جاڭا جورىقتا جاڭا جاۋاپكەرشىلىك ارقالاپ، تىڭ ىسكەرلىك كورسەتەمىز
− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى شينجياڭدا قىزۋ اڭىس قوزعادى
□ انار بۇلت \ شينجياڭ گازەتىنىڭ تىلشىلەرى
باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى رايونىمىزداعى ءار ۇلت كادرلارى مەن بۇقاراسى اراسىندا قىزۋ ۇندەستىك تۋدىردى. كوپشىلىك مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ باي مازمۇنى مەن رۋحاني ءمانىن تەرەڭ ءتۇسىنىپ، قۇلشىنا جاڭا تاريحي شۇعىلالى تابىستار جاراتۋ ۇلى ۇندەۋىنە باتىل ءۇن قوسىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ جاڭا جورىعىندا جاڭا جاۋاپكەرشىلىك ارقالاپ، تىڭ ىسكەرلىك كورسەتەمىز.
اۋەلگى ماقساتتى امالياتتا ايگىلەپ، ەكپىندەي ىلگەرىلەۋ كۇش - قۋاتىن قابىلدادى
باس شۋجي شي جينپيڭ بىلاي دەپ اتاپ كورسەتتى: بۇگىنگى تاڭدا پارتيامىز دامىپ الەمدە ماڭىزدى ىقپالعا يە دۇنيە جۇزىندەگى ءبىرىنشى ءىرى بيلىك باسىنداعى پارتياعا اينالىپ، حالىقتىڭ شىن جۇرەكتەن قورعاۋىنا جانە قولداۋىنا يە بولدى، ول جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى، ناعىز دەسە دەگەندەي ۇلى، داڭقتى، دۇرىس پارتيا.
”تاريح جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس، جۇڭحۋا ۇلتىنىڭ ۇلى گۇلدەنۋى دە بولماق ەمەس ەكەندىگىن تالاسسىز دالەلدەدى. تاريح پەن حالىق جۇڭگو كوممۋنيستىك پارتياسىن تاڭدادى“. 7 - ايدىڭ 3 - كۇنى اقسۋ ايماقتىق پارتكومنىڭ ورىنباسار شۋجيى، كۇشار قالالىق پارتكومنىڭ شۋجيى لي چىنياڭ بىلاي دەدى: جۇڭگو كوممۋنيستىك پارتياسىنىڭ پارمەندى باسشىلىعىندا، كۇشاردىڭ ءتۇرلى ىستەرى تىڭ ساتىعا كوتەرىلدى: قوعامدىق باسقارۋ جۇيەسى اناعۇرلىم كەمەلدەنىپ، كادرلار مەن بۇقارا قول ۇستاسا قۇرعان كۇسان تار كوشەسى مەملەكەتتىك قوعامدىق قىزمەت تاڭداۋلى مىسالدارىنا تاڭدالدى؛ ەكونوميكالىق دامۋى ورنىقتى جاقساردى، 2025 - جىلى وڭىرلىك ءوندىرىس جالپى قۇنى 44 ميلليارد يۋاننان استى، جالپىلىق قۋاتى جىل سايىن باتىس بولىكتەگى 100 ەگەي اۋدان، قالا قاتارىنان ورىن الدى. كۇشار قالاسى نازاردى اقسۋ ايماعىنىڭ قوسالقى ورتالىق قالاسى ورنىنا شوعىرلاندىرىپ، حالىق تۇرمىسىنا تىعىز جاناسىپ، جۇرت تىلەگىن ۇيىستىرىپ، باياندى تىنىشتىققا ءتيىمدى اناعۇرلىم كوپ ءتۇبىرلى وزگەرىستەردى ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا كۇش قوسادى.
اقتاۋ اۋدانى مۇجى اۋىلى مۇجى قىستاعىندا جۇرت ىقىلاسپەن ”پارتيا زناگىن تاققان اعاي“ دەپ اتاعان ابدۇجاپپار مەڭدى جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىنىڭ تىكە تاراتىلىمىن زەر سالا كوردى. ول تەبىرەنە بىلاي دەدى: پارتيا مۇشەسى زناگى − جاۋاپكەرشىلىك. نەگىزگى ساتىداعى شەكارا قورعاشىسى رەتىندە، شەكارانىڭ اماندىعىن كۇش سالا قورعاۋمەن بىرگە، شەكارا مال شارۋاشىلىق وڭىرلەرىندە ساياسات جونىندە ۇگىت لەكسيا جاساۋعا، ەرىكتى قىزمەت وتەۋگە تاباندى بولىپ، پارتيانىڭ حالىققا تيىمدىلىك جاساۋ ساياساتىن ءاربىر مالشى وتباسىنا جەتكىزەمىن.
جۇرت تىلەگىن توعىستىرىپ، دامۋدىڭ جاڭا تاراۋىن بىرگە جازامىز
باس شۋجي شي جينپيڭنىڭ ماڭىزدى ءسوزىن دەن قويا تىڭداعاننان كەيىن، قۇمىل قالالىق پارتكوم ۇيىمداستىرۋ ءبولىمىنىڭ ورىنباسار باستىعى ماحمۇت قادىردىڭ كوڭىلى ەرەسەن تولقىدى: ”باس شۋجي ’100 ميلليونداعان حالىقتىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ تەلەگەي كۇشىن ۇيىستىرۋ كەرەك‘ دەپ اتاپ كورسەتتى. ءبىز باس شۋجيدىڭ ىقىلاستى تاپسىرماسىن ەستە بەرىك ساقتاپ، ۇيىمداستىرۋ قىزمەتىنىڭ اۋەلگى ماقساتىنان اناعۇرلىم جازباي، ويداعىداي كوپىر، دانەكەر بولىپ، نەگىزگى ساتى ۇيىمىن ۇزدىكسىز كۇشەيتىپ قۇرىپ، ءار ۇلت دارىندىلارىن ۇيىستىرىپ، ۇيىمدىق كۇشتى، ۇيىمدىق ابزالدىلىقتى دامۋدىڭ قوزعاۋشى كۇشىنە، دامۋ ارتىقشىلىعىنا ءونىمدى اينالدىرامىز“.
قارامايلى قالاسىنىڭ جايرانبۇلاق رايونىندا سوڭعى جىلدارى جۇڭشيڭ جولى ءمالى باسقارماسى جەرگىلىكتى ورىننىڭ دامۋ ءىس جۇزىندىگىمەن تىعىز ۇشتاستىرىپ، نەگىزگى ساتى پارتيا ۇيىمىنىڭ نەگىزىن ۇزدىكسىز بەكەمدەپ، كونە شاعىن اۋماقتاردى باسقارۋداعى قيىن ماسەلەلەردى جاسامپازدىقپەن شەشتى. ”باس شۋجي بىلاي دەپ اتاپ كورسەتتى: سەنىمدى بەكەمدەپ، ۇزدىكسىز كۇرەس جۇرگىزۋدە، ءسوز جوق، حالىققا تىعىز سۇيەنىپ، تاريحي ۇلى ىستەر جاراتۋ كەرەك. ءبىز مۇناي قالا رايونىنىڭ حالىق ءۇشىن قىزمەت وتەۋ نەگىزىنە تاباندى بولىپ، تۇرعىنداردىڭ قاجەتىنە تىعىز جاناسىپ، باسقارۋ ۇلگىسىن ساپالىلاندىرىپ، قارتتار مەن بالالارعا قىزمەت وتەۋ جۇيەسىن ۇزدىكسىز كەمەلدەندىرىپ، ەگجەي - تەگجەيلى باسقارۋ ونىمدىلىگىن جوعارىلاتىپ، قاراستى اۋماقتاعى ءار ۇلت بۇقاراسىن كورىكتى مەكەندى قول ۇستاسا بىرگە قۇرۋعا ىنتىماقتاستىرامىز“، - دەدى وسى ءمالى ءىس باسقارماسىنىڭ مەڭگەرۋشىسى ياڭ نا.
”باس شۋجي شي جينپيڭنىڭ ماڭىزدى ءسوزىن دەن قويا تىڭداپ، ايرىقشا جەلپىنىپ، يدەيالىق جاقتان تەرەڭ سىننان ءوتتىم“. جىڭ اۋدانى تولى قالاشىعى ىجلىنمودۇن قىستاعى پارتيا ياچەيكاسىنىڭ ورىنباسار شۋجيى، قىستاق تۇرعىندار كوميتەتىنىڭ مەڭگەرۋشىسى ۋ ۋىنشيۋ بىلاي دەدى: ”جاڭا جورىقتا مەن پارتياعا ادال بولۋدان جازباي، ناقتى ىستەۋ نيەتىنەن جازباي، ءبىرىنشى شەپكە ۇدايى بارىپ، حالىقتىڭ ۇنىنە قۇلاق اسىپ، بۇقارانىڭ ارمان - تىلەگىن اڭىس ەتىپ، بۇقارانىڭ ءتۇرلى قيىن ماسەلەلەرىن ناقتى شەشىپ، ىسىلعان ناقتى ناتيجەم ارقىلى اۋەلگى ماقساتتى امالياتتا ايگىلەيمىن، بۇقارانىڭ سەنىمىن استە جەردە قالدىرمايمىن“.
سەنىمدى كۇشەيتىپ، ءداۋىردىڭ اۋىر مىندەتىن باتىلدىقپەن ارقالايمىز
”ۋاقىت كۇتىپ تۇرمايدى! تاريح كۇتىپ تۇرمايدى! باس شۋجي بۇكىل پارتياداعى جولداستاردان ’ءۇش ءسوزسىزدى‘ ورىنداۋدى تالاپ ەتتى“. تۇرپان قالالىق عىلىم - تەحنولوگيا مەكەمەسىنىڭ گاۋچاڭ رايونى يار قالاشىعى شينچىڭ شيمىن قىستاعىندا تۇراتىن ءبىرىنشى شۋجيى، قىزمەت اترەتىنىڭ باستىعى ۋاڭ ۋي مىنالاردى ءبىلدىردى: بۇقارانىڭ كىرىسىن ارتتىرۋ ارناسىن ۇزدىكسىز كەڭەيتىپ، ءار ۇلت قىستاق تۇرعىندارىن ىنتىماقتاستىرىپ، ۋاقىتپەن جارىسىپ، قاجىرلىلىقپەن ناقتى ىستەپ، اۋىل - قىستاقتى گۇلدەندىرۋدىڭ جاڭا جورىعىندا حالىقتىڭ ۇمىتىنەن شىعاتىن جاۋاپناما تاپسىرۋعا قۇلشىنامىز.
”اۋىل - قىستاقتى گۇلدەندىرۋدىڭ تەتىگى ادامدا، تەتىگى ىستەۋدە“. قۇلجا اۋدانى جاڭاتام قالاشىعى تومەنگى ون قىستاعى پارتيا باس ياچەيكاسىنىڭ شۋجيى ءمۇنيرا حالىق بىلاي دەدى: ”قىستاعىمىزدىڭ بەت - بەينەسى بارعان سايىن جاقسارىپ، بۇقارانىڭ تۇرمىسى بارعان سايىن بايىپ، كورشىلەر ارا قارىم - قاتىناس بارعان سايىن تاتۋ - ءتاتتى بولا ءتۇستى، وسى ناقتى وزگەرىستەردىڭ بارلىعىنا پارتيانىڭ پارمەندى باسشىلىعىندا، كوپشىلىك بىرگە كۇرەس جۇرگىزۋ ارقىلى قول جەتكىزدى“. كەلەسى قادامدا باس شۋجيدىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، حالىقتىق سۇيىسپەنشىلىكتى تەرەڭدەتىپ، بۇقاراعا كوپتەپ يگى ىستەر ىستەپ، ناقتى ىستەر ىستەپ، قيىن ماسەلەلەرىن شەشىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن شىنايى كۇشەيتەمىز.
قاشقار ەكونوميكالىق اشۋ رايونى دامۋ، رەفورما جانە ەكونوميكانى جەبەۋ مەكەمەسىنىڭ (ساۋداگەر شاقىرۋ مەكەمەسى) باستىعى شياڭ ميڭچيڭ مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ ءون بويىنا بەرىك نانىم، سەنىم جانە كۇشتى تاريحي جاۋاپكەرشىلىك سىڭىرىلگەن. ”ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، سىرتقا باعىتتالعان ەكونوميكانى جەتەكشى، وزىق جاساۋ كاسىبىن نەگىزگى جەلى، وسى زامانعى ساۋدا - زات اينالىمى جانە جاڭادان گۇلدەنگەن قىزمەت وتەۋ كاسىبىن تىرەك ەتىپ، وسىزاماندانعان كاسىپ سالاسى جۇيەسىن جەدەل قۇرامىز“.
(ءتىلشى جاڭ جىلي، قاتىناسقان تىلشىلەر ۋي يۇڭگۇي، ءپاريزات ابدۇل، چىن جياڭلين، سۇڭ يا - ۋىن، ەرىكتى تىلشىلەر في رۇي، جياڭ تيڭتيڭ، اجارگۇل نۇربولات، چىن شيڭياڭ، حۋ ليجىڭ، ليۋ حۇڭجى)
