جۇڭگو كوممۋنيستىك پارتياسىنىڭ نە ءۇشىن قولىنان كەلەتىندىگىنىڭ شەشۋشى شيفرى
□گازەتىمىزدىڭ شولۋشىسى
”جۇڭگو كوممۋنيستىك پارتياسىنىڭ 105 جىلدىق كۇرەس بارىسىندا ۇزدىكسىز شۇعىلالى ناتيجە جاراتا الۋى، تاريح پەن حالىقتىڭ جۇڭگو كوممۋنيستىك پارتياسىن تاڭداۋى، تۇپتەپ كەلگەندە، پارتيامىزدىڭ باسقا ساياسي پارتيا مەن ساياسي كۇشتەر تەڭەسە المايتىن تاڭداۋلى قاسيەتكە يە بولعاندىعىندا“.
كەلۋ قاينارى مەن دامۋ بارىسىن تۇسىنگەندە عانا بولاشاق بەتالىس پەن نىساندى ايقىنداۋعا بولادى. جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا باس شۋجي شي جينپيڭ ”نە ءۇشىن قولىنان كەلەدى“ دەگەننىڭ شەشۋشى شيفرىن 6 جاقتان تەرەڭ اشىپ كورسەتتى: اقيقاتقا تالپىنۋدى مۇرات ەتىپ، العا باسۋ بەتالىسىن باستان - اياق ءداپ باسىپ يگەردى؛ حالىققا تەرەڭ تامىر تارتىپ، باستان - اياق بەرىك نەگىزگە يە بولدى؛ تاريحي بورىشتى باتىلدىقپەن ارقالاپ، باستان - اياق ستراتەگيالىق ىرىقتىلىقتى يگەردى؛ دامۋ اعىمىنا سايكەسىپ، باستان - اياق ءداۋىردىڭ الدىڭعى لەگىندە ءجۇردى؛ باتىلدىقپەن، شەبەرلىكپەن كۇرەس جۇرگىزىپ، باستان - اياق، ءسوزسىز، جەڭىسكە جەتۋ سەنىمىن ساقتادى؛ ءوزىن الۋەتتەندىرۋگە باسا ءمان بەرىپ، باستان - اياق جالىندى ومىرشەڭ كۇشكە تولى بولدى. يدەيالىق قارۋدان، بەرىك نەگىزدەن، ستراتەگيالىق ىرىقتىلىقتان تاريحي سانالىلىققا، اسقاق جىگەرگە، وزىندىك قۇرىلىسقا دەيىن وسى تاڭداۋلى قاسيەتتەر پارتيانىڭ كۇرەس بارىسىنا، نازاريادا جاڭالىق اشۋىنا جانە ۇلى امالياتىنا سىڭىرىلگەن، 100 جىلدىق ءىرى پارتيانىڭ كەمەل شاعىنا كەلۋىنىڭ، باياندى كوركەيۋىنىڭ تەتىگى، ونان دا ماڭىزدىسى، پارتيامىزدىڭ ۇزدىكسىز جەڭىستەن جاڭا جەڭىسكە جەتۋىندەگى جەڭىسكە جەتۋ جولى.
وسى تاڭداۋلى قاسيەتتەر پارتيامىزدىڭ ماركسيزمدىك ساياسي پارتيا رەتىندەگى ايقىن قاسيەتىن ايگىلەدى، ول پارتيامىزدىڭ باسقا ساياسي پارتيالار مەن ساياسي كۇشتەردەن پارىقتالاتىن ايقىن بەلگىسى، پارتيامىزدىڭ 100 جىلدان استام ۋاقىت كۇرەس جۇرگىزىپ توپتاعان رۋحاني بايلىعى، پارتيامىزدىڭ ەرلىكپەن العا باسۋىنىڭ كۇش قاينارى، پارتيامىزدىڭ حاۋىپ - قاتەر مەن سىن - سايىستارعا توتەپ بەرۋىندەگى جەڭىسكە جەتۋ اسىلى، پارتيامىزدىڭ جاڭا جورىقتا ەكپىندەي ىلگەرىلەۋىنىڭ سەنىم تىرەگى. ءبىز جاڭا ءىس جۇزىندىكپەن ۇشتاستىرىپ، پارتيانىڭ تاڭداۋلى قاسيەتىن ۇزدىكسىز ساۋلەلەندىرىپ، اسقاقتاتىپ، پارتيانىڭ ماڭگى سيپاتىنىڭ وزگەرمەۋىنە، قاسيەتىنىڭ وزگەرمەۋىنە، ءتۇسىنىڭ وزگەرمەۋىنە، باستان - اياق قۇدىرەتتى جاسامپازدىق قۋاتقا، ۇيىسۋ قۋاتىنا، جاۋىنگەرلىك قۋاتقا يە بولۋىنا شىنايى كەپىلدىك ەتۋىمىز كەرەك.
تيانشان الابىنداعى وراسان زور وزگەرىستەرگە كوز جىبەرسەك، جۇڭگو كوممۋنيستىك پارتياسىنىڭ تاڭداۋلى قاسيەتى تاريحتىڭ سالقار كوشىندە جۇرت جۇرەگىن نۇرلاندىرعان. ءداۋىر شىعارعان ەمتيحان سۇراۋلارى الدىندا، توپ - توپ كوممۋنيستەر ارەكەتى ارقىلى سەنىمىن امالياتتا ايگىلەپ، ناقتى ىستەۋ ارقىلى اۋەلگى ماقساتتى شىڭداپ، شەكارا وڭىرگە تامىر تارتىپ، شەكارا ءوڭىردى گۇلدەندىرىپ، شەكارا وڭىرگە ۇلەس قوسىپ، ءار ۇلت حالقىمەن بىرگە تۇرىپ، بىرگە ويلاپ، بىرگە ىستەپ، سوتسياليستىك وسىزاماندانعان شينجياڭ قۇرىلىسىنىڭ تىڭ تاراۋىن ۇزدىكسىز جازدى.
تاڭداۋلى قاسيەت كوممۋنيستەردىڭ بويىندا شۇعىلا شاشتى. بۇقارانىڭ سالاماتتىعىن ءومىر بويى قورعاپ كەلگەن وقاس سۇلەيمەننەن وتان ءۇشىن شەكارانى شارلاعان ”ءتىرى شەكارا بەلگىسى“ ۋي دىيوۋعا دەيىن؛ اۋىلداستاردى كەدەيلىكتەن ارىلىپ، بايۋعا باستاعان مامەتجان ءوماردان جان قيارلىقپەن قىزمەت ىستەپ، اۋىلداستاردىڭ ءتاتتى سۋ ىشۋىنە مۇمكىندىك جاساعان ليۋ حۋعا دەيىن؛ ونان حالىق ءۇشىن ناقتى ءىس ىستەگەن جاقسى كادر حى جياۋلۇڭعا دەيىن... شينجياڭنىڭ بايتاق دالاسىندا، ءار ۇلت حالقىنىڭ جۇرەگىندە جۇڭگو كوممۋنيستىك پارتياسى سۇيەنەتىن سۇيەنىش جانە تىرەك بولدى، جۇڭگو كوممۋنيستەرى بۇكىل ىنتا - پەيىلىمەن حالىقتىڭ باقىتىن كوزدەيتىن ادامدار، وسى داۋىردەگى ەڭ سۇيىكتى ادامدار.
قانشالىق قانىق بىلسەڭ، ارەكەتىڭ سونشالىق تاباندى بولادى. ”نە ءۇشىن قولىنان كەلەدى“ دەگەندى ءتۇسىنۋ − ءاربىر پارتيا مۇشەسى جونىنەن شابىت جانە جىگەر، ونان دا ماڭىزدىسى، بارلىق كوممۋنيستەر جونىنەن ۇندەۋ جانە جەبەۋ. بيىل − ”15 - بەسجىلدىقتىڭ“ باستاما جىلى، سونداي - اق قىزىل ارميا ۇزاق جورىق جەڭىسىنىڭ 90 جىلدىعى. ءبىز جالعاستىرۋ بارىسىندا قىزىل تامىردى سەزىنىپ، جەڭىستەردەن العا باسۋ كۇشىن قابىلداپ، پارتيانىڭ تاڭداۋلى قاسيەتىن باستان - اياق ساقتاپ، ەرلىكپەن العا ۇمتىلىپ، ءورىس اشا العا ىلگەرىلەپ، جاڭا ۇزاق جورىق جولىندا ۇزدىكسىز تىڭ شۇعىلالى تابىستار جاراتايىق.
