شينحۋا اگەنتتىگىنىڭ 7 - ايدىڭ 6 - كۇنى بەيجيڭنەن بەرگەن حابارى. 7 - ايدىڭ 6 - كۇنى مەملەكەت ءتوراعاسى شي جينپيڭ مونتەنەگرو زۇڭتۇڭى ميلاتوۆيچپەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقاندىعىنىڭ 20 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن مونتەنەگرو ەكى ەلدىڭ ءداستۇرلى دوستىعى تەرەڭ، ديپلوماتيالىق قاتىناس ورناتقان 20 جىلدان بەرى باستان - اياق ءوزارا قۇرمەت ەتىپ، تەڭ تۇرعىدا مامىلە جاساپ، ءوزارا پايدا جەتكىزىپ تەڭ يگىلىككە كەنەلىپ، تۇرلىشە ءىرى، شاعىن ەلدەردىڭ تاتۋ ءوتۋىنىڭ، بىرگە دامۋىنىڭ ۇلگىسىن ورناتتى. مەن ميلاتوۆيچ زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقاندىعىنىڭ 20 جىلدىعىن تىڭ باستاما ەتىپ، ءداستۇرلى دوستىقتى جالعاستىرىپ، ساۋلەلەندىرىپ، ءوزارا پايدا جەتكىزۋ سەلبەستىگىن ۇزدىكسىز تەرەڭدەتىپ، جۇڭگو − مونتەنەگرو قاتىناسىنىڭ تاعى دا تىڭ ساتىعا كوتەرىلۋىنە جەتەكشىلىك ەتىپ، ەكى ەل حالقىنا اناعۇرلىم ويداعىداي باقىت جاراتۋدى قالايمىن.
ميلاتوۆيچ مىنالاردى ءبىلدىردى: مونتەنەگرو مەن جۇڭگو ەكى ەل باستان - اياق ءوزارا قۇرمەت ەتۋ جانە ءتۇسىنىسۋ نەگىزىندە دوستىق سەلبەستىك قاتىناسىن دامىتىپ كەلدى. مونتەنەگرو جاق جۇڭگو جاقپەن ديپلوماتيالىق قاتىناس ورناتقاندىعىنىڭ 20 جىلدىعىن وراي ەتىپ، دوستىق قاتىناستى اناعۇرلىم بەكەمدەپ، تەرەڭدەتىپ، ءار سالاداعى سەلبەستىكتى كەڭەيتىپ، ەكى ەل حالقىنا باقىت جاراتىپ، دۇنيە ءجۇزىنىڭ بەيبىتشىلىگى مەن دامۋىن جەبەۋگە بەلسەندى ۇلەس قوسۋدى قالايدى.
