□ گازەتىمىزدىڭ شولۋشىسى
”15 ـ بەسجىلدىقتىڭ“ ايبىندى كارتيناسى باياۋ جايىلعاندا، ٴبىز جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قارسى الدىق. شىكۋمىننان تيان ـ انمىنعا، شيڭيە جولىنان فۋشيڭ جولىنا دەيىن 105 جىلدىق شۇعىلالى ساتتەردى باسىپ وتكەن 100 جىلدىق ٴىرى پارتيا كەمەل شاعىنا كەلدى.
7 ـ ايدىڭ 1 ـ كۇنى جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسى سالتاناتپەن وتكىزىلدى، باس شۋجي شي جينپيڭ ماڭىزدى ٴسوز سويلەپ، 105 جىلدان بەرى جۇڭگو كوممۋنيستىك پارتياسىنىڭ بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، باسىپ وتكەن شۇعىلالى بارىسىن، جاراتقان ۇلى تابىستارىن جان ـ جاقتى ەسكە الدى جانە قورىتىندىلادى، جۇڭگو كوممۋنيستىك پارتياسىنىڭ ۇزدىكسىز شۇعىلالى ناتيجە جاراتا الۋىنداعى تاڭداۋلى قاسيەتىن تەرەڭ اشىپ كورسەتتى. جاڭا جورىقتاعى بارلىق جۇڭگو كوممۋنيستەرىنىڭ سەنىمدى بەكەمدەپ، ۇزدىكسىز كۇرەس جۇرگىزۋى جونىندە ايقىن تالاپتار قويدى، بۇكىل پارتياعا قۇلشىنا جاڭا تاريحي شۇعىلالى تابىستار جاراتۋ ۇلى ۇندەۋىن جاريالادى. باس شۋجي شي جينپيڭنىڭ ماڭىزدى ٴسوزىنىڭ ويى ورەلى، يدەياسى تەرەڭ، مازمۇنى باي بولىپ، جاڭا ٴداۋىردىڭ جاڭا جورىعىندا پارتيانىڭ وزەكتى مىندەتىن جۇزەگە اسىرۋعا اناعۇرلىم ايقىن بەتالىس كورسەتتى، بويسۇنۋ ولشەمىن ازىرلەدى.
تاۋلار جون ـ جوتاسىمەن ايبىندى كورىنەدى، كەمە رولعا سۇيەنىپ العا تارتادى. 105 جىلدان بەرى، پارتيامىز بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، قاجىماي ـ تالماي كۇرەس جۇرگىزىپ، جاڭا دەموكراتيالىق توڭكەرىستىڭ، سوتسياليستىك توڭكەرىس پەن قۇرىلىستىڭ، رەفورما جاساۋ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتتى، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى ەپوستى جازدى. 105 جىل قاجىماي ـ تالماي كۇرەس جۇرگىزىپ، جۇڭگو حالقىنىڭ بولاشاعى مەن تاعدىرىن تۇبىرىنەن وزگەرتتى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولىن اشتى، ماركسيزمنىڭ قۇدىرەتتى ومىرشەڭ كۇشىن ايگىلەدى، دۇنيە ٴجۇزىنىڭ تاريحي اياق الىسىنا تەرەڭ ىقپال جاسادى، قۇدىرەتتى جۇڭگو كوممۋنيستىك پارتياسىن سومدادى.
جۇڭگودا كوممۋنيستىك پارتيا بولعاندىقتان شينجياڭنىڭ بايتاق دالاسى دا نۇرلى بولاشاققا جانە ۇمىتكە تولدى. 105 جىلدان بەرى، وتانىمىزدىڭ شينجياڭى قاراڭعىلىقتان جارىققا، مەشەۋلىكتەن العا باسۋعا، كەدەيلىكتەن بايۋعا، توماعا ـ تۇيىقتىقتان ەسىك اشۋعا بەت الدى. بۇگىنگى شينجياڭدا جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ جەتەكشىلىگىندە، قوعام ورنىقتىلىعى مەن باياندى تىنىشتىق نەگىزى اناعۇرلىم بەكەمدەلدى، جۇڭحۋا ۇلتى ورتاق تۇلعا قۇرىلىسى ىشكەرىلەي ىلگەرىلەتىلدى، دەموكراتيا، زاڭمەن باسقارۋ قۇرىلىسى ۇزدىكسىز تەرەڭدەتىلدى، جوعارى ساپالى دامۋ مەن جوعارى دەڭگەيلى ەسىك اشۋ سايكەستى بىرگە ىلگەرىلەتىلدى، مادەنيەتتىڭ دامۋ ونىمدىلىگى كورنەكتى بولدى، حالىق تۇرمىسى قۇت ـ ىرىسى ۇزدىكسىز ارتتى، دامۋ ەڭ جاقسى، وزگەرىس ەڭ زور، ٴار ۇلت بۇقاراسى ناقتى يگىلىككە ەڭ كوپ كەنەلگەن تاريحي مەزگىلگە ٴوتتى. تاۋ ـ وزەندەر، كوممۋنيستىك پارتيا بولماسا، جاڭا جۇڭگو بولماق ەمەس، وتان قۇشاعىندا گۇلدەنىپ ـ كوركەيگەن كورىكتى شينجياڭ ٴتىپتى دە بولماق ەمەس دەگەنگە كۋا.
تاريحتىڭ كوركەم كارتيناسى ۇدەرە العا تارتۋ بارىسىندا كەسكىندەلدى؛ ٴداۋىردىڭ شۇعىلالى داستانى جاڭا كۇرەس بارىسىندا جازىلدى. جاڭا ٴداۋىردىڭ جاڭا جورىعىندا پارتيانىڭ وزەكتى مىندەتى − بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى ەل قۇرىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ. العا باسۋ جولىنىڭ باستان ـ اياق ٴساتتى بولۋى مۇمكىن ەمەس، جاعداي نەعۇرلىم كۇردەلى، مىندەت نەعۇرلىم جاپالى، بورىش نەعۇرلىم داڭقتى بولعان سايىن، تىرەكتىك رول اتقاراتىن ”جول باستاۋشى“ سولعۇرلىم قاجەت. بۇكىل رايونداعى ٴار دارەجەلى پارتيا ۇيىمدارى، قالىڭ پارتيا مۇشەلەرى مەن كادرلار باس شۋجي شي جينپيڭنىڭ ماڭىزدى ٴسوزىن مۇقيات ۇيرەنىپ، ٴتۇسىنىپ، ٴسوزدىڭ رۋحىن ٴتۇرلى قىزمەتتە شىنايى دايەكتىلەندىرىپ، تياناقتاندىرىپ، ۇيرەنۋ جەتىستىكتەرىن جاڭا جورىقتا ەكپىندەي ىلگەرىلەۋدىڭ، جاڭا داۋىردە ۇلەس قوسۋدىڭ ٴىس جۇزىندىك ارەكەتىنە اينالدىرۋى كەرەك.
ۇزاق ساپارعا جاڭادان قادام تاستاپ، جەلكەن جايىپ، بولاشاققا بەت الدىق. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، ۇلى پارتيا قۇرۋ رۋحىن بار كۇشپەن اسقاقتاتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ٴبىر جاعادان باس، ٴبىر جەڭنەن قول شىعارىپ، ەرلىكپەن العا باسىپ، جاڭا ۇزاق جورىق جولىندا جۇرتتى جالت قاراتاتىن تىڭ دا اناعۇرلىم زور كەرەمەتتەردى قۇلشىنا جاراتايىق!
