انار بۇلت \ شينجياڭ گازەتىنىڭ ٴتىلشىسى گو ليڭ 7 ـ ايدىڭ 3 ـ كۇنى ۇرىمجىدەن حابارلايدى. 7 ـ ايدىڭ 3 ـ كۇنى ”جاڭا داۋىردەگى شينجياڭ كادرلارى ۇلكەن ساباقحاناسىنىڭ“ ۇلتتار ىنتىماعى، العاباسارلىعىن جەبەۋ زاڭى جونىندەگى ارناۋلى تاقىرىپتىق پىسىقتاۋ لەكسياسى وتكىزىلدى، مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتى نەگىزگى زاڭ كەڭسەسىنىڭ مەڭگەرۋشىسى حوۋ شياۋگۋاڭ ارناۋلى تاقىرىپتا پىسىقتاۋ جاسادى، اۆتونوميالى رايوندىق پارتكومنىڭ تۇراقتى مۇشەسى، بىرلىكساپ ٴبولىمىنىڭ باستىعى ەلزات احمەتجان باسقاردى.
حوۋ شياۋگۋاڭ باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا تەلەگەي زاڭمەن باسقارۋ كۇشىن ۇيىستىرۋدى نەگىزگى تاقىرىپ ەتىپ، ۇلتتار ىنتىماعى، العاباسارلىعىن جەبەۋ زاڭىن جاساۋدىڭ داۋىرلىك ارتقى كورىنىسى مەن كەلەلى ماڭىزىن تەرەڭ ٴتۇسىنۋ، ۇلتتار ىنتىماعى، العاباسارلىعىن جەبەۋ زاڭىن ويداعىداي ۇيرەنۋدىڭ، ويداعىداي تياناقتاندىرۋدىڭ العى شارتى مەن نەگىزى، ۇلتتار ىنتىماعى، العاباسارلىعىن جەبەۋ زاڭىنىڭ ٴتۇيىندى مازمۇندارى مەن جاڭالىق اشۋ جارقىن تۇيىندەرىن دۇرىس يگەرۋ، ۇلتتار ىنتىماعى، العاباسارلىعىن جەبەۋ زاڭىن دايەكتى اتقارۋدى شىن مانىندە ويداعىداي ىستەۋ سياقتى جاقتاردان جۇيەلى ىشكەرىلەي تۇسىنىك جاسادى.
ٴماجىلىس مىنالاردى باسا دارىپتەدى: ۇلتتار ىنتىماعى، العاباسارلىعىن جەبەۋ زاڭىن ۇيرەنۋدى، ۇگىتتەۋدى، دايەكتىلەندىرۋدى كەلەلى ساياسي مىندەت ەتۋ كەرەك. قىزمەت ورنىنىڭ ٴىس جۇزىندىگىن تياناق ەتىپ، زاڭ بەلگىلەمەلەرىن ىشكەرىلەي ۇيرەنىپ، جەتە ٴتۇسىنىپ، زاڭمەن باسقارۋ وي جەلىسى مەن زاڭمەن باسقارۋ تاسىلىنەن پايدالانىپ شينجياڭنىڭ ۇلت قىزمەتىن ويداعىداي ىستەۋ قابىلەتى مەن دەڭگەيىن ۇزدىكسىز جوعارىلاتۋ كەرەك؛ ۇلتتار ىنتىماعى، العاباسارلىعىن جەبەۋ زاڭى بويىنشا زاڭ جالپىلاستىرۋ ۇگىتىن تىڭعىلىقتى ورىستەتىپ، ۇگىتتىڭ قامتۋ كولەمىن ۇزدىكسىز كەڭەيتىپ، ۇگىتتىڭ ناقتى ونىمدىلىگىن كۇشەيتىپ، زاڭ رۋحىن جۇرت جۇرەگىنە تەرەڭ ۇيالاتۋ كەرەك؛ پارتيانىڭ باسشىلىعىن ۇلتتار ىنتىماعى، العاباسارلىعىن جەبەۋ زاڭىن اتقارۋدىڭ تۇتاس بارىسىنا، ٴار جاعىنا ٴسىڭىرىپ، ٴار جاقتاعى ٴتۇزىم ولشەمدەرىنىڭ ورگانيكالى ۇشتاسۋىن، سايكەسە كۇش سالۋىن ىلگەرىلەتىپ، سوتسياليستىك زاڭمەن باسقارۋدىڭ بىرلىگىن، ابىرويىن جانە بەدەلىن شىنايى قورعاۋ كەرەك.
مۇقيات جارمۇقامەت قاتىناستى. اۆتونوميالى رايوندا نەگىزگى ٴماجىلىس الاڭى، ايماقتاردا (وبلىس، قالا)، اۋدانداردا (قالا، رايون)، بيڭتۋان ورگاندارىندا، شىلارىندا (قالا)، تۋاندارىندا (الاڭ) بولىمشە ٴماجىلىس الاڭى ورنالاستىرىلدى.
