رايونىمىزدىڭ 2026 - جىلعى ادەتتەگى جوعارى مەكتەپ ەمتيحانى ورنىقتى اياقتادى
مەجەمەن 6 - ايدىڭ سوڭىنان بۇرىن ەمتيحان بەرگەن وقۋشىلاردىڭ ناتيجەسى جاريالانادى
انار بۇلت \ شينجياڭ گازەتىنىڭ ءتىلشىسى شىن زۋشياۋ 6 - ايدىڭ 8 - كۇنى ۇرىمجىدەن حابارلايدى. شينجياڭ وقۋ - اعارتۋ ەمتيحان مەكەمەسىنەن ۇعىسۋىمىزشا، 6 - ايدىڭ 8 - كۇنى ساعات 17دە رايونىمىزدىڭ 2026 - جىلعى ادەتتەگى جوعارى مەكتەپ ەمتيحانى ورنىقتى اياقتاعان.
قىزمەت ورنالاستىرۋى بويىنشا، كەيىنگى ساتىدا ەمتيحان قاعازىن جيناۋ، سكانەرلەۋ، ەمتيحان قاعازىن تەكسەرۋ، ناتيجە جاريالاۋ، تالاپ كەستەسىن تولتىرۋ، وقۋشى قابىلداۋ سياقتى قىزمەت كەزەڭىنە وتەدى. مەجەمەن 6 - ايدىڭ سوڭىنان بۇرىن ەمتيحان بەرگەن وقۋشىلاردىڭ ناتيجەسى، ورىن رەتى جانە ءار توپتاعى وقۋشى قابىلداۋدىڭ ەڭ تومەنگى ارحيۆ شىعارۋ مەڭگەرۋ ءنومىر شەگى جاريالانادى.
شينجياڭ وقۋ - اعارتۋ ەمتيحان مەكەمەسى ەمتيحان بەرگەن وقۋشىلار مەن اتا - انالارعا مىنانى ەسكەرتتى: ەمتيحان بەرگەن وقۋشىلاردىڭ ءنومىرى، ازاماتتىق كۋالىك ءنومىرى، ەمتيحان تاپسىرۋ كۋالىگى سياقتى جەكەلىك شەشۋشى ينفورماتسيالارىن باسقالارعا بەتالدى بەرمەۋ، ۋيشين سياقتى الەۋمەتتىك جەلى تۇعىرلارىندا جاريالاماۋ، ينفورماتسيانىڭ شاشىلۋىنان ساقتانۋ كەرەك. سونىمەن بىرگە شينجياڭ وقۋ - اعارتۋ ەمتيحان مەكەمەسىنىڭ رەسمي سايتى (https://www.xjzk.gov.cn)، رەسمي ۋيشين الەۋمەتتىك ءنومىرى ”新疆招生“ (ۋيشين ءنومىرى: xjzs140304 )، رەسمي ۋيشين بەينەجازبا پاراقشاسى ”新疆招生“ (بەينە جازبا پاراقشاسى ID：sph90jB7C9TBdMG) جاريالاعان ينفورماتسيالارعا قاداعالاي نازار اۋدارىپ، قاتىستى حابارلاندىرۋلاردىڭ مازمۇنىن مۇقيات وقىپ، ەمتيحان الۋ، وقۋشى قابىلداۋ ساياساتى ينفورماتسياسىن رەسمي ارنالاردان ۇعىسىڭىزدار، وقۋشى قابىلداۋ، قابىلداۋ جونىندەگى ءتۇرلى جالعان ۇگىتتەرگە سەنبەڭىزدەر، الدانۋدان ساقتانىڭىزدار.
مۇنان سىرت، ”新疆招生“ بەينەجازبا پاراقشاسى تاعى بۇكىل ەلدەگى جوعارى مەكتەپتەردىڭ وقۋشى قابىلداۋ ساياساتىن ءتۇسىندىرۋ ارناۋلى تاقىرىبىن ىركەس - تىركەس تاراتىپ، ەمتيحان بەرگەن وقۋشىلاردىڭ جوعارى مەكتەپتەردىڭ نەگىزگى جاعدايى، ەرەكشە ماماندىقتار، تاربيەلەۋ ۇلگىسى سياقتىلاردى ىشكەرىلەي تۇسىنۋىنە كومەكتەسەدى، نازار اۋدارىڭىزدار.
