جانعا جايلى تاڭ ساۋلەسى بەتكەيدى ايمالاپ وتكەندە، قىزىل تۇلكىنىڭ ءبىر جاۋتاڭى سۇيكىمدى باسىن قىلتيتىپ شىعا كەلدى، ىلە - شالا، ەكىنشىسى، ءۇشىنشىسى... 5 - ايدىڭ 11 - كۇنى ساعات 7دەن 30 مينۋت وتكەندە، شينجياڭنىڭ قارامايلى قالاسى وڭتۇستىك قالا ماڭىنداعى قۇبا تۇزدەگى ءبىر ۇڭگىردىڭ ماڭىندا، قىزىل تۇلكىنىڭ بىرنەشە جاۋتاڭى اسىر سالىپ ويناپ ءجۇردى. ولاردىڭ كەيبىرى ءبىرىن - ءبىرى تىستەلەپ اڭ اۋلاۋ ونەرىنە جاتتىقسا، كەيبىرى اياعىنىڭ ۇشىمەن باسپالاپ شوشىنعان قۇستاردى قۋىپ ءجۇر، قوبىراعان قۇيرىقتارى تاڭ نۇرىندا التىن تۇستەس ءبىر - ءبىر دوعاشا سىزىق قالىپتاستىرىپ، جىم - جىرت ءشول دالانى تىرشىلىك تىنىسىنا بولەپ، جاز باسىنداعى جاپان دالانىڭ جان تەبىرەنتەرلىك ەكولوگيالىق كوركىنە اينالدى.
قىزىل تۇلكى مەملەكەتتىك 2 - دارەجەلى قورعالاتىن حايۋانات، حۇڭحۋ، حوحۋ دەپ تە اتالادى، ەت قورەكتىلەر ىشىندەگى ءيت تۇقىمداس تۇلكى تەكتەستەرگە جاتاتىن ءسۇت قورەكتى جايۋانات، سونىمەن قاتار، دەنە ءبىتىمى ەڭ ۇلكەن، تارالعان اۋماعى ەڭ كەڭ تۇلكى تەكتەسى، ونىڭ ەستۋ تۇيسىگى، ءيىس تۇيسىگى بارىنشا دامىعان، ارەكەتى شاپشاڭ، باستىسى جابايى تىشقان، جابايى قويان جانە كىشكەنتاي جابايى قۇستاردى ازىق ەتەدى، ۇڭگىرگە، جارتاستاردىڭ ساڭلاۋىنا جانە ءشول دالانىڭ ويپاڭدارىنا ۇيا سالعاندى ۇناتادى، جوڭعار ويپاتىنداعى ءشول دالانىڭ تىرشىلىك ورتاسىنا كەرەمەت ۇيلەسەدى.
(اۆتورى: مين يۇڭ، ۋاڭ شينحۋا، اۆتوردىڭ قىزمەت ورنى: قارامايلى قالالىق توعىسپالى مەديا ورتالىعى،قارامايلى قالالىق جابايى حايۋاناتتار مەن وسىمدىكتەردى قورعاۋ قوعامى)
