”جۇڭگو حالقىنىڭ بولاشاعى مەن تاعدىرىن تۇبەگەيلى وزگەرتتى“
− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ىشكەرىلەي ۇيرەنۋ، دايەكتىلەندىرۋ جونىندەگى جەلىلەس شولۋ (1)
□ شينحۋا اگەنتتىگىنىڭ تىلشىلەرى لين حۇي، ۋاڭ زىميڭ، شۇي جۋاڭ
”105 جىل قاجىماي - تالماي كۇرەس جۇرگىزىپ، جۇڭگو حالقىنىڭ بولاشاعى مەن تاعدىرىن تۇبەگەيلى وزگەرتتى“. جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا باس شۋجي شي جينپيڭ تەرەڭ حالىقتىق سۇيىسپەنشىلىكپەن پارتيامىزدىڭ 100 جىلدان استام ۋاقىتتان بەرگى كۇرەسىنىڭ ۇلى تابىستارى مەن كەلەلى ءمانىن تەرەڭ اشىپ كورسەتتى.
105 جىلدىق جالىندى جىلدار، 105 جىلدىق بوران - شاشىندى بىرگە وتكەرگەن شاقتار. جۇڭگو كوممۋنيستىك پارتياسى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قاجىماي - تالماي كۇرەس جۇرگىزىپ، ۇلتتىڭ تاۋەلسىزدىگى، حالىقتىڭ ازاتتىعى ءۇشىن قاندى شايقاس جۇرگىزىپ، مەملەكەتتىڭ بايۋىن، قۇدىرەتتەنۋىن، حالىقتىڭ باقىتىن مۇرات ەتىپ، ىزدەنىس جاساپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى ەپوستى جازدى.
بۇل تۇرمىس دەڭگەيىنىڭ بارىنشا جوعارىلاۋى −
2021 - جىلى 7 - ايدىڭ 1 - كۇنى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ سالتاناتتى تۇردە بىلاي دەپ جاريالادى: بۇكىل پارتيانىڭ، بۇكىل ەلدەگى ءار ۇلت حالقىنىڭ ۇزدىكسىز كۇرەس جۇرگىزۋى ارقىلى ءبىز ءبىرىنشى 100 جىلدىق كۇرەس نىساناسىن جۇزەگە اسىردىق، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتىپ، مۇلدەم كەدەيلىك ماسەلەسىن تاريحي سيپاتتى شەشتىك.
”بۇقارا ەرەكشە جاپا شەكتى، ايتسە دە تىنىش تىرشىلىككە تالپىنادى“ دەگەن ماڭگىلىك جىرلار تاريحتى اتتاپ ءوتىپ رەالدىققا اينالدى؛ جاپپاي دوڭگەلەك داۋلەتتىلىكتىڭ تاريحي ەسكەرتكىشى ۇلتتى گۇلدەندىرۋدىڭ جورىعىندا ەڭسە كوتەرىپ تۇردى.
”800 ميلليون ادام قارنىن تويعىزا الماۋدان“ ”ءبىر ميلليارد 400 ميلليوننان استام ادام جاقسى تاماقتانۋعا“، تۇرعىنداردىڭ ورتاشا مەجەلى عۇمىرى 79 جاستان اسۋعا، دۇنيە جۇزىندەگى كولەمى ەڭ ۇلكەن وقۋ - اعارتۋ جۇيەسىن، قوعامدىق قامتاماسىزداندىرۋ جۇيەسىن، ەمدەۋ - دەنساۋلىق ساقتاۋ جۇيەسىن قۇرۋعا دەيىن... جۇڭگو كوممۋنيستىك پارتياسىنىڭ باسشىلىعىندا، حالىق تۇرمىسى ىشەر اس، كيەر كيىمگە جارىماۋدان جالپى تۇلعالىق دوڭگەلەك داۋلەتتىلىككە، ودان جاپپاي دوڭگەلەك داۋلەتتىلىككە جەتۋگە دەيىنگى تاريحي سەكىرۋدى جۇزەگە اسىرىپ، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيدى.
كۇندەلىكتى تۇرمىس قاجەتى قامدالىپ، تۇرمىس قامى شەشىلىپ، بايلىق مول، حالىق باي بولىپ، سان مىڭداعان وتباسىنىڭ تۇرمىسى الاڭسىز بولدى. ”مەكتەپكە دەيىنگى تاربيەدەن يگىلىكتەنە الۋ، وقيتىن مەكتەبى بولۋ، ەڭبەگىنىڭ جەمىسىن كورۋ، اۋىرعاندا ەمدەلە الاتىن بولۋ، قارتايعاندا كۇتىمدەلەتىن ورىن بولۋ، تۇراقتى باسپاناسى بولۋ، كومەككە ءزارۋ جاندار كومەكتەن يگىلىكتەنە الۋ“ سىندى ارمان بىرتىندەپ رەالدىققا اينالدى.
بۇل سالاۋات پەن مارتەبەنىڭ تەرەڭ قايتا سومدالۋى −
باس شۋجي شي جينپيڭ بىلاي دەپ اتاپ كورسەتتى: ءبىر مەملەكەتتىڭ دەموكراتيالى بولعان - بولماعاندىعىنىڭ تەتىگى حالىقتىڭ قوجايىن بولۋىنىڭ شىن مانىندە جۇزەگە اسقان - اسپاعاندىعىندا.
تاياۋ زاماننان بەرى يمپەرياليستەر مەملەكەت جەرىن بولىسكە سالىپ، فەوداليزمنىڭ بۇعاۋى قات - قابات بولىپ، بيۋروكرات كاپيتاليزم الداپ نەمەسە تارتىپ الىپ، جۇڭگو حالقى ءۇش ۇلكەن تاۋدىڭ ەزگىسىندە ”قۇل بولدى، مال ورنىندا كۇن كوردى، قولجاۋلىق بولدى“، جالىنسا دا جان ساقتاي المادى، وزىنە - ءوزى قوجايىن بولۋدىڭ اۋىلى تىپتەن الشاق بولدى.
وزگەرىس قىزىل قايىقتىڭ جولعا شىعۋىنان باستالدى. پارتيامىز حالىققا باسشىلىق ەتىپ، قۇلاشىن كەڭ جايعان ۇلى كۇرەس ارقىلى حالىق وزىنە - ءوزى قوجايىن بولعان جاڭا جۇڭگونى قۇرىپ، كونە جۇڭگونىڭ جارتىلاي وتار، جارتىلاي فەودالدىق قوعام بولۋ تاريحىن تۇبەگەيلى اياقتاتتى. جۇڭگو حالقى قورلانعان، ەزىلگەن، قۇل بولعان تاعدىردان تۇبەگەيلى قۇتىلىپ، مەملەكەتتىڭ، قوعامنىڭ جانە ءوز تاعدىرىنىڭ قوجايىنىنا اينالدى.
جاڭا جۇڭگو قۇرىلعاننان كەيىن حالىق دەموكراتياسى ۇزدىكسىز دامىپ، حالىقتىڭ وزىنە - ءوزى قوجايىن بولۋ ءتۇزىمى جۇيەسىن كەمەلدەندىرۋ ارقىلى ءار جىكتە، ءار سالادا حالىقتىڭ ساياسيعا تارتىپپەن ارالاسۋىن كەڭەيتىپ، ءار جاقتاعى تۇزىمدەر مەن مەملەكەتتى باسقارۋ حالىقتىڭ ەركىن اناعۇرلىم ويداعىداي ايگىلەدى، حالىقتىڭ ۇقىق - مۇددەسىن قامتاماسىزداندىردى، حالىقتىڭ جاسامپازدىعىن تاسقىنداتتى.
بۇگىنگى جۇڭگونىڭ بايتاق دالاسىندا جالپى بارىستىق حالىق دەموكراتياسى ۇزدىكسىز دامىپ، كەمەلدەنىپ، حالىق زاڭ بويىنشا ءتۇرلى جولدار جانە فورمالار ارقىلى مەملەكەت ىستەرىن باسقارىپ، ەكونوميكا - مادەنيەت ىستەرىن باسقارىپ، قوعامدىق ىستەردى باسقارىپ، حالىقتىڭ وزىنە - ءوزى قوجايىن بولۋىنىڭ ايبىندى كارتيناسى سالىندى.
بۇل رۋحاني كۇيدىڭ اسقاق تۇرۋى −
”70 - جىلداردىڭ، 80 - جىلداردىڭ، 90 - جىلداردىڭ، 2000 - جىلداردىڭ تۇلەكتەرى، ولار سىرتقا شىعىپ ەل كورىپ، جەر كورىپ بولعانشا جۇڭگو الدەقاشان مىنا دۇنيەگە ءتۇزۋ قاراي الاتىن بولدى“، باس شۋجي شي جينپيڭنىڭ 2021 - جىلعى مەملەكەتتىك ەكى ماجىلىستە سويلەگەن ءسوزى حالىق اراسىندا كۇشتى ۇندەستىك تۋدىردى.
”دۇنيەگە ءتۇزۋ قاراۋ“ دەگەن سوزدە ”بۇگىنگى جۇڭگو كەشەگى جۇڭگو ەمەس“ دەيتىن اسقاق جىگەر قامتىلىپ، جاڭا داۋىردەگى جۇڭگولىقتاردىڭ رۋحاني قاسيەتىنىڭ جاندى كارتيناسىنا اينالدى.
باس شۋجي شي جينپيڭ بىلاي دەپ اتاپ كورسەتتى: ”قازىرگى دۇنيە جۇزىندە قايسى ساياسي پارتيا، قايسى مەملەكەت، قايسى ۇلت وزىنە سەنىم ارتا الادى دەسەك، جۇڭگو كوممۋنيستىك پارتياسى، جۇڭحۋا حالىق رەسپۋبليكاسى، جۇڭحۋا ۇلتى وزىنە سەنىم ارتۋعا ەڭ قاقىلى“.
100 جىلدان استام ۋاقىت ۇزدىكسىز كۇرەس جۇرگىزگەن جۇڭگو كوممۋنيستىك پارتياسى جۇڭگو حالقىن باستاپ، كونە جۇڭگونىڭ ”قارۋى وزگەلەرگە جەتپەيدى“، ”ءتۇزىمى وزگەلەرگە جەتپەيدى“، ”يدەيا - مادەنيەتى وزگەلەرگە جەتپەيدى“ دەگەن ءوزىن قوراشسىنۋىنان جاڭا داۋىردەگى ”جول سەنىمى، نازاريا سەنىمى، ءتۇزىم سەنىمى، مادەنيەت سەنىمى“ بولۋ سىندى تاريحي بۇرىلىستى جۇزەگە اسىردى.
”ارپالىسىپ تولقىندارمەن، تەرەڭمەن، ەكى ءجۇز جىل جاسارىما سەنەم مەن“. تاريحي بارىستا توپتالعان قۇدىرەتتى ەنەرگيا تولىق جارىققا شىعىپ، جۇڭگو حالقى بۇرىن بولىپ كورىلمەگەن تاريحي ىرىقتىلىق رۋحىن، تاريحي جاسامپازدىق رۋحىن تاسقىنداتىپ، جاڭا داۋىردەگى جۇڭگو دامۋىنىڭ ۇلى تاريحىن ەسەلەنگەن سەنىمدەرىمەن جازدى.
ءدال باس شۋجي شي جينپيڭ تەرەڭ اتاپ كورسەتكەندەي: ”بۇگىن جۇڭگو حالقى تاعدىرىن ءوز قولىندا مىقتى ۇستاپ، وزىنە سەنىمدى، ءوز كۇشىنە سۇيەنەتىن، ءوزىن الۋەتتەندىرەتىن بەينەمەن اناعۇرلىم كوركەم بولاشاققا قاراي ارشىندى قادام تاستاۋدا“.
كوركەم بولاشاققا ارشىندى قادام تاستاعان ءبىزدىڭ جىگەرىمىز اناعۇرلىم بەكەم بولدى.
2022 - جىلى جاز ورتاسى، سىچۋاندا قىزمەت تەكسەرىپ جۇرگەن باس شۋجي شي جينپيڭ جيمي فوتو - ەلەكتر شەكتى سەرىكتەستىگىنە كەلدى. كاسىپورىن جاۋاپتىسىنىڭ ”3 تە 5 جىلدا الەمدە الدىڭعى ورىنعا وتەمىز“ دەگەن بەكىمىن ەستىگەندە، باس شۋجي شي جينپيڭ جىگەرلەندىرىپ: ”وتە جاقسى، وسىنداي جىگەر بولۋ كەرەك“! - دەدى.
اسقاق مۇرات ورناتىپ، كۇرەس جۇرگىزگەندە عانا جەڭىسكە جەتۋگە بولادى. وسى عاسىردىڭ ورتاسىنا بارعاندا، ءبىز سوتسياليستىك وسىزاماندانعان قۇدىرەتتى مەملەكەتتى جاپپاي قۇرىپ، ەكىنشى 100 جىلدىق كۇرەس نىساناسىن جۇزەگە اسىرۋىمىز كەرەك. ۋاقىت كۇتىپ تۇرمايدى! تاريح كۇتىپ تۇرمايدى!
داڭقتى ءارى ارمانعا تولى ۇزاق ساپارعا اتتانۋدا ”ۇلى مۇرات ورناتقان جان قانشا الىس بولسا دا بارار جەرىنە جەتپەي قويمايدى“ دەيتىن سەنىمدى بەكەمدەپ، ”بەرىك مۇرات ورناتقاندا المايتىن قامال بولمايدى“ دەيتىن بەكىمگە بەل بايلاپ، حالىق تىلەگىن ۇيىستىرىپ، كۇش - قۋاتتى شوعىرلاندىرىپ، قيىندىقتان قامال الىپ، العا باسۋ جولىنداعى ”لوۋشانگۋانداردى“، ”لازىكوۋلاردى“ باعىندىرىپ، جەڭىستەن جاڭا جەڭىسكە جەتۋىمىز كەرەك.
كوركەم بولاشاققا ارشىندى قادام تاستاعان ءبىزدىڭ جىگەرىمىز اناعۇرلىم مىعىم بولدى.
105 جىلدىق پارتيا تاريحى − سەنىمى بەرىك، ءوزىن تىنباي الۋەتتەندىرگەن، ءوز - وزىنەن اسىپ تۇسكەن كۇرەس تاريحى.
جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىنە جەتكەندە، ءبىز ءدوپ كەلەتىن ەلەۋلى كۇرەستەر از بولمايدى. شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ادىلەت جولىندا ەشتەڭەدەن تايىنباي، جاڭا تاريحي ەرەكشەلىكتەرگە يە كوپتەگەن ۇلى كۇرەستەردى جۇرگىزىپ، ۇزدىكسىز جاڭا جەڭىستەرگە قول جەتكىزدى.
داۋىل سوعىپ، تولقىن تۋلاسا دا مىزعىمايمىز. كۇرەس نىساناسىنا جاقىنداعان سايىن، حاۋىپ - قاتەر، سىن - سايىسقا ءدوپ كەلگەن سايىن، ۇلى پارتيا قۇرۋ رۋحىن سونشالىقتى اسقاقتاتىپ، بۇكىل پارتيانىڭ بەرىك ەرىك - جىگەرىن، قاسيەتىن ۇزدىكسىز شىڭداپ، زۇلىمدىققا سەنبەي، سۇرقيا كۇشتەن قورىقپاي، قىسىمنان جاسقانباي، دۇنيە ءجۇزىنىڭ 100 جىلدىق وزگەرىس جاعدايىندا تابان تىرەپ تۇرۋىمىز، ارتىقشىلىعىمىزدى بىرتىندەپ ساۋلەلەندىرۋىمىز كەرەك.
كوركەم بولاشاققا ارشىندى قادام تاستاعان ءبىزدىڭ سەنىمىمىز اناعۇرلىم مىعىم بولدى.
”1 - شىلدە“ قارساڭىندا مەملەكەتتىك پارتيا قۇرىلىسى قىزمەتى اڭگىمە ءماجىلىسى شي جينپيڭ پارتيا قۇرىلىسى يدەياسىن ۇيرەنۋ، دايەكتىلەندىرۋ جونىندە قىزمەت ورنالاستىرۋىن جاسادى. شي جينپيڭ پارتيا قۇرىلىسى يدەياسى − جاڭا داۋىردەگى پارتيانى قۇدىرەتتەندىرۋدىڭ، مەملەكەتتى قۇدىرەتتەندىرۋدىڭ تاريحي بارىسىندا قالىپتاسقان عىلمي نازاريا، ونىڭ اقيقات كۇشى مەن اماليات ۇلى كۇشى تولىق تەكسەرۋدەن ءوتىپ، جاڭا جورىقتا 100 جىلدىق ءىرى پارتيانىڭ پارتيانى باسقارۋ، پارتيانى جونگە سالۋ، پارتيانى گۇلدەندىرۋ، پارتيانى قۇدىرەتتەندىرۋ تىڭ ءورىسىن ۇزدىكسىز اشۋعا ءتۇبىرلى بويسۇنۋ ولشەمىن جانە ارەكەت باعدارناماسىن ازىرلەپ بەردى.
نازاريا كۇشتى بولعاندا عانا بەتالىس ايقىن، جۇرت تىلەگى بىردەي، سەنىم مىعىم بولادى. عىلمي نازاريالىق جەتەكشىلىگى بار، وزىندىك دامۋ، العا باسۋ زاڭدىلىعىن يگەرگەن پارتيا قوعامدىق وزگەرىسكە جەتەكشىلىك ەتۋ، ادىلەت ىستەرىن ىلگەرىلەتۋ سىندى قۋاتتى سانالىلىققا يە بولادى، العان بەتىنەن قايتپايتىن، كەرى قايتارۋعا كەلمەيتىن العا باسۋ مۇمكىندىگىنە يە بولادى.
جۇڭگو حالقىنىڭ سەنىمى جۇڭگو كوممۋنيستىك پارتياسىنىڭ پارمەندى باسشىلىعىنان كەلگەن، جۇڭگوشا سوتسياليستىك ءتۇزىمنىڭ وراسان زور ارتىقشىلىعىنان كەلگەن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جول باستاپ، رول ۇستاۋىنان كەلگەن. العا باسۋ جولىنداعى سۇيەنىشىمىز، ورنىقتىرعىشىمىز، تەڭگەرگىشىمىز بولعاندىقتان، ءبىز مەيلى قانشالىقتى سۇراپىل اساۋ تولقىنعا جولىقساق تا بايسالدى بولامىز، سەنىمىمىز بەكەم بولادى.
جاڭا داۋىردە ءورىس كەڭ، جاڭا ساپار ادامدى ەكپىندەي العا باسۋعا جىگەرلەندىرەدى.
جۇڭگو كوممۋنيستىك پارتياسىنىڭ باسقارۋىمەن جۇڭگو باسقارۋىنىڭ تىڭ ءورىسىن ۇزدىكسىز اشىپ، تاعدىرىمىزدى ءوز قولىمىزدا مىقتاپ يگەرىپ، جۇڭگو ۇلگىسىندەگى وسىزامانداندىرۋدىڭ داڭعىل جولىمەن ارشىنداي العا تارتىپ، جۇڭگو كەرەمەتىنىڭ جاڭا تاراۋىن ۇزدىكسىز جازايىق!
(شينحۋا اگەنتتىگىنىڭ 7 - ايدىڭ 5 - كۇنى بەيجيڭنەن بەرگەن حابارى)
