− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
ارمان قۋىپ العا ىلگەرىلەدى، سامۇرىق بيىككە قانات قاقتى.
7 ـ ايدىڭ 1 ـ كۇنى جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسى بەيجيڭ حالىق سارايىندا سالتاناتپەن وتكىزىلدى، باس شۋجي شي جينپيڭ ”1 ـ شىلدە وردەنىنىڭ“ يەگەرلەرىنە وردەن بەردى ٴارى ماڭىزدى ٴسوز سويلەدى. بۇل − جۇڭگو كوممۋنيستەرىنىڭ ۇلى داڭقى، بۇل − بۇكىل پارتيانى، بۇكىل ەلدەگى ٴار ۇلت حالقىن ۇلى نىساناعا قاراي ەرلىكپەن العا باسۋعا جۇمىلدىرعان تاريحي ٴسات.
باس شۋجي شي جينپيڭ ماڭىزدى سوزىندە 105 جىلدان بەرى جۇڭگو كوممۋنيستىك پارتياسىنىڭ حالىققا باسشىلىق ەتىپ باسىپ وتكەن شۇعىلالى بارىسىن، جاراتقان ۇلى تابىستارىن جان ـ جاقتى ەسكە الدى جانە قورىتىندىلادى، جۇڭگو كوممۋنيستىك پارتياسىنىڭ ۇزدىكسىز سومدالىپ، شۇعىلا شاشقان ”التى باستان ـ اياق“ تاڭداۋلى ەرەكشەلىگى تەرەڭ اشىپ كورسەتىلدى، جاڭا جورىقتا بارلىق جۇڭگو كوممۋنيستەرىنىڭ سەنىمدى بەكەمدەپ، ۇزدىكسىز كۇرەس جۇرگىزۋى جونىندە ”بەس، ٴسوز جوق“ سىندى ايقىن تالاپتى العا قويدى. بۇل ماركسيزمنىڭ ماڭىزدى حۇجاتى بولىپ، جاڭا داۋىردەگى جاڭا جورىقتا پارتيانىڭ وزەكتى مىندەتىن جۇزەگە اسىرۋعا اناعۇرلىم ايقىن بەتالىس كورسەتتى، بويسۇنۋ ولشەمىن ازىرلەدى.
”بۇكىل پارتياداعى جولداستار، ٴسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاۋى، ٴسوز جوق، كىشى پەيىل، بايسالدى بولىپ، قاجىرلىلىقپەن كۇرەس جۇرگىزۋى، ٴسوز جوق، باتىلدىقپەن كۇرەس جۇرگىزۋى، شەبەرلىكپەن كۇرەس جۇرگىزۋى، بۇكىل ەلدەگى ٴار ۇلت حالقىنا تىعىز سۇيەنىپ جانە ولاردى ىنتىماقتاستىرىپ، باستاپ، جاڭا جورىقتا ەكپىندەي ىلگەرىلەپ، جاڭا داۋىردە ۇلەس قوسىپ، قۇلشىنا جاڭا تاريحي شۇعىلالى تابىستار جاراتۋى كەرەك“.
باس شۋجي شي جينپيڭ شىعارعان وسى ۇلى ۇندەۋ تاريحپەن، رەالدىقپەن جانە بولاشاقپەن ساباقتاسىپ، بارلىق كوممۋنيستىك پارتيا مۇشەسىنىڭ جۇرەگىندە ۇزاق ۋاقىت جاڭعىردى.
شاعىن عانا قىزىل قايىقتان جۇڭگونىڭ ورنىقتى قاداممەن الىسقا ساپار شەگۋىنە جول باستايتىن الىپ كەمەگە دەيىن پارتيامىز باسىپ وتكەن 105 جىلدىق شۇعىلالى بارىستى ەسكە الساق، سولعۇرلىم جاپا ـ ماشاقاتتى، سولعۇرلىم ۇلى!
قاندى شايقاس جۇرگىزىپ جاڭا دەموكراتيالىق توڭكەرىستىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋىنىڭ تاريحي جاڭا عاسىرىن باستادى؛ ٴوز كۇشىنە سۇيەنىپ سوتسياليستىك توڭكەرىستى ورىنداپ جانە سوتسياليستىك قۇرىلىستى ىلگەرىلەتىپ، بىرىنشىدەن كەدەي، ەكىنشىدەن اق، جان سانى كوپ شىعىستاعى ٴىرى ەلدە سوتسياليستىك قوعامعا ارشىندى قادام تاستاعان ۇلى شارىقتاۋدى جۇزەگە اسىردى؛ قايراتتانا العا ۇمتىلىپ، رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ ۇلى تابىستارىن جاراتىپ، جۇڭحۋا ۇلتى ارشىندى قاداممەن داۋىرگە ىلەستى؛ وزىنە سەنۋ، ٴوزىن الۋەتتەندىرۋ ارقىلى جۇڭگوشا سوتسياليزمنىڭ جاڭا ٴداۋىرىن اشتى، جۇڭحۋا ۇلتىنىڭ ۇلى گۇلدەنۋى بوگەۋ بەرمەيدى.
جاڭا داۋىردەن، اسىرەسە، وتكەن 5 جىلدان بەرى، قىم ـ قۋىت، كۇردەلى حالىقارالىق جاعداي مەن جاپالى دا اۋىر ەل ىشىندەگى رەفورما، دامۋ، ورنىقتىلىق مىندەتى الدىندا، پارتيامىز حالىقتى ىنتىماقتاستىرىپ جانە باستاپ، عاسىرلىق ىندەتتىڭ اۋىر سوققىسى مەن ٴبىر قىدىرۋ ەلەۋلى حاۋىپ ـ قاتەرلەر مەن سىن ـ سايىستارعا ٴونىمدى توتەپ بەرىپ، ەلىمىزدىڭ ەكونوميكالىق ناقتى قۋاتى، عىلىم ـ تەحنولوگيالىق ناقتى قۋاتى، مەملەكەت قورعانىسى ناقتى قۋاتى، جالپىلىق مەملەكەت قۋاتى تىڭ ساتىعا كوتەرىلدى، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستالدى، ەكىنشى 100 جىلدىق كۇرەس نىساناسى جاڭا جورىعىندا تاماشا باستاما جۇزەگە اسىرىلدى.
تاريح جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس، جۇڭحۋا ۇلتىنىڭ ۇلى گۇلدەنۋى دە بولماق ەمەس ەكەندىگىن تالاسسىز دالەلدەدى. تاريح پەن حالىق جۇڭگو كوممۋنيستىك پارتياسىن تاڭدادى. پارتيامىز ۇلى، داڭقتى، دۇرىس پارتيا بولۋعا ابدەن لايىق.
جاڭا داۋىردەگى ۇلى وزگەرىستەردى ٴوز كوزىمىزبەن كورىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، قيىن وتكەلدەن ٴوتىپ، حاۋىپ ـ قاتەردى جەڭىپ، سىن ـ سايىستارعا توتەپ بەرگەن ايبىندى امالياتىنا كۋا بولدىق، ٴبارىمىز ٴتول اسەرگە يە بولدىق، وسكەلەڭ ورتاق تانىم قالىپتاستىردىق: ”ەكىنى تۇراقتاندىرۋ“ − بارلىق ايقىنسىزدىققا توتەپ بەرۋدەگى ەڭ ۇلكەن ايقىندىلىعىمىز، ەڭ ۇلكەن سەنىمىمىز، ەڭ ۇلكەن كەپىلىمىز، جاڭا داۋىردەگى پارتيا مەن مەملەكەت ىستەرىنىڭ دامۋىندا جۇڭحۋا ۇلتىنىڭ ۇلى گۇلدەنۋى تاريحي اياق الىسىن ىلگەرىلەتۋدە شەشۋشى مانگە يە.
پارتيانىڭ قاجىماي ـ تالماي كۇرەس جۇرگىزۋى، اسىرەسە، جاڭا داۋىردەگى ۇلى تابىستار مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە بەرىك نەگىز قالادى، پارتيانىڭ حالىققا باسشىلىق ەتىپ اشقان جۇڭگو ۇلگىسىندەگى وسىزامانداندىرۋ جولى − ارماندى جۇزەگە اسىرۋدىڭ داڭعىل جولى، پارتيا ازىرلەگەن تاڭداۋلى قاسيەت − جۇڭگو كوممۋنيستىك پارتياسىنىڭ نە ٴۇشىن قولىنان كەلەتىنىنىڭ شەشۋشى قۇپيا سيفرى.
بۇگىنگى تاڭدا، جۇڭحۋا ۇلتىنىڭ ۇلى گۇلدەنۋى بۇرىن بولىپ كورمەگەن نۇرلى بولاشاقتى ايگىلەدى، جۇڭگو كوممۋنيستىك پارتياسى حالىقتى باستاپ جاپپاي سوتسياليستىك وسىزاماندانعان مەملەكەت قۇرۋ جاڭا جورىعىندا ارشىندى قاداممەن العا باسۋدا. جاڭا ٴداۋىردىڭ جاڭا جورىعىندا پارتيانىڭ بورىشىن، مىندەتىن جۇزەگە اسىرۋ بارلىق جۇڭگو كوممۋنيستەرىنەن سەنىمدى بەكەمدەپ، ۇزدىكسىز كۇرەس جۇرگىزىپ، ٴداۋىر مەن حالىقتىڭ ٴۇمىتىن اقتايتىن تىڭ ناتيجەلەردى ۇزدىكسىز جاراتۋدى تالاپ ەتەدى.
كەزەكتە ەلىمىزدىڭ دامۋى سوتسياليستىك وسىزامانداندىرۋدى نەگىزىنەن جۇزەگە اسىرۋدا نەگىزدى بەكەمدەيتىن، جاپپاي كۇش سالاتىن شەشۋشى مەزگىلگە ٴوتتى. 2035 ـ جىلعا بارعاندا سوتسياليستىك وسىزامانداندىرۋ نەگىزىنەن جۇزەگە اسىرىلادى، وسى عاسىردىڭ ورتا شەنىنە بارعاندا جاپپاي سوتسياليستىك وسىزاماندانعان قۇدىرەتتى ەل قۇرىپ، ەكىنشى 100 جىلدىق كۇرەس نىساناسى جۇزەگە اسىرىلادى، جول تابانىمىز استىندا جالعاسادى، تاريح قولىمىزدا جازىلادى.
سەنىمدى بەكەمدەپ، ۇزدىكسىز كۇرەس جۇرگىزۋ كەرەك. العا باسۋ جولىندا جولدى وزگەرتپەۋگە، ەرىك ـ جىگەردى وزگەرتپەۋگە تاباندى بولىپ، پارتيانىڭ تاڭداۋلى قاسيەتىن ۇزدىكسىز كەڭىنەن ساۋلەلەندىرسەك، پارتيانىڭ ماڭگى سيپاتىنىڭ وزگەرمەۋىنە، قاسيەتىنىڭ وزگەرمەۋىنە، ٴتۇسىنىڭ وزگەرمەۋىنە، باستان ـ اياق قۇدىرەتتى جاسامپازدىق قۋاتقا، ۇيىسۋ قۋاتىنا، جاۋىنگەرلىك قۋاتقا يە بولۋىنا شىنايى كەپىلدىك ەتىپ، حالىقتى باستاپ مەملەكەتتىڭ دامۋ، العا باسۋ تاعدىرىن ٴوز قولىمىزدا بەرىك ۇستاي الامىز.
پارتيا گۇلدەنگەندە عانا مەملەكەت قۇدىرەتتەنەدى. شي جينپيڭ پارتيا قۇرىلىسى يدەياسى 100 جىلدىق ٴىرى پارتيانىڭ پارتيانى باسقارۋدىڭ، پارتيانى جونگە سالۋدىڭ، پارتيانى گۇلدەندىرۋدىڭ، پارتيانى قۇدىرەتتەندىرۋدىڭ جاڭا ٴورىسىن ۇزدىكسىز اشۋعا جەتەكشىلىك ەتتى، بۇل پارتيانى قۇدىرەتتەندىرۋ، مەملەكەتتى قۇدىرەتتەندىرۋ جونىنەن كەلەلى رەال مانگە جانە ۇزاق بولاشاقتىق جەتەكشىلىك مانگە يە.
سەنىمدى بەكەمدەپ، قاجىماي ـ تالماي كۇرەس جۇرگىزۋ كەرەك. العا باسۋ جولىندا مەيلى بوران ـ شاشىن، الدە داۋىلدى تولقىن بولسىن، باس شۋجي شي جينپيڭنىڭ رول ۇستاپ، جول باستاۋى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگى بولعاندىقتان بۇكىل پارتيادا نەگىزگى ورنىقتىرعىش، حالىقتا نەگىزگى تىرەك بولدى، ٴبىزدىڭ ٴداۋىر جاۋابىن جازۋىمىز، ۇلى گۇلدەنۋدى جۇزەگە اسىرۋىمىز پارمەندى كەپىلدىككە يە بولدى.
كوكەيىندە ۇلى نىسانانى ساقتاعان، جۇڭحۋا ۇلتىنىڭ ماڭگىلىك ۇلى ٴىسىن مۇرات ەتكەن سان ۇرپاق كوممۋنيستەر ۇزدىكسىز كۇرەس جۇرگىزىپ ماقتانارلىق شۇعىلالى تاريح جاراتتى. جاڭا جورىقتا ەكپىندەي ىلگەرىلەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ۇلى ۇندەۋگە ٴۇن قوسىپ، ەرلىكپەن كۇرەس جۇرگىزۋدى مۇرات ەتىپ، ٴبىز وسى بۋىنعا ٴتان ناتيجە جانە داڭق جاراتۋدا جاڭا داۋىردەگى جۇڭگو كوممۋنيستەرى سەرگەك ٴارى باتىل بولادى −
”ٴبىزدىڭ داندايسۋىمىزعا، توقمەيىلسۋىمىزگە، توقىراپ قالۋىمىزعا استە بولمايدى“.
”ۋاقىت كۇتىپ تۇرمايدى! تاريح كۇتىپ تۇرمايدى!“
”قۇلشىنا جاڭا تاريحي شۇعىلالى تابىستار جاراتۋ كەرەك!“
(شينحۋا اگەنتتىگىنىڭ 7 ـ ايدىڭ 1 ـ كۇنى بەيجيڭنەن بەرگەن حابارى)
