قاجىماي - تالماي كۇرەس جۇرگىزىپ، پارتيامىز حالىققا باسشىلىق ەتىپ ۇلى تابىستاردى جاراتتى
− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
□حالىق گازەتىنىڭ شولۋشىسى
”بۇكىل ەلدەگى ءار ۇلت حالقىن ىنتىماقتاستىرىپ، باستاپ، قاجىماي - تالماي كۇرەس جۇرگىزىپ، جاڭا دەموكراتيالىق توڭكەرىستىڭ، سوتسياليستىك توڭكەرىس پەن قۇرىلىستىڭ، رەفورما جاساۋ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتتى، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى ەپوستى جازدى“.
جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا باس شۋجي شي جينپيڭ ماڭىزدى ءسوز سويلەپ، پارتيامىز باسىپ وتكەن شۇعىلالى بارىستى تەرەڭ سۇيىسپەنشىلىكپەن ەسكە الىپ، پارتيامىزدىڭ باستان - اياق جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوزدەۋ سىندى اۋەلگى ماقسات پەن بورىشتان جازباي جاراتقان ۇلى تابىستارىن ەگجەي - تەگجەيلى جيناقتاپ، جاڭا داۋىردەگى بارلىق جۇڭگو كوممۋنيستەرىن اۋەلگى ماقساتتى، بورىشتى اناعۇرلىم سانالىلىقپەن امالياتتا ايگىلەپ، اناعۇرلىم تاباندىلىقپەن قايراتتانا العا تارتۋعا شابىتتاندىردى.
105 جىلدىق كۇرەس ساپارى قۇلاشىن كەڭ جايعان، ايبىنى اسقاق بولدى. ال ايبىندى ەپوس توقىراۋ، قۇلدىراۋ جاعدايىنان باستالعان ەدى.
1840 - جىلعى اپيىن سوعىسىنان كەيىن، مەملەكەت قورلانىپ، حالىق كۇيزەلىپ، وركەنيەت تاپتالىپ، جۇڭحۋا ۇلتى بۇرىن بولىپ كورىلمەگەن اپاتقا ۇشىرادى. جوعارىدان تومەنگە دەيىنگى قانشالاعان ىزدەنىس، قانشالاعان ۇلى مۇرات ورىندالمادى!
”جۇڭگودا كوممۋنيستىك پارتيا دۇنيەگە كەلدى، بۇل تىڭعا تۇرەن سالعان ۇلكەن وقيعا“. سودان باستاپ جۇڭگو حالقى مەن جۇڭحۋا ۇلتى ەڭ سەنىمدى تىرەككە يە بولدى، جۇڭگو حالقى رۋحاني جاقتان ىرىقسىزدىقتان ىرىقتىلىققا وتە باستادى، ىشكى الاساپىراندىق پەن سىرتقى شاپقىنشىلىققا ۇشىراعان، كەدەي ءارى ءالسىز كۇيدەگى جۇڭگو جەر - كوكتى ءدۇر سىلكىندىرگەن تاريحي وراسان زور وزگەرىستەردى باستادى، جۇڭحۋا ۇلتى جاپا - ماشاقاتتى، الايدا كەرى قايتارۋعا بولمايتىن بەينەدە ۇلى گۇلدەنۋگە بەت الا باستادى.
105 جىل بوران - شاشىن مەن جاپا - ماشاقاتتى باستان كەشىرىپ، بوگەتتەردى بۇزىپ، پارتيا مەن حالىق ىستەرى ۇزدىكسىز جەڭىستەن تىڭ جەڭىسكە بەت الدى. ”جۇڭگو حالقىنىڭ بولاشاعى مەن تاعدىرىن تۇبەگەيلى وزگەرتتى“، ”جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولىن اشتى“، ”ماركسيزمنىڭ قۇدىرەتتى ومىرشەڭ كۇشىن ايگىلەدى“، ”دۇنيە ءجۇزى تاريحىنىڭ اياق الىسىنا تەرەڭ ىقپال جاسادى“، ”قۇدىرەتتى جۇڭگو كوممۋنيستىك پارتياسىن سومدادى“، باس شۋجي شي جينپيڭ كەڭ ايالى تاريحي تۇرعىدان پارتيامىزدىڭ 105 جىل قاجىماي - تالماي كۇرەس جۇرگىزىپ جاراتقان ۇلى تابىستارىن 5 جاقتان تەرەڭ قورىتىندىلادى.
وسى 5 جاقتاعى قورىتىندى پارتيانىڭ جۇڭگو حالقىنا، جۇڭحۋا ۇلتىنا، ماركسيزمگە، ادامزاتتىڭ العا باسۋ ىستەرىنە، ماركسيزمدىك ساياسي پارتيا قۇرىلىسىنا قوسقان تاريحي سيپاتتى ۇلەسىن ىشكەرىلەي بايىمدادى، جۇڭگو كوممۋنيستىك پارتياسى مەن جۇڭگو حالقىنىڭ، جۇڭحۋا ۇلتىنىڭ قاتىناسىن ايگىلەدى، جۇڭگو كوممۋنيستىك پارتياسى مەن ماركسيزمنىڭ، دۇنيە ءجۇزى سوتسياليزمىنىڭ، ادامزات قوعامى دامۋىنىڭ قاتىناسىن ايگىلەدى، جۇڭگو كوممۋنيستىك پارتياسىنىڭ 105 جىلدىق كۇرەسىنىڭ تاريحي لوگيكاسىن، نازاريالىق لوگيكاسىن، امالياتتىق لوگيكاسىن ساباقتاستىردى.
جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، جول − ەڭ ءتۇبىرلى ماسەلە.
پارتيا حالىققا باسشىلىق ەتىپ سان مىڭ جاپا - ماشاقاتتى باستان كەشىرىپ، وراسان زور بوداۋ بەرىپ، ءساتتى اشقان جانە تاباندى بولعان جۇڭگوشا سوتسياليزم جولىنان ءبىز جۇڭگو كوممۋنيستىك پارتياسىنىڭ حالىققا باسشىلىق ەتىپ جاراتقان ۇلى تابىستارىنىڭ نە ءۇشىن تاريحي مانگە جانە دۇنيە جۇزىلىك مانگە يە ەكەندىگىن اناعۇرلىم تەرەڭ تۇسىنە الامىز، جۇڭگو كوممۋنيستىك پارتياسىنىڭ ”ۇلى، داڭقتى، دۇرىس پارتيا بولۋعا ابدەن لايىق“ ەكەندىگىن اناعۇرلىم تەرەڭ ۇعىنا الامىز.
105 جىلدان بەرى، توڭكەرىس، قۇرىلىس، رەفورما جانە جاڭا ءداۋىردىڭ ۇلى امالياتى بارىسىندا پارتيا حالىققا باسشىلىق ەتىپ ءساتتى اشقان جانە تاباندى بولعان جۇڭگو ۇلگىسىندەگى وسىزامانداندىرۋ جولى − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى بىردەن - ءبىر دۇرىس جول، ول جۇڭگونىڭ مەملەكەت جاعدايىنا ۇيلەسەدى، ءداۋىر اعىمىنا سايكەسەدى، حالىق بۇقاراسىنىڭ قورعاۋىنا، قولداۋىنا يە بولعان.
ءارى جۇڭگو حالقىن باقىتقا كەنەلتتى، ءارى دۇنيە ءجۇزىنىڭ بىرگە دامۋىن جەبەدى، جۇڭگو ۇلگىسىندەگى وسىزامانداندىرۋدىڭ اشقانى ادامزاتتىڭ وسىزاماندانۋعا بەت الۋداعى جاڭا جولى، جاراتقانى ادامزات وركەنيەتىنىڭ جاڭا فورماتسياسى. ”ءبىزدىڭ مەملەكەتتى قۇدىرەتتەندىرۋ قۇرىلىسىنداعى، ۇلتتى گۇلدەندىرۋدەگى داڭعىل جولىمىز ءارى جۇڭگونىڭ ادامزاتتىڭ العا باسۋىنا، دۇنيە ءجۇزىنىڭ ۇلى بىرلىگىنە تالپىنۋدا، ءسوزسىز، باسىپ وتەتىن جولى“.
وسى جولدى بويلاپ، ءبىز ”نەشە ون جىلدا نەشە ءجۇز جىلدى باسىپ وتكەن“ ۋاقىت كەڭىستىگىن تارايتۋ بارىسىندا دۇنيەنى جالت قاراتقان ”ەكى ۇلكەن كەرەمەتتى“ جاراتتىق، بىرىشىندەن كەدەي، ەكىنشىدەن اق بولۋدان دامىپ دۇنيە جۇزىندەگى 2 - ۇلكەن ەكونوميكالىق تۇلعاعا اينالدىق، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى.
اسىرەسە، جاڭا داۋىردەن بەرى، پارتيامىز ”ەكى كەلەلى جاعدايدى“ كوكەيدە ساقتاپ، تاريحي ىرىقتىلىقتى يگەرىپ، نازاريا مەن اماليات جاعىندا جاڭالىق اشىپ، سەرپىلىس جاساۋدى ۇزدىكسىز جۇزەگە اسىرىپ، جۇڭگو ۇلگىسىندەگى وسىزامانداندىرۋدى ءساتتى ىلگەرىلەتىپ جانە كەڭەيتىپ، كەدەيلىكتەن ارىلتۋدان قامال الۋ، جاپپاي دوڭگەلەك داۋلەتتى قوعام ورناتۋ سىندى تاريحي مىندەتتى ورىنداپ، ەكىنشى 100 جىلدىق كۇرەس نىساناسىنىڭ جاڭا جورىعىندا تاماشا باستاما اشىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن اناعۇرلىم كەمەلدى تۇزىمدىك كەپىلمەن، اناعۇرلىم بەرىك زاتتىق نەگىزبەن، اناعۇرلىم ىرىقتى رۋحاني كۇشپەن قامدادى.
باس شۋجي شي جينپيڭ پارتيا 20 - قۇرىلتايى بايانداماسىندا جۇڭگو ۇلگىسىندەگى وسىزامانداندىرۋ نازارياسىن جيناقتاپ ورتاعا قويدى ءارى ىشكەرىلەي بايىمدادى، بۇل عىلمي سوتسياليزمنىڭ ەڭ جاڭا كەلەلى جەتىستىگى، دۇنيە ءجۇزىنىڭ وسىزاماندانۋ نازارياسى مەن امالياتىنداعى كەلەلى جاڭالىق اشۋ بولىپ، قۇدىرەتتى اقيقات كۇشى مەن اماليات ۇلى كۇشىن ايگىلەدى.
قازىرگى تاڭدا جۇڭگو حالقى تاعدىرىن ءوز قولىندا مىقتى ۇستاپ وتىر، جۇڭحۋا ۇلتىنىڭ ۇلى گۇلدەنۋى بوگەۋ بەرمەيدى، جۇڭگوشا سوتسياليزم ىستەرى جالىنداعان تىرشىلىك تىنىسى مەن قاۋلاعان ومىرشەڭ كۇشىن ايگىلەپ، جۇڭگو ۇلگىسىندەگى وسىزامانداندىرۋ وركەندەپ كەلە جاتقان ەلدەردىڭ وسىزاماندانۋعا بەت الۋ جولىن كەڭەيتتى، پارتيامىز دامىپ كەلەلى الەمدىك ىقپالعا يە، دۇنيە جۇزىندەگى ءبىرىنشى ءىرى بيلىك باسىنداعى پارتياعا اينالدى.
جۇڭگو كوممۋنيستىك پارتياسىنىڭ تابىسى مەن ۇلەسى تاريحي سيپاتتى قانا ەمەس ءارى دۇنيە جۇزىلىك سيپاتقا يە. شەتەلدىك وقىمىستىلار بىلاي دەپ قارادى: ”جۇڭگو ۇلگىسىندەگى وسىزامانداندىرۋ جونىندەگى ىزدەنىس پەن تابىس دۇنيە ءجۇزىنىڭ وسىزاماندانۋ تاريحىنا شىعىستىڭ جاندى تۇسىندىرمەسىن قالدىرىپ، بۇكىل الەمدىك دامۋعا باياندى وڭ باعىتتى قوزعاۋشى كۇش ۇستەۋدە“.
باس شۋجي شي جينپيڭ بىلاي دەپ باسا دارىپتەدى: ”جۇڭگو كوممۋنيستىك پارتياسىنىڭ 105 جىلدىق شۇعىلالى تاريحى ماقتانىش ەتەرلىك، ءبىراق ءبىزدىڭ داندايسۋىمىزعا، توقمەيىلسۋىمىزگە، توقىراپ قالۋىمىزعا استە بولمايدى“. جاڭا جورىقتا پارتيانىڭ شۇعىلالى تاريحى مەن ۇلى تابىستارىنان سەنىم جانە كۇش - قۋات الىپ، حالىققا بەرىك سۇيەنىپ تاريحي ۇلى ىستەر جاراتساق، ءبىز، ءسوز جوق، جاڭا ۇزدىك جاۋاپناما جازىپ، جاڭا تاريحي شۇعىلالى ناتيجە جاراتا الامىز.
(شينحۋا اگەنتتىگىنىڭ 7 - ايدىڭ 2 - كۇنى بەيجيڭنەن بەرگەن حابارى)
