تومەندەگى ٴوزىن قۇتقارۋ شەبەرلىكتەرىن ەسىڭىزگە بەرىك ساقتاپ الىڭىز
ءبىرىنشى، سىرتقا ساپارعا شىققاندا قامالىپ قالۋ
جاياۋ جۇرگەندە نەمەسە ۆەلوسيپەتپەن كەتىپ بارا جاتقاندا، جيىلعان سۋ جولدى توسىپ قالۋ
استە كوزسىزدىككە سالىنۋعا بولمايدى! جيىلعان سۋدىڭ تەرەڭدىگى قىزىل اسىقتان اسىپ كەتسە (مولشەرمەن 15CM بولسا) مۇمكىندىكتىڭ بارىنشا اينالىپ ٴوتۋ، سۋ استىندا جىرا بولۋ، قۇدىق قاقپاعى جوق بولىپ قالۋ، ەلەكتر سىمىنان توك قاشۋ سياقتى كومەسكى كىناراتتاردان اۋلاق بولۋ كەرەك؛
ابايسىزدا تەرەڭ سۋعا ءتۇسىپ كەتكەندە، سابىر ساقتاپ، ەكى اياقتى جۇپتاپ اقىرىن ابايلاپ العا ءجۇرۋ، جول شىراعى، ەلەكتر باعاناسى، جارناما تاقتالارىنان الىس ءجۇرىپ، توك سوعۋدان ساقتانۋ كەرەك؛
ەگەر سۋ اعىزىپ كەتسە، ماڭايداعى تۇراقتى زاتتاردان مىقتاپ ۇستاپ الۋ (ماسەلەن، اعاش، راشەتكا سياقتىلار)، ايعايلاپ كومەك سۇراۋ، ت.ب. قۇتقارۋشىلاردىڭ كەلۋىن كۇتۋ، بەتالدى ساسقالاقتاماۋ كەرەك.
كولىك ايداپ بارا جولدا جيىلعان سۋ جولدى توسىپ قالۋ
ەگەر سۋدىڭ تەرەڭدىگى اۋا شىعارۋ تۇتىگى نەمەسە اۆتوكولىك بالوننىڭ ورتا بولىمنەن اسىپ كەتسە، باياۋ قارقىنمەن ايداپ ءوتۋ، جالپى بارىستا توقتاماۋ، كولىك قارقىنىن وزگەرتپەۋ كەرەك؛
سۋدىڭ دەڭگەيى كولىك دوڭگەلەگىنىڭ جارىمىنان اسسا نەمەسە جول انىق كورىلمەي الماي قالسا، كولىكتى دەرەۋ توقتاتىپ وتىن ءوشىرۋ كەرەك. كولىك تەرەزەسىن اشىپ، كولىك ەسىگىنىڭ سۋ باسىپ قالىپ قۇلىپتانۋىنان الدىن الا ساقتانۋ ٴارى 119،110عا تەلەفون بەرىپ، كومەك سۇراۋ كەرەك؛
ەگەر اۆتوموبيلدىڭ وتى ٴوشىپ قالىپ قوزعالا الماي قالسا، استە قايتالاي وتالدىرماۋ كەرەك (موتوردى بۇلدىرەدى)، كولىكتى تاستاپ جان ساۋعالاۋ، بيىك جەرگە جوتكەلۋ كەرەك.
ەكىنشى، ۇيىندە قامالىپ قالۋ
ۇيدەگى توك كوزى، وتىندىق گازدىڭ باس ايىرىپ - قوسقىشىن الدىن الا بەكىتىپ، جينالعان سۋدىڭ كەرى اعۋىنان توك سوعۋى، وتىندىق گازدىڭ قاشۋىنان ساقتانۋ كەرەك؛
قۇم دوربا، ورامال سياقتىلارمەن ەسىك - تەرەزەنىڭ ساڭلاۋلارىن بەكىتىپ، جاڭبىر سۋىنىڭ كىرۋىن توسۋ، ۇيدەگى قىمبات باعالى بۇيىمدار، ەلەكتر جابدىقتاردى بيىك جەرگە قاراي كوشىرۋ؛
ەگەر سۋ ۇيگە اعىپ كىرەتىن بولسا، دەرەۋ بيىك جەرگە قاراي جوتكەلۋ (ماسەلەن، بالكون، شاتىر)، تومەنگى قاباتتا ايالداۋعا استە بولمايدى، الەۋمەتتىك اۋماققا، قوجالىققا نەمەسە 119 عا تەلەفون شالىپ، كومەك سۇراۋ كەرەك؛
بەلگىلى مولشەردەگى اۋىز سۋ جانە شۇعىل جارىقتاندىرۋ جابدىقتارىن دايارلاپ قويۋ، سۋ توقتاعان كەزدە، زاپاس سۋ قاينارىمەن اۋىز سۋىن جانە جۋىنىپ-شايىنۋدى قامداۋ؛ توك توقتاعان كەزدە، شۇعىل جاعدايعا توتەپ بەرۋ پروجەكتورى، بالاۋىز شامدى ىسكە قوسۋ كەرەك. (وڭاي جاناتىن زاتتاردان اۋلاق بولۋ )
ءۇشىنشى، تاۋدا ويپاڭ جەردە قامالىپ قالۋ
تاۋ كوشكىنىنىڭ، لاي كوشكىنىنىڭ بەلگىلەرى بايقالسا، مىسالى، جەر بەتى جارىلىپ، بالشىق بوساپ، بوگدە دىبىس ەستىلسە، دەرەۋ جەر كوشكىنىنە پەرپەنديكۋليار باعىتقا قاراي قاشىپ، تاۋدان، وزەن ارناسىنان الىستاۋ كەرەك.
ويپاڭ، سۋلى وڭىرلەردە قامالىپ قالعاندا، سۋدان زورلىقپەن وتپەۋ، جاقىن ماڭداعى بيىك عيماراتتاردى (عيمارات توبەسىن، ۇلكەن اعاشتى، راشەتكانى) ىزدەپ، سوندا ايالداۋ، قولفوننىڭ ەلەكتر مولشەرىن ساقتاپ، دەر كەزىندە كومەك سۇراۋ تەلەفونىنا تەلەفون بەرۋ كەرەك؛
باسىلىپ قالعاندا، باسىن قورعاپ، اۋىز بەن مۇرىندى تازالاۋ. تىنىس الۋدىڭ ىركىلىسسىزدىگىن قورعاۋ، داۋىستاپ قۇتقارۋدى كۇتۋ كەرەك، كوزسىزدىكپەن جانتالاسۋعا استە بولمايدى، قايتا جارالانۋدان ساقتانۋ كەرەك.
ءتورتىنشى، كومەك سۇراۋ ٴتاسىلى & شەشۋشى ەسكەرتۋ
110 (ساقشى)، 119 (ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ) ، 120 (ەمدەۋ)، تەلەفون سوققاندا تۇرعان ورنى، قامالىپ قالعان ادام سانى، ناقتى قيىنشىلىق جاعدايى ( مىسالى، "XX شاعىن رايونىنىڭ X ـ عيماراتىندا قامالىپ قالۋ") سياقتى شەشۋشى ينفورماتسيالاردى انىق ٴتۇسىندىرۋ كەرەك.
1. نوسەرلى جاڭبىر كۇندەرى سىرتقا شىعۋدى ازايتۋ، ەگەر، ٴسوز جوق، سىرتقا شىعۋ قاجەت بولعاندا، جول جاعدايىن الدىن الا تەكسەرىپ، سۋ جيىلعان جەردەن، تاۋلى وڭىرلەردەن الىس ءجۇرۋ كەرەك؛
2. الەۋمەتتىك اۋماق، قوجالىق قىزمەت وتەۋ، قۇتقارۋعا قاتىستى تەلەفوندى الدىن الا ساقتاپ الۋ، قولفوندا توك جوق بولىپ كومەك سۇراي الماي قالۋدان ساقتانۋ كەرەك؛
3. ”كوزسىزدىكپەن سۋ كەشپەۋ، ماشينانى قايتا وتالدىرماۋ، قاتەرلى وڭىرلەرگە ايالداماۋدى“ ەستە بەرىك ساقتاپ، ٴوزىنىڭ حاۋىپسىزدىگىن الدىمەن قامتاماسىز ەتۋ كەرەك.
