□ شينحۋا اگەنتتىگىنىڭ تىلشىلەرى
تاريحتى ەڭ سالتاناتتى ەسكە الۋ − تاعى دا شۇعىلالى تابىس جاراتۋ.
حالىققا بەرگەن ەڭ شىنايى ۋادە − قاجىماي ـ تالماي كۇرەس جۇرگىزۋ.
2026 جىلى 7 ـ ايدىڭ 1 ـ كۇنى جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسى بەيجيڭ حالىق سارايىندا سالتاناتپەن وتكىزىلدى. باس شۋجي شي جينپيڭ ماڭىزدى ٴسوز سويلەپ، 105 جىلدان بەرى جۇڭگو كوممۋنيستىك پارتياسىنىڭ بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، باسىپ وتكەن شۇعىلالى بارىسىن، جاراتقان ۇلى تابىستارىن جان ـ جاقتى ەسكە الدى جانە قورىتىندىلادى، جۇڭگو كوممۋنيستىك پارتياسىنىڭ ۇزدىكسىز شۇعىلالى تابىستار جاراتا الۋىنداعى تاڭداۋلى قاسيەتىن تەرەڭ اشىپ كورسەتتى، جاڭا جورىقتاعى بارلىق جۇڭگو كوممۋنيستەرىنىڭ سەنىمدى بەكەمدەپ، ۇزدىكسىز كۇرەس جۇرگىزۋى جونىندە ايقىن تالاپتار ورتاعا قويدى، بۇكىل پارتياعا قۇلشىنا جاڭا تاريحي شۇعىلالى تابىستار جاراتۋ ۇلى ۇندەۋىن شىعاردى.
” ’ۇلى ىستەر ۇلى ەرىك ـ جىگەردەن تۋىندايدى، ۇلى ىستەر قاجىماي ـ تالماي ەڭبەكتەنۋدەن كەلەدى‘. جاڭا ٴداۋىردىڭ جاڭا جورىعىندا پارتيانىڭ بورىشىن، مىندەتىن جۇزەگە اسىرۋ بارلىق جۇڭگو كوممۋنيستەرىنەن سەنىمدى بەكەمدەپ، ۇزدىكسىز كۇرەس جۇرگىزىپ، ٴداۋىر مەن حالىق ٴۇمىتىن اقتايتىن تىڭ ناتيجەلەردى ۇزدىكسىز جاراتۋدى تالاپ ەتەدى“.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ۇلى پارتيا قۇرۋ رۋحىن اسقاقتاتىپ، العان بەتىنەن قايتپاي، اۋەلگى ماقساتتى، بورىشتى امالياتتا ايگىلەگەن جاڭا داۋىردەگى كوممۋنيستەر پارتيانى قۇدىرەتتەندىرۋدىڭ، مەملەكەتتى قۇدىرەتتەندىرۋدىڭ تىڭ تاراۋىن ۇزدىكسىز جازىپ، حالىقتى ىنتىماقتاستىرىپ جانە باستاپ، اناعۇرلىم ۇلى جەڭىس پەن داڭق جاراتاتىنى داۋسىز.
ەڭ سەنىمدى تىرەك، ەڭ ايبىندى ەپوس
7 ـ ايدىڭ 1 ـ كۇنى تۇستەن بۇرىن حالىق سارايىنىڭ ۇلكەن زالىندا شامدار سامالاداي جارقىرايدى. ٴتوراعالار مىنبەسىندە التىن ٴتۇستى پارتيا گەربى 10 نارت قىزىل تۋدىڭ ايشىقتاۋىندا جارقىراپ نۇر شاشىپ تۇر، ”1921 − 2026“ دەگەن جازۋ ەرەكشە كوز تارتادى.
”قىزىل تولقىن جوڭكىلىپ، قىزىل شاپاق نۇرىن توكتى، بەس مىڭ جىلدان اسقان شىرت ۇيقىدان وياتتى“. كەزىندەگى جياشيڭ نانحۋ كولىندەگى كىشكەنتاي قىزىل قايىق قازىر ۇلتتى گۇلدەندىرۋگە جول باستايتىن ايباتتى الىپ كەمەگە اينالدى.
105 جىل جۇڭحۋا وركەنيەتىنىڭ بەس مىڭ جىلدان اساتىن وسى ۇزاق تاريح كارتيناسىندا ٴبىر بەتتىك عانا قىسقا تاراۋ ەسەپتەلىنەدى. الايدا ٴدال وسى سالماقتى ٴبىر بەت دۇنيەنى ٴدۇر سىلكىندىرگەن ۇلى سەكىرۋدى تۇلعالادى −
1840 ـ جىلعى اپيىن سوعىسىنان كەيىن ۇلتتىڭ تاعدىرىندا كۇرت وزگەرىس بولىپ، مەملەكەت قۇرىپ ـ جوعالۋ حاۋپىنە تاپ بولدى. 1921 ـ جىلى جۇڭگو كوممۋنيستىك پارتياسى دۇنيەگە كەلىپ، جۇڭحۋا ۇلتىنىڭ مەملەكەتتى جويىلۋدان قۇتقارىپ، جاڭا ومىرگە قادام تاستاۋىنا جول اشتى. 1949 ـ جىلى جاڭا جۇڭگو قۇرىلىپ، دامۋ تىڭ پاراعىن اشتى، پارتيامىز ٴجۇز ميلليونداعان حالىقتى باستاپ، قايراتتانا العا ۇمتىلىپ، وسى عاسىردىڭ ورتا شەنىندە جاپپاي سوتسياليستىك وسىزاماندانعان قۇدىرەتتى ەل قۇرۋ ايبىندى نىساناسىنا قاراي ارشىندى قادام تاستادى.
قۇتتىقتاۋ جينالىسىندا باس شۋجي شي جينپيڭ تولىق سەنىممەن بىلاي دەپ اتاپ كورسەتتى: ”105 جىلدان بەرى، پارتيامىز باستان ـ اياق جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوزدەۋ سىندى اۋەلگى ماقساتتان، بورىشتان جازباي، دۇنيە ٴجۇزىنىڭ دامۋ اۋقىمىنا تەرەڭ كوز جىبەرىپ، ٴارقايسى تاريحي مەزگىلدەردەگى قوعامداعى باستى قايشىلىقتى، وزگەرىستى دالمە ـ ٴدال يگەرىپ، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، قاجىماي ـ تالماي كۇرەس جۇرگىزىپ، جاڭا دەموكراتيالىق توڭكەرىستىڭ، سوتسياليستىك توڭكەرىس پەن قۇرىلىستىڭ، رەفورما جاساۋ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتىپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى ەپوستى جازدى.
ون شاقىرىمدىق ۇزىندىقتاعى كوشە گۇلدەي قۇلپىردى، جۇڭگونىڭ بايتاق دالاسى شىت جاڭا بەينەگە ەندى.
حالىق سارايىنىڭ ٴتوراعالار مىنبەسىندە 1936 ـ جىلى تۋعان جۇڭگو ينجەنەريا اكادەمياسىنىڭ اكادەميگى جۇڭ جۋە دوڭگەلەكتى ورىندىققا وتىرعان، كەۋدەسىنە پارتيا ىشىندەگى ەڭ جوعارى داڭققا ۋاكىلدىك ەتەتىن ”1 ـ شىلدە وردەنىن“ تاعىپ العان. باس شۋجي شي جينپيڭنىڭ ماڭىزدى ٴسوزىن تىڭداعاننان كەيىن، ونىڭ ويىنا بالا كەزىندە سوعىس بىلىقپالىعىن باستان كەشىرگەن بەينەتتى وتكەن ىستەرى ورالدى، پارتيا قۇشاعىندا مەملەكەت قۇرىلىسىنا ات سالىسقان اسەرلى جىلداردى ەسكە الدى.
گۇلدەنۋدى مۇرات ەتۋ − جۇڭگو كوممۋنيستەرىنىڭ جۇڭحۋا ۇلتىنا بەرگەن ايبىندى سەرتى، بارلىق كۇرەس، بارلىق قۇرباندىق، بارلىق جاسامپازدىقتىڭ ورتاق نەگىزگى تاقىرىبى.
105 جىل قاجىماي ـ تالماي كۇرەس جۇرگىزىپ، جۇڭگو حالقىنىڭ بولاشاعىن، تاعدىرىن تۇبەگەيلى وزگەرتتى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولىن اشتى، ماركسيزمنىڭ قۇدىرەتتى ومىرشەڭ كۇشىن ايگىلەدى، دۇنيە ٴجۇزىنىڭ تاريحي اياق الىسىنا تەرەڭ ىقپال جاسادى، قۇدىرەتتى جۇڭگو كوممۋنيستىك پارتياسىن سومدادى.
”بۇگىنگى كۇندە جۇڭحۋا ۇلتىنىڭ ۇلى گۇلدەنۋى بوگەۋ بەرمەيدى، بۇرىن بولىپ كورمەگەن نۇرلى بولاشاقتى ايگىلەۋدە“. باس شۋجي شي جينپيڭنىڭ ەكپىندى ٴسوزى بارلىق جۇڭحۋا ۇلاندارىنىڭ ورتاق جۇرەك ٴۇنىن جەتكىزدى.
پارتيا 19 ـ قۇرىلتايىنىڭ بايانداماسىنداعى ”ۇزاق ۋاقىت قۇلشىنۋ ارقىلى جۇڭگوشا سوتسياليزم جاڭا داۋىرگە ٴوتتى“، ”جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ نۇرلى بولاشاعىن قارسى الدى“ دەگەن ماڭىزدى تۇجىرىمنان پارتيا قۇرىلعاندىعىنىڭ 100 جىلدىق مەرەيتويىنداعى ”جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى قايتارۋعا كەلمەيتىن تاريحي ۇردىسكە قادام تاستادى“ سىندى ايبىندى جاريالاۋعا دەيىن، ونان ”جۇڭحۋا ۇلتىنىڭ ۇلى گۇلدەنۋى بوگەۋ بەرمەيدى“ دەيتىن ٴداۋىردىڭ كۇشتى ۇنىنە دەيىن − جۇڭحۋانىڭ بايتاق دالاسىندا وراسان زور وزگەرىستەر تۋىلىپ، جۇڭگو حالقى تاعدىرىن ٴوز قولىندا مىقتاپ ۇستادى.
گۇلدەنۋ دۇنيەنى جالت قاراتقان دامۋ كەرەمەتىندە قۇلاشىن كەڭ جايدى.
فاڭ جىمين تۇرمەدە «سۇيىكتى جۇڭگو» دەگەن شىعارماسىن جازعان كەزدە اياعىنا كىسەن سالىنعانىمەن، سەنىمنىڭ تەرەڭ تۇكپىرىنە ۇيالاعان كورىنىستى كوردى: ”بارلىق جەر جاندى دا جالىندى جاسامپازدىق، بارلىق جەر كۇن سايىن جاڭارىپ، اي سايىن تۇلەجىگەن العا باسۋ“. بۇگىنگى تاڭدا بۇل كورىنىس 9 ميلليون 600 مىڭ شارشى كيلومەتردەن استام ۇلان ـ بايتاق جەرگە تارالىپ، ارداگەر قۇربانداردىڭ ويلاعانىنان دا ايبىندى بولدى.
كەدەي، مەشەۋ اۋىل شارۋاشىلىق ەلىنەن دامىپ، دۇنيە جۇزىندەگى جاساۋ كاسىبىندەگى ٴبىرىنشى ٴىرى ەلگە، زات ساۋداسىنداعى ٴبىرىنشى ٴىرى ەلگە، شەتەل اقشاسى زاپاسىنداعى ٴبىرىنشى ٴىرى ەلگە اينالىپ، جالپىلىق مەملەكەت قۋاتى ۇزدىكسىز جوعارىلادى؛
تەمىر شەگە مەن سىرىڭكەنى دە يمپورت ەتۋدەن ”شىنجوۋدىڭ“ اسپانعا ۇشۋىنا، ”بەيدوۋدىڭ“ تور قۇراۋىنا، جاساندى زەردە ۇلكەن مودەلدەرىنىڭ جارىسا دامۋىنا، ادام ٴتارىزدى قۇلتەمىردىڭ ”گۇڭفۋ ۇلگىسىن“ كورسەتۋىنە دەيىن ىشكى قوزعاۋشى كۇش اناعۇرلىم كۇشەيدى؛
ىشەر اس، كيەر كيىمگە جارىماۋدان كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرۋدى جۇزەگە اسىرۋعا، جالپى حالىقتىڭ بىرگە بايۋىندا تىڭ ماندىك ىلگەرىلەۋشىلىككە قول جەتكىزۋگە دەيىن...
باس شۋجي شي جينپيڭ ماڭىزدى سوزىندە اتاپ كورسەتكەندەي: ”توڭكەرىس، قۇرىلىس، رەفورمانىڭ جانە جاڭا ٴداۋىردىڭ ۇلى امالياتىندا پارتيامىز حالىققا باسشىلىق ەتىپ سان الۋان ماشاقاتتى باستان كەشىرىپ، جۇڭگوشا سوتسياليزم جولىن ٴساتتى اشتى جانە وعان تاباندى بولدى، دامىعان ەلدەردىڭ نەشە ٴجۇز جىلدا باسىپ وتكەن ونەركاسىپتەنۋ بارىسىن نەشە ون جىلدا ـ اق باسىپ ٴوتىپ، ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتى جاراتتى“.
گۇلدەنۋ وزىنە سەنۋ، ٴوز كۇشىنە سۇيەنۋ، ٴوزىن الۋەتتەندىرۋ سىندى ەكپىندەي ىلگەرىلەۋ ساپارىندا جازىلدى.
جاز كۇندەرى التىن كۇننىڭ شۇلەن شۇعىلاسى شاندۇڭنىڭ باتىس سولتۇستىك دالاسىنداعى كەستەلى اتىزدارعا توگىلدى. شاندۇڭنىڭ دىجوۋىنداعى ليڭچىڭ رايونى بيانلين قالاشىعى دۇڭيۇيجيا قىستاعىندا دۋماندى ەگىس جۇمىسىنىڭ قاربالاس كورىنىسى مەن مۇندالايدى.
”قانشا مۋ جەرگە استىق ەكتىڭىز“؟ ”ٴونىمى قانداي“؟ 2026 ـ جىلى ”1 ـ شىلدە“ قارساڭىندا باس شۋجي شي جينپيڭ وسى اراعا ارنايى كەلىپ، اتىز باسىنا بارىپ، اۋىلداستارمەن ىقىلاستى اڭگىمەلەستى.
”پارتيا مەن ۇكىمەتتىڭ ساياساتى جاقسى، استىق ەگۋ قوسىمشا قاراجاتى، ەگىس ماشينالارى قوسىمشا قاراجاتى بار، قامسىزداندىرۋ قوسىمشا قاراجاتى دا بار، ٴبارى دە دەر كەزىندە تياناقتاندى“. كولەمدى استىق ەگەتىن ديقان يۇي شۋليدىڭ توتىققان جۇزىنەن رياسىز كۇلكى ەستى.
اڭگىمەدەن جىل سايىن مول ٴونىم الاتىن سەنىمى كورىنىپ تۇر. تۇرمىس جاقسارا تۇسكەن، تاماشا تۇرمىس باقىت سەزىمىنە بولەيدى.
جان باسىندىق ىشكى ٴوندىرىس جالپى قۇنى ٴۇرتىس 3 جىل 13 مىڭ دوللاردان اسىپ، ادامداردىڭ ورتاشا مەجەلى عۇمىرى 79.25 جاسقا جەتىپ، دۇنيە جۇزىندەگى كولەمى ەڭ ۇلكەن وقۋ ـ اعارتۋ جۇيەسى، قوعامدىق قامتاماسىزداندىرۋ جۇيەسى، ەمدەۋ، دەنساۋلىق ساقتاۋ جۇيەسى قۇرىلدى... تۇرمىس بەرەكەلى، بارشا وتباسى كوڭىلدى بولعان بۇگىنگى جۇڭگودا بۇقارانىڭ تۇرمىسى جايلى دا دۋماندى ٴوتىپ جاتىر.
گۇلدەنۋ دۇنيە ٴجۇزىنىڭ گۇلدەنۋىن بىرگە جەبەۋ جاۋاپكەرشىلىگىندە ايگىلەندى.
”15 ـ بەسجىلدىقتىڭ“ باستاما جىلىندا جۇڭگو جۇرت نازارىن اۋدارعان ”جۇڭگوعا ساپارلاۋ ورلەۋىن“ قارسى الدى. موزامبيكتىڭ زۇڭتۇڭى چاپو شەت ـ شالعاي اۋىل ـ قىستاقتارعا بارىپ، ”جۇڭگونىڭ كەدەيلىكتى ازايتۋ تاجىريبەسى مەن كەدەيلىكتەن ارىلتۋدان قامال الۋدىڭ جەڭىس جەتىستىگىنە“ ٴوز كوزىمەن كۋا بولدى؛ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى سۋ لين جوعارى قارقىندى پويەزبەن شيۇڭانعا بارىپ، ”بولاشاق قالانىڭ“ ومىرشەڭ كۇشىن سەزىندى...
ٴىرى ەلدىڭ ٴىرى ەلگە ٴتان سالاۋاتى الەمگە يگىلىك جەتكىزدى. ”پارتيامىز قاشاندا تاريحتىڭ دۇرىس جاعىندا تۇرىپ، ادامزات وركەنيەتىنىڭ العا باسۋى جاعىندا تۇرىپ، ٴوزىن تىنباي الۋەتتەندىرەتىن كۇرەسپەن دۇنيە ٴجۇزى دامۋىنىڭ بەتالىسى مەن اۋقىمىن تەرەڭ وزگەرتتى“.
جۇڭگو كوممۋنيستىك پارتياسى حالىققا باسشىلىق ەتىپ جۇڭگو ۇلگىسىندەگى وسىزامانداندىرۋدى ىلگەرىلەتىپ، ادامزات وركەنيەتىنىڭ جاڭا فورماتسياسىن جاراتىپ، وركەندەپ كەلە جاتقان ەلدەردىڭ وسىزاماندانۋعا بەت الۋ جولىن كەڭەيتتى. ٴبىز ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ادامزاتتىڭ كەلەلى ماسەلەلەرىن شەشۋگە جۇڭگو اقىل ـ پاراساتىن، جۇڭگو جوباسىن، جۇڭگو كۇشىن ارنادىق. جۇڭگو كوممۋنيستىك پارتياسى باسشىلىق ەتكەن سوتسياليستىك جۇڭگو دۇنيە ٴجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەس قوسۋشىسى، حالىقارالىق ٴتارتىپتىڭ قورعاۋشىسى.
”جۇڭگو ۇلگىسىندەگى وسىزامانداندىرۋ − ٴبىر ٴتۇرلى باسقارۋ عىلىمى، ٴبىر ٴتۇرلى ناقتى ارەكەت ۇلگىسى، اۋمالى ـ توكپەلى جاعدايعا توتەپ بەرۋدەگى تاماشا ٴادىس“. يسپانيا جۇڭگونى تانۋ ساباقحاناسى قور قوعامىنىڭ اتقارۋشى ٴتوراعاسى مارتا مونتورو تاياۋدا ٴوزىنىڭ زەرتتەۋىن «جاڭا داۋىردەگى جۇڭگو ۇلگىسىندەگى وسىزامانداندىرۋ: گۇلدەنۋ، يەلىك ۇقىق جانە الەمدىك باسقارۋعا اپاراتىن وزگەشە وركەنيەت جولى» دەگەن تاقىرىپتا ماقالا ەتىپ جازدى.
”قازىرگى دۇنيە جۇزىندە قايسى ساياسي پارتيا، قايسى مەملەكەت، قايسى ۇلت وزىنە سەنىم ارتا الادى دەسەك، جۇڭگو كوممۋنيستىك پارتياسى، جۇڭحۋا حالىق رەسپۋبليكاسى، جۇڭحۋا ۇلتى وزىنە سەنىم ارتۋعا ەڭ قاقىلى“.
بۇل سەنىم ”پارتيا مەن مەملەكەت ىستەرىندە تاريحي تابىسقا قول جەتىپ، تاريحي وزگەرىستەر تۋىلىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم كەمەلدى تۇزىمدىك كەپىل، اناعۇرلىم بەرىك زاتتىق نەگىز، اناعۇرلىم ىرىقتى رۋحاني كۇش ازىرلەۋدەن“ كەلگەن، ”پارتيامىز دامىپ الەمدە ماڭىزدى ىقپالعا يە دۇنيە جۇزىندەگى ٴبىرىنشى ٴىرى بيلىك باسىنداعى پارتياعا اينالىپ، حالىقتىڭ شىن جۇرەكتەن قورعاۋىنا جانە قولداۋىنا يە بولۋدان“ كەلگەن.
بۇل − 105 جىل تولاستاماعان جورىق، بۇل تولىق سەنىممەن ەرلىكپەن العا باسقان اسقاق جىگەر.
تەڭدەسسىز تاڭداۋلى قاسيەت ”نە ٴۇشىن قولىنان كەلەدى“ دەگەننىڭ شەشۋشى قۇپيا سيفرى
”اۋىل ٴانىن پارتياعا ارنايمىن، پارتيانى اناما بالايمىن“...
2026 ـ جىلى 6 ـ ايدىڭ 29 ـ كۇنى اسقاق داۋىستى بالالار حورىمەن جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ مۋزيكا كەشى شىمىلدىعىن اشتى. «قىزىل تۋعا ماداقتاعى» ايبىندى اۋەندە، «كوكەك شوپتەگى» تەرەڭ سۇيىسپەنشىلىككە تولى ۇندەسپەلى اۋەزدە 100 جىلدىق ٴىرى پارتياعا شىنايى القاۋ جىرلاندى.
جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس، جۇڭحۋا ۇلتىنىڭ ۇلى گۇلدەنۋى دە بولماق ەمەس.
قۇتتىقتاۋ جينالىسىندا باس شۋجي شي جينپيڭ بىلاي دەپ تەرەڭ اتاپ كورسەتتى: ”جۇڭگو كوممۋنيستىك پارتياسىنىڭ 105 جىلدىق كۇرەس بارىسىندا ۇزدىكسىز شۇعىلالى ناتيجە جاراتا الۋى، تاريح پەن حالىقتىڭ جۇڭگو كوممۋنيستىك پارتياسىن تاڭداۋى، تۇپتەپ كەلگەندە، پارتيامىزدىڭ باسقا ساياسي پارتيالار مەن ساياسي كۇشتەر تەڭەسە المايتىن تاڭداۋلى قاسيەتكە يە بولعاندىعىندا“.
”اقيقاتقا تالپىنۋدى مۇرات ەتىپ، العا باسۋ بەتالىسىن باستان ـ اياق ٴداپ باسىپ يگەردى“. ”حالىققا تەرەڭ تامىر تارتىپ، باستان ـ اياق بەرىك نەگىزگە يە بولدى“. ”تاريحي بورىشتى باتىلدىقپەن ارقالاپ، باستان ـ اياق ستراتەگيالىق ىرىقتىلىقتى يگەردى“. ”دامۋ اعىمىنا سايكەسىپ، باستان ـ اياق ٴداۋىردىڭ الدىڭعى لەگىندە ٴجۇردى“. ”باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، ٴسوزسىز جەڭىسكە جەتۋ سەنىمىن باستان ـ اياق ساقتادى“. ” ٴوزىن الۋەتتەندىرۋگە باسا ٴمان بەرىپ، باستان ـ اياق جالىندى ومىرشەڭ كۇشكە تولى بولدى“. باس شۋجي شي جينپيڭ پارتيانىڭ تاريحي تاجىريبەلەرى مەن امالياتتىق جاسامپازدىعى ارقىلى اقىل ـ پاراساتتى وياتىپ، مىنەز ـ قۇلىقتى شىڭداپ، جۇڭگو كوممۋنيستىك پارتياسىنىڭ نە ٴۇشىن قولىنان كەلەتىندىگىنىڭ شەشۋشى قۇپيا سيفرىن ايقىن ٴتۇسىندىردى.
جۇڭگو كوممۋنيستىك پارتياسىنىڭ نە ٴۇشىن ىسكەر بولۋى، جۇڭگوشا سوتسياليزمنىڭ نە ٴۇشىن جاقسى بولۋى، سايىپ كەلگەندە، ماركسيزمنىڭ جارامدى بولۋىندا، جۇڭگوشالانعان، زامانالانعان ماركسيزمنىڭ جارامدى بولۋىندا. ماركسيزمدىك عىلمي نازاريا جەتەكشىلىگىنىڭ بولۋى − پارتيامىزدىڭ نانىمدى، سەنىمدى بەكەمدەپ، تاريحي ىرىقتىلىقتى يگەرۋىنىڭ ٴتۇبىرلى تياناعى.
جياڭسۋدىڭ چاڭجوۋىنداعى چۇي چيۋباي ەسكەرتكىش سارايىندا ايالداعاندا، ”مەن ٴاردايىم كوپشىلىككە نۇرلى جول اشۋدى ويلايمىن“ دەگەن ادال جۇرەك ٴۇنى كوڭىل تۇكپىرىنە تىكە جەتتى.
100 جىلدان استام ۋاقىتتان بەرگى ەرەكشە بارىسقا قايىرىلا قاراساق، جۇڭگو كوممۋنيستەرى باستان ـ اياق العا باسۋ بەتالىسىن ٴدال يگەرىپ، ماركسيزمدى سۋبيەكتيۆ دۇنيە مەن وبيەكتيۆ دۇنيەنى وزگەرتۋدىڭ قۇدىرەتتى يدەيالىق قارۋى ەتىپ، يدەيانى ازات ەتىپ، شىندىقتى ٴىس جۇزىنەن ىزدەپ، داۋىرمەن بىرگە العا باسىپ، شىندىققا جۇگىنىپ ناقتى ٴىس ىستەپ، جۇڭگونىڭ العا باسۋىنا جەتەكشىلىك ەتەتىن، حالىقتىڭ قۇت ـ ىرىسىن ارتتىراتىن، ۇلتتىڭ گۇلدەنۋىن جۇزەگە اسىراتىن داڭعىل جول اشتى.
2026 ـ جىلى 6 ـ ايدىڭ 15 ـ كۇنى مەملەكەتتىك پارتيا قۇرىلىسى قىزمەتى اڭگىمە ٴماجىلىسى اشىلىپ، شي جينپيڭ پارتيا قۇرىلىسى يدەياسىن ۇيرەنۋ، دايەكتىلەندىرۋ جونىندە قىزمەت ورنالاستىرۋى جاسالدى.
شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ پارتيا قۇرىلىسى ٴبولىمى رەتىندە، شي جينپيڭ پارتيا قۇرىلىسى يدەياسى مەن شي جينپيڭ ەكونوميكا يدەياسى، شي جينپيڭ زاڭمەن باسقارۋ يدەياسى، شي جينپيڭ مادەنيەت يدەياسى، شي جينپيڭ ەكولوگيالىق وركەنيەت يدەياسى، شي جينپيڭ ارميانى قۇدىرەتتەندىرۋ يدەياسى، شي جينپيڭ ديپلوماتيا يدەياسى، جالپى تۇلعالىق مەملەكەت حاۋىپسىزدىگى كوزقاراسى سياقتىلار شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي نازاريالىق جۇيەسىنىڭ بايۋى مەن كەمەلدەنۋىن بىرگە ىلگەرىلەتتى.
جاڭا داۋىردەن بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ماركسيزم ”جەبەسى“ ارقىلى جاڭا داۋىردەگى جۇڭگونى نۇرلاندىرىپ، ٴورىس اشۋ سيپاتتى مانگە يە كوپتەگەن نازاريالىق جاسامپازدىق جۇرگىزىپ، 21 ـ عاسىرداعى ماركسيزم دامۋىنىڭ تىڭ ٴورىسىن ۇزدىكسىز اشىپ، قازىرگى زامانعى جۇڭگو ماركسيزمىنىڭ اناعۇرلىم شۇعىلالى اقيقات نۇرىن شاشۋىنا مۇمكىندىك جاسادى.
حالىق − تاريحتى جاراتۋشى، بۇقارا − ناعىز قاھارمان.
1946 ـ جىلى يان ـ انعا تىلشىلىك ىستەۋگە بارعان امەريكا ٴتىلشىسى: ”ەڭ كوپ ەستىگەن ٴسوزىم ’حالىق‘ بولدى“ دەگەن ەدى.
قۇتتىقتاۋ جينالىسىندا باس شۋجي شي جينپيڭنىڭ سوزىندە ”حالىق“ دەگەن ٴسوز 46 رەت اۋىزعا الىندى.
بيلىك دەگەنىمىز حالىق، حالىق دەگەنىمىز بيلىك، بۇل ”ٴارقانداي داۋىلدى تولقىن شايقالتا المايتىن بەرىك نەگىز“.
”كوممۋنيستىك پارتيا مۇشەسى رەتىندە، بۇقارا قايدا بولسا، مەنىڭ قىزمەت ورنىم دا سوندا“، ”حالىق ٴۇشىن قىزمەت ەتۋدىڭ وسى جالىنىن بارعان سايىن لاۋلاتامىن“. حالىق سارايىندا ”1 ـ شىلدە وردەنى“ يەگەرلەرىنىڭ ۋاكىلى، جيليننىڭ چاڭچۇنىنان كەلگەن نەگىزگى ساتى الەۋمەتتىك اۋماق قىزمەتكەرى ۋ ياچيننىڭ قاراپايىم دا ۇعىنىقتى ٴسوزى كۇشتى ۇندەستىك تۋدىردى.
ستراتەگيالىق ىرىقتىلىقتى يگەرگەندە عانا ۇتىمدى ورايعا قول جەتكىزۋگە بولادى. ٴبىر پارتيا جەڭىمپاز ورىندا تۇرۋ ٴۇشىن، ٴسوز جوق، ٴداۋىردىڭ الدىڭعى لەگىندە تۇرىپ، جاڭا تاريحي ەرەكشەلىكپەن تىعىز ۇشتاستىرىپ، جالپى جاعدايدى عىلمي جوسپارلاپ، ستراتەگيالىق نىسانانى تاباندىلىقپەن جۇزەگە اسىرۋى كەرەك.
2026 ـ جىلى 3 ـ ايدىڭ 12 ـ كۇنى دۋ قول شاپالاق ٴۇنى حالىق سارايىن جاڭعىرتتى.
14 ـ كەزەكتى مەملەكەتتىك حالىق قۇرىلتايىنىڭ 4 ـ ٴماجىلىسى ”15 ـ بەسجىلدىق“ جوبا باعدارلاماسى جونىندەگى قاراردى داۋىسقا سالىپ ماقۇلدادى، جۇڭگونىڭ الداعى 5 جىلداعى دامۋىنىڭ ايبىندى جوباسى جۇرت الدىنا جايىپ سالىندى.
اسا سالماقتى جوسپار تاريحي ٴۇردىستى كورسەتىپ، ستراتەگيالىق تەرەڭدىكتى ايگىلەدى.
”تاريح پەن حالىق جۇكتەگەن ماڭىزدى بورىشتى باتىلدىقپەن ارقالاپ، ۇزاق بولاشاقتىق نىسانا مەن كەزەڭدىك نىسانانىڭ بىرلىگىنە تاباندى بولىپ، قوعامداعى باستى قايشىلىقتىڭ وزگەرىسىنە ۇيلەسىپ وزەكتى مىندەتتى تۇراقتاندىرىپ، دۇرىس لۋشيان، باعىت ـ ساياساتتاردى بەلگىلەپ جانە اتقارىپ، ىستەردى دامىتۋدىڭ باسشىلىق ۇقىعىن جانە ىرىقتىلىق ۇقىعىن مىقتاپ يگەرۋگە شىنايى كەپىلدىك ەتتى“. باس شۋجي شي جينپيڭ جۇڭگو كوممۋنيستەرىنىڭ ستراتەگيالىق ويى مەن تاريحي ىرىقتىلىق رۋحىن تەرەڭ اشىپ كورسەتتى.
تاريحتىڭ العا باسۋ لوگيكاسىمەن العا باسىپ، ٴداۋىردىڭ دامۋ اعىمىندا دامىدى.
2026 ـ جىلى 1 ـ ايدا جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ جىل باسىنداعى 1 ـ رەتكى توپتىق ۇيرەنۋىندە باس شۋجي شي جينپيڭ ايقىن تالاپ قويدى: ”مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن ىلگەرىلەتۋ ستراتەگيالىق تۇرعىسىنان وبيەكتيۆ شارت ـ جاعدايدى تياناق ەتىپ، سالىستىرمالى ارتىقشىلىقتى ساۋلەلەندىرىپ، ورنىقتىلىق بارىسىندا ىلگەرىلەۋگە، ساتىلى جەتىلدىرۋگە تاباندى بولىپ، ەلىمىزدىڭ بولاشاق كاسىپ سالالارىن دامىتۋدا ۇزدىكسىز تىڭ سەرپىلىسكە قول جەتكىزۋدى ىلگەرىلەتۋىمىز كەرەك“.
2 ـ ايدا باس شۋجي شي جينپيڭ بيىل تۇڭعىش رەت ەل ىشىندە قىزمەت تەكسەرىپ، بەيجيڭنىڭ يجۋاڭىنداعى مەملەكەتتىك ينفورماتسيا تەحنولوگياسىن امالياتتا قولدانۋ، جاڭالىق اشۋ كاسىپ سالاسى باقشاسىنا كەلىپ، جاساندى زەردە، قۇلتەمىر سياقتى عىلىم ـ تەحنولوگيادا جاڭالىق اشۋ جەتىستىكتەرى كورمەسىن ەگجەي ـ تەگجەيلى كوردى.
توپتىق ۇيرەنۋدە تەرەڭنەن تولعانۋدان ناقتى ورىندا قىزمەت تەكسەرگەنگە دەيىنگى دالمە ـ ٴدال تەكسەرۋ ـ زەرتتەۋدە پارتيا ورتالىق كوميتەتى وسكەلەڭ تاريحي سانالىلىق پەن كەڭ الەمدىك كوز ايانى ۇستانىپ، بەلسەندى تۇردە وزگەرىستى تانىپ، وزگەرىسكە توتەپ بەرىپ، وزگەرىسكە تالپىنىپ، قايراتتانا ٴورىس اشا العا ىلگەرىلەپ، پارتيانىڭ ٴتۇرلى قىزمەتتەرىنىڭ داۋىرلىك سيپاتىن ايگىلەۋىن، زاڭدىلىق سيپاتىن يگەرۋىن، جاسامپازدىققا باي بولۋىن ىلگەرىلەتتى.
كۇرەس جولى جاپا ـ ماشاقاتقا تولى، قايسارلىقپەن كۇرەس جۇرگىزۋگە سۇيەنگەندە، ىستەرىمىزدى دامىتۋدىڭ تىڭ ٴورىسىن اشۋعا بولادى.
2026 ـ جىلى 7 ـ ايدىڭ 1 ـ كۇنى − چيڭحاي − شيزاڭ تەمىر جولى اشىلعاندىعىنىڭ 20 جىلدىعى. اسپان جولى ارمانىن جۇزەگە اسىرۋدان جوعارى ساپالى دامۋعا دەيىن، جۇڭگو كوممۋنيستەرى حالىقتى باستاپ، جان ـ تانىمەن ٴومىردىڭ ەڭ جوعارى شەگىنە ەرلىكپەن سايىس جاريالاپ، اۋىر كەدەرگىلەردى كۇش سالا الاستاپ، دۇنيەنىڭ جوتاسىندا تىڭ كەرەمەتتەردى ۇزدىكسىز جاراتتى.
رۋح − ناعىز پىشاق ٴجۇزى.
جاۋ قانشالىق كۇشتى، سىن ـ سايىس قانشالىق اۋىر بولسا دا، پارتيامىز باستان ـ اياق، ٴسوزسىز، جەڭىسكە جەتۋ سەنىمىن ساقتاپ، قۇربان بەرۋدەن قورىقپاۋ، ەرلىكپەن كۇرەس جۇرگىزۋ رۋحىنا تاباندى بولىپ جانە ونى ساۋلەلەندىرىپ، ”داۋىل سوعىپ، تولقىن تۋلاسا دا مىزعىمايتىن قۇرىش جىگەرمەن بۇكىل ەل حالقىن جەڭىستەن ـ جەڭىسكە جەتۋگە جىگەرلەندىردى“.
100 جىلدىق ٴىرى پارتيا نەسىمەن زورايدى؟
”پارتيامىز تەمىر سوقساڭ قۇرىش بول دەگەندى سەرگەكتىكپەن تانىپ، ٴداۋىردىڭ دامۋ تالابى بويىنشا وزىنە ۇڭىلۋگە، كۇشتى تاۋقىمەت تانىمى ارقىلى ٴوزىن ساقتاندىرۋعا، وزىنە ـ ٴوزى توڭكەرىس جاساۋ رۋحى ارقىلى ٴوزىن كەمەلدەندىرۋگە شەبەر بولىپ، وزىندىك قۇرىلىسقا وسكەلەڭ ٴمان بەردى“.
شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ تاقىرىپتىق تاربيەسىنەن پارتيا ٴتارتىبىن ۇيرەنۋ تاربيەسىنە، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىنە، ونان دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىنە دەيىن، پارتيا 20 ـ قۇرىلتايىنان بەرى، پارتيا ورتالىق كوميتەتى پارتيا ىشىندە شوعىرلى تاربيەنى ۇزدىكسىز ورىستەتىپ، بۇكىل پارتيانى جاڭا داۋىردەگى پارتيا قۇرىلىسى سىندى جاڭا ۇلى ينجەنەريانى تاباندىلىقپەن ىلگەرىلەتىپ، پارتيانىڭ العاباسارلىعى مەن كىرشىكسىزدىگىن ماڭگى ساقتاۋعا جەتەكتەدى.
ٴوزىن كەمەلدەندىرگەندە ۇلكەن ىستەردە تابىسقا جەتۋگە بولادى، ٴوزىن ويداعىداي باسقارعاندا الەمدى ويداعىداي باسقارۋعا بولادى.
”پارتيانىڭ العاباسارلىعىنا جانە كىرشىكسىزدىگىنە زيان جەتكىزەتىن بارلىق فاكتورلاردى باتىل الاستاپ، پارتيانىڭ اقاۋسىز تۇلعاسىن شىرىتەتىن ۆيرۋس اتاۋلىنى الاستاپ، توڭكەرىستىك سومدالۋ بارىسىندا اناعۇرلىم قۋاتتى بولا ٴتۇستى“.
باس شۋجي شي جينپيڭنىڭ ماڭىزدى ٴسوزى 100 جىلدىق ٴىرى پارتيانىڭ پارتيانى باسقارۋدىڭ، پارتيانى جونگە سالۋدىڭ، پارتيانى گۇلدەندىرۋدىڭ، پارتيانى قۇدىرەتتەندىرۋدىڭ تىڭ ٴورىسىن ۇزدىكسىز اشۋىنا جەتەكشىلىك ەتىپ، پارتيانىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ تاريحي بارىسىندا باستان ـ اياق مىعىم باسشىلىق ۇيتقىعا اينالۋىنا شىنايى كەپىلدىك ەتتى.
سەنىمدى بەكەمدەپ، ۇزدىكسىز كۇرەس جۇرگىزىپ، جاڭا تاريحي شۇعىلالى تابىستار جاراتتى
جازدىڭ شىلىڭگىر ىستىعىندا جۇڭگو كوممۋنيستىك پارتياسى تاريح كورمە سارايىندا ادامدار قايشالىسادى. باتىس جاقتاعى الاڭدا ەكسكۋرسيالاۋشىلار «تۋ» ٴمۇسىنىنىڭ الدىندا سۋرەتكە ٴتۇسىپ ەستەلىك قالدىرىپ، پارتيانىڭ 105 جاسقا تولعان تۋعان كۇنىن بىرگە قۇتتىقتادى.
105 جىلدان بەرى، مۇرات پەن سەنىم تۋىنىڭ جەتەكشىلىگىندە، جۇڭگو كوممۋنيستىك پارتياسى تاريحتا ماڭگى وشپەيتىن ۇلى تابىستارعا قول جەتكىزدى. بۇگىنگى تاڭدا ٴبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ٴارقانداي كەزدەگىدەن دە اناعۇرلىم جاقىنداي تۇستىك، مۇنى جۇزەگە اسىرۋعا سەنىمىمىز ٴتىپتى دە كامىل جانە قۋاتىمىز دا قاپتال جەتەدى.
قۇتتىقتاۋ جينالىسىندا باس شۋجي شي جينپيڭ بۇكىل پارتياعا: ”جۇڭگو كوممۋنيستىك پارتياسىنىڭ 105 جىلدىق شۇعىلالى تاريحى ماقتان ەتەرلىك، ٴبىراق ٴبىزدىڭ داندايسۋىمىزعا، توقمەيىلسۋىمىزگە، توقىراپ قالۋىمىزعا استە بولمايدى“، ـ دەپ ىقىلاستى ەسكەرتتى.
جاڭا جورىق، جاڭا بورىش، جاڭا مىندەت، جاڭا سىن ـ سايىس الدىندا، باس شۋجي شي جينپيڭ ”بەس ٴسوز جوق“ ايقىن تالابىن ورتاعا قويدى: ”ٴسوز جوق، پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولۋ كەرەك“، ”ٴسوز جوق، حالىققا تىعىز سۇيەنىپ تاريحي ۇلى ىستەر جاراتۋ كەرەك“، ”ٴسوز جوق، العا باسۋ جولىنداعى حاۋىپ ـ قاتەرلەر مەن سىن ـ سايىستارعا بەلسەنە توتەپ بەرۋ كەرەك“، ”ٴسوز جوق، ادامزاتتىڭ تاعدىرلاس ورتاق تۇلعاسىن قۇرۋدى ۇزدىكسىز ىلگەرىلەتۋ كەرەك“، ”ٴسوز جوق، پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋ كەرەك“.
تۋدى بيىك ۇستاپ، ەكپىندەي ىلگەرىلەپ، بەرىك تىرەك بولىپ، پارتيانىڭ باسشىلىعىنا بۇلجىماي تاباندى بولعاندا عانا وتە المايتىن قيىن وتكەل بولمايدى −
توڭكەرىستىك بايىرعى رايون جيڭگاڭشان تاۋىنىڭ قويناۋىنداعى بۇرىنعى ”بوس قىستاق“ شىنشان قىستاعى قازىر ”بارلىق وتباسىندا كاسىپ سالاسى بار، بارلىق وتباسى جارناگەر، بارلىق ادامدا كىرىس بار“ قىستاققا اينالدى.
بىرنەشە كۇننىڭ الدىندا شىنشان قىستاعى پارتيا ياچەيكاسىنىڭ شۋجيى پىڭ جان ـ ياڭ ۇسىنىس بويىنشا بەيجيڭ حالىق سارايىنا كەلىپ، جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ مۋزيكا ساۋىعىن تاماشالادى. باس شۋجي شي جينپيڭ قاتارلى پارتيا مەن مەملەكەت باسشىلارى ٴماجىلىس الاڭىنا كىرگەندە دۋ قول شاپالاق ٴۇنى كوتەرىلدى، پىڭ جان ـ ياڭنىڭ كوڭىل تەبىرەنىسى ۇزاققا دەيىن باسىلمادى.
2016 ـ جىلى كوكتەم مەرەكەسى قارساڭىندا جياڭشيدە قىزمەت تەكسەرىپ، تەكسەرۋ ـ زەرتتەۋ جۇرگىزىپ جاتقان باس شۋجي شي جينپيڭ شىنشان قىستاعىنا كەلىپ قىستاق پارتيا ياچەيكاسىن كوزدەن كەشىرىپ، قىستاق دارەجەلى ۇيىمدار قۇرىلىسى مەن كەدەيلەردى دالمە ـ ٴدال سۇيەمەلدەۋ جاعدايىن ەگجەي ـ تەگجەيلى ۇعىسىپ، قىستاق القاسىنداعىلاردى ۇزدىكسىز قۇلشىنىپ، اۋىلداستاردى ىنتىماقتاستىرىپ، باستاپ، قىستاق ىستەرىن ويداعىداي ىستەۋگە جىگەرلەندىردى.
”پويەزدىڭ تەز ٴجۇرۋى بۇكىلدەي پاراۆوزدىڭ جەتەكتەۋىنە سۇيەنەدى“. پىڭ جان ـ ياڭ بىلاي دەدى: پارتيا ورتالىق كوميتەتىنىڭ پارمەندى باسشىلىعى بولماسا، بايىرعى رايونداعى حالىقتىڭ كەدەيلىك قالپاعىن الىپ تاستاۋى دا، شىنشان قىستاعىنداعى تۇرعىنداردىڭ بۇگىنگى باقىتتى تۇرمىسى دا بولماس ەدى.
تاريحتىڭ تۇيىنىندە تۇرىپ وتكەنگە قايىرىلا قاراساق، ٴداۋىردىڭ العا باسۋ زاڭدىلىعىنا ٴتىپتى دە قانىق بولامىز: پارمەندى باسشىلىق ۇيتقى، عىلمي نازاريالىق جەتەكشىلىك باستان ـ اياق پارتيامىزدىڭ تاريحي ۇلى ىستەردى جاراتۋىنداعى ٴتۇبىرلى تياناعى بولىپ كەلدى.
ەكپىندەي ىلگەرىلەگەن جاڭا جورىقتا، ٴسوز جوق، ”ەكىنى تۇراقتاندىرۋدىڭ“ شەشۋشى ٴمانىن اناعۇرلىم تەرەڭ ٴتۇسىنىپ، ”ەكىنى قورعاۋدى“ اناعۇرلىم باتىل ورىنداپ، جولدى وزگەرتپەۋ، جىگەردى وزگەرتپەۋ تاباندىلىعىن ساقتاپ، پارتيانىڭ جاپپاي باسشىلىعى مەن پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىنا تاباندى بولىپ، كوشپەلى بۇلتتىڭ كوزدى كولەگەيلەۋىنەن قورىقپاۋدى، تولقىن جارا العا ىلگەرىلەۋدى ٴارى باعداردان اداسپاۋدى ورىنداۋ كەرەك.
اۋەلگى ماقساتتى ۇمىتپاي، بورىشتى ەستە بەرىك ساقتاپ، ٴجۇز ميلليونداعان جۇڭگو حالقى جۇدىرىقتاي جۇمىلساق، جەڭۋگە بولمايتىن قيىنشىلىق جوق −
حىناننىڭ لانكاۋىندا جياۋ يۇيلۋ كادرلار شۋەيۋانى قاقپاسىنىڭ الدىنداعى الاڭدا جياۋ يۇيلۋ كەزىندە ٴوز قولىمەن ەككەن شىنار اعاشى قالامشاسى قازىر قاۋلاپ ٴوسىپ، سامالاداي سامسىدى.
2026 ـ جىلى 7 ـ ايدىڭ 1 ـ كۇنى جۇڭگو كوممۋنيستىك پارتياسىنىڭ 105 جاسقا تولعان تۋعان كۇنىندە «ىزدەنۋ» جۋرنالىندا باس شۋجي شي جينپيڭنىڭ «جياۋ يۇيلۋ سياقتى اۋداندىق پارتكوم شۋجيى بولۋ كەرەك» اتتى ماڭىزدى ماقالاسى قايتا جاريالاندى.
وسى ماڭىزدى ماقالادا باس شۋجي شي جينپيڭ بىلاي دەپ ىشكەرىلەي اتاپ كورسەتتى: ”اۋداندىق پارتكوم شۋجيى − نەگىزگى ساتىداعى بۇقارامەن تىكە بەتپە ـ بەت كەزدەسەتىن باسشى كادر، ٴسوزسىز، بۇقارانى كوكەيىندە ساقتاۋى، حالىقتى باقىتقا كەنەلتۋى كەرەك. كوپشىلىك قاشاندا بۇقارانى كوكەيىندە ساقتاپ، جاپادا الدا، راقاتتا ارتتا بولىپ، جەكە مۇددەنى كوزدەمەي، كوپتىڭ قامىن ويلاۋى كەرەك“.
جارتى عاسىردان استام ۋاقىتتىڭ الدىندا جياۋ يۇيلۋ شىعىس حىناننىڭ لانكاۋ اۋدانىنا تامىر تارتىپ، حالىقتى باستاپ تاسقىنعا، قۇمدى بورانعا، سورتاڭعا قارسى اتتانىپ، ”حالىققا جاناسىمدى بولۋ، حالىقتى ٴسۇيۋ، قاجىرلىلىقپەن كۇرەس جۇرگىزۋ، عىلمي بولۋ، شىندىققا جۇگىنۋ، قيىندىقتان تايسالماي العا ۇمتىلۋ، قالتقىسىز ۇلەس قوسۋ“ رۋحىن قالدىردى، كوممۋنيستەردىڭ رۋحاني ەسكەرتكىشىن سومدادى.
قازىرگى تاڭدا، جياۋ يۇيلۋ ىلگەرى تالاي رەت تەكسەرۋ ـ زەرتتەۋ جۇرگىزىپ احۋال ۇعىسقان سان ـ يجاي اۋىلىندا باييۇنشان قىستاعى پارتيا ياچەيكاسىنىڭ شۋجيى چىن باۋچاۋ جياۋ شۋجيدىڭ حيكاياسى ارقىلى ٴوزىن جىگەرلەندىرىپ كەلەدى.
”جياۋ شۋجيدىڭ سول جىلى تۇتاس اۋداندى باستاپ ’ٴۇش ٴتۇرلى اپاتتى‘ وڭاۋى وڭاي ـ وسپاق شارۋا ەمەس ەدى، ٴبىراق ول باستان ـ اياق ٴبىرىنشى شەپتە تاباندى بولدى. قىستاق پارتيا ياچەيكاسىنىڭ شۋجيى رەتىندە، مەن دە باتىلدىقپەن جاۋاپكەرشىلىك ارقالاپ، جاپاعا شىداپ، زيان تارتۋعا پەيىل بولىپ، وكىنبەي كوپشىلىكتى باستاپ ۇزدىكسىز ىستەي بەرەمىن“، ـ دەدى چىن باۋچاۋ.
جاڭا جورىقتا ەكپىندەي ىلگەرىلەۋدە، ٴسوز جوق، حالىقتى وزەك ەتكەن دامۋ يدەياسىن باستان ـ اياق امالياتتا ايگىلەپ، پارتيانىڭ حالىق بۇقاراسىمەن ەتەنە بايلانىسىن ساقتاپ، ٴجۇز ميلليونداعان حالىقتىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ تەلەگەي كۇشىن ۇيىستىرۋ كەرەك.
ۋاقىتپەن جارىسىپ، ماڭگى بويكۇيەزدىككە سالىنباي، العان بەتىنەن قايتپايتىن كۇرەسكەرلىك بەينەنى ساقتايتىن بولساق، ىستەي المايتىن ٴىس بولمايدى −
بەيجيڭگە كەلۋدەن بۇرىن 85 جاستاعى ”1 ـ شىلدە وردەنىنىڭ“ يەگەرى جاۋ يافۋ جياڭسۋدىڭ جىنجياڭىنداعى جۇيرۇڭ قالاسى دايجۋاڭ قىستاعىنىڭ اتىزىندا قاربالاس جۇمىس ىستەپ جاتتى.
تۇيىندە تۇرىپ قىزمەت وتەۋ، اينالمالى ەگىمشىلىكپەن، باعىمشىلىقپەن شۇعىلدانۋ، قىستاق پەن كووپەراتيۆ سەلبەستىگى جونىندە ىزدەنىس جاساۋ... جاستىق شاقتان قارتايعانعا دەيىن ەگىن ەگۋدىڭ ٴبىرىنشى شەبىندە ەڭبەكتەنگەن وسى اۋىل شارۋاشىلىق عىلىم ـ تەحنولوگيا قىزمەتكەرى ”شارۋالاردىڭ اسىققانىنا اسىعۋ“ تاباندىلىعىمەن ديسسەرتاتسيانى توپىراققا جازدى، جەتىستىكتەردى ميلليونداعان شارۋالار وتباسىندا قالدىردى.
اۋەلگى ماقسات وزگەرمەدى، كۇرەس تولاستامادى. ”پارتيانىڭ تۋعان كۇنى ٴارى جاڭا باستالۋ كۇنى، مەن ٴالى دە ىستەي السام بولعانى شارۋالارعا، جۇڭگو اۋىل شارۋاشىلىعىنىڭ وسىزاماندانۋىنا ۇزدىكسىز ايانباي ۇلەس قوسامىن“. بۇل جاۋ يافۋدىڭ تەرەڭ سۇيىسپەنشىلىكپەن ايتقانى، سونداي ـ اق نەگىزگى ساتىنىڭ ٴبىرىنشى شەبىندە شايقاس جاساپ جاتقان سان مىڭداعان پارتيا مۇشەلەرى مەن كادرلاردىڭ ناقتى ىستەۋ سەنىمى.
ٴار ۇرپاقتىڭ وزىنە ٴتان كۇرەسى، ٴار ۇرپاقتىڭ وزىنە ٴتان جاۋاپكەرشىلىگى بولادى.
باس شۋجي شي جينپيڭ جاستارعا زور ٴۇمىت ارتتى: ”جاڭا داۋىردەگى جۇڭگو جاستارى بۇلجىماي پارتيانىڭ سوزىنە قۇلاق اسىپ، پارتياعا ىلەسىپ، ۇلى مۇرات ورناتىپ، ٴداۋىردىڭ اۋىر مىندەتىن باتىلدىقپەن ارقالاپ، جەكە تالپىنىسىن پارتيا مەن مەملەكەت ىستەرىمەن توعىستىرىپ، ۋاقىتپەن جارىسىپ، ەسىل ساتتەردى زايا جىبەرمەي، جاڭا جورىقتاعى تاريحتىڭ ۇتىلامالى جارىسىندا ويداعىداي جۇگىرىپ، جاستىق كوكتەمى ارقىلى جول اشىپ، مۇراتىن نۇرلاندىرۋى كەرەك!“
اۋىل ـ قىستاقتاردى جاپپاي گۇلدەندىرۋدىڭ ٴبىرىنشى شەبىندە مەكتەپتەن شىققان ٴبىرىنشى شۋجي اتىز باسىندا ٴجۇرىپ، سول جەرگە تامىر تارتتى؛ عىلىم ـ تەحنولوگيادا جاڭالىق اشۋدىڭ ەڭ الدىڭعى لەگىندە توپ ـ توپ ”80 ـ جىلداردىڭ تۇلەكتەرى“، ”90 ـ جىلداردىڭ تۇلەكتەرى“ ”ەرەن ونەرگە يە“ تىرەكتى كۇشكە اينالدى؛ الەمدىك ساحنادا جۇڭگو جاستارى جالىندى جاسامپازدىق قۋاتىمەن حۋاشيا كەلبەتىن تولىق ايگىلەپ، تەرەڭ مادەنيەت سەنىمىن جەتكىزدى... جاڭا داۋىردەگى جاس ۇرپاقتار ٴداۋىر تولقىنىندا ەڭسە كوتەرىپ، جاستىق كوكتەمى، كۇرەسكەرلىگى ارقىلى 100 جىلدىق ٴىرى پارتياعا ۇزدىكسىز جاڭا قان قوستى.
2026 ـ جىل − جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى، سونداي ـ اق قىزىل ارميا ۇزاق جورىعى جەڭىسىنىڭ 90 جىلدىعى.
90 جىلدىڭ الدىندا قىزىل ارميانىڭ وفيتسەر ـ اسكەرلەرى اساۋ وزەندەردەن ٴوتىپ، قارلى تاۋلاردى باعىندىرىپ، ۇشى ـ قيىرسىز دالالاردى كەسىپ ٴوتىپ، قات ـ قابات قۇرساۋلاۋدى تالقانداپ، جاڭا جاعداي اشۋدىڭ ۇلى جورىعىن ورىندادى.
بۇگىنگى تاڭدا، ەلىمىزدىڭ دامۋى ستراتەگيالىق وراي، حاۋىپ ـ قاتەر جانە سىن ـ سايىس قاتار ٴومىر سۇرگەن، ايقىنسىز، بولجاۋ قيىن فاكتورلار كوبەيگەن مەزگىلدە تۇر، بوران ـ شاشىننىڭ، ٴتىپتى، اساۋ تولقىنداردىڭ اۋىر سىنىنان وتۋگە قاي ـ قاشان دا دايىن تۇرۋىمىز كەرەك. العا باسۋ جولىندا، ٴسوز جوق، جاڭا ”قارلى تاۋلار“، ”دالالار“ كەز بولادى، ٴسوز جوق، ”لوۋشانگۋانداردان“، ”لازىكوۋلاردان“ ٴوتۋىمىز كەرەك.
جاڭا داۋىردە سامۇرىق بيىككە قانات قاعۋدا، جاڭا جورىق ادامدى ەكپىندەي ىلگەرىلەۋگە جەبەۋدە. جاڭا ٴداۋىردىڭ جول باستاۋشىسى بارلىق جۇڭگو كوممۋنيستەرىنە ۇلى ۇندەۋ تاستادى −
”ۋاقىت كۇتىپ تۇرمايدى! تاريح كۇتىپ تۇرمايدى! بۇكىل پارتياداعى جولداستار، ٴسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاۋى، ٴسوز جوق، كىشى پەيىل، بايسالدى بولىپ، قاجىرلىلىقپەن كۇرەس جۇرگىزۋى، ٴسوز جوق، باتىلدىقپەن كۇرەس جۇرگىزۋى، شەبەرلىكپەن كۇرەس جۇرگىزۋى، بۇكىل ەلدەگى ٴار ۇلت حالقىنا تىعىز سۇيەنىپ جانە ولاردى ىنتىماقتاستىرىپ، باستاپ، جاڭا جورىقتا ەكپىندەي ىلگەرىلەپ، جاڭا داۋىردە ۇلەس قوسىپ، قۇلشىنا جاڭا تاريحي شۇعىلالى تابىستار جاراتۋى كەرەك!
(تىلشىلەر جۋ جيچاي، حۋ حاۋ، ديڭ شياۋشي، سۇن شاۋلۇڭ، حۋ مىڭشۋە)
(شينحۋا اگەنتتىگىنىڭ 7 ـ ايدىڭ 4 ـ كۇنى بەيجيڭنەن بەرگەن حابارى)
