پارتيا مۇشەسى 101 ميلليون 286 مىڭ، نەگىزگى ساتى پارتيا ۇيىمى 5 ميلليون 431 مىڭ بولدى
جۇڭگو كوممۋنيستىك پارتياسىنىڭ پارتيا مۇشەلەرى قوسىنى ورنىقتى زورايدى
ۇيىمدىق جۇيەسى كۇن سايىن بەكەمدەلدى
شينحۋا اگەنتتىگىنىڭ 6 ـ ايدىڭ 30 ـ كۇنى بەيجيڭنەن بەرگەن حابارى. ورتالىق كوميتەت ۇيىمداستىرۋ ٴبولىمىنىڭ پارتيا ىشىندەگى ەڭ جاڭا ساناق ساندى مالىمەتىندە كورسەتىلۋىنشە: 2025 ـ جىلدىڭ سوڭىنا دەيىن جۇڭگو كوممۋنيستىك پارتياسى مۇشەلەرىنىڭ جالپى سانى 101 ميلليون 286 مىڭ بولىپ، الدىڭعى جىلداعىدان ناق ٴبىر ميلليون 15 مىڭ ارتقان. پارتيانىڭ نەگىزگى ساتى ۇيىمى 5 ميلليون 431 مىڭ بولىپ، الدىڭعى جىلداعىدان ناق 181 مىڭ ارتقان. جۇڭگو كوممۋنيستىك پارتياسى نەگىزگى ساتىنى يگەرۋگە، نەگىزدى كۇشەيتۋگە، ٴتۇبىردى بەكەمدەۋگە تاباندى بولىپ، پارتيا مۇشەلەرى قوسىنى قۇرىلىسىن قاتاڭ، شىنايى ويداعىداي يگەرىپ، جوعارى مەن تومەن تۇتاسقان، اتقارۋى پارمەندى قاتاڭ ۇيىمدىق جۇيەنى كۇش سالا ورناتىپ، رەفورمانى، دامۋدى، ورنىقتىلىقتى ىلگەرىلەتۋ بارىسىندا نەگىزگى ساتى پارتيا ۇيىمدارىنىڭ جاۋىنگەر قورعاندىق رولى مەن پارتيا مۇشەلەرىنىڭ ۇزدىك ۇلگىلىك رولىن تولىق ساۋلەلەندىردى.
پارتيا مۇشەلەرىنىڭ جالپى مولشەرى لايىقتى ارتتى. پارتيا مۇشەلەرىنىڭ جالپى مولشەرى الدىڭعى جىلداعىدان %1.0 ارتتى. تۇتاس جىلدا پارتياعا 2 ميلليون 86 مىڭ مۇشە قابىلداندى، مۇنىڭ ىشىندە ٴوندىرىس پەن قىزمەتتىڭ ٴبىرىنشى شەبىندەگىلەر ٴبىر ميلليون 72 مىڭ بولىپ، %51.4تى يەلەدى؛ جوعارى تەحنيكۋم جانە ودان جوعارى وقۋ ماعلۇماتىنا يە پارتيا مۇشەلەرى ٴبىر ميلليون 143 مىڭ بولىپ، %54.8تى يەلەدى؛ 35 جاس جانە ودان تومەنگى جاستاعىلار ٴبىر ميلليون 753 مىڭ ادام بولىپ، %84.0تى يەلەدى.
پارتيا مۇشەلەرى قوسىنىنىڭ قۇرىلىمى ۇزدىكسىز ساپالىلاندى. 2025 ـ جىلدىڭ سوڭىنا دەيىن جوعارى تەحنيكۋم جانە ودان جوعارى وقۋ ماعلۇماتىنا يە پارتيا مۇشەلەرى 59 ميلليون 765 مىڭ بولىپ، %59.0تى يەلەپ، الدىڭعى جىلداعىدان 1.4 پايىز جوعارىلادى؛ ايەل پارتيا مۇشەلەرى 31 ميلليون 914 مىڭ بولىپ، %31.5تى يەلەپ، الدىڭعى جىلداعىدان 0.6 پايىز جوعارىلادى؛ از ۇلت پارتيا مۇشەلەرى 7 ميلليون 878 مىڭ بولىپ، %7.8تى يەلەپ، الدىڭعى جىلداعىدان 0.1 پايىز جوعارىلادى؛ جۇمىسشىلار مەن ديقاندار ٴالى دە پارتيا مۇشەلەرى قوسىنىنىڭ نەگىزگى تۇلعاسى بولىپ، جالپى ساننىڭ %32.4ىن يەلەدى.
پارتيا مۇشەلەرىن تاربيەلەۋ، باسقارۋ ۇزدىكسىز كۇشەيتىلدى. ٴار دارەجەلى پارتيا ۇيىمدارى پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، تياناقتاندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن تىلەك ۇيىستىرىپ، رۋح سومداۋعا بۇلجىماي تاباندى بولىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن دەن قويا ۇيىمداستىرىپ، ورىستەتىپ، پارتيا مۇشەلەرىن تاربيەلەۋدى، باۋلۋدى ۇزدىكسىز كۇشەيتتى، تۇتاس جىلدا تاربيەلەنگەن پارتيا مۇشەلەرىنىڭ سانى (رەت) الدىڭعى جىلداعىدان %3.7 ارتتى، اۋدان دارەجەلىدەن جوعارى پارتكومدار 4 ميلليون 987 مىڭ نەگىزگى ساتى پارتيا ۇيىمى شۋجيىن قىزمەتتەن قول ٴۇزدىرىپ باۋلىدى. پارتيانىڭ ۇيىمدىق تۇرمىسى قاتاڭ ارناعا ٴتۇسىرىلدى، 3202 جەرگىلىكتى پارتكوم باسشىلىق القاسى دەموكراتيالىق تۇرمىس جيىنىن، 4 ميلليون 636 مىڭ پارتيا ياچەيكاسى ۇيىمدىق تۇرمىس جيىنىن اشتى، پارتيا مۇشەلەرىنە دەموكراتيالىق باعالاۋ ورىستەتتى. پارتيا ىشىندە ماداقتاۋ ـ سيلاۋ، شابىتتاندىرۋ، قامقورلىق جاساۋ پارمەندى ىلگەرىلەتىلدى، ٴار دارەجەلى پارتيا ۇيىمدارى جيىنى 108 مىڭ وزات نەگىزگى ساتى پارتيا ۇيىمىن ماداقتاپ ـ سيلادى، 583 مىڭ تاڭداۋلى پارتيا مۇشەسىن ماداقتاپ ـ سيلادى، 165 مىڭ تاڭداۋلى پارتيا ىستەرى قىزمەتكەرىن ماداقتاپ ـ سيلادى. تۇتاس جىلدا 939 مىڭ ”پارتيا قۇشاعىنداعى داڭقتى 50 جىل“ ەستەلىك زناگى تاراتىلدى.
نەگىزگى ساتى پارتيا ۇيىمدارى اناعۇرلىم مىعىم دا قۋاتتى بولدى. بۇكىل ەل بويىنشا جيىنى 314 مىڭ نەگىزگى ساتى پارتكومى، 333 مىڭ باس ياچەيكا، 4 ميلليون 783 مىڭ ياچەيكا قۇرىلىپ، الدىڭعى جىلداعىدان جەكە ـ جەكە 8000، 4000، 170 مىڭ كوبەيىپ، ۇيىمدىق جاقتا ورنالاستىرۋ اناعۇرلىم عىلمي، جۇيەلى بولىپ، ۇيىمدىق جۇيە ونان ارى بەكەمدەلە ٴتۇستى. پارتيا قۇرىلىسىن يگەرىپ، اۋىل ـ قىستاقتى گۇلدەندىرۋدى جەبەۋ تىڭعىلىقتى ىلگەرىلەتىلىپ، قىستاق پارتيا ۇيىمىنىڭ باستاماشىلار قوسىنى قۇرىلىسى ۇزدىكسىز كۇشەيتىلدى، 483 مىڭ قىستاق پارتيا ۇيىمى شۋجيلەرىنىڭ اراسىندا جوعارى تەحنيكۋم جانە ودان جوعارى وقۋ ماعلۇماتىنداعىلار %56.5تى يەلەپ، الدىڭعى جىلداعىدان 8.9 پايىز جوعارىلادى. قىستاقتا تۇراتىن ٴبىرىنشى شۋجيلەر قاتارىنا ۇزدىكسىز ۇزدىكتەر تاڭدالىپ، مىقتىلار جىبەرىلدى، قازىر قىستاقتا تۇراتىن ٴبىرىنشى شۋجي 188 مىڭ ادام بولىپ، بۇكىل ەلدەگى %39.0 اكىمشىلىك قىستاقتى قامتىدى. پارتيا ۇيىمى باسشىلىق ەتكەن قالا، اۋىل نەگىزگى ساتىلارىن باسقارۋ جۇيەسى ۇزدىكسىز كەمەلدەندىرىلىپ، نەگىزگى ساتىنىڭ اۋىرتپالىعىن جەڭىلدەتۋگە قۋات ۇستەۋ ۇزدىكسىز تەرەڭدەتىلىپ، قالا، اۋىل الەۋمەتتىك اۋماقتارىنىڭ پارتيا قۇرىلىسى قىزمەت كۇشى اناعۇرلىم تولىقتانىپ، پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋ جالپى تۇلعالىق ونىمدىلىگى ۇزدىكسىز جوعارىلادى. ٴار سالاداعى نەگىزگى ساتى پارتيا ۇيىمى قۇرىلىسى ٴبىر تۇتاس جوسپارلانىپ ىلگەرىلەتىلىپ، ورگان، ٴىسورىن، كاسىپورىندار مەن قوعامدىق ۇيىمداردىڭ پارتيا قۇرىلىسى قىزمەتى تىڭ ورەگە كوتەرىلىپ، نەگىزگى ساتى پارتيا ۇيىمىنىڭ ساياسي يقۋاتى مەن ۇيىمدىق يقۋاتى ونان ارى كۇشەيتىلىپ، پارتيانىڭ ساياسي ارتىقشىلىعى، ۇيىمدىق ارتىقشىلىعى ۇزدىكسىز دامۋ ارتىقشىلىعىنا، جەڭىسكە جەتۋ ارتىقشىلىعىنا اينالىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە تەلەگەي كۇش ۇيىستىردى.
