اۆتونوميالى رايوندىق ساياحات كاسىپ سالاسىن دامىتۋ باسشىلىق گرۋپپاسى ٴماجىلىس اشتى
مادەنيەت ـ ساياحات شارۋاشىلىعىنىڭ جوعارى دامۋىن ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 6 ـ ايدىڭ 6 ـ كۇنى ۇرىمجىدەن حابارلايدى. 6 ـ ايدىڭ 5 ـ كۇنى تۇستەن بۇرىن اۆتونوميالى رايوندىق ساياحات كاسىپ سالاسىن دامىتۋ باسشىلىق گرۋپپاسى ٴماجىلىس اشىپ، شي جينپيڭ مادەنيەت يدەياسىن جانە باس شۋجي شي جينپيڭنىڭ ساياحات قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، قاتىستى جاعدايلار جونىندەگى مالىمەتتى تىڭداپ، قاتىستى حۇجاتتاردى قاراپ، كەلەسى ساتىداعى مادەنيەت ـ ساياحات قىزمەتىن ورنالاستىردى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى، اۆتونوميالى رايوندىق ساياحات كاسىپ سالاسىن دامىتۋ باسشىلىق گرۋپپاسىنىڭ باستىعى ەركىن تۇنياز ٴماجىلىستى باسقاردى ٴارى ٴسوز سويلەدى.
ٴماجىلىس مىنالاردى اتاپ كورسەتتى: بيىل جىل باسىنان بەرى، بۇكىل رايوندا جوعارىدان تومەنگە دەيىن شينجياڭدى مادەنيەتپەن نارلەندىرۋ، ساياحات ارقىلى شينجياڭدى گۇلدەندىرۋ ستراتەگيالىق ورنالاستىرۋى جاپپاي تياناقتانىپ، كورىكتى شينجياڭنىڭ باۋراۋ قۋاتى، ىقپالى ۇزدىكسىز جوعارىلاپ، ساياحات بازارى ۇزدىكسىز جانداندى. اۆتونوميالى رايوندىق پارتكوم مەن ۇكىمەتتىڭ ورنالاستىرۋلارى، تالاپتارى بويىنشا، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، شينجياڭنىڭ مادەنيەت ـ ساياحاتىن دامىتۋدىڭ ماڭىزدى تاماشا مەزگىلىن مىقتاپ يگەرىپ، ارتىقشىلىقتاردى ونان ارى كەڭەيتىپ، ولقىلىقتاردى تولىقتاپ، مادەنيەت ـ ساياحات شارۋاشىلىعىنىڭ جوعارى ساپالى دامۋىن ىلگەرىلەتۋ كەرەك. ”بەس ۇلكەن ستراتەگيالىق ورىنعا“ قىزمەت وتەۋدى تياناق ەتىپ، بۇكىل رايوننىڭ ەكونوميكاسىنا ۇلەس قوسىپ، اناعۇرلىم كوپ بۇقارانى جۇمىستانىپ كىرىستەرىن ارتتىرۋعا جەتەكتەپ، جوعارى دەڭگەيدە جوبالاۋدى اناعۇرلىم كۇشەيتىپ، اۆتونوميالى رايوننىڭ مادەنيەت جانە ساياحات كاسىپ سالاسىنىڭ شوعىرلى دامۋ جوباسىن ويداعىداي تياناقتاندىرىپ، ٴتورت ماۋسىمعا جالعاسقان، تۇتاس ٴوڭىردى قامتىعان، كاسىپ كۇيى باي ساياحات جۇلگەسىن كۇش سالا قالىپتاستىرۋ كەرەك.
ٴماجىلىس مىنالاردى باسا دارىپتەدى: قاۋىرت ماۋسىمداعى ساياحاتتى ويداعىداي يگەرىپ، ەل ىشىندەگى جەتەكشى مادەنيەت ـ ساياحات كاسىپورىندارىمەن، شينجياڭعا كومەكتەسەتىن ولكە، قالالارمەن، شياڭگاڭ، اۋمىنمەن سەلبەستىكتى كۇشەيتىپ، ٴدامدى تاعامدار مەرەكەسى، مۋزيكا فەستيۆالى، بەيزاتتىق مۇرا جارمەڭكەسى، دەنە تاربيە جارىسى سياقتىلاردى ۇدايىلاندىرىپ وتكىزىپ، ”اس ـ سۋ، جاتىن ورىن، ٴجۇرىس ـ تۇرىس، ساياحات، زات ساتىپ الۋ، كوڭىل اشۋ“ كاسىپ سالاسى تىزبەگىن ۇزارتىپ، تۇتىنۋ جاعدايىن ۇزدىكسىز بايىتىپ، ساياحاتشىلاردىڭ سەزىنۋىن جوعارىلاتۋ كەرەك. دۋماندى كورىنىس وڭىرلەرىنىڭ لەنيا جوباسىن اناعۇرلىم ساپالىلاندىرىپ، ساياحات دارەتحانالارىنىڭ ساپاسىن جوعارىلاتۋ، جول دارەجەسىن جوعارىلاتۋ، اۆتوتۇراقتاردى كەڭەيتۋ، بەلگىلەردى ارناعا ٴتۇسىرۋ سياقتى ينجەنەريالاردى ىلگەرىلەتىپ، حالىققا قولايلى قۇرىلعىلاردى، شۇعىل جاعدايعا توتەپ بەرۋ قۇرىلعىلارىن كەمەلدەندىرىپ، قۇرىلعىلارداعى ولقىلىقتاردى جاپپاي تولىقتاۋ قاجەت. ورتالىقتىڭ ەكولوگيالىق ورتانى قورعاۋدى باقىلاۋ ـ تەكسەرۋىندە اڭىس ەتىلگەن مادەنيەت ـ ساياحات سالاسىنا ساياتىن ماسەلەلەردى رەتتەۋ ـ تۇزەتۋدى ويداعىداي يگەرىپ، بىرەۋى ارقىلى وزگەسىن تۇسپالداپ، ۇستىنەن وڭاۋ مەن تۇبىرىنەن وڭاۋدى قاتار جۇرگىزىپ، ساياحاتتىق قىزمەت وتەۋدىڭ ساپاسىنىڭ، ونىمدىلىگىنىڭ جوعارىلاۋىن جەبەۋ كەرەك.
ٴماجىلىس مىنالاردى اتاپ كورسەتتى: بازار ٴتارتىبىن اناعۇرلىم ساپالىلاندىرىپ، ”ٴبىر نيەت، ٴبىر تىلەكپەن ساياحاتتى قورعاۋ“ ارناۋلى ارەكەتىن تەرەڭدەتىپ، زات باعاسىن قىمباتتاتۋ، تۇتىنۋ الدامكوستىگى، زورلىقپەن زات ساتىپ الدىرۋ، جالعان ۇگىت جۇرگىزۋ سياقتى زاڭعا، ەرەجەگە قايشى ارەكەتتەرگە قاتاڭ سوققى بەرۋ قاجەت. شارۋاشىلىق تۇلعالارىن جەتىلدىرىپ، زورايتىپ، كورىنىس وڭىرلەرىنىڭ بازارلانعان، ارنايىلانعان اينالىمىن ىلگەرىلەتۋ كەرەك. ارىز ـ شاعىم بەرۋ ارناسىن ىركىلىسسىزدەندىرىپ، ارىز ـ شاعىمدى جابىق كۇيدە ٴبىر جاقتى ەتۋدى ساپالىلاندىرىپ، ساپالى بازار ورتاسى ارقىلى القاۋعا يە بولۋ كەرەك. دالمە ـ ٴدال ۇگىت جۇيەسىن ورناتىپ، نەگىزگى مەديالار، جاڭا مەديا تۇعىرلارى، ينتەرنەتتە تانىمالى ادامدار، دارىندار، ساياحات سەرىكتەستىگى بايلىعىنان ويداعىداي پايدالانىپ، جۇيەلىلەنگەن، كورىنىستىك، ەلىتە سەزىنۋ ۇلگىسىندەگى ۇگىتتى جۇرگىزىپ، بۇكىل ەلدە ىقپالى بار مادەنيەت ساياحات IPىن قالىپتاستىرىپ، ”شينجياڭ جاقسى جەر“ التىن ماڭدايشالىعىن جارقىراتۋ كەرەك.
ٴماجىلىس مىنالاردى باسا دارىپتەدى: ساياحات حاۋىپسىزدىگىن شىن مانىندە ويداعىداي يگەرىپ، قاراستى جەر جاۋاپكەرشىلىگىن، تاراۋلاردىڭ باقىلاۋ ـ باسقارۋ جاۋاپكەرشىلىگىن، كاسىپورىنداردىڭ تۇلعالىق جاۋاپكەرشىلىگىن قاتاڭ تياناقتاندىرىپ، شۇعىل جاعدايعا توتەپ بەرۋ دايىندىق جوباسىن كەمەلدەندىرىپ، جالپى ٴوڭىرى تىنىش، تۇتاس بارىسى الاڭسىز بولاتىن حاۋىپسىزدىك ورتاسىن قالىپتاستىرۋ كەرەك.
ۋاڭ جيانشين، قايسار قيۇم، ليۋ جيانميڭ قاتارلىلار ماجىلىسكە قاتىناستى.
