انار بۇلت \ شينجياڭ گازەتىنىڭ ءتىلشىسى ياۋ گاڭ 6 - ايدىڭ 8 - كۇنى ۇرىمجىدەن حابارلايدى. 6 - ايدىڭ 8 - كۇنى اشىلعان 2026 - جىلعى شينجياڭ مادەنيەت جانە ساياحاتتى دامىتۋ جينالىسىنىڭ اقپار جاريالاۋ ماجىلىسىنەن ۇعىسۋىمىزشا، اۆتونوميالى رايوندىق حالىق ۇكىمەتى، شينجياڭ ءوندىرىس - قۇرىلىس بيڭتۋانى بىرلەسىپ ۇيىمداستىرعان 2026 - جىلعى شينجياڭ مادەنيەت جانە ساياحاتتى دامىتۋ جينالىسى 6 - ايدىڭ 16 - كۇنىنەن 18 - كۇنىنە دەيىن حوتان قالاسىندا وتكىزىلەدى ەكەن.
بۇل رەتكى جينالىستا ”شينجياڭ جاقسى جەر. ءان - كۇيىنە بار ۇلتتىڭ يۇيتيان سازى قوسقان ءۇن“ نەگىزگى تاقىرىپ بولىپ، شينجياڭعا كومەكتەسەتىن ولكە، قالالاردىڭ، شەكارا سىرتىنداعى ساياحات ساۋداگەرلەرىنىڭ، سونداي - اق ەل ىشىندەگى ايگىلى مادەنيەت - ساياحات كاسىپورىندارىنىڭ ۋاكىلدەرى جينالىسقا قاتىناسۋعا ۇسىنىس ەتىلەدى. جينالىستا ”N+1+1“ قيمىل جۇيەسى قولدانىلىپ، مادەنيەت جانە ساياحاتتى دامىتۋ جينالىسى، حالىقارالىق ساياحات ساۋداگەرلەرى جينالىسى جانە كوپتەگەن ەرەكشە سايكەستى سەزىنۋ قيمىلدارى ورنالاستىرىلادى. وسى ارالىقتا ”بەس جۇلدىز شىعىستان كوتەرىلدى“ اتتى ءبي تەاترى، «ءان - كۇيىنە بار ۇلتتىڭ يۇيتيان سازى قوسقان ءۇن» اتتى ەلىتە سەزىنۋ ۇلگىسىندەگى ونەر كورسەتۋ، يوتقان بايىرعى قالاسى مۋزيكا ساۋىعى سياقتى سارا ويىن - ساۋىق قيمىلدارى وتكىزىلەدى، سونىمەن ءبىر ۋاقىتتا 2026 - جىلعى مەملەكەتتىك مەملەكەت مەنشىگىندەگى مادەنيەت - ساياحات توپتارى كاسىپ سالاسى اۋىس - كۇيىسى جانە نىسان سەلبەستىگى كەڭەسى سياقتى 100دەن استام مادەنيەت، دەنە تاربيە، ساياحات ەرەكشە قيمىلدارى وتكىزىلەدى. جينالىس شينجياڭنىڭ 14 - ”بەسجىلدىقتاعى“ مادەنيەت - ساياحاتىنىڭ دامۋىنداعى سۇبەلى تابىستاردى جاپپاي ايگىلەپ، ”15 - بەسجىلدىقتاعى“ مادەنيەت - ساياحاتتى دامىتۋ جوباسىن عىلمي جوبالاپ، نازاردى مادەنيەت پەن ساياحاتتى ىشكەرىلەي توعىستىرۋعا، كاسىپ كۇيىندە جاڭالىق اشۋعا، ماركا جەتىلدىرۋگە شوعىرلاندىرىپ، ساياحات ارقىلى شينجياڭدى گۇلدەندىرۋ ستراتەگياسىنىڭ ىشكەرىلەي اتقارىلۋىنا ۇزدىكسىز دەم بەرىپ، شينجياڭنىڭ مادەنيەت - ساياحاتتا قۋاتتى رايون قۇرىلىسىنىڭ ساپاسىن جوعارىلاتىپ ونىمدىلىگىن ارتتىرۋدى ىلگەرىلەتەدى.
وسى رەتكى ءماجىلىستىڭ جارقىن تۇيىندەرى كورنەكتى، ەرەكشەلىگى ايقىن. حالىقارالىق اۋىس - كۇيىس دەڭگەيى ۇزدىكسىز كەڭەيىپ، 5 ۇلكەن قۇرلىقتاعى 31 ساپالى حالىقارالىق ساياحات ساۋداگەرىن ماجىلىسكە قاتىناسۋعا باۋراپ، شەكارادان كىرىپ ساياحاتتاۋعا قولايلىلىق جاساۋعا قاتىستى ساياساتتاردى جاريالاپ، مادەنيەت - ساياحات سەلبەستىگى بويىنشا شوعىرلى قول قويۋ قيمىلىن ورىستەتىپ، ”ءبىر بەلدەۋ، ءبىر جولدى“ بىرگە قۇرۋعا سۇيەنىپ مادەنيەت - ساياحات سالاسىنداعى حالىقارالىق سەلبەستىك پەن وركەنيەت اۋىس - كۇيىسىن، ءوزارا ۇلگى الۋىن تەرەڭدەتەدى. مادەنيەت پەن ساياحاتتى توعىستىرا دامىتۋدى تەرەڭدەي ىلگەرىلەتىپ، جينالىس كوپتەگەن ەرەكشەلىككە يە تەكسەرۋ جەلىلەرىن دەن قويا جوبالاپ، ساپالى جاراتىلىستىق كورىنىس، بەيزاتتىق مادەنيەت مۇرالارى، حوتان قاس تاسى مادەنيەتى سياقتى ەرەكشەلىككە يە بايلىقتاردى تۇتاستىرىپ، حالىقتىق سالت - سانانى سەزىنۋ، ەرەكشەلىككە يە ءدامدى تاعامداردى ساراپتاۋ سياقتى ەلىتە سەزىنۋ مازمۇندارىن سايكەستىرىپ، شينجياڭنىڭ تەرەڭ مادەنيەت قورى مەن وزگەشە مادەنيەت - ساياحات تارتىمدىلىعىن جان - جاقتى، كوپ تۇرعىدان ايگىلەيدى. سونىمەن بىرگە ءماجىلىس بيڭتۋان مەن جەرگىلىكتى ورىن بىرلەسىپ قيمىلداپ تانىستىرۋ، ءوزارا تاجىريبە اۋىستىرۋ، ءوزارا ۇلگى الۋ، سونداي - اق شينجياڭعا كومەكتەسەتىن ولكە، قالالار شينجياڭدى مادەنيەتپەن نارلەندىرۋدىڭ مول جەتىستىكتەرىن شوعىرلى كورسەتۋ سياقتى تاسىلدەر ارقىلى كوپ جاق سايكەسە كۇش سالىپ، شينجياڭنىڭ مادەنيەت - ساياحات كاسىپ سالاسىنىڭ جوعارى ساپالى دامۋىن بىرگە ىلگەرىلەتەدى.
