شي جينپيڭ بۇيرىق كۋالىگىن بەردى ٴارى شەنى وسىرىلگەن اسكەري قولباسىلاردى قۇتتىقتادى
7 ـ ايدىڭ 3 ـ كۇنى ورتالىق اسكەري ىستەر كوميتەتىنىڭ شاڭجياڭ اسكەري شەنىنە ٴوسىرۋ سالتى بەيجيڭ 1 ـ تامىز عيماراتىندا وتكىزىلدى. ورتالىق اسكەري ىستەر كوميتەتىنىڭ ٴتوراعاسى شي جينپيڭ شەن ٴوسىرۋ سالتىنا قاتىناستى. سۋرەتتە: شي جينپيڭ قاتارلى باسشى جولداستار شاڭجياڭ اسكەري شەنىنە وسىرىلگەن اسكەري قولباسىلارمەن توپتىق سۋرەتكە ٴتۇستى.
□سۋرەتتى شينحۋا اگەنتتىگىنىڭ ٴتىلشىسى لي گاڭ تۇسىرگەن
شينحۋا اگەنتتىگىنىڭ 7 ـ ايدىڭ 3 ـ كۇنى بەيجيڭنەن بەرگەن حابارى (ٴتىلشى مەي چاڭۋي). ورتالىق اسكەري ىستەر كوميتەتىنىڭ شاڭجياڭ اسكەري شەنىنە ٴوسىرۋ سالتى 7 ـ ايدىڭ 3 ـ كۇنى بەيجيڭ 1 ـ تامىز عيماراتىندا وتكىزىلدى. ورتالىق اسكەري ىستەر كوميتەتىنىڭ ٴتوراعاسى شي جينپيڭ شەن ٴوسىرۋ سالتىنا قاتىناستى.
تۇستەن بۇرىن ساعات 10نان 30 مينۋت مولشەرىندە شەن ٴوسىرۋ سالتى ايبىندى جۇڭحۋا حالىق رەسپۋبليكاسىنىڭ مەملەكەت انىمەن باستالدى. ورتالىق اسكەري ىستەر كوميتەتىنىڭ ورىنباسار ٴتوراعاسى جاڭ شىڭمين شەن ٴوسىرۋ سالتىن باسقاردى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قول قويعان شاڭجياڭ اسكەري شەنىنە ٴوسىرۋ بۇيرىعىن وقىدى.
شي جينپيڭ شاڭجياڭ اسكەري شەنىنە وسىرىلگەن ورتالىق اسكەري ىستەر كوميتەتى ٴتارتىپ تەكسەرۋ كوميتەتىنىڭ شۋجيى، قوسىمشا ورتالىق اسكەري ىستەر كوميتەتى باقىلاۋ ـ تەكسەرۋ كوميتەتىنىڭ مەڭگەرۋشىسى جاڭ شۋگۋاڭعا، اۋە ارمياسىنىڭ سىليڭيۋانى ۋاڭ گاڭعا بۇيرىق كۋالىگىن بەرىپ، ولاردى قۇتتىقتادى. شاڭجياڭ اسكەري شەنى پاگونىن تاققان 2 اسكەري قولباسى شي جينپيڭگە قۇرمەت ٴبىلدىردى، سالتقا قاتىناسقان بارلىق جولداسقا قۇرمەت ٴبىلدىردى، بۇكىل زالدان قىزۋ شاپالاق ٴۇنى كوتەرىلدى.
شەن ٴوسىرۋ سالتى جۇڭگو حالىق ازاتتىق ارمياسىنىڭ اسقاق ارميا انىمەن اياقتادى. وسىدان كەيىن، شي جينپيڭ قاتارلى باسشى جولداستار شاڭجياڭ اسكەري شەنىنە وسىرىلگەن اسكەري قولباسىلارمەن توپتىق سۋرەتكە ٴتۇستى.
اسكەري ىستەر كوميتەتى ورگانىنىڭ ٴارقايسى تاراۋلارىنداعى، ارميانىڭ بەيجيڭدە تۇراتىن قاتىستى ورىندارىنداعى نەگىزگى جاۋاپتى جولداستار قاتارلىلار شەن ٴوسىرۋ سالتىنا قاتىناستى.
