6 - ايدىڭ 22 - كۇنى وسى كەزەكتى كورمەنىڭ كورمە ورنالاستىرۋ قىزمەتى ەڭ سوڭعى شەشۋشى كەزەڭگە ءوتتى. سۋرەتتە: قۇرىلىس جۇرگىزۋشىلەر بايىنعولين موڭعۇل اۆتونوميالى وبلىسىنىڭ كورمە تۇعىرىندا قۇراستىرۋ جۇمىسىن جۇرگىزۋدە.
□سۋرەتتى انار بۇلت شينجياڭ گازەتىنىڭ ءتىلشىسى زوۋ - ي تۇسىرگەن
انار بۇلت \ شينجياڭ گازەتىنىڭ ءتىلشىسى حي حۇڭۋي 6 - ايدىڭ 22 - كۇنى ۇرىمجىدەن حابارلايدى. 9 - كەزەكتى جۇڭگو − ازيا − ەۆروپا كورمەسى 6 - ايدىڭ 25 - كۇنىنەن 29 - كۇنىنە دەيىن ۇرىمجىدە وتكىزىلەدى. 6 - ايدىڭ 22 - كۇنى ءتىلشى شينجياڭ حالىقارالىق ءماجىلىس - كورمە ورتالىعىندا ءارقايسى كورمە اۋماقتارىنىڭ تۇلعالىق قۇرىلىمى ورنالاستىرىلىپ بولعاندىعىن، ءارقايسى كورمە ورىندارىنداعى قىزمەتكەرلەردىڭ كورمە تۇعىرىن اشەكەيلەپ جاتقاندىعىن كوردى.
كورمە ورنالاستىرۋ قۇرىلىسى جاعىندا، وسى كەزەكتى كورمەنىڭ كورمە تۇعىرىنىڭ ارنايىلانۋ دەڭگەيى كورنەكتى جوعارىلادى. قازىر تۇتاس الاڭداعى ەرەكشە اشەكەيلەنگەن كورمە تۇعىرىن قۇرۋ قىزمەتى نەگىزىنەن اياقتادى، ەرەكشە اشەكەيلەنگەن كورمە تۇعىرىنىڭ سالىستىرماسى ％86كە جەتىپ، الدىڭعى كەزەكتى كورمەدەن 9 پايىز جوعارىلادى، الاڭ - سارايلاردىڭ جالپى تۇلعالىق ساپاسى، ايگىلى ماركا كورسەتۋ ونىمدىلىگى كورنەكتى جوعارىلادى. قازىرگى كەزەڭدە كورمە ورىندارى كورمە بۇيىمدارىنىڭ ۇلگىسىن الاڭعا كىرگىزىپ ورنالاستىرۋ قىزمەتىن جاپپاي ىلگەرىلەتۋدە.
كورمە ورنالاستىرۋ قىزمەتىنىڭ جوعارى ءونىمدى، ءتارتىپتى ىلگەرىلەۋىن قامتاماسىز ەتىپ، ءتۇرلى كورمە بۇيىمدارىنىڭ ۋاعىندا الاڭعا ءساتتى كىرۋىنە شىنايى كەپىلدىك ەتۋ ءۇشىن، كورمە ۇيىمداستىرۋ القاسى قاتىناس، زات اينالىمى سياقتى كوپتەگەن تاراۋلارمەن بىرلەسىپ ءبىر تۇتاس سەلبەسىپ، كورمە بۇيىمدارىن تاسىمالداۋدىڭ جاسىل ارناسىن ارنايى اشىپ، كورمە بۇيىمدارىن بۇكىل ەلدىڭ جەر - جەرىنەن جانە شەكارا سىرتىنان ۇرىمجىگە توتە جەتكىزىلەتىن زات اينالىمى تەز قارقىندى ارناسىن اشىپ، كورمە ورنالاستىرۋ اياق الىسىنىڭ ىقپالعا ۇشىراماۋىن جان - جاقتى قامتاماسىز ەتتى.
ۇعىسۋعا قاراعاندا، وسى كەزەكتى كورمەدە ”ءبىر ساراي، كوپ اۋماق“ سىندى شىت جاڭا ارنايىلانعان ورنالاستىرۋ جاسامپازدىقپەن قولدانىلعان، جالپى وڭىرلىك كورمە اۋماعى شامامەن 140 مىڭ شارشى مەتر بولىپ، قارجى قوسۋ سەلبەستىگى، جاڭاشا وندىرگىش كۇش، ەرەكشەلىككە، باسىمدىققا يە كاسىپ سالالارى، جاسىل دامۋ، مادەنيەت پەن ساياحاتتى توعىستىرۋ، جىبەك جولى سەلبەستىگى سىندى 6 ۇلكەن ارناۋلى اۋماق ەگجەي - تەگجەيلى ورنالاستىرىلعان.
قازىر 27 مەملەكەت پەن ءوڭىردىڭ جانە حالىقارالىق ۇيىمنىڭ كورمەگە قاتىناساتىندىعى تۇراقتاندىرىلدى، مۇنىڭ ىشىندە اراب بىرىككەن امىرلىگى، كورەيا، رەسەي، تايلاند سىندى 4 مەملەكەت تۇڭعىش رەت كورمە اشىپ، ءوز ەلدەرىنىڭ ەرەكشەلىككە، ابزالدىلىققا يە كاسىپ سالالارىن، ايگىلى، ساپالى تاۋارلارىن جانە شارۋاشىلىق - ساۋدا ورتاسىن شوعىرلى كورسەتەدى؛ ەل ىشىندە 31 ولكە، اۆتونوميالى رايون، توتە قاراستى قالا جانە شينجياڭ ءوندىرىس - قۇرىلىس بيڭتۋانىنان، اۆتونوميالى رايونداعى 14 ايماق، وبلىس، قالادان 2000نان استام كاسىپورىن مەن قۇرىلىمنىڭ كورمەگە قاتىناساتىندىعى تۇراقتاندىرىلدى؛ سونىمەن بىرگە 24 ولكە، اۆتونوميالى رايون، توتە قاراستى قالا جانە شياڭگاڭ، اۋمىن رايوندارى قارجى قوسۋ سەلبەستىك كورمە اۋماعىن ارنايى قۇردى، ەلىمىزدىڭ ءارقايسى وڭىرلەرىنىڭ كاسىپ سالاسىنىڭ دامۋ جەتىستىكتەرىن جانە جوعارى دەڭگەيدەگى سىرتقا ەسىك اشۋ وبرازىن جان - جاقتى كورسەتەدى.
