شينحۋا اگەنتتىگىنىڭ 7 - ايدىڭ 6 - كۇنى بەيجيڭنەن بەرگەن حابارى. 7 - ايدىڭ 6 - كۇنى مەملەكەت ءتوراعاسى شي جينپيڭ تىڭسىن چيڭزىعا تەلەگرامما جولداپ، ونىڭ پەرۋ رەسپۋبليكاسىنىڭ زۇڭتۇڭدىعىنا سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن پەرۋ جاپپاي ستراتەگيالىق سەرىكتەر، ەكى ەل قاتىناسى تاماشا دامۋ تەبىنىن ساقتاپ كەلەدى. ەكى جاقتىڭ جوعارى جىكتەگىلەرىنىڭ بارىس - كەلىسى جيىلەپ، ءار سالاداعى ناقتى ىستەر سەلبەستىگىندە سۇبەلى جەتىستىكتەرگە قول جەتىپ، حالىقتار دوستىعى جۇرت جۇرەگىنە تەرەڭ ۇيالادى. بيىل جۇڭگو مەن پەرۋدىڭ ديپلوماتيالىق قاتىناس ورناتقاندىعىنىڭ 55 جىلدىعى. مەن جۇڭگو − پەرۋ قاتىناسىنىڭ دامۋىنا ايرىقشا ءمان بەرەمىن، سايلانعان زۇڭتۇڭ تىڭسىن چيڭزىمەن بىرگە قۇلشىنىپ، ەكى ەلدىڭ ءداستۇرلى دوستىعىن جالعاستىرىپ، جۇڭگو − پەرۋ جاپپاي ستراتەگيالىق سەرىكتەستىك قاتىناسىنىڭ ۇزدىكسىز تىڭ ساتىعا كوتەرىلۋىنە جەتەكشىلىك ەتىپ، ەكى ەل حالقىنا اناعۇرلىم ويداعىداي باقىت جاراتۋدى قالايمىن.
سول كۇنى مەملەكەتتىڭ ورىنباسار ءتوراعاسى حان جىڭ پەرۋدىڭ ءبىرىنشى ورىنباسار زۇڭتۇڭدىعىنا سايلانعان گالارەتاعا قۇتتىقتاۋ تەلەگرامماسىن جولدادى.
