بولات ارقالىقتاردى دالدىكپەن ورناتىپ، تۋنەلدى ىشكەرىلەي قازدى
− شىلىڭگىر شىلدەدەگى شينجياڭنىڭ ءتۇيىندى نىسان قۇرىلىستارى جونىندە شولۋ
□ انار بۇلت \ شينجياڭ گازەتىنىڭ ءتىلشىسى لۋ فىڭباۋ
7 - ايدا شينجياڭداعى ءتۇيىندى ينجەنەريالار قۇرىلىس جۇرگىزۋدىڭ شەشۋشى مەزگىلىنە ءوتتى. قۇرىلىس جۇرگىزەتىن ورىندار قۇرىلىسشىلاردىڭ سالاماتتىعى مەن حاۋىپسىزدىگىنە شىنايى كەپىلدىك ەتۋ العى شارتىندا نىسان قۇرىلىستارىن ءتارتىپتى ىلگەرىلەتتى. قالىڭ قۇرىلىسشىلار قۇرىلىس جۇرگىزۋدىڭ ءبىرىنشى شەبىندە تاباندىلىقپەن ىستەپ، قيىندىقتان قامال الىپ، ناقتى ناتيجەمەن ۇزدىكسىز كۇرەس جۇرگىزۋ بورىشىن امالياتتا ايگىلەدى.
قيىندىقتان قامال الىپ، بوگەتتەردى تالقاندادى
تيانشان تاۋىنىڭ قويناۋىندا مەملەكەتتىك ەلەكتر تورى شينيۋان شينجياڭ قۇمىل سۋ تارتىپ ەنەرگيا جيناۋ ەلەكتر ستانسياسىندا (تومەندە قىسقارتىلىپ ”قۇمىل ەلەكتر ستانسياسى“ دەلىنەدى) دانەكەرلەۋىشتەن وت ۇشقىندارى شاشىراپ، ماشينالاردىڭ گۇرىلى قۇلاقتى تۇندىرىپ، قامال الۋدىڭ دۋماندى كورىنىسى جارىققا شىقتى.
تابيعي سۋ ىعىستىرۋ ۇڭگىرىندە جۇڭگو تەمىر جول 14 - مەكەمەسى توبى شەكتى سەرىكتەستىگى قۇمىل ەلەكتر ستانسياسى نىسان ءبولىمىنىڭ باس ينجەنەرى فىڭ شۋبياۋ تەحنيكتەردى باستاپ دەن قويا ءبىر - بىردەن تەكسەرىپ، تۇسكەن سىزاتتى، سۋ شىعۋ مولشەرى جانە تاۋ جىنىسى پارامەترىن سالىستىرىپ، ”توجياڭ اتتى“ TBMنىڭ (قاتتى تاۋ جىنىسىن قازۋ ماشيناسى) قازۋ جۇمىسىن حاۋىپسىز جۇرگىزۋى ءۇشىن ”جەر استى جول جاعدايىن“ انىقتاپ جاتتى. كۋلاي وپىرىلمالى بەلدەۋى سىندى قۇرىلىس جۇرگىزۋدەگى وسى قيىن بوگەتكە كەلگەندە، فىڭ شۋبياۋ ۇجىمدى باستاپ قايتا - قايتا بارلاپ، دالەلدەپ، قازۋ تاقتاسىمەن كەڭەيتىپ قازۋ، الدىن الا ۇيىما سۇيىقتىق قۇيۋ جۇيەسىنىڭ دەڭگەيىن جوعارىلاتۋ سياقتى ارناۋلى جابدىقتاردى باعىتتامالى تۇردە جاڭالاپ، شۇعىل جاعدايعا توتەپ بەرۋگە پايدالاناتىن تىرەۋىش بولات سورە، اۋماقتار بويىنشا سۋ تارتۋ - ىعىستىرۋ، وپىرىلعان جەردى تولتىرۋ سىندى جۇيەلى قۇرىلىس جۇرگىزۋ شەبەرلىكتەرىن تەڭ قادامدا سايكەستى قولدانىپ، TBMنىڭ وڭاي وپىرىلاتىن بەلدەۋدە حاۋىپسىز ىشكەرىلەي قازۋىن جۇزەگە اسىردى.
S12 گاۋچاڭ (تۇرپان) − توقسۇن − بالعىنتاي تاس جولى قۇرىلىسىنىڭ جۇمىس باسىندا قۇرىلىسشىلار جۇمىس ورنىندا تاپجىلماي جۇمىس ىستەدى. العوي 3 - ءنومىرلى تۋنەلى − نىسانداعى شەشۋشى ينجەنەريا، تاياۋدا تۋنەل اۋزى قابىرعاسىنا بەتون قۇيۋ جۇمىسىن باستادى، ءبىر رەتتە قۇيىلاتىن بەتوننىڭ مولشەرى 150 كۋپ مەتر بولعاندىقتان، ءسوز جوق، توقتاۋسىز جۇمىس جۇرگىزۋگە تۋرا كەلدى. جوعارى تەمپەراتۋرادا بولات سورە ءتيىپ كەتسەڭ كۇيدىرەتىندەي قىزىپ، جۇمىس جۇرگىزۋ قيىنعا سوقتى. جۇڭگو قاتىناس 1 - تاس جول ينجەنەرياسى مەكەمەسى توبى شەكتى سەرىكتەستىگى گاۋچاڭ − توقسۇن − بالعىنتاي تاس جولى 5 - مەردىگەرلىك بولىگى جۇمىس اۋماعىنىڭ مەڭگەرۋشىسى دوۋ چياڭ پارتيا مۇشەلەرى ەكپىندىلەر اترەتىن باستاپ، جۇمىس ورنىنان تاپجىلماي، سۋ شاشۋ ماشيناسىن سورەگە توقتاۋسىز سۋ شاشىپ سالقىنداتۋعا ورنالاستىرىپ، ساعات سايىن اۋىسىپ جۇمىس ىستەۋ ءتۇزىمىن اتقارىپ، قۇرىلىس ساپاسىن قامتاماسىز ەتتى.
ءۇرىمجى بەيچىڭ حالىقارالىق جاڭا ەنەرگيالى اۆتوكولىك بازارى 2 - مەرزىمدىك نىسان قۇرىلىسىنىڭ جۇمىس باسىندا نەشە جۇزدەگەن قۇرىلىسشى ءبىرىنشى شەپتەن تاپجىلماي، قۇرىلىس جۇرگىزۋ تۇيىندەرىن بار كۇشپەن مىقتى يگەردى. 2 - مەرزىمدىك ينجەنەرياداعى بولات قۇرىلىمىنىڭ ارالىعى الىس، دالدىك تالابى جوعارى، وعان جوعارى تەمپەراتۋرالى اۋا رايىنىڭ ىقپالى قاباتتاسقاندا، قۇرىلىس جۇرگىزۋ قوس سىن - سايىسقا ءدوپ كەلدى. نىسان جاۋاپتىسى لي شياۋدۇڭ بىلاي دەدى: نىسان ءبولىمى 6 پارتيالى تىرەكتىدەن ۇيىمداسقان قامال الۋ اتويشىلدار اترەتىن دەرەۋ ۇيىمداستىرىپ قۇرىپ، ارالىعى الىس بولات قۇرىلىمدى ءىلىپ ورناتۋ قيىن بولۋ ماسەلەسىنەن باستاماشىلدىقپەن قامال الدى، بەينە ”كەستە تىككەن“ سەكىلدى ءاربىر بولات ارقالىقتى ورناتۋ دالدىگى ميلليمەتر دارەجەسىندە مەڭگەرىلدى. حاۋىپسىزدىك پەن ساپانى قامتاماسىز ەتۋ العى شارتىندا، قۇرىلىس جۇرگىزۋ ونىمدىلىگىن زور مولشەردە جوعارىلاتىپ، نەگىزگى تۇلعا بولات قۇرىلىمنىڭ توبەسىن جابۋدى اۋەلگى جوسپارداعىدان 12 كۇن بۇرىن ورىنداپ بولدى.
ۋاقىتپەن جارىسىپ، ونىمدىلىككە تالپىنىپ، اياق الىستى يگەردى
شىلىڭگىر شىلدەدەگى تۇرپان قاتتى ىسىپ كەتتى، G30 ليانيۇنگاڭ − قورعاس جوعارى قارقىندى تاس جولىنىڭ قۇمىل − تۇيىق بولىگىن جاڭالاپ كەڭەيتىپ سالۋ قۇرىلىس نىسانىنىڭ 9 - مەردىگەرلىك بولىگىنىڭ جۇمىس باسىندا ماشينالاردىڭ گۇرىلى قۇلاق تۇندىرادى. وسى مەردىگەرلىك بولىگىنىڭ تۇتاس تۇلعالىق اياق الىسى ％8. 98كە جەتىپ، اۆتوكولىك قاتىناۋ الدىنداعى ەڭ سوڭعى ۇمتىلىس كەزەڭىنە ءوتتى. جۇمىس باسىندا جۇڭگو تەمىر جول 1 - مەكەمەسى توبى شەكتى سەرىكتەستىگى قۇمىل - تۇيىق نىسانى 9 - مەردىگەرلىك بولىگىنىڭ جاۋاپتىسى ليۋ شيانجۇن كوپشىلىكتى جىگەرلەندىرىپ بىلاي دەدى: ”قالعان ينجەنەريا مولشەرى كوپ ەمەس، تاعى دا قايراتتانىپ، ەرتەرەك بىتىرۋگە قۇلشىنايىق“.
جاز كىرگەننەن بەرى، ليۋ شيانجۇن ءار كۇنى جۇمىس ورنىنا ەرتە كەلىپ، الدىن الا كومىلگەن بولشەكتەردىڭ ورنىن تەكسەرىپ، قورشاۋدىڭ ءپىشىنىن تەكسەرىپ وتكىزىپ الىپ، ءاربىر جۇمىس ءتارتىبىنىڭ ولشەمگە ساي كەلۋىنە شىنايى كەپىلدىك ەتتى. قازىر قۇمىل − تۇيىق نىسانى 9 - مەردىگەرلىك بولىگىنىڭ جول بەتى قۇرىلىسى تولىق توسەلىپ بولدى، قالعان قاتىناس حاۋىپسىزدىگى جانە قوسالقى قۇرىلىستار جەدەل ىلگەرىلەتىلدى.
7 - ايدىڭ 3 - كۇنى شىحىزى قالاسىندا شىجىعان ىستىق بولىپ، كۇن استىندا نەشە مينۋت تۇرساڭىز تەرگە مالشىناسىز. جۇڭگو تەمىر جول 14 - مەكەمەسى توبى شەكتى سەرىكتەستىگى شىحىزى ءماجىلىس - كورمە ورتالىعى نىسانى جۇمىس باسىندا نىساننىڭ حاۋىپسىزدىك باس باقىلاۋشىسى لي ۋي جۇمىس ورىندارىن ارالاپ، جوعارى كەڭىستىكتە قۇرىلىس جۇرگىزۋ، جابدىق اينالىمى، جيەكتىك قورعانىس سياقتى شەشۋشى ورىنداردى ءجىتى قاداعالاپ، بولىكتەر بويىنشا كومەسكى كىناراتتاردى ءبىر - بىردەن تەكسەرىپ، ەرەكشە قاتەرلى وڭىرلەرگە بەلگى قويدى. لي ۋي بىلاي دەدى: ”نىساننىڭ قۇرىلىس مەرزىمى شۋعىل، مىندەت اۋىر، جۇمىس اۋماعى كەڭ، جوعارى تەمپەراتۋرادا، شىجىعان ىستىقتا، جوعارى كەڭىستىكتە جۇمىس ىستەۋ، وتكىنشى جەلدىڭ ۇيتقۋى سياقتى كوپتەگەن قاتەرلەر قاباتتاسىپ ناقتى ورىندا قۇرىلىس جۇرگىزۋگە زور سىناق اكەلدى“. جوعارى تەمپەراتۋرادا قۇرىلىس جۇرگىزۋدى باقىلاۋ - باسقارۋداعى قيىن ماسەلەنى شەشۋ ءۇشىن، لي ۋي مەن قىزمەتتەستەرى زەردەلى قۇرىلىس ورنى تۇعىرىنا سۇيەنىپ، جاساندى زەردەمەن بەلگىلەمەگە قايشى ارەكەتتەردى ۇستىندە ءتۇسىرىپ الۋ، جەل كۇشى، تەمپەراتۋرا جونىندە الدىن الا ساقتاندىرۋ، مۇنارا ماشيناسىن كورۋگە بولۋ سياقتى امبەباپ زەردەلى قۇرىلىس ورنى ساندى مالىمەت شەشىم جاساۋ جۇيەسىن ىسكە قوسىپ، قاتەردى الدىن الا تۇجىرىمداۋدى، كومەسكى قاتەردى جابىق اينالىمدا الاستاۋدى جۇزەگە اسىرىپ، نىساندى جەلىدە تەكسەرۋدى جانە ساندى مالىمەت جيناۋدى ءونىمدى جۇزەگە اسىرىپ، جۇمىس حاۋىپسىزدىگىن ونان ارى قامتاماسىز ەتتى. ول بىلاي دەدى: ”پايدالانۋعا تاپسىرىپ بەرۋ نىساناسىنا بار كۇشپەن ۇمتىلىس جاساپ، نىساننىڭ جوعارى ولشەممەن، جوعارى ساپامەن دەر كەزىندە ورىندالۋىنا شىنايى كەپىلدىك ەتەمىز“.
قامتاماسىز ەتۋدىڭ ”سالقىنداتقىش شاتىرىن“ اشتى
جياڭجۇنمياۋ − نوم تەمىر جولى 2 - جەلىسىن كوبەيتىپ سالۋ ينجەنەرياسىنىڭ كوپتەگەن قۇرىلىس جۇرگىزۋ اۋماقتارى قۇبا تۇزگە ورنالاسقان. جوعارى تەمپەراتۋرالى اۋا رايىندا نىسان قۇرىلىسىندا ءوندىرىس حاۋىپسىزدىگى مەن گۋمانيتارلىق قامقورلىققا تەڭ ءمان بەرۋگە تاباندى بولىپ، ىستىق وتۋدەن ساقتانىپ، تەمپەراتۋرانى تومەندەتۋدى قامتاماسىز ەتۋ شارالارى جاپپاي تياناقتاندىرىلدى. ءارقايسى جۇمىس ورىندارىندا قىزمەتكەرلەرگە جاسىل بۇرشاق سورپاسى، ىستىق وتۋدەن ساقتانۋ دارىلەرى، قاربىز، سۋسىن سياقتى زاتتىق ماتەريالدار تاراتىلدى؛ جۇمىس كەزەگىن ۇيلەسىمدى ورنالاستىرىپ، ءتۇس كەزىندەگى جوعارى تەمپەراتۋرالى ۋاقىتتان باسقا كەزدە جۇمىس ىستەدى؛ ءار كۇنى جوعارى تەمپەراتۋرادا حاۋىپسىز قۇرىلىس جۇرگىزۋدىڭ ءمان - جايىن ءتۇسىندىرىپ جانە كومەسكى كىناراتتاردى ءبىر - بىردەن تەكسەرىپ، ىستىق وتۋدەن ساقتانۋ بىلىمدەرى جونىندە ۇدايىلاندىرا ۇگىت لەكسيا جاساپ، قۇرىلىسشىلاردىڭ سالاماتتىعىن، حاۋىپسىزدىگىن جان - جاقتى قامتاماسىز ەتتى.
G3033 كۇيتۇن − مايتاۋ − كۇشار جوعارى قارقىندى تاس جولى نىسانى تيانشان تاۋىنىڭ قويناۋىنا ورنالاسقان، كۇندىز شىلىڭگىر ىستىق، ۋلترا كۇلگىن ساۋلەسى كۇشتى. شينجياڭ قاتىناس قارجى قوسۋ مايتاۋ − كۇشار جوعارى قارقىندى تاس جولى قارجى قوسۋ، دامىتۋ شەكتى جاۋاپكەرشىلىك سەرىكتەستىگى ءبىرىنشى شەپتەگى قىزمەتكەرلەرگە كۇنگە كۇيۋدەن قورعانۋ كيىمى، حوشياڭ جىڭچيشۇي سياقتى ىستىق وتۋدەن ساقتانۋ ماتەريالدارىن دايىنداپ بەردى، نىساننىڭ ءارقايسى قۇرىلىس تۇيىندەرى جىلجىمالى كۇن قاعار قالتقى ورناتىپ، ”تاڭەرتەڭ، كەشتە ىستەۋ، تۇستە دەمالۋ“ سىندى ىستىق ۋاقىتتان باسقا ۋاقىتتا ىستەۋ ءتۇزىمىن اتقاردى ءارى جۇمىس باسىندا جىلجىمالى سۋسىن ءتۇيىنىن جانە ەمدەۋ پۋنكتىن ورنالاستىرىپ، قۇرىلىسشىلاردىڭ ءتان ساۋلىعى مەن جان ساۋلىعىن جان - جاقتى قورعادى. كۇيتۇن − مايتاۋ − كۇشار جوعارى قارقىندى تاس جولىنىڭ توپىراق - تاس قۇرىلىسى 4 - مەردىگەرلىك بولىگىنىڭ قۇرىلىسشىسى جاڭ ۋيجياڭ بىلاي دەدى: ”كوپشىلىكتىڭ قۇرىلىستى حاۋىپسىز جۇرگىزگەندە عانا كوڭىلىمىز جاي تابادى“.
جاز كىرگەننەن بەرى، اقسۋ ايماعىندا ءۇرتىس جوعارى تەمپەراتۋرالى اۋا رايى بولىپ، وڭتۇستىك شينجياڭ تەمىر جولىنىڭ اقسۋ - مارالباسى بولىگىن كەڭەيتىپ سالۋ، جاڭالاۋ ينجەنەرياسىنىڭ دالالىق قۇرىلىس ورنىن ىستىق جالىن شارپىدى. جۇڭگو تەمىر جول 15 - مەكەمەسى توبى شەكتى سەرىكتەستىگىنىڭ اقسۋ − مارالباسى نىسانى S2 مەردىگەرلىك بولىگى نىسان ءبولىمىنىڭ جاۋاپتىسى نيڭ ليچۇن تانىستىرىپ بىلاي دەدى: جوعارى تەمپەراتۋرادا، شىجىعان ىستىقتا ادامدارعا وڭاي ىستىق ءوتۋ سياقتى ماسەلەلەرگە مەڭزەس، نىسان ءبولىمى قۇرىلىس جۇرگىزۋ جوباسىن ساپالىلاندىرىپ، جۇمىس كەزەگىن عىلمي رەتتەپ، سۋ شاشۋ ماشيناسىمەن ۇدايىلاندىرىپ سۋ شاشىپ سالقىنداتىپ، جەرگىلىكتى جاعدايعا قاراي كۇن قاعار قورعانۋ قۇرىلعىلارىن كوبەيتىپ، ىستىق قايتاراتىن سۋسىندارمەن تولىق كۇن قامداپ، حاۋىپسىزدىك كەزەكشىلىگى جانە شۇعىل جاعدايعا توتەپ بەرۋ بويىنشا قامتاماسىز ەتۋ قىزمەتىن ۇدايىلاندىرىپ ويداعىداي ىستەپ، ءبىرىنشى شەپتەگى قۇرىلىسشىلارعا بار كۇشپەن ”سالقىنداتقىش شاتىر“ اشىپ بەردى.
