ورتا مەكتەپ پەن جوعارى مەكتەپ ەمتيحانى تاياپ قالدى، ەمتيحان تاپسىراتىن وقۋشىلاردىڭ اس ـ سۋ حاۋىپسىزدىگى قورعانىس شەبىن بەكەمدەپ، ەمتيحان تاپسىراتىن بارشا وقۋشىلاردىڭ دەنساۋلىعى مەن ەمتيحانعا قاتىناسۋ جاعدايىن قامتاماسىز ەتۋ ٴۇشىن، 6 ـ ايدىڭ 2 ـ كۇنى اۆتونوميالى رايوندىق بازاردى باقىلاۋ ـ باسقارۋ مەكەمەسى ورتا، جوعارى مەكتەپ ەمتيحانىنىڭ ازىق ـ تۇلىك حاۋىپسىزدىگى ەسكەرتۋىن جاريالاپ، ازىق ـ تۇلىكتى ۇيلەسىمدى سايكەستىرۋ، ازىق ـ تۇلىك ماتەريالدارىن تاڭداپ ساتىپ الۋ، سۋسىن، ۇساق ـ تۇيەك تاعامدار، ۇيدە مانەرلەۋ سياقتى كوپ جاقتاردا عىلمي ازىقتانۋعا جەتەكشىلىك ەتىپ، ەمتيحان تاپسىرۋشىلاردىڭ ارمان قۋۋ جولىن جان - جاقتىلى قورعادى.
كۇندەلىكتى ٴۇش ۋاقىت تاماق جاعىندا، ەمتيحان تاپسىرۋشىلارعا تاماقتانۋدا ازىقتىقتىڭ سىڭىرۋگە جەڭىل، تەپە - تەڭ بولۋىنا تاباندى بولىپ، ماي، تۇز، قانت از بولۋ سىندى ازىق - تۇلىك ولشەمىنە قاتاڭ بويسۇنۋدى ەسكەرتەدى. ەمتيحان تاپسىرۋشىلاردىڭ ۇزاق ۋاقىتتىق ازىقتانۋ ادەتىن ۋاقىتشا وزگەرتۋىنىڭ قاجەتى جوق، قۋاتتاندىراتىن دارىلىك تاعامداردى، دەنساۋلىق ساقتاۋ ونىمدەرىن، ايگىلى قۋاتتاۋ ونىمدەرىن كوزسىزدىكپەن تۇتىنىپ اسقازان - ىشەككە اۋىرتپالىق ءتۇسىرىپ، اسقازان - ىشەك اۋرۋلارىن تۋدىرۋدان ساقتانۋ كەرەك. نەگىزگى ازىق - تۇلىك، ساپالى بەلوك جانە جاڭا جەمىس - جيدەكتىڭ، كوكونىستىڭ عىلمي سالىستىرماسى ارقىلى دەنەنىڭ قورەكتىك قاجەتىن قاناعاتتاندىرۋعا بولادى، ءار جولعى استى شالا قۇرساق جەۋگە تاباندى بولۋ ءتيىس، كەشكى تاماققا سىقاي تويىپ الۋعا، كەشىگىپ تاماقتانۋعا بولمايدى، تىم تويا جەۋدەن كەشكى ۇيقىنىڭ بۇزىلۋىنىڭ الدىن الۋ كەرەك.
ءۇرىمجى كەشكى گازەتىنىڭ ءۇنحات تەكشەسىنەن اۋدارىلدى
