شينحۋا اگەنتتىگىنىڭ 7 - ايدىڭ 5 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە حۇجات زەرتتەۋ مەكەمەسى رەداكسيالاعان «شي جينپيڭنىڭ نەگىزگى ساتى قىزمەت ءادىسى جونىندەگى بايىمداۋلارىنان ۇزىندىلەر» اتتى كىتاپ تاياۋدا ورتالىق حۇجات باسپاسىنان باسىلىپ شىعىپ، بۇكىل ەلدە تاراتىلدى.
نەگىزگى ساتى − پارتيانىڭ بيلىك جۇرگىزۋىنىڭ نەگىزى، كۇش - قۋاتىنىڭ قاينارى، بارلىق قىزمەتتىڭ تابان تىرەر تياناعى. مەيلى جەرگىلىكتى ورىندا قىزمەت ىستەگەن كەزىندە، الدە ورتالىققا بارىپ قىزمەت ىستەگەننەن كەيىن بولسىن، شي جينپيڭ جولداس باستان - اياق نەگىزگى ساتىعا ءمان بەرىپ، نەگىزگى ساتىعا كوڭىل ءبولىپ، نەگىزگى ساتىعا ىشكەرىلەي ارالاسىپ، نەگىزگى ساتىنى قولداپ، نەگىزگى ساتىنى يگەرۋدى، نەگىز قالاۋدى ۇزاق بولاشاقتىق جوسپار جانە ارقاۋدى بەكەمدەۋ شاراسى ەتۋگە تاباندى بولىپ، نازاريالىق مانگە جانە امالياتتىق قۇنعا باي ءبىر قىدىرۋ نەگىزگى ساتى قىزمەت ءادىسى جونىندە ىزدەنىس جاسادى جانە ونى قالىپتاستىردى. شي جينپيڭ جولداستىڭ نەگىزگى ساتى قىزمەت ءادىسىن ارقاۋ ەتىپ جاريالاعان ءبىر قىدىرۋ ماڭىزدى بايىمداۋلارىنىڭ ءمانى زور، مازمۇنى باي، يدەياسى تەرەڭ بولىپ، نەگىزگى ساتى دەگەن نە، نەگىزگى ساتىعا قالاي ىشكەرىلەي ارالاسۋعا بولادى، نەگىزگى ساتىعا قالاي قىزمەت وتەۋ كەرەك دەگەن سياقتى كەلەلى نازاريالىق جانە امالياتتىق ماسەلەلەرگە عىلمي جاۋاپ بەرىپ، نەگىزگى ساتى قىزمەتىنىڭ زاڭدىلىعى جونىندەگى تانىمدى تەرەڭدەتتى، بۇل نەگىزگى ساتىنى بارىنشا يگەرۋدىڭ ايقىن بەتالىسىن ورناتۋ، دۇرىس ناتيجە كوزقاراسىن ورناتۋ جانە امالياتتا ايگىلەۋ، جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرۋ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ، جۇڭگو ۇلگىسىندەگى وسىزامانداندىرۋدى ەڭ سەنىمدى، ەڭ تەرەڭ، ەڭ باياندى كۇش قاينارىنا يە ەتۋ جونىنەن توتەنشە ماڭىزدى مانگە يە.
«بايىمداۋلاردان ۇزىندىلەر» 9 ارناۋلى تاقىرىپقا بولىنگەن، جالپى 287 بولىك بايىمداۋدان قۇرالعان، شي جينپيڭ جولداستىڭ 1983 - جىلى 4 - ايدان 2026 - جىلى 4 - ايعا دەيىنگى مەزگىلدەگى بايانداماسى، ءسوزى، ماقالاسى، نۇسقاۋى، بەكىتۋى سياقتى 190 نەشە ماڭىزدى حۇجاتتان الىنعان. مۇنىڭ ىشىندە ءىشىنارا بايىمداۋلار تۇڭعىش رەت اشىق جاريالانىپ وتىر.
