حالىق گازەتىندە رىن جۇڭپيڭنىڭ ماقالاسى جاريالانادى
«تاريحي ىرىقتىلىقتى يگەرىپ، ۇلى گۇلدەنۋدى جۇزەگە اسىرايىق − جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى بايلانىسىمەن»
شينحۋا اگەنتتىگىنىڭ 6 ـ ايدىڭ 30 ـ كۇنى بەيجيڭنەن بەرگەن حابارى. 7 ـ ايدىڭ 1 ـ كۇنى حالىق گازەتى رىن جۇڭپيڭنىڭ «تاريحي ىرىقتىلىقتى يگەرىپ، ۇلى گۇلدەنۋدى جۇزەگە اسىرايىق − جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى بايلانىسىمەن» دەگەن تاقىرىپتاعى ماقالاسىن جاريالايدى.
ماقالادا بىلاي دەلىندى: جۇڭگودا كوممۋنيستىك پارتيا دۇنيەگە كەلدى، بۇل 20 ـ عاسىرداعى ەڭ ۇلى تاريحي وقيعالاردىڭ ٴبىرى.
بۇگىن 105 جىلدىق ايبىندى بارىستى باسىپ وتكەن جۇڭگو كوممۋنيستىك پارتياسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ٴجۇز ميلليونداعان حالىقتى باستاپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ارشىندى قاداممەن العا باسىپ كەلەدى.
”105 جىلدان بەرى پارتيامىز بۇكىل ەلدەگى ٴار ۇلت حالقىن ىنتىماقتاستىرىپ، باستاپ، قاجىماي ـ تالماي كۇرەس جۇرگىزىپ، تاريحتىڭ جانە حالىقتىڭ ٴۇمىتىن اقتايتىن ۇلى تابىستار جاراتتى“. باس شۋجي شي جينپيڭ بىلاي دەپ باسا دارىپتەدى: ”ٴبىر نيەتپەن سەلبەسىپ، جاڭا ۇزاق جورىقتى ويداعىداي باسىپ، اناعۇرلىم نۇرلى بولاشاق اشىپ، حالىقتىڭ تاماشا تۇرمىسقا تالپىنىسىن ۇزدىكسىز قاناعاتتاندىرۋىمىز كەرەك“.
100 جىلدىق ٴىرى پارتيا مىزعىماس تىرەك بولىپ، كەمەل شاعىنا كەلدى، اۋەلگى ماقساتى، بورىشى وزگەرمەدى، بۇرىنعىدان ارى بەكەمدەلە ٴتۇستى.
جاڭا ٴداۋىردىڭ جاڭا جورىعىندا سوتسياليستىك جۇڭگو ايبىنمەن ەڭسە كوتەرىپ تۇردى، جۇڭحۋا ۇلتىنىڭ ۇلى گۇلدەنۋى بوگەۋ بەرمەيدى.
ماقالادا بىلاي دەپ اتاپ كورسەتىلدى: ۇلى ٴداۋىر عىلمي يدەيانى جەتىلدىرەدى، عىلمي يدەيا جاڭالىق اشۋ امالياتىنا جەتەكشىلىك ەتەدى.
شي جينپيڭ پارتيا قۇرىلىسى يدەياسىندا پارتيا باسشىلىعىنىڭ جۇڭگوشا سوتسياليزمنىڭ ەڭ ماندىك ەرەكشەلىگى ەكەندىگىنە تاباندى بولۋ سياقتى ”ون ٴتورت تاباندى بولۋ“ ايقىن العا قويىلدى، بۇل − جاڭا داۋىردەگى پارتيا قۇرىلىسىن كۇشەيتۋدەگى ٴتۇبىرلى بويسۇنۋ ولشەمى.
وسى يدەيا ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ سىندى كەلەلى ٴداۋىر تاقىرىبىنا تەرەڭ جاۋاپ بەرىپ، ماركسيزمدىك پارتيا قۇرۋ ٴىلىمىن دامىتۋعا كەلەلى ٴتول جاسامپازدىق ۇلەس قوستى، بۇل پارتيانى قۇدىرەتتەندىرۋ، مەملەكەتتى قۇدىرەتتەندىرۋ جونىنەن كەلەلى رەال مانگە جانە ۇزاق بولاشاقتىق جەتەكشى مانگە يە.
ماقالادا مىنالار اتاپ كورسەتىلدى: جۇڭگو حالقىن باقىتقا كەنەلتۋدى كوزدەگەن جۇڭگو كوممۋنيستىك پارتياسى جۇڭگو حالقىنىڭ بولاشاعىن، تاعدىرىن تۇبىرىنەن وزگەرتتى، باستان ـ اياق تاپجىلماعان حالىقتى بارىنەن جوعارى قويۋ ۇستانىمى مەن امالياتى دۇنيە ٴجۇزىنىڭ وسىزاماندانۋ بەتالىسىنا تەرەڭ ىقپال جاسادى.
حالىقتى وزەك ەتۋگە تاباندى بولىپ، باستان ـ اياق حالىقتىق تۇرعىنى ٴتۇبىرلى تۇرعى ەتىپ، حالىقتى باقىتقا كەنەلتۋدى كوزدەۋدى ٴتۇبىرلى بورىش ەتىپ، بۇكىل ىنتا ـ پەيىلمەن حالىق ٴۇشىن قىزمەت ىستەۋ ٴتۇبىرلى ماقساتىنا تاباندى بولۋ − پارتيا قۇرۋدىڭ، پارتيانى گۇلدەندىرۋدىڭ، پارتيانى قۇدىرەتتەندىرۋدىڭ ٴتۇبىرلى تياناعى، پارتيانىڭ جۇڭگو حالقىن باستاپ، تاريحي ىرىقتىلىق رۋحىمەن ۇلى تاريحتى جاراتۋىنىڭ ٴتۇبىرلى سەبەبى.
”بيلىك دەگەنىمىز حالىق، حالىق دەگەنىمىز بيلىك“، بۇل جۇڭگو كوممۋنيستەرىن ٴتۇسىنۋدىڭ لوگيكالىق باستاماسى، سونداي ـ اق جۇڭگو كوممۋنيستىك پارتياسىنىڭ دۇنيە جۇزىنە سيلاعان ماڭىزدى شابىتى.
ماقالادا بىلاي دەلىندى: جۇڭحۋا ۇلتىن گۇلدەندىرۋدى كوزدەگەن جۇڭگو كوممۋنيستىك پارتياسى حالىققا باسشىلىق ەتىپ، جۇڭگو ۇلگىسىندەگى وسىزامانداندىرۋ سىندى بىردەن ـ ٴبىر دۇرىس جولدى اشىپ، جۇڭحۋا ۇلتىنىڭ بوگەۋ بەرمەس قاداممەن ۇلى گۇلدەنۋگە اتتانۋىن ىلگەرىلەتىپ، دۇنيە ٴجۇزىنىڭ عاسىرلىق وزگەرىسىنە ىقپال جاساعان ماڭىزدى فاكتورعا اينالدى.
باس شۋجي شي جينپيڭ پارتيا 20 ـ قۇرىلتايىنىڭ بايانداماسىندا جۇڭگو ۇلگىسىندەگى وسىزامانداندىرۋ نازارياسىن جيناقتاپ العا قويدى ٴارى ىشكەرىلەي بايىمدادى، بۇل دۇنيە ٴجۇزىنىڭ وسىزاماندانۋ نازارياسى مەن امالياتىنداعى كەلەلى جاڭالىق، ادامزاتتىڭ وركەنيەت تاريحىندا بەلەستىك مانگە يە.
ماقالادا بىلاي دەلىندى: كۇرەس نىساناسى ۇلى جورىققا جەتەكشىلىك ەتەدى.
پارتيا 19 ـ كەزەكتى ورتالىق كوميتەتىنىڭ بەسىنشى جالپى ٴماجىلىسى ”جاپپاي دوڭگەلەك داۋلەتتى قوعام ورناتۋدى” “جاپپاي سوتسياليستىك وسىزاماندانعان مەملەكەت قۇرۋعا“ رەتتەدى، دامىتتى، پارتيا 20 ـ قۇرىلتايى جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ”ەكى قادامعا ٴبولىپ ٴجۇرۋ“ ستراتەگيالىق ورنالاستىرۋىن جاسادى...
”1 ـ بەسجىلدىقتان“ ”15 ـ بەسجىلدىققا“ دەيىنگى دايەكتى نەگىزگى تاقىرىپ ەلىمىزدى سوتسياليستىك وسىزاماندانعان مەملەكەت ەتىپ قۇرىپ شىعۋ بولدى. ”ساتىلار بويىنشا العا ىلگەرىلەۋدە“، ٴبىز ”سىرىڭكە، سابىن، تەمىر سياقتىلاردى شەتەلدەن ساتىپ الۋعا سۇيەنۋدەن“ دامىپ، ”ونەركاسىپ ٴتۇرى ەڭ تولىق، دۇنيە ٴجۇزى بويىنشا جاساۋ كاسىبىندەگى ٴبىرىنشى ٴىرى ەلگە“ اينالدىق.
بۇگىنگى تاڭدا، ٴبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ٴارقانداي كەزدەگىدەن دە اناعۇرلىم جاقىنداي تۇستىك، مۇنى جۇزەگە اسىرۋعا سەنىمىمىز ٴتىپتى دە كامىل جانە قۋاتىمىز قاپتال جەتەدى.
ماقالادا بىلاي دەلىندى: ادامزاتتىڭ العا باسۋىن كوزدەگەن، دۇنيە ٴجۇزىنىڭ ۇلى بىرلىگىن كوزدەگەن جۇڭگو كوممۋنيستىك پارتياسى حالىققا باسشىلىق ەتىپ اشقان داڭعىل جول ادامزاتتىڭ وسىزاماندانۋعا قادام تاستاۋىنا جاڭا جول سالدى، ادامزات وركەنيەتىنىڭ جاڭا فورماتسياسىن جاراتتى، العا قويعان ادامزاتتىڭ تاعدىرلاس ورتاق تۇلعاسىن قۇرۋ ۇستانىمى ٴداۋىردىڭ العا باسۋىنا جەتەكشىلىك ەتەتىن شۇعىلالى تۋعا اينالىپ، دۇنيە ٴجۇزىنىڭ بەيبىتشىلىك، حاۋىپسىزدىك، گۇلدەنۋ، العا باسۋ سىندى نۇرلى بولاشاققا بەت الۋىن ىلگەرىلەتتى.
جۇڭگو ۇلگىسىندەگى وسىزامانداندىرۋدىڭ ماڭىزدى ەرەكشەلىگىنىڭ ٴبىرى − بەيبىت دامۋعا تاباندى بولىپ، دۇنيە ٴجۇزىنىڭ بەيبىتشىلىگى مەن دامۋىن باتىل قورعاۋ بارىسىندا وزىندىك دامۋعا تالپىنۋ ٴارى وزىندىك دامۋ ارقىلى دۇنيە ٴجۇزىنىڭ بەيبىتشىلىگى مەن دامۋىن اناعۇرلىم ويداعىداي قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ.
ماقالادا بىلاي دەپ كورسەتىلدى: جۇڭگو كوممۋنيستىك پارتياسىنىڭ باسقارۋى − جۇڭگونىڭ باسقارۋى، دۇنيە ٴجۇزىنىڭ سالداۋىر قازىعى.
جۇڭگو كوممۋنيستىك پارتياسى بولماسا، سوتسياليستىك جۇڭگو قايدان بولسىن؟ جۇڭگوشا سوتسياليزم قايدان بولسىن؟ جۇڭحۋا ۇلتىنىڭ ۇلى گۇلدەنۋى قايدان بولسىن؟
تاريح مىنانى تالاسسىز دالەلدەدى: ”تەك جۇڭگو كوممۋنيستىك پارتياسىنىڭ باسشىلىعىندا عانا ەلىمىز جوقشىلىق پەن دارمەنسىزدىك جايلاعان بەت ـ بەينەسىن تۇبەگەيلى وزگەرتىپ، وسىزامانداندىرۋ نىساناسىنا قاراي ارشىندى قادام تاستادى، ۇلتىمىز كىرىپتارلىقتان تۇبەگەيلى ەڭسە كوتەرىپ، ۇلى گۇلدەنۋدىڭ نۇرلى بولاشاعىن قارسى الدى، حالقىمىز قانالۋ، ەزىلۋ ورنىنان تۇبەگەيلى قۇتىلىپ، ٴوز تاعدىرىن شىنداپ يگەردى“.
ماقالادا بىلاي دەلىندى: زەڭگىر اسپان قانداي اشىق، دالا جەلى قالاي ايبىندى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ۇلى پارتيا قۇرۋ رۋحىن بارىنشا اسقاقتاتىپ، ”ٴۇش بولسىندى“ ەستە بەرىك ساقتاعان جۇڭگو كوممۋنيستەرىندە مىناداي سەرگەكتىك پەن سەنىم بار −
”اۋەلگى ماقساتتى، بورىشتى شىڭداپ، تاباندىلىق كورسەتىپ، ۇزدىكسىز قاجىماي كۇش سالىپ، يان ـ انداعى ’جەر كەپە سۇراۋىنا‘ ۇزدىكسىز ويداعىداي جاۋاپ بەرىپ، حالىقتىڭ ٴۇمىتىن اقتايتىن ٴداۋىر جاۋاپناماسىن جازامىز“.
”تاريحتىڭ دۇرىس جاعىندا تۇرىپ، ادامزاتتىڭ العا باسۋ جاعىندا تۇرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە، اناعۇرلىم كورىكتى دۇنيە ٴجۇزىن قۇرۋعا ۇزدىكسىز جاڭا دا اناعۇرلىم زور ۇلەس قوسامىز!“
”جاڭا داۋىردەگى جاڭا جورىقتا دۇنيەنى جالت قاراتاتىن تىڭ دا اناعۇرلىم زور كەرەمەتتەر جاراتۋعا سەنىمىمىز كامىل، قۋاتىمىز قاپتال جەتەدى“.
