قۇبا تۇزدە گرۋپپا جەتىلدىرىپ شىققان مەملەكەت دارەجەلى ۇستالار كەڭسەسى
□ انار بۇلت \ شينجياڭ گازەتىنىڭ ءتىلشىسى ۋي يۇڭگۇي، ەرىكتى ءتىلشى ما شىجۇن
5 - ايدىڭ 20 - كۇنى، جۇڭگو مۇنايى شينجياڭ مۇناي الابى بولىمشە سەرىكتەستىگىنىڭ اۋىر مۇناي اشۋ سەرىكتەستىگى مۇناي قازۋ جۇمىسى 5 - اۋماعى، قۇبا تۇزدەگى دولى بوران مايدا قۇمدى اسپانعا ۇشىرىپ، ۇڭعىما الاڭىنداعى جابدىقتاردىڭ قاڭىلتىرىنا ”سىر - سىر“ ەتكىزىپ قۇيىپ تۇر.
ءبىر قويۋ مۇناي ۇڭعىماسىنىڭ جانىندا روزىمامەت باقى گرۋپپاسىنداعى 10 نەشە قىزمەتكەر ۇڭعىما اۋزىنداعى قۇرىلعىنى قورالاي وتىر. كورسەتكىش اسپاپتىڭ ساعات تاباقشاسىندا قىسىم ءمانى بەينە ۇيرەتىلمەگەن اساۋداي بىردە جوعارىلاپ، بىردە تومەندەيدى.
”قىسىم تاعى دا ارتىپ كەتتى“! - دەپ ايعايلادى مۇناي قازۋشى ادىل مامەت ماڭدايىنداعى تەردى ءسۇرتىپ جاتىپ.
بانجاڭ روزىمامەت باقى جۇرەلەپ وتىرا قالىپ، ساڭلاۋسىز قۇرىلعى اۋزىنان شىققان قارا ءتۇستى ماي داقتارىنا زەر سالا ءۇڭىلدى. قويۋ مۇنايدىڭ جوعارى تەمپەراتۋرالى، جوعارى قىسىمدى ۇڭعىماسى جۇمىس بارىسىندا ەگەر قىسىم تۇسپەسە، ۇڭعىما ءتۇبىنىڭ قىسىمىن كەزكەلگەن ۋاقىتتا مەڭگەرۋگە شاراسىز قالادى، ءسال ابايلاماسا مۇناي قاشادى، ءتىپتى، حاۋىپسىزدىك شىرعالاڭى تۋىلادى.
جۇمىس باسىنىڭ جاعدايى ءبىراز شۇعىل.
”اسىقپاڭىز، ءبىز بارىسىن تاعى ءبىر رەت كورىپ شىعايىق“، - دەدى قارت ۇستاز لي جيانگو توزىعى جەتكەن ەستەلىك داپتەرىن الىپ شىعىپ، وندا جۋىق جىلدارداعى ءار رەتكى سىناقتىڭ ساندى مالىمەتتەرى جىپىرلاي جازىلعان.
وسىدان كەيىن روزىمامەت قامال الۋ شاعىن گرۋپپاسىن باستاپ، ءۇرتىس 3 كۇن، 3 ءتۇن جۇمىس باسىندا بولىپ، كۇندىز ساندى مالىمەت ولشەپ، تۇندە چەرتوج سىزدى. ماسەلە اقىرى تۇراقتاندى: جوعارى تەمپەراتۋرا، جوعارى قىسىمدا بۇرىنعى ساڭلاۋسىز قۇرىلعىنىڭ كاۋچۇك بولشەكتەرى جۇمسارىپ، كۇشىن جويىپتى، وسىنىڭ سەبەبىنەن قىسىم مەڭگەرۋسىز قالعان ەكەن. ولار مەحانيكالىق ساڭلاۋسىزداندىرۋ مەن جۇمساق گرافيت تولتىرعىشتى قايتادان بىرىكتىرىپ، قويۋ مۇناي قۇيۋ - الۋ ءبىر تۇلعالانعان ساڭلاۋسىز قۇرىلىمدى جوبالاپ شىقتى. ءبىر قۇرىلعى ءبىر ۋاقىتتا ”قىسىم تومەندەتۋ“ جانە ”مەڭگەرۋگە بولاتىن قىسىم ساقتاۋ“ سىندى ەكى قاجەتتى شەشتى.
5 - ايدىڭ 23 - كۇنى قۇرىلىم سىناقتان وتەتىن كۇنى، ايىرىپ - قوسقىش ىسكە قوسىلعاندا، قىسىم ساعاتى بەلگىلەنگەن مانگە ورنىقتى تۇراقتاپ، ۇڭعىما اۋزىنان ماي اقپاي قالدى.
بۇل تەك روزىمامەت باقى گرۋپپاسى جاڭالىق اشۋ كەڭسەسىنىڭ سىن - سايىستى ىرىقتىلىقپەن قارسى الىپ، قىزمەت ورنىن تياناق ەتىپ، زەرتتەۋ جۇرگىزىپ، جاڭالىق اشۋىنىڭ ىقشام كورىنىسى عانا.
2013 - جىلى روزىمامەت باقى گرۋپپاسى جاڭالىق اشۋ كەڭسەسى 20 شارشى مەترگە جەتپەيتىن قاڭىلتىر ۇيدە ماڭدايشالىق ءىلدى. ول كەزدە شارت - جاعداي توتەنشە ناشار ەدى، تەك بىرنەشە ەسكى كومپيۋتەر، بىرنەشە توپ تەحنولوگيالىق ماتەريال جانە 7 − 8 ادام عانا بار ەدى. روزىمامەت شەبەرلىكتىڭ مۇنايشىلاردىڭ تابان تىرەر تياناعى ەكەندىگىن انىق بىلەتىن. ءبىرىنشى شەپتەگى ءتىپتى دە كوپ جۇمىسشى - قىزمەتكەردىڭ شەبەرلىك يگەرۋىنە، تەحنولوگيالىق شەبەرلىگىن جوعارىلاتۋىنا مۇمكىندىك جاساۋ عانا قىزمەت كەڭسەسىنىڭ ناعىز قۇنى.
روزىمامەت ءوزىنىڭ ۇيرەنۋ تاريحىمەن ۇشتاستىرىپ، كاسىپتىك تەرميندەردى كوپشىلىك تۇسىنە الاتىن، ەستە ساقتاي الاتىن لەكسيا جانە تاقپاق ەتىپ اۋداردى؛ مەرزىم بويىنشا ”شەبەرلەر ساباقحاناسىن“ اشىپ، قىزمەت بارىسىندا ۇنەمى كەزدەسەتىن ماسەلەلەردى ءتۇسىندىرىپ، اۆتوماتتى جابدىقتاردى مەڭگەرۋدەن كىناراتتارعا تۇجىرىم جاساۋعا دەيىن، تاسىلدە جاڭالىق اشۋدان حاۋىپسىزدىك ەرەجەسىنە دەيىن سويلەدى، ساباقحانا ءار جولى ادامعا لىق تولدى؛ ”ۇيرەنۋ + ەمتيحان الۋ، جاتتىعۋ + جارىس، جەتكىزۋ + كومەكتەسۋ“ سىندى تاربيەلەۋ ۇلگىسىن قالىپتاستىرۋ جونىندە ىزدەنىس جاساپ، نازاريالىق ۇيرەنۋدى ءار ايداعى باعالاۋمەن ۇشتاستىرىپ، ناقتى جۇمىس جاتتىعۋى مەن شەبەرلىك باسەكەسىن ۇشتاستىردى، ۇستازداردىڭ شاكىرت تاربيەلەۋىن تىرەكتىلەر تىركەسپەلى اترەتىمەن ۇشتاستىردى...
سيفردىڭ يلاندىرۋ قۋاتى ەڭ كۇشتى، قىزمەت كەڭسەسى قۇرىلعاننان بەرى جيىنى 10 مىڭ ادامنان (رەت) استام جۇمىسشى - قىزمەتكەر تاربيەلەدى، 300دەن استام باستاۋىش دارەجەلى جۇمىسشى ورتا دارەجەلى جۇمىسشى بولىپ جوعارىلادى، 500دەن استام ورتا دارەجەلى جۇمىسشى جوعارى دارەجەلى جۇمىسشى بولىپ جوعارىلادى، 10 نەشە ادام تەحنيك، جوعارى تەحنيك جانە شەبەرلىك مامانى بولىپ جەتىلدى.
ادىل بىرنەشە جىلدىڭ الدىندا ”ۇستازىنىڭ ايتقانى بويىنشا ىستەيتىن“ مەڭگەرۋ قىزمەتكەرى بولاتىن، قازىر دەربەس اترەت باستاپ، كۇردەلى جۇمىستاردى ءبىر جاقتى ەتە الاتىن بولدى، 2024 - جىلى تەحنيك تولىمدىلىعىن الدى، ”بانجاڭ ۇيرەنۋىمىزدى مىقتى يگەرەدى، ول بىزگە وزىندەگى بار قابىلەتىن ۇيرەتۋدەن ايانبايدى“.
تالاي - تالاي قيىن ماسەلەلەردىڭ شەشىلۋىنە ىلەسە، قىزمەت كەڭسەسىنە مۇناي الۋ، گازبەن قامداۋ، شوعىرلى جەتكىزۋ، سۋدى ءبىر جاقتى ەتۋ سياقتى كوپتەگەن جۇمىس تۇرلەرى بويىنشا جوعارى تەحنولوگيالىق قابىلەتكە يە دارىندىلار جينالىپ، ۇلت اتتاعان، ماماندىق اتتاعان ”شەبەرلىك بىرلەسكەن قۇراماسىنا“ اينالدى.
”ادام كوپ، ءبىر نيەتتە بولۋ“ − شەشۋشى ءتۇيىن.
روزىمامەت باقىنىڭ گرۋپپاسىندا ۇلتتار ىنتىماعى كۇندەلىكتى تۇرمىستاعى ۇساق - تۇيەك ىستەرگە سىڭگەن. مەرەكە - مەيرام، دەمالىس كۇندەرى ءار ۇلت قىزمەتكەرلەرى ءبىر ارادا باس قوسادى. كىمنىڭ شارۋاسى شىعىپ قالسا، كوپشىلىكتىڭ بارلىعى ءوز شارۋاسىنداي ۋايىمدايدى، ايەل جۇمىسشى گۇزالنۇر مامەت جوعارى دارەجەلى جۇمىسشىلاردىڭ شەبەرلىك قابىلەتىن ساراپتاۋعا دايىندالىپ، نەگىزىنىڭ ءالسىز ەكەندىگىن، ەمتيحاننان وتە المايتىندىعىن سەزىنىپ، بىرنەشە رەت تايساقتايدى، روزىمامەت مۇنى بىلگەننەن كەيىن، گرۋپپاداعى شەبەرلىككە ىسىلعان قارت ۇستازداردى كەزەكشىلىككە ورنالاستىردى، ءار كۇنى كەشكى استان كەيىن ءبىر ساعات ۋاقىت شىعارىپ، وعان ”شاعىن ساباقحانا“ اشىپ بەردى. ەڭ سوڭىندا گۇزالنۇر ساراپتاۋدان ءساتتى ءوتتى.
ءشول دالانىڭ تەرەڭ قويناۋىنداعى وسى قاڭىلتىر ۇيدە اشىلعان ساباقحانادا ءار ۇلت جۇمىسشى - قىزمەتكەرلەرى ۇقساس چەرتوج جونىندە تىلدەستى، ۇقساس ءبىر توپ ساندى مالىمەتتەردەن پايدالاندى، ”تاعى ءبىر رەت ايتىپ بەرەيىن“ جانە ”تاعى ءبىر رەت سىناپ كورەيىن“ دەۋ بارىسىندا جۇڭحۋا ۇلتى ورتاق تۇلعا تانىمى ناقتى، جاندى، ءونىمدى بەكەمدەلدى.
ءشول دالا ادامنىڭ توزىمدىلىگىن، قويۋ مۇناي ۇڭعىماسى ادامنىڭ اقىل - پاراساتىن سىنايدى. روزىمامەت بىلاي دەدى: ”ءبىرىنشى شەپتە جولىققان ءوندىرىس ماسەلەلەرىنىڭ بارلىعى جالپىلىق ماسەلەلەر. جاڭالىق اشۋ سىندى وسى ءىستى كوپشىلىك بىرگە ىستەگەندە عانا ناتيجە شىعارۋعا بولادى“.
2025 - جىلى ”روزىمامەت باقى شەبەرلىك ۇستالار كەڭسەسى“ مەملەكەت دارەجەلى شەبەر ۇستالار كەڭسەسى بولىپ رەسمي باعالاندى. بۇل ماڭدايشالىق تىم تارتىمدى كورىنبەگەنىمەن، مىندەتى اۋىر، ول روزىمامەتكە ءتان، سونداي - اق 6 ۇلت بىرگە تىرەك بولعان كوللەكتيۆكە ءتان.
