□ انار بۇلت \ شينجياڭ گازەتىنىڭ ٴتىلشىسى جاڭ رۇيلين
6 ـ ايدىڭ 13 ـ كۇنى تۇرپان قالاسىندا مي قايناعان ىستىق بولعانىمەن، گاۋچاڭ رايونى لاۋچىڭ جولى ٴمالىسى شينچۇن الەۋمەتتىك اۋماعىندا ادامدار ٴيىن تىرەسەدى. قىزىل انار· حۋناننان شينجياڭعا كومەككە كەلگەن ”ماۋ شيپاگەر“ ەمدەۋ اترەتىنىڭ قىزىل كەرمە تۋى ەرەكشە كوز تارتادى، اق حالات كيگەن ەمدەۋ ماماندارى ٴوز ورىندارىنا جايعاستى، حاباردى ەستي سالا جينالىپ ۇلگىرگەن تۇرعىندار ۇزىننان ـ ۇزاق قاتارعا تۇردى.
” ’ماۋ شيپاگەرلەر‘ تاعى دا كەلدى، ەسىگىمىزدىڭ الدىندا ـ اق ماماندارعا كورىنە الاتىن بولدىق، نەتكەن جان اشىرلىق“، ـ دەدى تۇرعىن اينيسا عوپۇر ريزالىقپەن.
بۇل حۋنان ولكەسىنىڭ 11 ـ توپتاعى ”ۇيىرمە قۇراۋ ۇلگىسىندە“ شينجياڭعا كومەكتەسۋ ەمدەۋ اترەتىنىڭ شينجياڭعا كەلگەننەن كەيىن باستاعان تۇڭعىش اقىسىز ەمدەۋى. سول كۇنى 300دەن استام بۇقارا ەسىك الدىندا ساپالى ەمدەۋ قىزمەت وتەۋىنەن يگىلىكتەندى.
مەيىرىمدى اتاۋ، تالاي جىل جالعاسقان حۋنان مەن تۇرپاننىڭ تەرەڭ سۇيىسپەنشىلىگى
تۇرپاندا ”ماۋ شيپاگەر“ دەگەن اتاۋ بەلگىلى ٴبىر ادامنىڭ لاقاپ اتى ەمەس، قايتا تۇرپانداعى ٴار ۇلت بۇقاراسىنىڭ ”ٴتوراعا ماۋ زىدۇڭنىڭ اۋىلىنان كەلگەن شيپاگەرلەرگە“ قويعان مەيىرىمدى اتاۋى.
سوڭعى جىلدارى ”ماۋ شيپاگەر“ ەمدەۋ اترەتى دە كوڭىل تولارلىقتاي جاۋاپ قايتاردى. ۇجىم 200دەن استام جاڭا تەحنولوگيا، جاڭا نىسان ورىستەتىپ، جەرگىلىكتى ورىنداعى كوپ ٴتۇرلى بوستىقتى تولتىردى؛ ”ماۋ شيپاگەر“ ەمدەۋ اترەتىنىڭ ”ناۋقاس كورىپ، جۇرەكتەردى نارلەندىرۋ“ نەگىزگى ساتىعا بارۋ ارەكەتىن ۇزدىكسىز ىلگەرىلەتىپ، 41 مىڭنان استام بۇقارانى (رەت) يگىلىككە كەنەلتتى؛ كوپتەگەن ”ايگىلى شيپاگەر قىزمەت كەڭسەسىن“ قۇرىپ، ”شيپاحانا ارقىلى ٴبولىمدى كوتەرمەگە الۋ“، ”ۇستاز شاكىرتتى جەتەكتەۋ“، ”جاس تىرەكتىلەر كۋرسى“، ”شاقىرىپ اكەلۋ، سىرتقا شىعارۋ“ سياقتى كوپ ٴتۇرلى فورمالار ارقىلى جەرگىلىكتى شيپاگەرلەر توپ ـ توبىمەن تەز جەتىلدى.
تۇرپان قالالىق حالىق شيپاحاناسى وسپە ـ قان اۋرۋلارى ٴبولىمىنىڭ شيپاگەرى لي مينحۇي بۇدان ايرىقشا تەرەڭ اسەر الدى. حۋناننان شينجياڭعا كومەككە كەلگەن ەمدەۋ ماماندارىنىڭ جەتەكشىلىگىندە، لي مينحۇي وسپەنى حيميالىق جولمەن ەمدەۋ، مولەكۋلالىق نىسانالى ەمدەۋ سياقتى تەحنولوگيالاردى جەتىك يگەردى ٴارى «ليمفا وسپەسىن يممۋنيتەتپەن ەمدەۋ جۇڭگو ماماندارىنىڭ ورتاق تانىمىن (2024 ـ جىلعى باسىلىمى)» رەداكسيالاۋعا قاتىناستى. ٴپىشان اۋداندىق حالىق شيپاحاناسى جالپىلىق سىرتقى اۋرۋلار ٴبولىمىنىڭ ورىنباسار مەڭگەرۋشىسى ۋاڭ يۇي حۋنان ولكەسى حىڭياڭ قالاسىنا ٴبىلىم اسىرۋعا بارعان كەزدە، كوپتەگەن كۇردەلى ناۋقاسقا بىرلەسىپ دياگنوز قويۋعا قاتىناستى، بۇل ونىڭ بۇرىنعى تەحنولوگيالىق كەدەرگىلەردى تەز ارادا بۇزىپ، ۇيرەنۋشىدەن وپەراتسيا جاساۋشىعا دەيىنگى سەكىرۋدى جۇزەگە اسىرۋىنا مۇمكىندىك جاسادى، بۇگىنگى تاڭدا قۇرساق قۋىسى ايناسىمەن توق ىشەك راگىن تۇبەگەيلى ەمدەۋ وپەراتسياسىن دەربەس جاساي الاتىن بولدى.
كولەڭكەسىز شامنىڭ استىندا ومىرگە اراشاشى بولۋدان نەگىزگى ساتىدا اقىسىز ەمدەۋگە دەيىنگى اياق الىس توقتامادى، دالمە ـ ٴدال كومەكتەسىپ، سۇيەمەلدەپ ٴبولىمنىڭ ناقتى قۋاتىن جوعارىلاتۋدان جەرگىلىكتى دارىندىلاردى بار كۇشپەن تاربيەلەۋگە دەيىن ”ماۋ شيپاگەر“ تەحنولوگيا الا كەلۋمەن بىرگە، ونان دا ماڭىزدىسى، ”الىپ كەتۋگە كەلمەيتىن ەمدەۋ اترەتىن“ قالدىرىپ، تۇرپاننىڭ ەمدەۋ ىستەرىنىڭ ۇزاق بولاشاقتىق دامۋىنا نەگىز قالادى.
ۇرپاقتار بويى جالعاسىپ، جاڭا ٴبىر توپ ”ماۋ شيپاگەر“ ۇتىلامالى تاياقشانى قولعا الىپ جۇمىسقا كىرىستى
2026 ـ جىلى 5 ـ ايدىڭ 31 ـ كۇنى حۋنان ولكەسىنەن 11 ـ توپتا شينجياڭعا كومەككە كەلگەن كادر ـ دارىندىلار تۇرپانعا كەلىپ، جاڭا ٴبىر توپ ”ماۋ شيپاگەر“ شينجياڭعا كومەكتەسۋ ۇتىلامالى تاياقشاسىن قولدارىنا الدى.
57 ادامنان قۇرالعان وسى ۇجىم نەرۆ ىشكى اۋرۋلار ٴبولىمى، جۇرەك ـ قان تامىر ىشكى اۋرۋلار ٴبولىمى، وسپە اۋرۋلارى ٴبولىمى، ايەلدەر اۋرۋلارى ٴبولىمى، بالالار ٴبولىمى سياقتى كوپتەگەن ٴتۇيىندى پاندەردى قامتىدى. 3 جىل ۋاقىت ىشىندە ولار جەكە ـ جەكە تۇرپان قالالىق حالىق شيپاحاناسىنا، گاۋچاڭ رايوندىق حالىق شيپاحاناسىنا، ٴپىشان اۋداندىق حالىق شيپاحاناسىنا، توقسۇن اۋداندىق حالىق شيپاحاناسىنا، شينجياڭ ٴوندىرىس ـ قۇرىلىس بيڭتۋانى 12 ـ شى 221 ـ تۋانىنىڭ جۇمىسشى ـ قىزمەتكەرلەر شيپاحاناسىنا بارىپ كومەكتەسۋ ـ سۇيەمەلدەۋ قىزمەتىن باستايدى.
تىزىمدەلگەن كۇنى ەمدەۋ اترەتى ”شيپاحاناعا جەتىسىمەن قىزمەت ورنىنا جايعاسۋ“ سىندى كۇرەسكەرلىك بەينەنى ايگىلەدى. جۇرەك ىشكى اۋرۋلار ٴبولىمىنىڭ ماماندارى شيپاحاناعا كىرگەن كۇنى ـ اق 8 رەت ينتەرۆ تۇتىك جۇرگىزۋ وپەراتسياسىن جاسادى؛ كۇتىمدەۋدى باسقارۋ ماماندارى قىزمەتكە شىققان العاشقى كۇنى بۇكىل شيپاحاناداعى بولىمدەردى ارالاپ جاعدايدى ۇعىستى؛ جۇرەك ـ قان تامىر سىرتقى اۋرۋلار ٴبولىمىنىڭ ماماندارى دامىل تاپپاي ٴپىشان اۋداندىق حالىق شيپاحاناسىنا بارىپ، تۋما جۇرەك اۋرۋىن تەكسەرۋ بارىسىندا جۇمىس ولشەمى بىركەلكى بولماۋ، كاسىپتىك تۇجىرىم جاساۋ دالمە ـ ٴدال بولماۋ سياقتى ماسەلەلەر جونىندە ناقتى وقىتۋ جۇرگىزىپ، ولشەمدەنگەن جۇمىس ٴتارتىبىن سالالادى. ”ٴتىپتى دە كوپ ناۋقاس بالانىڭ ٴۇيىنىڭ ماڭىندا دەر كەزىندە ەمدەلۋىنە مۇمكىندىك جاسايمىز“، ـ دەدى حۋناننان شينجياڭعا كومەككە كەلگەن جۇرەك ـ قان تامىر سىرتقى اۋرۋلار مامانى لو جيا ـ ۋىن.
قىزمەتكە شىققان كۇننىڭ ەرتەڭىندە ەمدەۋ اترەتى تۇرپان قالالىق حالىق شيپاحاناسىنىڭ ICUىندا ەكى رەت قيىن، سالماقتى، كوپ ٴپاندى بىرلەسىپ دياگنوز قويۋ ۇيىمداستىرىپ، بىرنەشە مامان بىرلەسىپ قامال الدى. ”شينجياڭعا كومەكتەسۋ ٴبىر رەتكى بورىشتىڭ ۇندەۋى، سونداي ـ اق شيپاگەرلەردىڭ اۋەلگى ماقسات امالياتى“. حۋناننان شينجياڭعا كومەككە كەلگەن نەرۆ ىشكى اۋرۋلار ٴبولىمىنىڭ مامانى شياۋ حاننىڭ ٴسوزى بارلىق ”ماۋ شيپاگەردىڭ“ جۇرەك ٴۇنىن جەتكىزدى.
”ماۋ شيپاگەردىڭ“ تۇڭعىش اقىسىز ەمدەۋى ۇنەمى قولدانىلاتىن 10 نەشە ادەتتەگى اۋرۋلار ٴبولىمى مامانىنىڭ وتىرىپ ناۋقاس كورىپ دياگنوز قويۋىن قامتۋدان سىرت، بەس ٴتۇستى ”سالاماتتىقتى جەبەۋ رەتسەبىن“ جاسامپازدىقپەن ورتاعا قويدى، قىزىل ٴتۇس جۇرەك قورعايدى، كوك ٴتۇس قىسىمدى تۇراقتاندىرادى، جاسىل ٴتۇس تىنىس الۋدى ىركىلىسسىزدەندىرەدى، قىزعىلت سارى ٴتۇس اسقازاندى قورعايدى، كۇلگىن ٴتۇس قانتتى تۇراقتاندىرادى، تۇرلىشە تۇستەگى بەس رەتسەپ ەڭ قاراپايىم تىلمەن اۋرۋدىڭ الدىن الۋ جانە كۇندەلىكتى باسقارۋ ـ تىزگىندەۋ بىلىمدەرىن تۇسىندىرەدى. سول ورىندا تاعى كوپ كەزىگەتىن اۋرۋلاردى، شۇعىل، قاتەرلى، سالماقتى اۋرۋلاردى ارقاۋ ەتىپ، سالاماتتىق جونىندە لەكسيا ورنالاستىرىپ، اۋرۋدى ەرتە پارىقتاۋ سيگنالىن تاقپاق ەتىپ، تۇرعىنداردىڭ ەستە ساقتاۋىنا قولايلىلىق جاسادى. سونىمەن بىرگە شينجياڭعا كومەككە كەلگەن ماماندار جەرگىلىكتى نەگىزگى ساتى ەمدەۋ قىزمەتكەرلەرىمەن ىشكەرىلەي پىكىر اۋىستىرىپ، اۋرۋ جاعدايىن سۇراۋ شەبەرلىگىنەن ٴدارى ىستەتۋ ولشەمىنە دەيىن بار كۇشىن سالىپ ۇيرەتتى.
”كەلەسى قادامدا، ٴبىز نەگىزگى ساتىداعى حالىققا ٴتيىمدى ەمدەۋ قىزمەت وتەۋىن ۇدايىلاندىرىپ ورىستەتىپ، مەيىر سيلاۋ قىزمەت وتەۋى ارقىلى حالىق تۇرمىسىنىڭ قۇت ـ ىرىسىن ارتتىرامىز“، ـ دەدى حۋنان ولكەلىك وسپە اۋرۋلارى شيپاحاناسىنىڭ ورىنباسار باستىعى، تۇرپان قالالىق حالىق شيپاحاناسىنىڭ باستىعى وۋ ياڭيۇي.
ايگىلى ماركا جاراتۋعا كۇش سالىپ، جالپى تىزبەكتە سالاماتتىقتى قورعاۋدى تۇلعالادى
حۋناننان شينجياڭعا كومەككە كەلگەن جاڭا ٴبىر توپ ەمدەۋ اترەتىنىڭ قاراۋىنشا، ”ماۋ شيپاگەر“ ماركاسىن جالعاستىرۋ بۇرىنعى قىزمەت وتەۋدى جالعاستىرۋ عانا ەمەس، تىپتەن، ٴىس جۇزىندىكتى تياناق ەتىپ، دەڭگەيىن ٴوسىرىپ دارەجەسىن جوعارىلاتۋ بولىپ تابىلادى. الداعى 3 جىلداعى ”كۇش جالعاۋ“ جوسپارىن تىلگە تيەك ەتكەندە، وۋ ياڭيۇي مىنالاردى ٴبىلدىردى: ”ساقتانۋ ـ سارالاۋ ـ دياگنوز قويۋ ـ ەمدەۋ ـ سالاماتتىق“ تۇتاس تىزبەگى بويىنشا قىزمەت وتەۋدى تۇتاستىرامىز. تۇرپاندا ٴجيى تۋىلاتىن جۇرەك، مي قان تامىر اۋرۋلارى سياقتى اۋرۋلارعا مەڭزەس، جاڭا ٴبىر توپ ”ماۋ شيپاگەر” “ويداعىداي ەمدەۋمەن“ قاناعاتتانىپ قالماي، تىپتەن، ”ساقتانۋعا“ كۇش سالىپ، ”سالاماتتىق ۇلكەن ساباقحاناسىن“ ۇدايىلاندىرىپ اشىپ، بۇقارا تۇسىنە الاتىن تىلمەن سالاماتتىق ۇستانىمىن جۇرەكتەرگە ۇيالاتادى.
ٴپىشان اۋدانى، توقسۇن اۋدانى، گاۋچاڭ رايونى جانە بيڭتۋان 12 ـ شىسى 221 ـ تۋانى سياقتى كومەككە يە بولعان جەرلەردەگى شيپاحانالارمەن بىرلەسىپ وڭىرلىك ەمدەۋ بىرلەستىگىن قۇرىپ، ساپالى ”ماۋ شيپاگەر“ بايلىعىنىڭ اۋدان، قالادا عانا قالىپ قالماي، تىپتەن، اۋىل ـ قالاشىقتارعا، قىستاقتارعا دا ۇدايى جەتۋىنە مۇمكىندىك جاسادى. ”ۇستاز شاكىرت تاربيەلەۋ“ مەن شيپاحانانى باسقارۋدا جاڭالىق اشۋدى تەرەڭدەتىپ، حۋناننىڭ وزىق باسقارۋ ۇستانىمىن ەنگىزىپ، ەمدەلۋ ٴتارتىبىن ساپالىلاندىرىپ، بۇقارانىڭ ەمدەلۋ اسەرىن جاقسارتتى. سونىمەن بىرگە AI كومەكشى ەمدەۋ سياقتىلاردى جەرگىلىكتەندىرىپ قولدانۋدى جەدەل ىلگەرىلەتىپ، بۇقارانىڭ ەسىك الدىندا ”ناۋقاس كورسەتىپ“ قانا قويماي، ونان دا ماڭىزدىسى، ”ناۋقاسىن ويداعىداي كورسەتۋىنە“ مۇمكىندىك جاسايدى.
شياڭجياڭ وزەنىنىڭ جاعاسىنان تيانشان تاۋىنىڭ ەتەگىنە دەيىن توپ ـ توپ ”ماۋ شيپاگەر“ مەيىرباندىقپەن بورىش ارقالاۋعا اتتانىپ، ناقتى ٴىس ىستەۋ ارقىلى اۋەلگى ماقساتتى امالياتتا ايگىلەدى. حۋنان ولكەسىنىڭ 11 ـ توپتا شينجياڭعا كومەكتەسۋ ەمدەۋ اترەتى ”ماۋ شيپاگەر“ ماركاسىن ۇزدىكسىز جارقىراتىپ، ارالاپ دياگنوز قويۋ، تەگىن ەمدەۋ، تەحنولوگيا ارقىلى جەتەكشىلىك ەتۋ، سالاماتتىق عىلىمىن جالپىلاستىرۋ سياقتى قىزمەتتەردى ۇدايىلاندىرىپ ورىستەتىپ، ىسىلعان شيپاگەرلىك ونەرىمەن ٴار ۇلت بۇقاراسىنىڭ سالاماتتىعىن قورعاپ، حۋنان − تۇرپاننىڭ ەمدەۋ ارقىلى شينجياڭعا كومەكتەسۋ ىستەرىنىڭ مەيىرگە تولى جاڭا تاراۋىن ۇزدىكسىز جازادى.
