6 - ايدىڭ 22 - كۇنى قاۋىنشىلار قۇمىل قاۋىنىن سارالاۋدا. سۋرەتتى پىڭ شيڭلي تۇسىرگەن
تيانشان تورى - شينجياڭ گازەتىنىڭ حابارى (ءتىلشى ساي زىڭلى حابارلايدى) قازىر قۇمىل قاۋىنىنىڭ جيىن - تەرىن مەزگىلى، قۇمىل قالاسى يجوۋ رايونى نانحۋ اۋىلىنىڭ ون مىڭ مۋدان استام قاۋىندىعى قاربالاس كۇيگە ءتۇستى. تەمپەراتۋرانىڭ بىرتىندەپ جوعارىلاۋىنا بايلانىستى جەرگىلىكتى ورىننىڭ قۇمىل قاۋىنى تولىسۋ مەزگىلىنە ءوتتى، قاۋىنشىلار جيناپ الۋ، سۇرىپتاۋ، قوراپتاۋ، ماشيناعا تيەۋ جۇمىسىمەن قاربالاستادى، قوراپ - قوراپ ءدامى ءتىل ۇيرەتىن قۇمىل قاۋىندارى ىركەس - تىركەس تۇتاس ەلىمىزدىڭ جەر - جەرىنە جونەلتىلىپ، جازعى بازارعا ”بال ءدام“ سيلادى.
6 - ايدىڭ 22 - كۇنى قاۋىنشىلار قۇمىل قاۋىنىن قوراپتاۋدا. سۋرەتتى پىڭ شيڭلي تۇسىرگەن
سوڭعى جىلدارى نانحۋ اۋىلى وزگەشە جاراتىلىستىق شارت - جاعدايى ارقىلى قۇمىل قاۋىنى ەرەكشە كاسىپ سالاسىن كۇش سالا دامىتتى. ءداستۇرلى ساۋدالاۋداعى قيىن ماسەلەنى شەشۋ ءۇشىن، جەرگىلىكتى قاۋىنشىلار جانە اۋىل شارۋاشىلىق سەلبەستىك كووپەراتيۆى ۇزاق مەرزىمدىك زاكازبەن ساتىپ الۋ ۇلگىسى جونىندە بەلسەنە ىزدەنىس جاسادى. ءار جىلى ەگۋدەن بۇرىن سەلبەستىك كووپەراتيۆى بۇكىل ەلدىڭ جەر - جەرىندەگى قاۋىن ساۋداگەرلەرىمەن جىلدىق ساتىپ الۋى توقتامىن جاساسىپ، ساتىپ الۋ ولشەمى مەن باعاسىن ايقىندادى. جيناپ الۋ مەزگىلىندە سەلبەستىك كووپەراتيۆى جەمىستىڭ ساپاسىن قاتاڭ مەڭگەردى، قاۋىن ساۋداگەرى دەر شاعىندا ۋاعدا بويىنشا ساتىپ الدى. وسىنداي ورنىقتى سەلبەستىك مەحانيزمى قاۋىنشىلاردىڭ كوڭىلىن ورنىقتىرۋمەن قاتار، جەرگىلىكتى ورىنداعى قۇمىل قاۋىنىنىڭ ساتىلىمى مەن ونىمدىلىگىن جىل سايىن ورنىقتى جوعارىلاتتى.
6 - ايدىڭ 22 - كۇنى قاۋىنشىلار قۇمىل قاۋىنىن سۇرىپتاۋدا. سۋرەتتى جاڭ يۇيفىڭ تۇسىرگەن
قۇمىل قالاسى يجوۋ رايونى نانحۋ اۋىلىنداعى اۋىل شارۋاشىلىق ونىمدەرى كاسىپتىك سەلبەستىك كووپەراتيۆىنىڭ جاۋاپتىسى جاۋ حۇڭيۋان بىلاي دەپ تانىستىردى: كەزەكتە نانحۋ اۋىلىنىڭ قۇمىل قاۋىنى ەگىمشىلىك اۋماعى ون مىڭ مۋدان استى، ونىڭ ىشىندە سەلبەستىك كووپەراتيۆىنىڭ 4000 مۋ جاسىل ازىق - تۇلىك انىقتاماسىن العان ەگىمشىلىك بازاسى بار. ولشەمدەنگەن ەگىمشىلىك پەن عىلمي باپتاۋدىڭ ارقاسىندا بيىلعى قۇمىل قاۋىنىنىڭ ساپاسى جاقسى بولدى، مەجەمەن جالپىلاي سىرتقا ساتىلعان مولشەرى 10 مىڭ توننادان اسادى.
6 - ايدىڭ 22 - كۇنى قاۋىنشىلار جاڭا ۇزىلگەن قۇمىل قاۋىنىن تاسۋدا. سۋرەتتى ياڭ ايلي تۇسىرگەن
ساپاسىنىڭ تاڭداۋلى بولۋى بازارىنىڭ كەڭ بولۋىنىڭ ”التىن كىلتى“ ىسپەتتى. ۇزاق جىل بويى جەر - جەردى ارالاپ قاۋىن - قاربىز جيناعان جياڭشيلىق قاۋىن ساۋداگەرى ياۋ فۋ نانحۋ اۋىلىنىڭ قۇمىل قاۋىنىنا تامسانىپ وتىر. ول مىنانى ءبىلدىردى: تۇتاس ەل كولەمىندە قۇمىلدىڭ وزىندە وندىرىلەتىن قۇمىل قاۋىنىنىڭ ساپاسى بۇكىل ەل بويىنشا الدىڭعى قاتاردا تۇرادى، تۇتىنۋشىلاردىڭ القاۋىنا بولەنىپ وتىر. سوندىقتان ول ءار جىلى قۇمىلدان 100دەن اسا كولىككە تيەپ قۇمىل قاۋىنىن ساتىپ الادى، باستىسى گۋاڭدۇڭ، گۋاڭشي سياقتى كوپ جەرلەردىڭ بازارىنا ساۋدالايدى.
6 - ايدىڭ 22 - كۇنى قاۋىنشىلار قۇمىل قاۋىنىنا جارعاق كيگىزۋدە. سۋرەتتى جاڭ يۇيفىڭ تۇسىرگەن
اتىز باسىنان تۇتاس ەلدىڭ اس ۇستەلىنە دەيىن جول تارتقان نانحۋ اۋىلىنىڭ قۇمىل قاۋىنى تۇتىنۋشىلاردىڭ تاڭدايىندا قالۋمەن قاتار، جەرگىلىكتى ورىنداعى قاۋىنشىلاردىڭ قالتاسىن قامپيتتى. ”سەلبەستىك كووپەراتيۆى + ەگىنشى وتباسى + تاپسىرىس“ ۇلگىسى ارقىلى، قۇمىل قاۋىنى كاسىپ سالاسى جەرگىلىكتى ورىننىڭ اۋىل - قىستاقتى گۇلدەندىرۋ، شارۋالاردىڭ كىرىسىن ارتتىرۋداعى ”ءنارلى قوزعالتقىشقا“ اينالدى.
