− جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قىزۋ قۇتتىقتايمىز
□حالىق گازەتى باسماقالاسى
اۋەلگى ماقسات قۇرىشتاي بەرىك بولدى، بورىش الاۋداي جالىندادى.
جاپا ـ ماشاقاتتى، شۇعىلالى تابىستاردى باستان كەشىرىپ، نۇرلى بولاشاققا بەت العان 100 جىلدىق ٴىرى پارتيا كەمەل شاعىنا كەلدى، ٴجۇز ميلليونداعان حالىقتىڭ جىگەرى تاسقىندادى، جاڭا داۋىردەگى جۇڭگو اسقاق ەڭسە كوتەردى، جۇڭحۋا ۇلتىنىڭ ۇلى گۇلدەنۋى بوگەۋ بەرمەيدى.
باس شۋجي شي جينپيڭ بىلاي دەپ باسا دارىپتەدى: ”اۋەلگى ماقساتتى، بورىشتى شىڭداپ، تاباندىلىق كورسەتىپ، ۇزدىكسىز قاجىماي كۇش سالىپ، يان ـ انداعى ’جەر كەپە سۇراۋىنا‘ ۇزدىكسىز ويداعىداي جاۋاپ بەرىپ، حالىق قالاۋىنان شىعاتىن ٴداۋىر جاۋاپناماسىن جازۋىمىز كەرەك“.
پارتيا قۇرىلعاندىعىنىڭ 105 جىلدىعى سىندى كەلەلى تاريحي ساتتە، ٴداۋىر جۇكتەگەن ايبىندى اۋىر مىندەتتى ارقالاعان جاڭا داۋىردەگى جۇڭگو كوممۋنيستەرى ۇلى مۇراتتى كوكەيىنە ۇيالاتتى، اسقاق ايبىن تانىتتى.
”جۇڭگو جولى“ جۇرگەن سايىن داڭعىلداندى، ٴبىز ٴتىپتى دە تاباندىلىق كورسەتەمىز.
105 جىلدان بەرى، پارتيامىز جۇڭگو حالقىن باستاپ تاماشا، باقىتتى تۇرمىسقا تالپىناتىن نۇرلى جولدى ٴساتتى اشتى.
توز ـ توزى شىعىپ تارىداي شاشىلعان جاعدايدان وسكەلەڭ بىرلىككە كەلۋگە، ۇلتتاردىڭ ىنتىماقتى بولۋىنا دەيىن، بىرىنشىدەن كەدەي، ەكىنشىدەن اق بولۋدان دۇنيە جۇزىندەگى ەكىنشى ۇلكەن ەكونوميكالىق تۇلعاعا، جاساۋ كاسىبىندەگى ٴبىرىنشى ٴىرى ەلگە، زات ساۋداسىنداعى ٴبىرىنشى ٴىرى ەلگە كوتەرىلۋگە دەيىن، پارتيا حالىققا باسشىلىق ەتىپ، ەكونوميكانىڭ تەز قارقىنمەن دامۋ كەرەمەتىن جانە قوعامنىڭ ۇزاق ۋاقىت ورنىقتى بولۋ كەرەمەتىن جاراتتى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى.
اسىرەسە، وتكەن 5 جىلدان بەرى، ٴبىز عاسىرلىق ىندەتتىڭ اۋىر سوققىسىنا ٴتوزىپ، ٴبىر قىدىرۋ اۋىر حاۋىپ ـ قاتەرلەر مەن سىن ـ سايىستارعا ٴونىمدى توتەپ بەرىپ، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستاپ، ەكىنشى 100 جىلدىق كۇرەس نىساناسى جاڭا جورىعىندا تاماشا باستامانى جۇزەگە اسىردىق.
جۇڭگو ۇلگىسىندەگى وسىزامانداندىرۋ − ”ٴبىزدىڭ مەملەكەتتى قۇدىرەتتەندىرۋ قۇرىلىسىنداعى، ۇلتتى گۇلدەندىرۋدەگى داڭعىل جولىمىز ٴارى جۇڭگونىڭ ادامزاتتىڭ العا باسۋىنا، دۇنيە ٴجۇزىنىڭ ۇلى بىرلىگىنە تالپىنۋدا، ٴسوز جوق، باسىپ وتەتىن جولى“. بۇل ادامزاتتىڭ وسىزاماندانۋعا قادام تاستاۋىنىڭ جاڭا جولى، بۇل شىت جاڭا ادامزات وركەنيەتى فورماتسياسى.
تاريحي ىرىقتىلىقتى يگەرىپ، ”ٴتورت سەنىمدى“ بەكەمدەدىك. ”ٴبىز ٴوز جولىمىزبەن جۇرسەك، شەكسىز كەڭ ساحناعا، شەكسىز تەرەڭ تاريحي نەگىزگە، شەكسىز قۇدىرەتتى العا باسۋ تاباندىلىعىنا يە بولامىز“.
”جۇڭگو قاعيداسى“ اقيقات شۇعىلاسىن شاشتى، ٴبىز ٴتىپتى دە كۇش ـ قۋاتقا يە بولدىق.
جۇڭگو كوممۋنيستىك پارتياسىنىڭ تاريحى − ماركسيزمنىڭ جۇڭگوشالانۋىن ىلگەرىلەتۋ، ماركسيزمدى ۇزدىكسىز بايىتۋ جانە دامىتۋ تاريحى، سونداي ـ اق ماركسيزم نازارياسىن قولدانىپ جۇڭگونى تانۋ جانە وزگەرتۋ تاريحى.
جاڭا داۋىردەن بەرى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ، اسىرەسە، شي جينپيڭ پارتيا قۇرىلىسى يدەياسىنىڭ عىلمي جەتەكشىلىگىندە، پارتيا توڭكەرىستىك شىڭدالۋ بارىسىندا اناعۇرلىم قۋاتتى بولا ٴتۇسىپ، حالىقتى باستاپ قيىن وتكەلدەردەن ٴوتىپ، حاۋىپ ـ قاتەردى، كەدەرگىلەردى جەڭىپ، ادامزات كەرەمەتتەرىن جاراتتى.
پارتيا قۇرىلعاندىعىنىڭ 105 جىلدىعى بايلانىسىمەن، پارتيا ورتالىق كوميتەتى شي جينپيڭ پارتيا قۇرىلىسى يدەياسىن ۇيرەنۋ، دايەكتىلەندىرۋ جونىندە ورنالاستىرۋ جاسادى. بۇل يدەيا جاڭا داۋىردەگى پارتيا قۇرىلىسى سىندى جاڭا ۇلى ينجەنەريانى ىشكەرىلەي ىلگەرىلەتۋگە ٴتۇبىرلى بويسۇنۋ ولشەمىن جانە ارەكەت باعدارناماسىن ازىرلەپ بەردى، بۇل پارتيانى قۇدىرەتتەندىرۋدە، مەملەكەتتى قۇدىرەتتەندىرۋدە كەلەلى رەال مانگە جانە ۇزاق بولاشاقتىق جەتەكشىلىك مانگە يە.
ماركسيزمدىك عىلمي نازاريانىڭ جەتەكشىلىگىنە يە بولۋ − پارتيامىزدىڭ سەنىم ـ نانىمدى بەكەمدەۋىنىڭ، تاريحي ىرىقتىلىقتى يگەرۋىنىڭ ٴتۇبىرلى تياناعى.
”ەكىمەن ۇشتاستىرۋعا“ تاباندى بولىپ، جۇڭگونىڭ سۇراۋىنا، دۇنيە ٴجۇزىنىڭ سۇراۋىنا، حالىقتىڭ سۇراۋىنا، ٴداۋىردىڭ سۇراۋىنا عىلمي جاۋاپ بەردى، جاڭا داۋىردەگى پارتيانىڭ جاسامپازدىق نازارياسى جاڭا جورىقتا اقيقات كۇش ـ قۋاتى مەن اماليات ۇلى كۇشىن تولىق ايگىلەدى.
”جۇڭگو باسقارۋىنىڭ“ تىڭ داستانى جازىلدى، ٴبىزدىڭ سەنىمىمىز اناعۇرلىم ارتا ٴتۇستى.
5 دارەجەلى شۋجيلەر كەدەيلەردى سۇيەمەلدەۋدى يگەرۋدەن، بۇكىل پارتيا اتتانىسقا كەلىپ قامال الۋدى جەبەۋدەن شىعىس، باتىس بولىكتەردىڭ ىستەستىگىن تەرەڭدەتۋگە، ۇدايىلانعان كومەكتەسۋ ـ سۇيەمەلدەۋ ورىستەتۋگە دەيىن بۇكىل ەل ٴبىر تۇتاس جۇيە دەگەنگە تاباندى بولىپ، العا قاراي دامۋدىڭ اناعۇرلىم زور قوزعاۋشى كۇشىن ۇيىستىردى.
5 جىلدىق جوبانى جاساۋدان جانە اتقارۋدان بۇكىل مەملەكەت بويىنشا جۇمىلاتىن جاڭاشا ٴتۇزىلىس ارتىقشىلىعىن ساۋلەلەندىرۋگە دەيىن كۇرەس نىساناسىن كوزدەپ، ”ٴبىر قادام، ٴبىر قادامنان بۇلجىماي ٴجۇرىپ، ساتىلار بويىنشا العا ىلگەرىلەدى“.
دۇلەي داۋىل، اساۋ تولقىنداردا العا ىلگەرىلەگەن ەلىمىز ەكونوميكاسى تولقىن جارا العا ىلگەرىلەپ، كۇشتى سەرپىمدىلىك پەن ومىرشەڭ كۇشىن ساقتادى، ەكونوميكانىڭ جالپى مولشەرى 140 تريلليون يۋاندىق جاڭا ساتىعا كوتەرىلدى، مۇنداعى شەشۋشى ٴتۇيىن جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، ناقتى ەكونوميكانى تىرەك ەتكەن وسىزاماندانعان كاسىپ سالاسى جۇيەسىن جەدەل قۇرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋدە.
پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىنا تاباندى بولىپ، جۇڭگوشا سوتسياليستىك تۇزىمگە تاباندى بولىپ جانە ونى دامىتىپ، ٴتۇزىم ارتىقشىلىعىن باسقارۋ ونىمدىلىگىنە اناعۇرلىم ويداعىداي اينالدىرۋدا جۇڭگو حالقى مەن جۇڭحۋا ۇلتىنىڭ العا باسۋ اياق الىسىن ەشقانداي كۇش توسا المايدى.
تاريح پەن رەالدىق جۇڭگو كوممۋنيستىك پارتياسى بولماسا، جاڭا جۇڭگو بولمايتىندىعىن، جۇڭگو حالقىنىڭ باقىتتى تۇرمىسى دا بولمايتىندىعىن، جۇڭحۋا ۇلتىنىڭ ۇلى گۇلدەنۋى دە بولمايتىندىعىن تالاسسىز دالەلدەدى.
”كەرى قايتارۋعا بولماۋدان“ ”بوگەۋ بەرمەۋگە“ دەيىن، ”ەكىنى تۇراقتاندىرۋ“ جۇڭحۋا ۇلتىنىڭ ۇلى گۇلدەنۋى سىندى تاريحي اۋقىمنىڭ ۇزدىكسىز العا باسۋىنا تۇبىرىنەن شىنايى كەپىلدىك ەتتى، بۇل ٴبىزدىڭ جاڭا جورىقتا ٴتۇرلى حاۋىپ ـ قاتەرلەر مەن سىن ـ سايىستارعا توتەپ بەرۋىمىزدە، جۇڭگو ۇلگىسىندەگى وسىزامانداندىرۋدى ىلگەرىلەتۋىمىزدە شەشۋشى مانگە يە.
بيىل ”15 ـ بەسجىلدىقتىڭ“ باستاما جىلى، سونداي ـ اق قىزىل ارميا ۇزاق جورىعى جەڭىسىنىڭ 90 جىلدىعى.
”جاڭا جورىق دەگەنىمىز جاڭا ۇزاق جورىق“.
جۇڭگو ۇلگىسىندەگى وسىزامانداندىرۋدىڭ جالپى جاعدايىنا ساياتىن ستراتەگيالىق مىندەتتەردە كەلەلى سەرپىلىستەرگە قول جەتكىزۋدى ىلگەرىلەتىپ، كوپتەگەن جاڭا تاريحي ەرەكشەلىكتەرگە يە ۇلى كۇرەستە تىڭ جەڭىستەرگە جەتۋ ٴۇشىن، تاعى دا كوپتەگەن جاڭا ”قارلى تاۋلاردان“، ”جايلىمداردان“ اتتاپ وتۋگە، جاڭا ”لوۋشانگۋانداردى“، ”لازىكوۋلاردى“ باعىندىرۋعا تۋرا كەلەدى. جاڭا جورىقتا باس شۋجي شي جينپيڭنىڭ جول باستاپ، رول ۇستاۋى بولعاندىقتان، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگى بولعاندىقتان، ٴسوز جوق، ”ٴبىز وسى ٴبىر ۇرپاقتىڭ ۇزاق جورىعىن جاقسى باسا الامىز“.
ادىلەت ىستەرىندە، ٴسوز جوق، جەڭىسكە جەتۋ سەنىمىن بەكەمدەدىك. پارتيامىز ادامزاتتىڭ دۇرىس جولىمەن ٴجۇرىپ، ادىلەتتى ىستەر ىستەپ، تاريحتىڭ اۋقىمىنا سايكەستى. جاڭا داۋىردەگى پارتيانىڭ جاسامپازدىق نازارياسىن سانالىلىقپەن قولدانىپ، جاڭا جاعدايدى باقىلاپ، جاڭا جاعدايلاردى زەرتتەپ، جاڭا ماسەلەلەردى شەشىپ، العان بەتىنەن قايتپايتىن رۋحپەن بارلىق كەدەرگىلەردى جويىپ، تورۋىلشىلاردى الاستايتىن بولساق، اتتاپ وتە المايتىن وتكەل، بۇزا المايتىن قامال، قولدان كەلمەيتىن ٴىس بولمايدى.
حالىقتىڭ باقىتىن كوزدەيتىن اۋەلگى ماقساتتى ماڭگى ساقتادىق. ٴجۇرىپ وتكەن جولىمىزدا ٴبىز حالىققا تىعىز سۇيەنىپ، ىركەس ـ تىركەس تاريحقا جازىلاتىن جاۋاپنامالاردى تاپسىردىق. جاڭا جورىقتا بيلىك دەگەنىمىز حالىق، حالىق دەگەنىمىز بيلىك ەكەنىن ەستە بەرىك ساقتاپ، حالىقپەن باستان ـ اياق تىنىستاس، تاعدىرلاس، جۇرەكتەس بولىپ، حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، ادامنىڭ جان ـ جاقتى دامۋىن، جالپى حالىقتىڭ بىرگە بايۋىن ىلگەرىلەتۋىمىز كەرەك.
”شىڭنىڭ ۇشار باسىنا شىعۋ ٴۇشىن، ٴسوزسىز، جاپا ـ ماشاقاتتى جەڭىپ، تىنباي تالاپتاناتىن“ قايسارلىقتى كۇشەيتتىك. سوتسياليستىك وسىزامانداندىرۋدى جۇزەگە اسىرۋ − ساتىلى ىلگەرىلەيتىن، ۇزدىكسىز دامىپ العا باساتىن تاريحي بارىس. دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، ەڭبەك ماعان جازىلماسا دا بولادى، ەڭبەك سىڭىرۋدە مەن بولماسام بولمايدى دەيتىن رۋحتى ساۋلەلەندىرىپ، العان بەتتەن قايتپاي، جوبانى سوڭىنا دەيىن جاساپ، ناقتى ٴىس ىستەۋ، ناقتى ناتيجە جاراتۋ ارقىلى ٴورىس اشا ەكپىندەي ىلگەرىلەگەندە عانا نىساناعا، ٴسوز جوق، جەتە الامىز.
جۇڭحۋا ۇلتىنىڭ ۇزاق بولاشاقتىق ۇلى ٴىسىن مۇرات ەتىپ، ادامزاتتىڭ بەيبىتشىلىگى مەن دامۋى سىندى وسكەلەڭ ىسكە كۇش سالۋدا جاۋاپكەرشىلىك شەكسىز اۋىر، بورىش شەكسىز داڭقتى. جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋ − ٴداۋىردىڭ ۇندەۋى، حالىقتىڭ ٴۇمىتى.
پارتيا باسشىلىعىنا تاباندى بولۋ − جۇڭگوشا سوتسياليزمنىڭ ەڭ ماندىك ەرەكشەلىگى. جاڭا جورىقتا ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، ۇلى پارتيا قۇرۋ رۋحىن زور كۇشپەن اسقاقتاتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جىگەرلەنە ۇمتىلىپ، قايراتتانا العا باسىپ، ٴداۋىردىڭ، تاريحتىڭ، حالىقتىڭ ٴۇمىتىن اقتايتىن ناتيجە جاراتۋعا قۇلشىنىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋدى ىلگەرىلەتۋ جولىندا ٴبىز وسى ٴبىر ۇرپاق ادامداردىڭ داڭقىن جاراتايىق!
(شينحۋا اگەنتتىگىنىڭ 6 ـ ايدىڭ 30 ـ كۇنى بەيجيڭنەن بەرگەن حابارى)
