9-كەزەكتى جۇڭگو — ازيا - ەۆروپا كورمەسىنىڭ اشىلۋ قارساڭىندا، قالا تۇرعىندارىنىڭ كورمەنى تاماشالاۋ، ساۋداگەرلەردىڭ كورمەگە قاتىناسۋ ءجۇرىس - تۇرىس قاجەتىن قامتاماسىز ەتۋ ماقساتىمەن، ءۇرىمجى قالالىق قاتىناس تاراۋلارى بۇيىرتىپ جاساتىلعان رايون اتتاعان 4 الەۋمەتتىك قاتىناس ارناۋلى جەلىسى مەن 2 جاقىن ارالىققا قاتىنايتىن جول جەلىسىن اشتى.
6 - ايدىڭ 23 - كۇنى، ٴۇرىمجى الەۋمەتتىك قاتىناس توبى جۇمىس جۇرگىزۋگە قىزمەت وتەۋ ٴبولىمىنىڭ باستىعى جوۋ جينرۇي بىلاي دەپ تانىستىردى: وسى رەت اشىلعان بۇيىرتىپ جاساتىلعان 4 الەۋمەتتىك قاتىناس ارناۋلى جەلىسى شۇيموگوۋ رايونى، سايباق رايونى، جوعارى، جاڭا تەحنولوگيالىق كاسىپ سالالارىن اشۋ رايونى (جاڭا قالا رايونى) ، ميدۇڭ رايونى سىندى 4 قالا رايونىمەن قاتار، ءارقايسى ٴتۇيىندى اۋماقتار مەن شينجياڭ حالىقارالىق ءماجىلىس - كورمە ورتالىعىنىڭ وزەكتى اۋماقتارىن قامتىعان بولىپ، قالا تۇرعىندارىنىڭ بارىپ - قايتۋى مەن اينالىپ ءجۇرۋ، كولىك اۋىستىرۋ اۋرەشىلىگىن ٴونىمدى تۇردە ازايتاتىن بولادى.
بۇيىرتىپ جاساتىلعان الەۋمەتتىك قاتىناس ارناۋلى لەنياسىنىڭ بەلەت باعاسى 5 يۋان بولىپ، جەلىدە الدىن الا كەلىسىپ كولىككە وتىرۋعا بولادى. مۇندا قالا تۇرعىندارىنىڭ جەلىدەن تىس قاتارعا تۇرۋىنىڭ قاجەتى جوق، ”ٴۇرىمجى الەۋمەتتىك قاتىناس توبىنىڭ“ ۋيشين الەۋمەتتىك نومىرىنە نازار اۋدارىپ، تىزىمدەۋ تاقتاسىنداعى ”زەردەلى الەۋمەتتىك قاتىناس − ينتەرنەتتە كەلىسەتىن الەۋمەتتىك قاتىناس − كورمەنىڭ بۇيىرتىپ جاساتىلعان ارناۋلى جەلىسى“ ارناۋلى ارناسى ارقىلى جەلىنىڭ باعىتى، ايالدامانىڭ ورنى سياقتىلاردى دەر كەزىندە تەكسەرۋىنە، سونداي-اق جەلىدە تۇرىپ كولىككە وتىرۋ ورىنىن كەلىسۋگە دە بولادى.
سونىمەن قاتار، ارالىققا قاتىنايتىن 2 ارناۋلى جول جەلىسى ورنالاستىرىلىپ، 1 - ارالىققا قاتىنايتىن جول جەلىسى حۇڭگۋاڭشاننان (لۇيچىڭ الاڭى) كورمە ورتالىعىنا دەيىن، 2 - ارالىققا قاتىنايتىن جول جەلىسى ءماجىلىس - كورمە داڭعىلىنان (فىڭچي كوشەسىنىڭ ءتۇيىلىسى) كورمە ورتالىعىنا دەيىن قاتىناپ، اۆتوكولىك اينالمالى قاتىنايدى، كۋالىگى بارلار مەن بەلەت ساتىپ العاندار كورمە ورتالىعىنىڭ سولتۇستىك قاقپاسىنا، باتىس قاقپاسىنا، وڭتۇستىك قاقپاسىنا توتە بارۋىنا بولادى، بۇل كورمەنى تاماشالاۋداعى قاتىناۋ ونىمدىلىگىن بارىنشا جوعارىلاتادى.
اقىسىز كولىككە وتىرۋ ساياساتى قاتار اتقارىلادى. جوۋ جينرۇي بىلاي دەدى: كورمەگە قاتىناسقان ساۋداگەرلەر، كاسىپتىك كورەرمەندەر، شەكارا سىرتىنان كورمەگە كەلگەن ساۋداگەرلەر، سيلى قوناقتار، قوناقتار، شەكارا سىرتىنان كەلگەن قوناقتار، ۋاكىلدەر، شەكارا سىرتىنان كەلگەن مەديا تىلشىلەرى، شەكارا سىرتىنان كەلگەن ساتىپ الۋشى ساۋداگەرلەر سياقتى 9 ٴتۇرلى كۇشكە يە كۋالىكتەرى بار قىزمەتكەرلەر بۇكىل قالاداعى الەۋمەتتىك اۆتوبۋس، BRT، مەترو جانە بۇيىرتىپ جاساتىلعان 4 ارناۋلى جول جەلىلەرىنە تەگىن وتىرۋىنا بولادى؛ وسى كەزەكتى كورمەنىڭ سول كۇنگى ەسىك بەلەتى بارلار بۇيىرتىپ جاساتىلعان 4 ارناۋلى جول جەلىسى مەن 2 جاقىن وتكەلدى ارناۋلى جول جەلىسىنە تەگىن وتىرۋىنا بولادى.
ارناۋلى جول جەلىلەرىنىڭ قاتىناۋ ۋاقىتى: 6-ايدىڭ 25-كۇنىنەن 29-كۇنىنە دەيىن، ٴار كۇنى ساعات 10:00نان 20:00گە دەيىن.
