6 ـ ايدىڭ 27 ـ كۇنى بالىق اۋلاۋ ماۋسىمى باستالعان كۇنى 18 كيلوگرامدىق باس بالىق ٴدوڭماڭداي بالىق كوپ رەت باسەكەلەستىرە ساتىلىپ، ەڭ سوڭىندا 99 مىڭ 900 يۋانعا ساتىلدى.
تيانشان تورى - شينجياڭ گازەتىنىڭ حابارى (سۋرەتىن ءتۇسىرىپ، حابارىن جازعان ۋاڭ ليحۋا). 6 - ايدىڭ 27 - كۇنى جىبەك جولى تاۋ - سۋى، كورىكتى بايىنعولين وبلىسى شينجياڭ باعراش كولى 19 - كەزەكتى بالىق اۋلاۋ ماۋسىمى داحىكوۋ كورىنىس وڭىرىندە رەسمي باستالدى، جەر - جەردەگى ساياحاتشىلار كول بويىندا باس قوسىپ، ەكولوگيا، سالت - سانا، ٴدامدى تاعامداردى توعىستىرعان جازعى مادەنيەت - ساياحات سالتاناتىن بىرگە وتكىزدى.
6 ـ ايدىڭ 27 ـ كۇنى باعراش كولى 19 ـ كەزەكتى بالىق اۋلاۋ ماۋسىمى داحىكوۋ كورىنىس وڭىرىندە اشىلدى.
اشىلۋ سالتىندا ساۋىردىن ٴبيى، جاڭگىر جىرى سياقتى ۇلتتىق سالت ـ سانا نومىرلەرى ىركەس ـ تىركەس قويىلىپ، بەيزاتتىق مادەنيەت ونەرپازدارى ەرەكشە ونەر كورسەتۋ ارقىلى باعراش كولىنىڭ گۋمانيتارلىق نەگىزىن ايگىلەپ، ساياحاتشىلاردىڭ جاقسى باعاسىنا يە بولدى. وسى كەزەكتى بالىق اۋلاۋ ماۋسىمى قيمىلى قىزعىندى بولىپ، الىپ تور ارقىلى بالىق اۋلاۋ، باس بالىقتى باسەكەلەستىرە ساتۋ، جەلكەندى كەمە جارىسى، 10 مىڭ ادامدىق بالىق قوناعاسىسى، ۇيشە كولىكتەردىڭ دالادا تۇنەۋى مۋزيكا مەرەكەسى سياقتى قيمىلداردى قامتيدى، چينحۋاڭداۋ مادەنيەت ـ ساياحات كاسىبىن تانىستىرۋ جانە بەيزاتتىق مادەنيەت مۇرالارى تاقىرىپتىق كورمەسىن ٴبىر ۋاقىتتا ورىستەتىپ، باعراش كولى مادەنيەت ـ ساياحات ەرەكشەلىگىن جان ـ جاقتى ايگىلەدى.
6 - ايدىڭ 27 - كۇنى بالىقشىلار باعراش كولىندە اۋ جايىپ بالىق اۋلاۋدا.
بالىق اۋلاۋ ماۋسىمىنىڭ باستالۋىنا بايلانىستى، كول بەتىندەگى بارلىق كەمە ۇلكەن توردى جينادى، ٴدوڭماڭداي بالىق، بوز بالىق سۋ بەتىنە اتىلىپ شىقتى، سول كۇنى 6.2 توننا بالىق شىعىپ، مول ٴونىم كورىنىسىن قايتا ايگىلەدى. قيمىلدىڭ باستى قىزىعى — باس بالىقتى باسەكەلەستىرە ساتۋ ناق مايدان اۋقىمىن جوعارى ورلەۋگە كوتەرىپ، 18 كيلوگرامدىق ٴدوڭماڭداي بالىق كوپ رەت باسەكەلەستىرە ساتىلۋ ارقىلى ەڭ سوڭىندا 99 مىڭ 900 يۋانعا ساتىلدى. كول بويىنداعى ”شيحايداعى ٴبىرىنشى قازان“ جاڭا بالىق قوناعاسىنىڭ حوش ٴيىسى شار تاراپقا تارالىپ، ساياحاتشىلاردى ەرەكشە بالىقتاردان ٴدام تاتۋعا باۋرادى.
6 - ايدىڭ 27 - كۇنى ٴبىر بالىقشى ٴدوڭماڭداي بالىق اۋلادى.
ۇعىسۋعا قاراعاندا، وسى كەزەكتى بالىق اۋلاۋ ماۋسىمى "مادەنيەت ـ ساياحات +“ توعىسقان جاڭا ۇلگى قالىپتاستىرىپ، ساياحات تۇتىنۋىن ىشكەرىلەي جانداندىرعان. باعراش اۋداندىق مادەنيەت ـ ساياحات تاراۋى مىنالاردى ٴبىلدىردى: الدا ەكولوگيا جانە ۇلتتىق سالت ـ سانا بايلىعىن ۇزدىكسىز تەرەڭدەي اشىپ، جوعارى ساپالى مادەنيەت ـ ساياحات كاسىپ كۇيىن جەتىلدىرىپ، ”جۇڭگو شيحاي . باعراش كولى“ مادەنيەت ـ ساياحات ماركاسىن ايشىقتاپ، تۇتاس وڭىرلىك ساياحاتتىڭ جوعارى ساپالى دامۋىن ىلگەرىلەتەمىز.
6 ـ ايدىڭ 27 ـ كۇنى ٴار ۇلت بۇقاراسى بالىق اۋلاۋ ماۋسىمىن دابىل سوعىپ قۇتتىقتادى.
6 - ايدىڭ 27 - كۇنى ساياحاتشىلار باعراش اۋدانىنىڭ اۋىل شارۋاشىلىق ەرەكشە ونىمدەرى كورمە رايونىن ەكسكۋرسيالادى.
6 ـ ايدىڭ 27 ـ كۇنى ساياحاتشىلار ٴدامدى تاعامداردان ٴدام تاتتى.
