قازىر ىلە وزەنى اڭعارىنداعى قۇلجا اۋدانىنىڭ 75 مىڭ مۋ جەرىندەگى دۇمبە ٴبيدايى پىسىپ، مول ٴونىم الىندى، التىن ءتۇستى ٴبيداي تولقىنى جوڭكىلىپ، كومباين گۇرىلدەپ جۇمىس جۇرگىزە باستادى. جەرگىلىكتى ورىن جازعى استىقتى قامبالاۋدى مىقتى يگەرۋمەن بىرگە، 55 مىڭ 600 مۋ جەرگە جازعى ەگىس داقىلدارىن ەگۋدى قاتار ىلگەرىلەتىپ، ”جازعى جيىن - تەرىن، جازعى ەگىس“ سىندى ەكى جۇمىستى مىقتى يگەرۋ جاپپاي ورىستەتىلدى.
7 ـ ايدىڭ 1 ـ كۇنى قۇلجا اۋدانى چۇيلۋحاي اۋىلى ساي ءمالى قىستاعىندا ۇلاستىرا ەگىلگەن دۇمبە ٴبيداي ادامدى قۋانتادى، ٴىرى تۇرپاتتى كومبايندار اتىزدا ارلى ـ بەرلى قايشالىسىپ، ورۋ، ٴدان ايىرۋ، ٴبولۋ سياقتى جۇمىس ٴتارتىبىن قاتار ورىنداپ بارا جاتتى. سورتتى تۇقىمدى جالپىلاستىرۋ مەن قۇنتتاپ باسقارۋدىڭ ارقاسىندا، قىستاق تۇرعىنى ماحمۇتجان مامەتجان كوتەرەگە العان 1000 مۋ جەردەن مول ٴونىم الدى. ”بيىل مۋ باسىندىق ٴونىم مەجەمەن 700 كيلوگرامنان اسادى، عىلمي جولمەن ەگىن ەگۋ، شىنىندا، ۇقسامايدى“، ـ دەدى ماحمۇتجان تولىق ءداندى ءبيدايعا قاراپ قۋانا.
قۇلجا اۋدانى چۇيلۋحاي اۋىلى اۋىل شارۋاشىلىق تەحنولوگياسىن جالپىلاستىرۋ پۋنكتىنىڭ باستىعى پارحات ابدۇقادىر بىلاي دەپ تانىستىردى: بيىل بۇل اۋىل توپىراق قۇرامىن ولشەپ سايكەستى تىڭايتقىش بەرۋ، ”ٴبىردى بۇركۋ ، ٴۇشتىڭ الدىن الۋ“ جانە جاسىل ساقتانۋ ـ تىزگىندەۋ تەحنولوگياسىن ٴتۇيىندى تۇردە جالپىلاستىرىپ، قۋاڭشىلىققا ءتوزىمدى، وڭاي جاپىرىلمايتىن سورتتاردى تاڭداپ العان. بۇل دۇمبە ٴبيدايدان تۇراقتى، جوعارى ٴونىم الۋدى مىقتى تەحنولوگيالىق تىرەكپەن قامدادى.
ءار ءتۇيىر استىقتىڭ تولىق قامبالانۋىنا كەپىلدىك ەتۋ ٴۇشىن، قۇلجا اۋداندىق اۋىل شارۋاشىلىعى، اۋىل ـ قىستاق مەكەمەسى 150 دەن استام ماشينانى ٴبىر تۇتاس ورنالاستىرىپ، جۇمىس جۇرگىزىپ، ماشينامەن ورۋ مولشەرىن %100كە جەتكىزدى. اۋىل شارۋاشىلىق تەحنيكتەرى اۋا رايى تاراۋلارىمەن بىرلەسىپ، ساقتىق ينفورماتسيالارىن دەر كەزىندە جاريالاپ، شارۋالاردىڭ اۋارايى اشىق كۇندەردەن پايدالانىپ جيىن ـ تەرىن جۇمىسىن جۇرگىزۋىنە جەتەكشىلىك ەتتى، مەجەمەن 7 ـ ايدىڭ 10 ـ كۇنىنەن بۇرىن ورۋ مىندەتى ورىندالىپ بولادى.
دۇمبە ٴبيدايدىڭ ورىلۋىنا سايكەس، جازعى ەگىس جۇمىسى دا ساتىلى ورىستەتىلە باستادى. سارى بۇرشاق، شەكىلدەۋىك، كوكونىس سياقتى داقىلداردى اۋىستىرىپ ەگۋ جۇمىسى باستالىپ، جەر بايلىعىنان ٴونىمدى پايدالانۋمەن بىرگە، جەرگىلىكتى شارۋالاردىڭ كۇزگى كىرىسىنىڭ ارتۋىنداعى جاڭا جارقىن تۇيىنگە اينالادى.
(قۇلجا اۋداندىق توعىسپالى مەديا ورتالىعىنىڭ ٴتىلشىسى چىن يۇڭمەي)
