كاسىپ سالاسى ارقىلى قۋات ۇستەۋدى كۇشەيتىپ، جۇمىستاندىرۋ بەتالىسىن كورنەكتىلەندىرىپ، ورتالىق كاسىپورىندارىنىڭ شينجياڭعا كومەكتەسۋ جالپىلىق ونىمدىلىگىن جوعارىلاتۋ كەرەك

　　جاڭ گوچيڭ شينجياڭدا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

　　كاسىپ سالاسى ارقىلى قۋات ۇستەۋدى كۇشەيتىپ، جۇمىستاندىرۋ بەتالىسىن كورنەكتىلەندىرىپ، ورتالىق كاسىپورىندارىنىڭ شينجياڭعا كومەكتەسۋ جالپىلىق ونىمدىلىگىن جوعارىلاتۋ كەرەك

　　شينحۋا اگەنتتىگىنىڭ 7 - ايدىڭ 5 - كۇنى ۇرىمجىدەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى جاڭ گوچيڭ 7 - ايدىڭ 2 - كۇنىنەن 5 - كۇنىنە دەيىن شينجياڭدا ورتالىق كاسىپورىندارىنىڭ شينجياڭنىڭ كاسىپ سالاسىنىڭ دامۋىنا قولداۋ كورسەتۋىنە جانە جۇمىستاندىرۋدى جەبەۋىنە قاتىستى قىزمەتتەرگە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، كاسىپ سالاسى ارقىلى قۋات ۇستەۋدى كۇشەيتىپ، جۇمىستاندىرۋ بەتالىسىن كورنەكتىلەندىرىپ، ورتالىق كاسىپورىندارىنىڭ شينجياڭعا كومەكتەسۋدەگى جالپىلىق ونىمدىلىگىن جوعارىلاتىپ، سوتسياليستىك وسىزاماندانعان شينجياڭ قۇرۋعا تىڭ دا اناعۇرلىم زور ۇلەس قوسۋ كەرەك.

　　ىلە مەن سانجىدا جاڭ گوچيڭ ىلگەرىندى - كەيىندى كەن بايلىعى، بولات - تەمىر جانە مەتاللۋرگيا، توقىماشىلىق جانە كيىم - كەشەك، جابدىق جاساۋ سياقتى سالالارداعى كاسىپورىندارعا بارىپ، ءوندىرىس - شارۋاشىلىق، عىلىم - تەحنولوگيادا جاڭالىق اشۋ، جۇمىستاندىرۋعا جەتەكتەۋ سياقتى جاعدايلاردى ەگجەي - تەگجەيلى ۇعىستى. ول بىلاي دەپ باسا دارىپتەدى: ورتالىق كاسىپورىندارى پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىنە، ورنالاستىرۋلارىنا ساي، شينجياڭمەن ناقتى ىستەر سەلبەستىگىن ۇزدىكسىز تەرەڭدەتىپ، كەڭەيتىپ، شينجياڭعا كومەكتەسۋ ءتۇزىم ارتىقشىلىعىن دامۋ ارتىقشىلىعىنا، حالىق تۇرمىسى ناقتى ونىمدىلىگىنە شىنايى اينالدىرۋى كەرەك. شينجياڭنىڭ كاسىپ سالاسى نەگىزىمەن، بايلىق ەرەكشەلىگىمەن جانە دامۋ جوباسىمەن تىعىز ۇشتاستىرىپ، كاسىپ سالاسى ورنالاسىمىن كۇشەيتىپ، دامۋى باياندى، جۇمىستاندىرۋعا جەتەكتەۋى كۇشتى ءتۇيىندى كاسىپ سالاسى نىساندارىنىڭ تياناقتانۋىن ىلگەرىلەتۋ كەرەك. شينجياڭنىڭ جول قاتىناسى، ەلەكتر - حابارلاسۋ، مۇناي - گازبەن قامداۋ جانە ونەركاسىپكە، تۇرمىسقا پايدالانىلاتىن سۋ سياقتى نەگىزدىك قۇرىلعىلار قۇرىلىسىنا بەلسەنە ات سالىسىپ، الەۋمەتتىك قىزمەت وتەۋ شارت - جاعدايىن جاقسارتۋ كەرەك. شينجياڭعا كومەكتەسەتىن ولكە، قالالارداعى مەملەكەت مەنشىگىندەگى كاسىپورىنداردىڭ بەلسەندىلىگىن تولىق جۇمىلدىرىپ، شينجياڭعا كەلىپ قارجى قوسىپ شارۋاشىلىقتى گۇلدەندىرۋىنە جەتەكشىلىك ەتىپ، قولداۋ كورسەتىپ، ورتالىق كاسىپورىندارىنىڭ ”قىزمەت كيىمى ارقىلى شينجياڭعا كومەكتەسۋ“ ارەكەتىن كۇش سالا كەڭەيتىپ، ساپالى كاسىپورىنداردىڭ جۇمىستانۋعا قابىلداۋ رولىن ساۋلەلەندىرۋ كەرەك. مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن ونان ارى تەرەڭدەتۋ جونىندەگى ورنالاستىرۋلارمەن، تالاپتارمەن ۇشتاستىرىپ، شينجياڭعا كومەكتەسەتىن ورتالىق كاسىپورىندارىنا تەكسەرۋ، باعالاۋ سياقتى جاقتاردا سايكەستى ساياساتتىق قولداۋ كورسەتىپ، اناعۇرلىم ناقتى شارالار ارقىلى شينجياڭعا كومەكتەسۋ قىزمەتىنىڭ ونىمدىلىگىن بەكەمدەپ، كەڭەيتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا كۇشتى تىرەك ازىرلەۋ كەرەك.

　　جاڭ گوچيڭ بىلاي دەپ باسا دارىپتەدى: كاسىپ سالاسى ارقىلى جۇمىستاندىرۋدى جەتەكتەۋگە تاباندى بولىپ، كاسىپ سالاسىن سايكەستىرۋ ارقىلى ءونىمدى ارتتىرۋدى، جۇمىس ورنىن كەڭەيتۋدى جەبەۋ كەرەك. شينجياڭنىڭ تامىر تارتۋ سيپاتى كۇشتى، تۇراقتىلىعى جوعارى تىرەكتى كاسىپ سالاسىن تۇلعالاۋىنا قولداۋ كورسەتىپ، وزىق جاساۋ كاسىبى شوعىرىن جەدەل جەتىلدىرىپ، زورايتىپ، توقىماشىلىق پەن كيىم - كەشەك، اۋىل شارۋاشىلىعى قوسىمشا ونىمدەرىن جىنتىكتەي وڭدەۋ سياقتى ەڭبەك شوعىرلانعان كاسىپ سالاسىن زورايتىپ، كۇشەيتىپ، قىزمەت وتەۋ كاسىبىنىڭ ساپالى، جوعارى ءونىمدى دامۋىن جەبەپ، جۇمىستاندىرۋ سيىمدىلىعىن كوپ ارنامەن ارتتىرۋ كەرەك. شينجياڭنىڭ جەرگىلىكتى كاسىپورىندارىنىڭ كاسىپ سالاسى تىزبەگى، قامداۋ تىزبەگى سەلبەستىگىنە ىشكەرىلەي ات سالىسۋىن ىلگەرىلەتىپ، كاسىپ سالاسى جۇمىس ءبولىسىن، نىسان سەلبەستىگىن كۇشەيتىپ، تەحنولوگيادا جاڭالىق اشۋ قابىلەتىن جوعارىلاتىپ، سيفرلانۋعا، زەردەلىلەنۋگە قاراي تيپ جاڭالاۋ اياق الىسىن جەدەلدەتىپ، بازارداعى باسەكەلىك قۋاتىن كۇشەيتۋ كەرەك. ەڭبەك شەبەرلىگىنە تاربيەلەۋ جانە جۇمىستاندىرۋ ارقىلى كومەكتەسۋ - سۇيەمەلدەۋدى ويداعىداي ىستەۋگە قولداۋ كورسەتىپ، مەكتەپ پەن كاسىپورىن سەلبەستىگىن جانە تاپسىرىس ۇلگىسىندەگى باۋلۋدى ۇيىمداستىرىپ ورىستەتىپ، ءار ۇلت بۇقاراسىنىڭ جۇمىستانىپ كىرىسىن ارتتىرۋىن جەبەۋ كەرەك.