ادال نيەت ەجەلدەن مەملەكەتپەن بايلانىسقان
− باس شۋجي شي جينپيڭ بۇكىل پارتيانى ەڭبەك سىڭىرگەن ۇلگىلەرگە قۇرمەت ءبىلدىرىپ، ولاردان ۇيرەنۋگە جەتەكتەدى
□ شينحۋا اگەنتتىگىنىڭ تىلشىلەرى لين حۇي، شۇي جۋاڭ، فان سىشياڭ، ياڭ جانفي
وسى ساتكە تاۋ - وزەن كۋا، جىلدار كۋا −
جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى سىندى شۇعىلالى ساتتە باس شۋجي شي جينپيڭ حالىق سارايىندا نەگىزگى ساتىدا ۇزاق ۋاقىت تامىر تارتقان، پارتيا ءۇشىن قىزمەت ىستەگەن، حالىققا قىزمەت ەتكەن، كورنەكتى ۇلەس قوسىپ ەڭبەك سىڭىرگەن ءبىر توپ ۇلگىلى پارتيا مۇشەسىنە ”1 - شىلدە وردەنىن“ بەردى.
نۇر شاشقان وردەنگە وشپەس داڭق ورنەكتەلدى؛ بۇلجىماس بورىش جالىندى ادال رۋحتى شىڭدادى. ولاردىڭ ۇزدىك ىزگى ىستەرى جارقىراعان جۇلدىزداي ءبىر ۇلتتىڭ تاريح اسپانىن نۇرلاندىردى.
”’ۇلى ىستەر ۇلى ەرىك - جىگەردەن تۋىندايدى، ۇلى ىستەر قاجىماي - تالماي ەڭبەكتەنۋدەن كەلەدى‘. جاڭا ءداۋىردىڭ جاڭا جورىعىندا پارتيانىڭ بورىشىن، مىندەتىن جۇزەگە اسىرۋ بارلىق جۇڭگو كوممۋنيستەرىنەن سەنىمدى بەكەمدەپ، ۇزدىكسىز كۇرەس جۇرگىزىپ، ءداۋىر مەن حالىق ءۇمىتىن اقتايتىن تىڭ ناتيجەلەردى ۇزدىكسىز جاراتۋدى تالاپ ەتەدى“.
(1) ۇلىلىق كوورديناتاسى −
”ءبىزدىڭ ىستەرىمىز قاھارمان ۇلگىلەردىڭ، وزات تۇلعالاردىڭ جالىندى كۇش جانە تىرەك بولۋىنىڭ ارقاسىندا ىلگەرىلەيدى“
8 جارقىراعان ەسىم، ءبىر توپ ۇلىلىق كوورديناتاسى.
لي ليانچىڭ، كەزىندە مەملەكەتتىك ەكى ماجىلىستە شارۋالاردا سەگىز ارمان بار ەكەندىگىن بايانداعان ”زيان تارتقانىمەن بۇقاراعا باقىت جاراتقان شۋجي“، حىناننىڭ پۋياڭىنداعى شيشينجۋاڭ قىستاعىن باستاپ، حۋاڭحى وزەنى جاعاسىنداعى كەدەي، مەشەۋ قىستاقتى مەملەكەتتىك وركەنيەتتى قىستاق، اۋىل - قىستاقتى گۇلدەندىرۋدەگى ۇلگىلى قىستاق دەڭگەيىنە جەتكىزىپ دامىتتى؛
وقاس سۇلەيمەن، ”ات ۇستىندەگى اق حالاتتى جاۋىنگەر“، كۇن قۇرعاتپاي شينجياڭنىڭ تاۋ قويناۋىنداعى مال شارۋاشىلىق وڭىرلەرىن ارالاپ، 100 مىڭنان استام ناۋقاستى (رەت) ەمدەپ، قۇتقارىپ، 3200دەن استام نارەستەنى دۇنيەگە اكەلدى؛
جۇڭ جۋە، ”1 - بەسجىلدىقتان“ ”15 - بەسجىلدىققا“ دەيىن كۇرەس جۇرگىزگەن ”اق سامايلى اكادەميك“، ءومىر بويى جۇڭگو جاساۋ كاسىبىنىڭ قامالدى بۇزىپ وتۋىنە كۇش سالىپ، ۇجىم باستاپ عىلمي زەرتتەۋدىڭ ءبىرىنشى شەبىندە تىنىم تاپپاي ەڭبەك ەتتى؛
...
پارتيانىڭ 105 جىلدىق تۋعان كۇنىندە قوناق كۇتۋ كولىگى پارتيانىڭ جاقسى پەرزەنتتەرىن الىپ، قوناق كۇتۋ موتوتسيكل اترەتىنىڭ قورعاۋىندا تۇرعان جەرلەرىنەن اتتانىپ، فۋشيڭ كوشەسىنەن چاڭ - ان كوشەسىنە ءوتىپ، حالىق سارايىنا تارتتى.
10 مىڭ ادامدىق ۇلكەن زالدا پارتيا گەربى بيىككە ىلىنگەن، ورتا ايبىندى دا دۋماندى ەدى. قاۋلى وقىلدى، داڭقپەن ساحناعا كوتەرىلدى، وردەن بەرىلدى... بۇل كورىنىستەردى اپپاراتتار كوزى ءتۇسىرىپ الدى، دۇركىن - دۇركىن كوتەرىلگەن شاپالاق داۋىسى. بۇل ازاپ پەن بەينەتتى، شۇعىلانى باستان كەشكەن 100 جىلدىق ءىرى پارتيانىڭ ەڭبەك سىڭىرگەن پارتيا مۇشەلەرىنە كورسەتكەن وسكەلەڭ قۇرمەتى.
”مەن پارتيا ورتالىق كوميتەتى اتىنان بۇكىل ەلدەگى جۇڭگو كوممۋنيستىك پارتياسى مۇشەلەرىنە مەرەكەلىك سالەم جولدايمىن! ’1 - شىلدە وردەنى‘ يەگەرلەرىن، ماداقتالىپ - سيلانعان مەملەكەتتىك تاڭداۋلى پارتيا مۇشەلەرىن، تاڭداۋلى پارتيا ىستەرى قىزمەتكەرلەرىن، وزات نەگىزگى ساتى پارتيا ۇيىمدارىن قىزۋ قۇتتىقتايمىن! باس شۋجي شي جينپيڭنىڭ ماڭىزدى ءسوزى وتانىمىزدىڭ بايتاق دالاسىنا تارالىپ، بۇكىل پارتيانى، بۇكىل ەلدەگى ءار ۇلت حالقىن جىگەرلەندىردى.
بۇل قاھارمانداردى شاقىرعان ءداۋىر، بۇل قاھارمانداردى سومدايتىن ءداۋىر.
2025 - جىلى 9 - ايدىڭ 3 - كۇنى جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ جينالىسى باستالاردان بۇرىن باس شۋجي شي جينپيڭ تيان - انمىن مىنبەسىنە شىقتى.
جاسى ەگدەلەگەن، جاپون شاپقىنشىلارىنا قارسى سوعىسقا قاتىناسقان 6 ساقا جاۋىنگەر كەۋدەلەرىنە ”جۇڭگو حالقىنىڭ جاپون شاپقىنشىلارىنا قارسى سوعىسى جەڭىسىنىڭ 80 جىلدىعى“ ەستەلىك زناگىن تاعىپ، ەسكە ءتۇسىرۋ جينالىسىنا بىرگە قاتىناستى. باس شۋجي شي جينپيڭ ولاردىڭ الدىنا بارىپ ەڭكەيىپ، ساقا جاۋىنگەرلەردىڭ تالايدى باستان كەشكەن قولدارىن قاتتى قىستى، جانارىنان ىستىق ىقىلاس پەن مەيىرىمدىلىك كورىنىپ تۇردى.
باس شۋجيدى كورگەندە، 100 جاستاعى ساقا جاۋىنگەر، ساقا پارتيا مۇشەسى جاڭ پيڭ وڭ قولىن باياۋ دا باتىل كوتەرىپ بايىپپەن سالەم بەردى.
ءالى ەسىمىزدە، 2015 - جىلى جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 70 جىلدىعىن ەسكە ءتۇسىرۋ جينالىسىندا جاپون شاپقىنشىلارىنا قارسى سوعىسقا قاتىناسقان ساقا جاۋىنگەرلەر وتىرعان اۆتوكولىك شارشى توبى تيان - انمىن الاڭىنان وتكەندە، باس شۋجي شي جينپيڭ ورنىنان تۇرىپ ساقا جاۋىنگەرلەرگە قول بۇلعاپ قۇرمەت بىلدىرگەن ەدى. سول كەزدە ساقا جاۋىنگەرلەر اۆتوكولىك شارشى توبىندا جاڭ پيڭ دە بار بولاتىن.
”پارتيا مەن مەملەكەت ءبىزدى ەشقاشان ۇمىتقان جوق“! بۇل جاڭ پيڭنىڭ شىنايى تەبىرەنىسى ءارى قاھارماننىڭ تەرەڭ سۇيىسپەنشىلىككە تولى جۇرەك ءۇنى ەدى.
ۇلگى دەگەنىمىز نە؟
1966 - جىلى 13 جاستاعى شي جينپيڭ شينحۋا اگەنتتىگى تاراتقان «اۋداندىق پارتكوم شۋجيلەرىنىڭ ونەگەسى − جياۋ يۇيلۋدى» وقىدى، سودان باستاپ وسى كوممۋنيستىك پارتيا مۇشەسىنىڭ شۇعىلالى بەينەسىن ۇمىتا المادى: ”بۇل ءىس ماعان ىقپال ەتىپ كەلەدى. مەن اكىمشىلىككە ارالاسقانعا، اۋداندىق پارتكومنىڭ شۋجيى، كەيىن باس شۋجي بولعانعا دەيىن جياۋ يۇيلۋ رۋحى ءارقاشان ماعان شام - شىراق بولدى“.
نۇرلى شام - شىراق اسقار تاۋ ىسپەتتى. جۇڭحۋا ۇلتىنىڭ ۇلى گۇلدەنۋى جورىعىندا الدىڭعىلاردىڭ ءىزىن سوڭعىلار باسقان جياۋ يۇيلۋ سياقتى توپ - توپ كۇرەسكەرلەر جارىققا شىقتى.
”توڭكەرىستىك سوعىس جىلدارىندا ’ماعان ىلەس‘ پەن ’ۇمتىلدىڭ‘ ايىرماشىلىعى جەر مەن كوكتەي. جاڭا جۇڭگو قۇرىلعاننان كەيىن، پارتيامىزدا جياۋ يۇيلۋ، گۋ ۋىنچاڭ، ياڭ شانجوۋ، جاڭ فۋچيڭ سياقتى زور توپتاعى قاھارمان ۇلگىلەر ونەگە كورسەتكەندىكتەن عانا حالىق بۇقاراسىن ىنتىماقتاستىرىپ، باستاپ، ءتۇرلى ىستەر دامۋىنىڭ جاڭا جاعدايىن ۇزدىكسىز اشا الدىق“. قاھارمان ۇلگىلەردىڭ ونەگە كورسەتىپ، جەتەكشىلىك ەتۋ رولى جونىندە باس شۋجي شي جينپيڭنىڭ اسەرى تەرەڭ بولدى.
باس شۋجي شي جينپيڭ 12 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە لياۋنيڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا: ”ءار جاقتاعى قاھارمان تۇلعالاردىڭ ۇلگىلىك رولىن تولىق ساۋلەلەندىرىپ، قوعامدىق وڭ ەنەرگيانى زور كۇشپەن جارىققا شىعارۋ كەرەك“، - دەپ اتاپ كورسەتتى؛ مەملەكەتتىك كەدەيلىكتەن ارىلتۋدان قامال الۋ جونىندەگى قورىتىندىلاۋ، ماداقتاپ - سيلاۋ جينالىسىندا: ”ءار دارەجەلى پارتكومدار مەن ۇكىمەتتەردىڭ ءاربىر قۇرباننىڭ وتباسىنداعىلارعا كوڭىل ءبولىپ، قامقورلىق جاساپ، كەدەيلىكتەن ارىلتۋدان قامال الۋداعى قاھارمان ۇلگىلەردىڭ اسەرلى ىزگى ىستەرى مەن وسكەلەڭ رۋحىن زور كۇشپەن ۇگىتتەۋى كەرەك“، - دەپ تالاپ ەتتى؛ ”ەڭ ارداقتى كۇرەسكەرلەردى“ باعالاۋ، ماداقتاپ - سيلاۋ جانە ولاردان ۇيرەنۋ، ۇگىتتەۋ قيمىلى جونىندە ماڭىزدى نۇسقاۋ بەرىپ، ”بۇل قاھارمانداردىڭ ىزگى ىستەرىنەن ۇيرەنۋدە، ءداۋىردىڭ جاڭا ادامدارىن تاربيەلەۋدە، جاڭا داۋىردەگى جورىقتى ويداعىداي باسۋدا اسا ماڭىزدى ءمان الادى“ دەپ باسا دارىپتەدى...
”ءبىزدىڭ ىستەرىمىز قاھارمان ۇلگىلەردىڭ، وزات تۇلعالاردىڭ جالىندى كۇش جانە تىرەك بولۋىنىڭ ارقاسىندا ىلگەرىلەيدى“. رۋحپەن جەتەكتەپ، تيپتەر ونەگە كورسەتسە، بۇكىل قوعام جاقسىدان ونەگە الۋعا ۇمتىلادى، قاھارمانداردى ارداقتايدى، ۇزدىك بولۋعا قۇلشىنادى.
مىناداي ءبىر ساقا پارتيا مۇشەسى بار، شي جينپيڭ جولداس وعان قول شاتىر ۇستاپ بەرگەن ەدى.
2005 - جىلى 10 - ايدا جىجياڭ ولكەسى ۋىنجوۋ قالاسى يۇڭجيا اۋدانىنىڭ حوۋجيۋجياڭ قىستاعى پارتيا ياچەيكاسىنىڭ شۋجيى جىڭ جيۋۋان ۇزاق ۋاقىت قىزمەت ىستەۋ سەبەبىنەن شارشاپ، مي قان تامىرى تۇتقيىل جارىلىپ، ومىرىنە حاۋىپ تونەدى. ونى ەمدەتۋ ءۇشىن قىستاق تۇرعىندارى ءبىر كۇننىڭ ىشىندە وزدىكتەرىنەن نەشە ون مىڭ يۋان وپەراتسيا اقىسىن جينايدى.
جىڭ جيۋۋاننىڭ ىزگى ىستەرى باياندالعان ماتەريالدى كورگەندە، سول كەزدەگى جىجياڭ ولكەلىك پارتكومنىڭ شۋجيى شي جينپيڭ ۋىنجوۋ قالاسىنان جىڭ جيۋۋاننىڭ ناۋقاس جاعدايىنا كوڭىل ءبولۋدى دەرەۋ تالاپ ەتەدى. جىڭ جيۋۋان شيپاحانادان شىققاندا شي جينپيڭ جولداس ارنايى حات جازىپ، وعان الاڭسىز ەمدەلىپ كۇتىنۋدى تاپسىرادى.
كەيىن شي جينپيڭ جولداس تاۋ اسىپ، تاس باسىپ، قۇيىپ تۇرعان جاڭبىردا 6 ساعاتتان استام جول ءجۇرىپ، جىڭ جيۋۋاننىڭ وتباسىنا ارنايى امانداسا بارادى. ونىڭ ۇيىنەن شىققاندا شي جينپيڭ جولداس ءبىر قولىمەن جىڭ جيۋۋانعا قول شاتىر ۇستاپ، ءبىر قولىمەن ونى سۇيەپ جۇرەدى.
”مۇنداي بولارى ءۇش ۇيىقتاسام تۇسىمە كىرمەيدى“، - دەيدى جىڭ جيۋۋان وتباسىنداعىلارىنا.
بولماشى بەلگىسىنەن بولاشاعىن اڭداۋعا بولادى. قاھارمان ۇلگىلەرگە جانە ەلەۋلى ەڭبەك سىڭىرگەندەرگە قانداي پوزيتسيا ۇستانۋ ءبىر ۇلتتىڭ گۋمانيتارلىق سۇيىسپەنشىلىگىن، رۋحاني ەرىك - جىگەرىن جانە تاريحقا قۇرمەت سەزىمىن ايگىلەيدى.
”رەسپۋبليكا وردەنىنىڭ“ يەگەرى سۇن جيادۇڭمەن بىرگە حالىق سارايىنىڭ جينسى زالىنا كىرگەندە باسقان قادامىنىڭ قارقىنىنا ەرەكشە كوڭىل ءبولدى؛ ”1 - شىلدە وردەنىنىڭ“ يەگەرى گو رۇيشياڭ قارياعا وردەندى ەپپەن تاعىپ، تەبىرەنىستى سەزىممەن: ”ءسىزدىڭ پارتياعا قوسقان كورنەكتى ۇلەسىڭىزگە راقىمەت“، - دەدى؛ بىرگە سۋرەتكە تۇسكەندە، حۋاڭ شۇيحۋا، حۋاڭ دافا ەكى ساقا پارتيا مۇشەسىنىڭ قولدارىنان ۇستاپ، ەكى قاريانى ءوزىنىڭ جانىنا وتىرعىزدى...
مەيىرگە تولى ساتتەر، شىنايى سۇيىسپەنشىلىكتەر، باس شۋجي شي جينپيڭ ءوزى ونەگە بولىپ، ءوزى ۇلگى كورسەتىپ، بۇكىل پارتيانى، بۇكىل قوعامدى قاھارمان ۇلگىلەردى قۇرمەتتەۋگە، ولارعا قامقورلىق جاساۋعا باستادى.
بيىل 6 - ايدىڭ 7 - كۇنى جوعارى مەكتەپ ەمتيحانىنىڭ العاشقى كۇنى. باس شۋجي شي جينپيڭ كوپ رەت اۋىزعا العان 2 كوممۋنيستىك پارتيا مۇشەسى ”جولىقتى“.
”1 - تامىز وردەنىنىڭ“ يەگەرى دۋ فۋگو ءۇرتىس 16 - جىل وقۋشىلارىن ەمتيحان الاڭىنا اكەلگەن ”1 - شىلدە وردەنىنىڭ“ يەگەرى جاڭ گۇيمەيگە حات جولداپ، بىلاي دەدى: ”ءسىزدىڭ تاۋ قويناۋىنداعى قىز بالالاردىڭ جولىن اشىپ كەلە جاتقانىڭىزعا راقىمەت“، ”ەمتيحانعا قاتىناسقان بارلىق وقۋشىنىڭ جاقسى ناتيجەمەن جوعارى مەكتەپكە ءوتۋىن تىلەيمىن“!
جاڭ گۇيمەي دەرەۋ جاۋاپ قايتارىپ: ”امان - ەسەن بولىڭىز! ۋاقىتىڭىز شىقسا كەلىڭىز، ءسىزدى ساعىندىم“، - دەپ جاۋاپ قايتاردى.
ءبىر - ءبىرىن سيلاعان ساتتەر، كۇرەسكەرلەر ەڭ قاراپايىم ۇلەستەرىمەن جارىق شاشىپ، جىلۋ تاراتتى. سايتتاستار تەبىرەنە بىلاي دەپ لەبىز قالدىردى: ”بۇل قاھارماندار اراسىنداعى قوس باعىتتا اتتانۋ“!
قاھارمان ۇلگىلەر الدا ءجۇرىپ ۇلگى كورسەتسە، ولاردىڭ ءىزىن جالعاستىرۋشىلاردىڭ توبىمەن شىعاتىندىعى داۋسىز. ءدال باس شۋجي شي جينپيڭ اتاپ كورسەتكەندەي: ”ولاردىڭ ىزگى ىستەرى ۇيرەنۋگە، ىستەۋگە تاتيدى. ولاردىڭ رۋحى تالپىنۋعا، قول جەتكىزۋگە تاتيدى“.
ۋاڭ جيەنىڭ بويىنان باس شۋجي ”اينا“ ەتەرلىك ۇلگىنى كورىپ، ”ۋاڭ جيە رۋحى بۇرىن دا، قازىر دە، بولاشاقتا دا ءبىزدىڭ باعالى رۋحاني بايلىعىمىز“، - دەپ تەبىرەندى؛
گۋ ۋىنچاڭنىڭ بويىنان باس شۋجي ”جۇڭگو كوممۋنيستىك پارتياسىنىڭ سان مىڭداعان تاڭداۋلى باسشى كادرلارىنىڭ ۋاكىلىن“ كورىپ، ”ءبىز ونىڭ ىزگى ىستەرىنەن ۇيرەنگەندە، ولارعا قۇرمەت ەتۋمەن عانا توقتاپ قالماي، تاعى جاقسىدان ونەگە الۋعا ۇمتىلۋىمىز، سولار سياقتى ادام بولۋىمىز، قىزمەت ىستەۋىمىز كەرەك“، - دەپ باسا دارىپتەدى؛
جاڭ فۋچيڭنىڭ بويىنان باس شۋجي ”ءومىر بويى اۋەلگى ماقساتتان اينىماۋ، قاسيەتتى وزگەرتپەۋ“ رۋحىن كورىپ، ”ءوزىن ارناۋ رۋحىن بەلسەندىلىكپەن اسقاقتاتىپ، جاڭا داۋىردە جۇدىرىقتاي جۇمىلىپ كۇرەس جۇرگىزۋدىڭ قۇدىرەتتى كۇشىن ۇيىستىرۋدى“ تالاپ ەتتى؛
...
”مەن لەرمونتوۆتىڭ «زامانىمىزدىڭ قاھارمانى» اتتى شىعارماسىن وتە جاقسى كورەمىن، قاھارمان دەيمىز، سوندا كىم قاھارمان؟ ءاربىر ءداۋىردىڭ وزىنە ءتان ءداۋىر قاھارمانى بولادى“. باس شۋجي شي جينپيڭنىڭ ءسوزى ادامدى ەكپىندەي العا ىلگەرىلەۋگە جىگەرلەندىرەدى.
ۇلىلىق قاراپايىمدىلىقتان كەلەدى.
پارتيا مەن مەملەكەت ىستەرىنە جۇرەك قانىن سارقا جۇمساعان، قۇربان بەرىپ ءوزىن ارناعان سانسىز ۇلت تىرەكتەرى الدەقاشان ارەكەتتەرىمەن مىنانى دالەلدەدى: ەڭبەك سىڭىرگەن ۇلگىلەردى ۇلگى ەتسە، بارلىق قاراپايىم ادامنىڭ ءومىرى وزگەشە بولادى، بارلىق قاراپايىم قىزمەتتە ەرەن ناتيجەلەرگە قول جەتكىزۋگە بولادى.
(2) ۇلى جاسامپازدىق −
”ەڭبەك سىڭىرگەندەردى، داڭق اپەرگەندەردى ماداقتاپ - سيلاۋ ءتۇزىمىنىڭ ءونىمدى، جارامدى، ورنىقتى، باياندى بولۋىنا شىنايى كەپىلدىك ەتۋ كەرەك“
كەۋدەسىندەگى ”1 - شىلدە وردەنىن“ ەپپەن جەڭىل سيپاعان جيلين ولكەسى چاڭچۇن قالاسى كۋانچىڭ رايونى چاڭشان حۋايۋان الەۋمەتتىك اۋماعى پارتكومىنىڭ ءبىرىنشى شۋجيى ۋ ياچيننىڭ تۇلا بويىن كۇش - قۋات كەرنەدى.
پارتيانىڭ ەڭ جوعارى داڭقىنا ۋاكىلدىك ەتەتىن وسى وردەندە قىزىل ءتۇس، التىن ءتۇس، اق ءتۇس نەگىزگى ءتۇس ەتىلىپ ءبىر سۇڭداي ورىنعا پارتيا گەربى، بەس جۇلدىز، تۋ، ەسكەرتكىش جانە ساۋلە، كۇنباعىس، ۇلى تاۋ - وزەن سياقتى ەلەمەنتتەر توعىستىرىلعان...
”وردەن قاراپايىم، سالماقتى، وعان كوممۋنيستىك پارتيا مۇشەلەرىنىڭ ايقىن ءتۇپ بوياۋى سىڭىرىلگەن. مەن پارتيانىڭ شۇلەن شۇعىلاسىندا بار ىنتا - پەيىلىممەن حالىق ءۇشىن قىزمەت ىستەپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ۇزدىكسىز كۇرەس جۇرگىزەمىن“، - دەگەن ۋ ياچيننىڭ جانارىنان مىزعىماس سەنىم مەن مۇندالادى.
5 جىلدىڭ الدىندا جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قارساڭىندا پارتيا ورتالىق كوميتەتى تۇڭعىش رەت ”1 - شىلدە وردەنىن“ بەردى، بۇل پارتيانىڭ، مەملەكەتتىڭ، ارميانىڭ ەڭ جوعارى داڭقى ەسەپتەلەتىن ”بەس وردەننىڭ“ تولىق بەرىلگەندىگىن كورسەتەدى. باس شۋجي شي جينپيڭنىڭ ايرىقشا ءمان بەرۋى مەن شىنايى قامقورلىعىندا، بىرلىككە كەلگەن، جۇيەلى، بەدەلدى، ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋدىڭ جۇڭگوشا ءتۇزىمى جەلىلەس وردەن بەرۋ امالياتىندا تەكسەرۋدەن ءوتتى، رولىن ساۋلەلەندىردى.
بۇل قانداي تەرەڭنەن تولعانۋ ەدى؟
جۇڭگوشا سوتسياليزم جاڭا داۋىرگە وتكەندە، پارتيا مەن مەملەكەتكە ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋدىڭ جۇڭگوشا ءتۇزىمىن ورناتۋ جانە كەمەلدەندىرۋ كۇن سايىن كەزەك كۇتتىرمەيتىن ىسكە اينالدى.
جاڭا جۇڭگو قۇرىلعاننان بەرى، ەلىمىز شابىتتاندىرۋ ءتۇزىمى جاعىندا ماداقتاۋ - سيلاۋ سيلىعىن نەگىز ەتتى، مەملەكەتتىڭ ەڭ جوعارى دەڭگەيدەگى اتاق - داڭق بەرۋدى تۇزىمدەندىرۋ، ۇدايىلاندىرۋ مەحانيزمى ءالى قالىپتاسپاعان، شابىتتاندىرۋ ءتاسىلى ايتارلىقتاي مول ەمەس، ءونىمى ايتارلىقتاي كورنەكتى بولماعاندىقتان، ءداۋىردىڭ دامۋ اياق الىسىنا ىلەسۋى قيىن بولىپ، رەفورما جاساۋدى شۇعىل قاجەت ەتتى؛
ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ قىزمەتىن ورىستەتۋ سوتسياليستىك وزەكتى قۇن كوزقاراسىن ساۋلەلەندىرىپ، قاھارمانداردى ارداقتايتىن، قاھارمانداردان ۇيرەنەتىن، قاھارمان بولۋعا تالپىناتىن تاماشا بەينەنى ونان ارى قالىپتاستىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدەگى ۇيىستىرۋ قۋاتى مەن باۋراۋ قۋاتىن كۇشەيتۋگە ءتيىمدى؛
جاھاندانۋ كۇن سايىن ىشكەرىلەي دامىپ، ادامزاتتىڭ تاعدىرلاس ورتاق تۇلعاسىن قۇرۋ بىرتىندەپ كوپ ساندىلاردىڭ ورتاق تانىمىنا اينالعان جاڭا داۋىردە ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ قيمىلىن ورىستەتۋ جۇڭگونىڭ ءىرى ەلدىك وبرازىن ايگىلەپ، اناعۇرلىم كوپ حالىقارالىق دوستاردى سوتسياليستىك وسىزامانداندىرۋ قۇرىلىسىنا ات سالىسۋعا باۋراپ، ءتيىمدى سىرتقى دامۋ ورتاسىن قالىپتاستىرۋعا پايدالى.
جاڭا داۋىردەگى جۇڭگو ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋدىڭ قانداي ءتۇزىمىن قاجەت ەتەدى؟
”ءمورالدى باستى ورىنعا قويۋعا تاباندى بولۋ“، ”از بولسا دا ساز بولۋ“، ”امالياتتىڭ، حالىقتىڭ، تاريحتىڭ سىنىنان وتە الۋ“... باس شۋجي شي جينپيڭ پارتيا مەن مەملەكەت قىزمەتىنىڭ كەلەلى جاعدايىن شىعار ءتۇيىن ەتىپ، بيىكتە تۇرىپ، الىسقا كوز جىبەرىپ، اۋقىمدى باعامداپ، ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋدىڭ جۇڭگوشا ءتۇزىم جۇيەسىن قالاي ورناتۋ جانە كەمەلدەندىرۋ جونىندە ۇزدىكسىز وي جۇگىرتتى.
2015 - جىلى 12 - ايدا باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسىن باسقارىپ اشتى.
ءماجىلىس «پارتيا مەن مەملەكەتكە ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ ءتۇزىمىن ورناتۋ، اقاۋسىزداندىرۋ جونىندەگى پىكىردى» قاراپ ماقۇلداپ، پارتيا مەن مەملەكەتكە ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ قىزمەت كوميتەتىن قۇرۋدى ۇيعاردى.
پارتيا ورتالىق كوميتەتىنىڭ وسى پىكىردى باسىپ تاراتۋى، مەملەكەتتىك حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبليكاسىنىڭ مەملەكەت وردەنى جانە مەملەكەت داڭق اتاعى زاڭىن» ماقۇلداۋى نەگىزىندە، قاتىستى جاقتار پارتيا ءىشى، مەملەكەت، ارميا بويىنشا ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋدىڭ 3 ەرەجەسىن جەكە - جەكە بەلگىلەدى، 10 نەشە سايكەستى ءادىس كەزەڭدەرگە ءبولىپ بىرتىندەپ كەمەلدەندىرىلىپ، ەڭبەك سىڭىرگەندەردى، داڭق اپەرگەندەردى ماداقتاپ - سيلاۋ بويىنشا تاعايىنداۋ، تەكسەرىپ بەكىتۋ، ساراپتاۋ، تابىستاۋ سياقتى بۋىنداردىڭ تىعىز قابىسۋىنا، نەگىزدەلەتىن زاڭ بولۋىنا مۇمكىندىك جاسالدى.
2017 - جىلى 7 - ايدىڭ 28 - كۇنى جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا تۇڭعىش رەت ”1 - تامىز وردەنى“ بەرىلدى؛
2018 - جىلى 6 - ايدىڭ 8 - كۇنى رەسەي زۇڭتۇڭى پۋتين جۇڭگودا ساپاردا بولعاندا تۇڭعىش ”دوستىق وردەنى“ بەرىلدى؛
2019 - جىلى 9 - ايدىڭ 29 - كۇنى جاڭا جۇڭگو قۇرىلعاندىعىنىڭ 70 جىلدىعى قارساڭىندا تۇڭعىش رەت ”رەسپۋبليكا وردەنى“ جانە مەملەكەت داڭق اتاعى مەدالى بەرىلدى؛
2021 - جىلى 6 - ايدىڭ 29 - كۇنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى قارساڭىندا تۇڭعىش رەت ”1 - شىلدە وردەنى“ بەرىلدى؛
...
ايبىندى دا سالتاناتتى وردەن بەرۋ سالتى ەڭبەك سىڭىرگەندەردىڭ، داڭق اپەرگەندەردىڭ داڭق سەزىمىن جوعارىلاتىپ قانا قويماي، اسىرەسە، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ اسقاق جىگەرىن ءتىپتى دە تاسقىنداتتى.
”1 - شىلدە وردەنىنىڭ“ يەگەرى، فۋجيان ولكەسى فۋجوۋ قالاسى گۋلوۋ رايونى دۇڭجيە ءمالىسى جۇنمىن الەۋمەتتىك اۋماعى پارتكومىنىڭ شۋجيى لين دان 2024 - جىلى 9 - ايدىڭ 30 - كۇنى كەشتە ۇسىنىس بويىنشا جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن قۇتتىقتاۋ قوناعاسىنا قاتىناسقان كورىنىستى كۇنى بۇگىنگە دەيىن ۇمىتقان ەمەس.
اشەكەيلى شامداردىڭ ساۋلەسى استىندا ”رەسپۋبليكا وردەنى“، ”1 - شىلدە وردەنى“، ”1 - تامىز وردەنى“، ”دوستىق وردەنى“ جانە مەملەكەت داڭق اتاعى يەگەرلەرىنىڭ ۋاكىلدەرى حالىق سارايىنىڭ قوناعاسى زالىندا باس قوسىپ، سول جەردە باس شۋجي شي جينپيڭنىڭ ماڭىزدى ءسوزىن تىڭداپ، جۇڭحۋا حالىق رەسپۋبليكاسىنىڭ مەرەيتويىن بىرگە قۇتتىقتادى.
رۋحاني شابىتتاندىرۋ مەن زاتتاي سيلاۋدى ۇشتاستىرۋ، رۋحاني شابىتتاندىرۋدى نەگىز ەتۋ − ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ قىزمەتىنىڭ ماڭىزدى ەرەكشەلىگى.
پارتيا مەن مەملەكەتتىڭ ءار رەتكى كەلەلى سالتاناتتى قيمىلدارىندا ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ بويىنشا سيلىققا يە بولعانداردىڭ ۋاكىلدەرى سالتاناتتى تاماشالاۋعا ۇسىنىس ەتىلدى؛
ءتۇزىم ساتىسىندا ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ بويىنشا سيلىققا يە بولعاندارعا جاسالاتىن ساياسي مامىلە، تۇرمىس مامىلەسى، قىزمەت مامىلەسى ايقىندالدى؛
كوكتەم مەرەكەسىندە وتباسىلارىن ارالاپ حال سۇراۋ، داڭق جاردەماقىسىن تاراتۋ، ەمدەلۋ، تىنىعۋ، كۇتىمدەلۋگە ۇيىمداستىرۋ، مەديتسينالىق قارايلاسۋ سياقتى مامىلە ولشەمدەرى تۇراقتاندىرىلدى...
جۇرەكتەردى مەيىرگە بولەيتىن قامتاماسىزداندىرۋدا، اسا ابىرويلى قۇرمەتتە پارتيا مەن مەملەكەتتىڭ ۇلت قاھارماندارى، مەملەكەت تىرەكتەرى جونىندەگى وسكەلەڭ القاۋى جاتىر.
باس شۋجي شي جينپيڭنىڭ كوڭىل ءبولۋى مەن قامقورلىعىندا، ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ بويىنشا مامىلە ساياساتتارى ۇشتاستىرىلىپ، تياناقتاندىرۋ مەحانيزمى ۇزدىكسىز كەمەلدەندىرىلىپ، ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋ بويىنشا سيلىققا يە بولعانداردىڭ داڭق سەزىمى، تابىس سەزىمى ۇزدىكسىز كۇشەيدى.
بۇگىنگى تاڭدا وردەن، داڭق اتاعى، ماراپات - سيلىق جانە ەستەلىك زناك سياقتى 4 تۇردەن قۇرالعان ەڭبەك سىڭىرگەندەردى، داڭق اپەرگەندەردى ماداقتاۋ - سيلاۋدىڭ ءتۇزىم جۇيەسى جۇڭگوشا سوتسياليستىك ءىرى پارتيانىڭ، ءىرى ەلدىڭ سالتانات ءتۇزىمى مەن مەملەكەتتى باسقارۋ جۇيەسىنىڭ ماڭىزدى قۇرامداس بولىگىنە اينالىپ، جۇڭگوشا ەرەكشەلىكتى، جۇڭگو ستيلىن، جۇڭگو سالاۋاتىن بارىنشا ايگىلەدى.
(3) ۇلگىنىڭ كۇشى −
”ءاربىر پارتيا مۇشەسى ۇلتتى گۇلدەندىرۋ ۇلى ىسىندە پارتيا مەن حالىق ءۇشىن ەڭبەك ءسىڭىرىپ، ەسە قوسا الادى“
2 ايدان استام ۋاقىتتىڭ الدىندا اۋىل شارۋاشىلىق مامانى جاۋ يافۋ كۇرىش اتىزىندا 85 جاسقا كەلگەن تۋعان كۇنىن وتكىزدى.
2014 - جىلى باس شۋجي شي جينپيڭ جياڭسۋ جىنجياڭ شىيە قالاشىعى شيانفىڭ قىستاعىنىڭ اۋىل شارۋاشىلىق باقشاسىندا قىزمەت تەكسەرگەندە جاۋ يافۋمەن كەزدەسىپ، ”اۋىل شارۋاشىلىعى، اۋىل - قىستاق، شارۋالار قىزمەتى جاۋ يافۋ سياقتى قالتقىسىز ۇلەس قوساتىن قىرۋار ادامعا مۇقتاج“ دەپ شىن جۇرەكتەن القادى ءارى جىگەرلەندىردى.
بۇل جولى باس شۋجي شي جينپيڭ وعان ”1 - شىلدە وردەنىن“ بەردى، جاۋ يافۋ تىپتەن جىگەرلەندى: ”كوممۋنيستەر بۇكىل ىنتا - پەيىلىمەن حالىق ءۇشىن قىزمەت ىستەۋى كەرەك. بويىمنان حال كەتكەنشە، شارۋا دوستار ءۇشىن قارتايعانشا ۇيرەنەمىن، قارتايعانشا ىستەيمىن، قارتايعانشا قىزمەت ەتەمىن“!
ءبىر ءىستى تاڭداپ، ءومىر بويى جالعاستىردى. وتاننىڭ قۇرمەتىن ارقالاعان، حالىقتىڭ تىلەگىن شوعىرلاندىرعان وردەندى العان ەڭبەك سىڭىرگەن ۇلگىلەر ءومىرىن ارناۋ سىندى وكىنبەس سەرتتەرىن بەردى.
ولار سەنىمى بەرىك ادالدىقتى جازدى.
شيزاڭ لۇڭزى اۋدانى يۇيماي اۋىلىنىڭ تۇرعىنى جوگا ”1 - شىلدە وردەنىن“ العاننان كەيىن، ءار كۇنى اۋەلگىسىندەي قوداسىن ايداپ، اكەسىنىڭ، ءوزىنىڭ جانە ءسىڭلىسى ياڭزۇڭنىڭ قادامى جەتكەن جولدى بويلاپ شەكارانى شارلادى. وسى داڭققا يە بولعان ول وسى شەكارانى شارلاۋ جولىنا، ءتىپتى، قۇرمەتپەن قاراپ، يۇيمايدىڭ ءار تال ءشوپ، ءار ءتۇپ اعاشىن ادال نيەتپەن قورعادى.
ولار جان قيارلىقپەن سايىسۋ تاباندىلىقتارىنان جازبادى.
بيىل 3 - ايدا 95 جاستاعى ”حالىق اعارتۋشىسى“ جاڭ جينفان تاعى دا جۇڭگو ساياسي - زاڭ داشۋەسىنىڭ ساباق مىنبەسىنە شىقتى، ساباق وتكەندە قولىنا قايتا - قايتا جوعارى ەسەلىكتى لۋپا الىپ، لەكسيا ءماتىنىن ءسوز - سويلەمى بويىنشا كوردى. ”كاسىپتى قۇرمەتتەۋ، كاسىپكە شوگەل بولۋ، كاسىپكە ىسىلۋ“، باس شۋجي شي جينپيڭنىڭ ءسوزىن جاڭ جينفان ءارقاشان كوكەيىندە ساقتاپ، ءوز امالياتىندا ايگىلەپ كەلەدى: ”جۇڭگو زاڭ تاريحى ءىلىمىنىڭ تامىرىن تاۋىپ، جۇڭگونىڭ زاڭ تاريحىن زەرتتەۋ ورتالىعىن جۇڭگونىڭ بايتاق دالاسىندا تامىر تارتتىرۋ كەرەك“.
ولار ەڭبەگىن بۇلدامايتىن قاراپايىمدىلىقتى ايگىلەپ كەلەدى.
81 جاستاعى ”حالىق عالىمى“، جۇڭگو عىلىم اكادەمياسىنىڭ اكادەميگى يە پەيجيان ”جۇڭحۋا ۇلتىنىڭ تالىقپاي تالپىنىپ كەلگەن اسپانعا ۇشىپ، ايمەن قاۋىشۋ ارمانىنىڭ“ ورىندالۋىنا ءومىر بويى كۇش سالىپ، قارتايسا دا قاستەرلى ارمانىنان قايتپاي، ءالى دە ۇلى مۇراتىن ۇمىتپاي كەلەدى: ”مەن مەملەكەت ءۇشىن ءىس ىستەۋدى جاقسى كورەمىن، قانشا كوپ ىستەسەم سونشا جاقسى“، - دەيدى ول.
ۇلى ءداۋىر ۇلى رۋحقا ۇندەيدى، ارداقتى ءىس ۇلگىنىڭ جەتەكتەۋىن قاجەت ەتەدى.
”جۇڭحۋا ۇلتى قاھارماندار توپ - توبىمەن شىعاتىن ۇلت، جاڭا ءداۋىر قاھارمانداردى جەتىلدىرەتىن ءداۋىر“. باس شۋجي شي جينپيڭ نۇسقاعان بەتالىسپەن ەڭبەك سىڭىرگەن ۇلگىلەر جەكە مۇراتتارىن مەملەكەتتىڭ دامۋى، ۇلتتىڭ گۇلدەنۋى كەلەلى جاعدايىنا توعىستىردى. وسى داڭق ۋاقىتتاردان ءوتىپ، الداعى جولدى نۇرلاندىرىپ، ۇلت رۋحىنىڭ ۇزىلمەس داستانىن ۇزدىكسىز جازۋدا.
توپ - توپ تاڭداۋلى پارتيا مۇشەسى ۇلگىلەر رۋحىن ءىزباسارعا يە ەتتى.
مىڭداعان ”شياۋما قىزمەت پۋنكتى“ بارلىق جەرگە تارالىپ، 80 مىڭعا جۋىق ”شياۋمانى“ تاربيەلەدى... بۇگىنگى تاۋلى قالا چۇڭچيڭدە ”الەۋمەتتىك اۋماق شياۋمالارى“، ”قوعام حاۋىپسىزدىگى شياۋمالارى“، ”قالا باسقارۋ شياۋمالارى“ توپ - توبىمەن جارىققا شىعىپ، بۇقارانىڭ تالاپ - تىلەكتەرىن دەن قويا، سۇيىسپەنشىلىكپەن ورىنداپ، نەگىزگى ساتىنى باسقارۋعا قىزمەت ەتتى.
جاستار كۇشىنىڭ ەسەيۋى ”1 - شىلدە وردەنىنىڭ“ يەگەرى ما شانشياڭنىڭ بار زەيىنىمەن جالعاستىرۋىنان باستاۋ العان.نەگىزگى ساتىدا 30 نەشە جىل تامىر تارتقان وسى ساقا جاراستىرۋشى ۇنەمى قارا شۇپەرەك شاقاي كيىپ، كوشەلەردى ارالاپ، كورشى - قولاڭدارىنىڭ قيىنشىلىعىن شەشىپ، ۋايىمنان ارىلتتى. ”لاۋما“ ”شياۋمالاردى“ باستاپ، نەگىزگى ساتىنىڭ الدىڭعى شەبىنە ۇزدىكسىز تىڭ قان قۇيدى.
”ءبىز لاۋما جولداس سياقتى سانسىزداعان نەگىزگى ساتى كادرلارىنىڭ كوممۋنيستىك پارتيا مۇشەلەرىنىڭ ۇلگىلىك، باستاماشىلدىق رولىن ساۋلەلەندىرۋىنە مۇقتاجبىز“. باس شۋجي شي جينپيڭنىڭ تاپسىرماسى ”لاۋمالاردى“ ءومىرىنىڭ سوڭىندا دا كۇش - قۋاتىن ساۋلەلەندىرۋگە، ”شياۋمالاردى“ كۇش جالعاپ العا زاۋلاۋعا جىگەرلەندىردى.
ەڭبەك سىڭىرگەن ۇلگىلەردىڭ اسقاق رۋحى ۇشقىننان قاۋلاعان جالىنداي، قالىڭ پارتيا مۇشەلەرى، كادرلار كوڭىلىندە ەكپىندەي ىلگەرىلەۋ وتىن تۇتاندىردى.
”1 - شىلدە وردەنىنىڭ“ يەگەرى حۋاڭ ۋىنشيۋ كۇرەس جۇرگىزگەن گۋاڭشي بايسى قالاسىنىڭ بايني قىستاعىندا ”ۋىنشيۋ اتويشىلدار قىزمەت ورنى“ ۇدايىلاندىرا جۇمىس جۇرگىزدى، پارتيا مۇشەلەرى ىرىقتىلىقپەن قىزمەت جاۋاپكەرشىلىگىن ارقالاپ، اتويلاپ الدا ءجۇرىپ، كورشىلەر اراسىنداعى قايشىلىقتاردى بار كۇشپەن شەشىپ، قىستاق تۇرعىندارىنىڭ كىرىستەرىن ارتتىرۋىنا دەم بەردى؛
”مەملەكەتتىك تاڭداۋلى كوممۋنيستىك پارتيا مۇشەسى“ لياۋ جۇنبو اۋداندىق پارتكومنىڭ شۋجيى مىندەتىن اتقارعان فۋجيان جىڭحى اۋدانىندا اق شايدىڭ حوش ءيىسى اڭقىپ، مادەنيەت - ساياحات گۇلدەنىپ، لياۋ جۇنبونىڭ وزاتتىق ىستەرى كورمەسى سارايىندا ەكسكۋرسيالاۋشىلاردىڭ اياعى ۇزىلمەيدى؛
”حالىق ونەگەسى“ ۋاڭ جيساي تۇرعان جياڭسۋ ولكەسى كايشان ارالىندا 2018 - جىلدان بەرى 8 توپتاعى ارالدى قورعاۋشى حالىق جاساقتارى 190 نەشە رەت كەزەكشىلىك اۋىستىرىپ، كۇزەتكە تۇرىپ، ”ءبىز بارلىعىمىز ارالدى قورعاۋشىلارمىز“ دەگەن مەملەكەتكە قالتقىسىز ادالدىعىن جازدى...
ۇلگى بولىپ، ناتيجە جاراتپاساڭ، وزگەلەر ساعان بويسۇنبايدى ءارى سەنبەيدى.
ۇلگى رۋحىنىڭ ىقپالى تەرەڭ، كەڭ تارايدى، باس شۋجي شي جينپيڭ بىلاي دەپ ۇندەۋ تاستادى: ”تەك مۇرات - سەنىمدى بەكەمدەپ، كۇرەسكەرلىك جىگەردى بەكەمدەپ، اينىماس قايسارلىقتى بەكەمدەپ، جايشىلىقتا كوزگە ءتۇسىپ، شەشۋشى ساتتە كەۋدە كەرە العا شىعىپ، قاتەرلى، قيىن وتكەلدە باسىن بايگە تىگە بىلسە، ءاربىر پارتيا مۇشەسى ۇلتتى گۇلدەندىرۋ ۇلى ىسىندە پارتيا مەن حالىق ءۇشىن ەڭبەك ءسىڭىرىپ ەسە قوسا الادى“!
جاڭا داۋىردەگى جارىققا ۇمتىلۋشىلار الاۋدى قولعا الدى، ءبىر پارتيا مۇشەسىنىڭ شايقاس جاساۋى ءبىر قوسىننىڭ اتوي سالۋىنا اينالىپ، ”مەن الدىمەن بارامىن“ دەۋ ارقىلى ”ماعان ەرىڭدەر“ دەۋ جەبەلىپ، وسكەلەڭ قاسيەت ءىس - ارەكەتتە قۇلشىنا تياناقتاندىرىلدى.
قاھارمانداردى قاستەرلەگەندە عانا قاھارماندار جارىققا شىعادى، قاھارمان بولۋعا ۇمتىلعاندا عانا قاھارماندار توپ - توبىمەن جارىققا شىعادى.
پارتيا ءۇشىن، مەملەكەت ءۇشىن، حالىق ءۇشىن ءوزىن ارناعان جانە قۇربان بولعان بارلىق قاھارمان ۇلگىلى تۇلعالار جونىندە ءبىز ولاردىڭ رۋحىن ساۋلەلەندىرىپ، ولاردىڭ بويىنان تاسقىنداعان كۇش - قۋات قابىلداۋىمىز كەرەك. باس شۋجي شي جينپيڭنىڭ شىنايى تىلەگى جۇڭگونىڭ بايتاق دالاسىندا تياناقتانىپ تامىر تارتۋدا.
ءارقايسى جوعارى مەكتەپتەر ەڭبەك سىڭىرگەن ۇلگىلەردى مىنبەرگە شىعىپ، ساباق وتۋگە ۇسىنىس ەتتى، جاندى، اسەرلى اڭگىمەلەر قالىڭ وقىتۋشى - وقۋشىلاردى وزاتتاردى قاستەرلەۋگە، وزاتتاردان ۇيرەنۋگە، وزات بولۋعا جىگەرلەندىردى؛ ”ءمولدىر ماحابباتىم جۇڭگوعا عانا ارنالادى“ دەگەندى سەرت ەتكەن شەكارا قورعاۋشى قۇربان چىن شياڭرۇڭ قاتارلى قاھارمانداردىڭ ىزگى ىستەرى جاڭا نۇسقاداعى ءتىل - ادەبيەت وقۋلىعىنا ەنگىزىلىپ، جاستار مەن ورەندەر جۇرەگىنە پارتيانى، وتاندى ءسۇيۋدىڭ تۇقىمىن سەپتى؛ ”رەسپۋبليكا وردەنىن“ العان سەگىز ادامدى پروتوتيپ ەتىپ جاسالعان ”ەڭبەك ءسىڭىرۋ“ تەلەتەاترىن كورۋشىلەر مەن القاۋشىلار بىردەي ارتىپ، سانسىز كورەرمەن اسەرلەندى...
جۇڭحۋانىڭ بايتاق دالاسىنا نازار سالساق، بارلىق جەردەن قاھارمانداردى القاعان ايبىندى ءۇن ەستىلەدى، قامال الىپ، قيىندىقتى جەڭگەن كۇرەسكەرلەر بەينەسى مەن مۇندالايدى. ەڭبەك سىڭىرگەن ۇلگىلەرگە قۇرمەت ءبىلدىرۋ، ولاردان ۇيرەنۋ ءداۋىر سالتىنا اينالىپ، ەرلىكپەن العا ىلگەرىلەۋدىڭ جوڭكىلگەن تولقىنى بولىپ توعىستى.
وشپەس ەڭبەك تاريح پاراقتارىنا جازىلدى؛ شۇعىلالى ۇلگى الداعى جولدى نۇرلاندىردى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قاھارمان ۇلگىلەردىڭ ونەگەسى وتاننىڭ بايتاق دالاسىن نۇرلاندىرىپ، كۇرەس رۋحى ءداۋىر تاسقىنىن جوڭكىلتتى، 100 ميلليونداعان حالىق ءبىر نيەتتە، ءبىر باعىتتا بولىپ، بوساڭسىماي شىنايى ىستەسە، ءسوز جوق، گۇلدەنۋگە قادام تاستاۋدىڭ تەلەگەي كۇشىن ۇيىستىرىپ، قاھارماندار مولىنان جارىققا شىعاتىن جۇڭحۋا ۇلتىنىڭ جاڭا جورىقتا تولقىن جارىپ، ايبىنمەن العا باسۋىن جەبەيتىن بولادى.
(شينحۋا اگەنتتىگىنىڭ 7 - ايدىڭ 2 - كۇنى بەيجيڭنەن بەرگەن)
