6 - ايدىڭ 1 - كۇنى مايتاۋ − كۇشار تاس جولىنان وتكەندە، تاۋدى جاعالاعان بۇراڭ - بۇراڭ جولداردىڭ قاتپارلانعان تاۋلار مەن دالا توسىنە قۇلاشىن كەڭ جايعانىنا كۋا بولدىق. جول جاعاسىندا بۇلاق سۋلارى تاۋ اڭعارىن بويلاي سىلدىراپ اعىپ جاتىر، تۇپ - تۇنىق وزەن سۋى كەڭ جايلاۋدىڭ توسىندە يرەلەڭدەي اعىپ، قيىر - قيىر تاۋلار دا جاسىل جەلەك جامىلعان. تۇڭكەلى قالىڭ قاراعاي كوككە بوي سوزىپ، وزەن جاعاسىنداعى قويۋ ورمان مەن كوكوراي شالعىن بارىنشا ايشىقتالا تۇسكەن.
تاۋ بوكتەرىنە كيز ۇيلەر شاشىراي ورنالاسىپ، اق كۇمبەزشەسى جاسىل دالانى بەزەندىرىپ، مال شارۋاشىلىق رايونىنىڭ سالت - ساناسىن تولىق ايگىلەدى. جول بويىنداعى كورىنىس تاماشالاۋ تەكشەسى ساياحاتشىلاردىڭ قىزۋ قارسى الۋىنا بولەنگەن ات بايلار ورنىنا اينالدى، ارلى - بەرلى وتكەن ساياحاتشىلار وسى ارادا دامىلداپ سۋرەتكە ءتۇسىپ، تاۋ - وزەن كورىنىسىن ەستەلىككە قالدىردى.
جول بويى كورىنىس جاڭالانىپ، وزەن - سۋ، تاۋ - ورمان، كوكوراي شالعىن، تۇرعىن ۇيلەر ءبىر - بىرىمەن توعىسىپ، قىسقا عانا جولدا سولتۇستىك شينجياڭنىڭ وزگەشە تاۋ - دالا كورىنىسى جيناقتالادى، مايتاۋ − كۇشار تاس جولى قۇبىلمالى كورىنىستەرىنە سۇيەنىپ، ءوز كولىگىمەن ساياحاتتاۋشىلاردىڭ باستى تالعامىنا اينالدى.
مايتاۋ − كۇشار تاس جولى بويىنىڭ كورىنىستەرى.
(كۇنەس اۋداندىق توعىسپالى مەديا ورتالىعىنىڭ تىلشىلەرى ايقىن ۇلانبەك، حۋاي جيچاۋ، لو حانجۇن)
