىم“ حالىقارالىق بالالار مەرەكەسى قارساڭىندا باس شۋجي شي جينپيڭ جۇڭگو كوممۋنيستىك پارتياسى 1 ـ قۇرىلتايى ەسكەرتكىش سارايى، نانحۋ كولى توڭكەرىستىك ەسكەرتكىش سارايى پيونەرلەر وتريادىنىڭ قىزىل گالستۋكتى تۇسىندىرۋشىلەرىنە جاۋاپ حات جازىپ، ولاردى شىنايى شابىتتاندىردى ٴارى ولاردىڭ جانە بۇكىل ەلدەگى ٴوسپىرىم بالالاردىڭ مەرەكەلەرىنىڭ كوڭىلدى بولۋىن تىلەدى. باس شۋجيدىڭ تەرەڭ سۇيىسپەنشىلىككە تولى سالەمى شينجياڭداعى ٴار ۇلت ٴوسپىرىم بالالارى جانە جاستار مەن وسپىرىمدەر قىزمەتكەرلەرى اراسىندا قىزۋ اڭىس قوزعادى، كوپشىلىك بۇدان ەرەكشە شابىت الىپ، ايرىقشا جەلپىنىپ، جابال مىنالاردى ٴبىلدىردى: مۇراتتى بەكەمدەپ، ۇدەرە العا تارتىپ ارمانعا قۇلاش سەرمەپ، جاڭا جورىقتاعى تاريحتىڭ ۇتىلامالى جارىسىندا ويداعىداي جۇگىرىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسى جولىندا ۇزدىكسىز كۇرەس جۇرگىزەمىز.
”باس شۋجيدىڭ جاۋاپ حاتى ٴبىزدىڭ بەتالىسىمىزدى اناعۇرلىم ايقىنداپ، قايراتىمىزدى اناعۇرلىم تاسقىنداتتى“. اۆتونوميالى رايوندىق كوممۋنيستىك جاستار وداعى كوميتەتى ورەندەر ٴبولىمىنىڭ باستىعى ابليكىم ياسىن بىلاي دەدى: ”قىزىل زەرتتەپ ۇيرەنۋ، پارتيا تاريحى ۇگىت لەكسياسى سياقتى قيمىلداردى اناعۇرلىم جاندى، اناعۇرلىم ناقتى ىستەپ، قىزىل حيكايالاردى بالالاردىڭ جۇرەگىنە ۇيالاتىپ، ٴار ۇلت ٴوسپىرىم بالالارىن جۇڭحۋا ۇلتى ورتاق تۇلعا تانىمىن بەكەمدەۋگە، پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەپ، ولاردىڭ جاڭا جورىقتاعى تاريحتىڭ ۇتىلامالى جارىسىندا ويداعىداي جۇگىرۋىنە كومەكتەسەمىز“.
”قىزىل گەندى جالعاستىرۋدا وتباسى بالالاردىڭ ٴبىرىنشى ساباقحاناسى“. اۆتونوميالى رايوندىق ايەلدەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ٴتورايىم لي ليڭحۇي مىنالاردى ٴبىلدىردى: وتباسىنان باستاپ يگەرىپ، بالالاردان باستاپ يگەرىپ، قىزىل وتباسى سالتى ۇگىت لەكسياسىن، اتا ـ انا، بالا قىزىل تاربيە قيمىلىن ۇدايىلاندىرا ورىستەتىپ، قالىڭ اتا ـ انالاردى ويداعىداي العاشقى وقىتۋشى بولىپ، تاماشا وتباسى سالتى ارقىلى مەملەكەت سۇيىسپەنشىلىگىن نارلەندىرىپ، ٴوسپىرىم بالالاردىڭ ٴومىرىنىڭ ٴبىرىنشى تۇيمەسىن جاقسى تۇيمەلەپ، پارتيانى ٴسۇيۋدىڭ، وتاندى ٴسۇيۋدىڭ تۇقىمىن ولاردىڭ جۇرەگىنە تەرەڭ ۇيالاتۋعا جەتەكتەيمىز.
”جاۋاپ حاتتا باس شۋجيدىڭ ٴوسپىرىم بالالارعا ىقىلاستى قامقورلىعى مەن ٴۇمىتى قامتىلعان“. اۆتونوميالى رايوندىق مۇگەدەكتەر بىرلەستىگى ساۋىقتىرۋ ٴبولىمىنىڭ جاۋاپتىسى لي چاۋ مىنالاردى ٴبىلدىردى: جاۋاپ حاتتىڭ رۋحىن جەتەكشى ەتىپ، مۇگەدەك ٴوسپىرىم بالالارعا ۇزدىكسىز كوڭىل ٴبولىپ، قامقورلىق جاساپ، ساۋىقتىرۋ، تاربيەلەۋ، ۇقىق ـ مۇددەسىن قامتاماسىز ەتۋ سياقتى قىزمەت وتەۋدى ويداعىداي ىستەپ، ولاردىڭ اقاۋسىز ەسەيىپ ـ ەرجەتۋىنە دەم بەرەمىز. سونىمەن بىرگە قىزىل تاقىرىپتاعى قامقورلىق قيمىلدارىن بەلسەنە ورىستەتىپ، مۇگەدەك ٴوسپىرىم بالالاردى قىزىل گەندى جالعاستىرىپ، مەملەكەت سۇيىسپەنشىلىگىن تەرەڭدەتىپ، پارتيانى سۇيەتىن، وتاندى سۇيەتىن، ٴوزىن الۋەتتەندىرەتىن جاڭا داۋىردەگى جاقسى ٴوسپىرىم بولۋعا قۇلشىنىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە ۇلەس قوسۋعا جەتەكتەيمىز.
باس شۋجيدىڭ جاۋاپ حاتى ”ٴداۋىر ونەگەسى“ لاچين بايەكەنىڭ قىزى دۇرحان لاچيندى قاتتى تەبىرەنتتى. ”باس شۋجي ٴبىزدى قىزىل گەندى جالعاستىرۋعا شابىتتاندىردى“. دۇرحان بىلاي دەدى: اكەمنىڭ شەكارانى قورعاعان حيكاياسى ەڭ جاندى قىزىل گەن، ”مەن تاپسىرمانى، ٴسوز جوق، ەستە بەرىك ساقتاپ، وتاندى ٴسۇيۋ، شەكارانى قورعاۋ رۋحىن جالعاستىرىپ، پارتيا مەن حالىقتىڭ توڭكەرىسشىل ۇرپاعى بولامىن“.
شەريا اۋدانى شەريا قالاشىعى سەنترلى باستاۋىش مەكتەبىنىڭ وقۋشىسى پاتيماحان پارھات بىلتىر بەيجيڭدەگى تيان ـ انمىن الاڭىندا مەملەكەت تۋىن شىعارۋ سالتىن كورگەن كەزدە اسەرلەنگەنىنەن كوزىنە ىستىق جاس الدى. ”باس شۋجي بىزدەن پارتيا مەن حالىقتىڭ توڭكەرىسشىل ۇرپاعى بولۋدى ٴۇمىت ەتتى، بۇل ٴسوزدى مەن جۇرەگىمدە بەرىك ساقتايمىن. مەن ساباقتاستارىممەن بىرگە ٴبىلىم ـ قابىلەتىمدى ارتتىرىپ، ەرىك ـ جىگەرىمدى شىڭداپ، پارتيانى ٴسۇيۋدىڭ، وتاندى ٴسۇيۋدىڭ تۇقىمىن جۇرەگىمە ٴسىڭىرىپ، جاڭا ٴداۋىردىڭ جاقسى ٴوسپىرىمى بولۋعا قۇلشىنامىن“، ـ دەدى ول.
قىزىلسۋ قىرعىز اۆتونوميالى وبلىسى اتۇش قالاسى قاراجول اۋىلى شەيىت باستاۋىش مەكتەبىندەگى وقۋ ـ اعارتۋعا كومەككە بارعان بارلىق وقىتۋشىلار جاۋاپ حاتتىڭ رۋحىن بىرگە ۇيرەنىپ، ىشتەي ايرىقشا مەيىرگە بولەندى. شەكارا وڭىردەگى باستاۋىش مەكتەپ رەتىندە، مەكتەپ وتانشىلدىق پەن شەكارانى قورعاۋ رۋحى تاربيەسىن كۇندەلىكتى تۇرمىسقا توعىستىردى. وسى باستاۋىش مەكتەپتىڭ شەكارانى قورعاپ، وقۋ ـ اعارتۋعا كومەكتەسۋ باتىس بولىك جوسپارى ەرىكتىلەر قىزمەت وتەۋ اترەتىنىڭ باستىعى يان زىفىڭ بىلاي دەدى: ”حالىق وقىتۋشىسى رەتىندە، ٴبىز ’پارتيا مەن حالىقتىڭ توڭكەرىسشىل ۇرپاعى بولۋ‘ دەگەن ٴسوزدىڭ تەرەڭ ٴمانىن ٴتىپتى دە انىق تۇسىنەمىز. ٴبىز بالالاردى دەن قويا، سۇيىسپەنشىلىكپەن تاربيەلەپ، ولاردى كىشكەنتايىنان وتاندى سۇيەتىن، ۇلەس قوساتىن مۇرات ـ سەنىم ورناتۋعا، ەسەيىپ ـ ەرجەتكەندە وتاننىڭ شەكارا ٴوڭىرىن قورعايتىن، تاريحتىڭ ۇتىلامالى جارىسىندا ويداعىداي جۇگىرەتىن جاقسى ٴوسپىرىم بولىپ جەتىلۋگە جەتەكتەيمىز“.
”باس شۋجي بالالاردىڭ ٴبىلىم ـ قابىلەتىن ارتتىرىپ، ەرىك ـ جىگەرىن شىڭداۋىن ٴۇمىت ەتتى، بۇل ٴبىز كۇندەلىكتى تاربيەلەۋ مەن باۋلۋدا كۇش سالاتىن ٴتۇيىن“. ٴۇرىمجى قالالىق 15 ـ ورتا مەكتەپ پارتكومىنىڭ شۋجيى چى في بىلاي دەدى: ”ٴبىز قىزىل مادەنيەت تاربيەسىن ۇزدىكسىز تەرەڭدەتىپ، وتانشىلدىق ۇگىت لەكسيا شەبىن كۇشەيتىپ قۇرىپ، قىزىل حيكايالاردى ٴبولىسۋ، كلاسسيكالىق شىعارمالاردى وقۋ سياقتى قيمىلدار ارقىلى ٴار ۇلت وقۋشىلارىن ىنتىماق، دوستىق ورناتىپ، قۇلشىنا ۇيرەنىپ، شىنايى ىستەپ، قۇلشىنىپ، ۇلتتى گۇلدەندىرۋ ۇلى مىندەتىن ارقالاي الاتىن ٴداۋىردىڭ جاڭا ادامى بولىپ جەتىلۋگە جەتەكتەيمىز“.
(ٴتىلشى سى لۋلۋ، قاتىناسقان تىلشىلەر يان شياۋتيان، لي جيا ـ ني، شىن زۋشياۋ، ەرىكتى ٴتىلشى گوھارنيسا يمىن)
