قۇلشىنا جاڭا تاريحي شۇعىلالى تابىستار جاراتايىق
□ گازەتىمىزدىڭ شولۋشىسى
شۇعىلالى تاريح ادامعا ماقتانىش سيلايدى، نۇرلى بولاشاق ادامدى العا باسۋعا جەبەيدى. 7 - ايدىڭ 1 - كۇنى جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسى سالتاناتپەن وتكىزىلدى، باس شۋجي شي جينپيڭ ”1 - شىلدە وردەنىنىڭ“ يەگەرلەرىنە وردەن بەردى ءارى ماڭىزدى ءسوز سويلەدى. بۇل جۇڭگو كوممۋنيستەرىنىڭ ۇلى داڭقى، ءجۇز ميلليونداعان جۇڭحۋا ۇلاندارىن ۇلى نىساناعا قاراي ەرلىكپەن العا باسۋعا شابىتتاندىراتىن تاريحي ءسات.
”بۇكىل پارتياداعى جولداستار، ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاۋى، ءسوز جوق، كىشى پەيىل، بايسالدى بولىپ، قاجىرلىلىقپەن كۇرەس جۇرگىزۋى، ءسوز جوق، باتىلدىقپەن كۇرەس جۇرگىزۋى، شەبەرلىكپەن كۇرەس جۇرگىزۋى، بۇكىل ەلدەگى ءار ۇلت حالقىنا تىعىز سۇيەنىپ جانە ولاردى ىنتىماقتاستىرىپ، باستاپ، جاڭا جورىقتا ەكپىندەي ىلگەرىلەپ، جاڭا داۋىردە ۇلەس قوسىپ، قۇلشىنا جاڭا تاريحي شۇعىلالى تابىستار جاراتۋى كەرەك“! باس شۋجي شي جينپيڭنىڭ وسى ۇلى ۇندەۋى تاريحتى، رەالدىقتى جانە بولاشاقتى ساباقتاستىرىپ، بارلىق كوممۋنيستىك پارتيا مۇشەلەرىنىڭ جۇرەگىندە ۇزاق ۋاقىت جاڭعىردى. بۇكىل رايوندا جوعارىدان تومەنگە دەيىن باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، پارتيامىزدىڭ 105 جىلدىق شۇعىلالى بارىسى مەن ۇلى جەتىستىكتەرىن تەرەڭ ءتۇسىنىپ، جۇڭگو كوممۋنيستىك پارتياسىنىڭ تاڭداۋلى قاسيەتىن تەرەڭ ءتۇسىنىپ، ”بەس ءسوز جوق“ ايقىن تالابىن تەرەڭ ءتۇسىنىپ، قۇلشىنا جاڭا تاريحي شۇعىلالى تابىستار جاراتۋ ۇلى ۇندەۋىنە باتىل ءۇن قوسىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ جاڭا جورىعىندا جاڭا جاۋاپكەرشىلىك ارقالاپ، تىڭ ىسكەرلىك كورسەتۋى كەرەك.
بوران - شاشىندا بوگەلمەگەن 100 جىلدىق ساپار ارقىلى پارتيانىڭ نۇر - شۇعىلاسى تيانشاندى نۇرلاندىردى. 105 جىلدان بەرى، جۇڭگو كوممۋنيستىك پارتياسىنىڭ باسشىلىعىندا، شينجياڭ مەشەۋلىكتەن العا باسۋعا، قاراڭعىلىقتان جارىققا، توماعا - تۇيىقتىقتان ەسىك اشۋعا بەت الىپ، سوتسياليستىك وسىزامانداندىرۋ قۇرىلىسىنىڭ تاريحي جاڭا پاراعىن اشتى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىن ستراتەگيالىق تۇرعىدان باعامداۋعا جانە جوسپارلاۋعا تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تۇراقتاندىرىپ، شينجياڭعا مەملەكەتتىڭ جالپى جاعدايىنداعى ”بەس ۇلكەن ستراتەگيالىق ورىندى“ بەرىپ، شينجياڭنىڭ ەكونوميكالىق، قوعامدىق دامۋدا كۇللى دۇنيەنى جالت قاراتقان كەلەلى جەتىستىكتەرگە قول جەتكىزۋىنە جەتەكشىلىك ەتتى. بۇگىنگى شينجياڭدا قوعامدىق كەلەلى جاعداي ۇزدىكسىز ورنىقتى بولىپ، جۇڭحۋا ۇلتى ورتاق تۇلعا تانىمى جۇرت جۇرەگىنە تەرەڭ ۇيالاپ، جوعارى ساپالى دامۋ تەبىنى كۇشەيىپ، جوعارى دەڭگەيدە سىرتقا ەسىك اشۋ ىشكەرىلەي ىلگەرىلەپ، ەكولوگيالىق ورتا ۇزدىكسىز جاقسارىپ، حالىق تۇرمىسى قۇت - ىرىسى اناعۇرلىم قامتاماسىز ەتىلىپ، دامۋى ەڭ جاقسى، وزگەرىسى ەڭ زور، ءار ۇلت بۇقاراسى ەڭ كوپ يگىلىككە كەنەلگەن تاريحي مەزگىلگە قادام تاستادى. تيانشان الابىندا تۋىلعان تاريحي زور وزگەرىستەر پارتيانىڭ باسشىلىعى مەن سوتسياليستىك ءتۇزىمنىڭ كورنەكتى ارتىقشىلىعىن تولىق ايگىلەدى، ۇلت ماسەلەسىن شەشۋدىڭ جۇڭگوشا دۇرىس جولىنىڭ قۇدىرەتتى ومىرشەڭ كۇشىن تولىق ايگىلەدى، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ بۇكىلدەي دۇرىس ەكەندىگىن تولىق دالەلدەدى.
پارتيا ىستەرىن ەڭ جاقسى جالعاستىرۋ − جاڭا شۇعىلالى تابىستار جاراتۋ؛ پارتياعا ەڭ جاقسى قۇرمەت ەتۋ − اناعۇرلىم زور ناتيجە جاراتۋ. قازىر شينجياڭ جوعارى ساپالى دامۋدى جەدەل ىلگەرىلەتۋدىڭ، سوتسياليستىك وسىزامانداندىرۋ قۇرىلىسىن قۇلشىنا ىلگەرىلەتۋدىڭ شەشۋشى كەزەڭىندە تۇر. باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، قوعام ورنىقتىلىعى مەن باياندى تىنىشتىق قىزمەت باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن مىقتاپ ارقاۋ ەتىپ، پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىندى“ كوزدەپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، سوتسياليستىك وسىزاماندانعان شينجياڭ قۇرۋ ۇلى جوباسىن قۇلشىنا تاماشا رەالدىققا اينالدىرۋ كەرەك. تۋ ايقىن تۇردە ساياسيدى دارىپتەۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شينجياڭ قىزمەتىنىڭ باستان - اياق باس شۋجي شي جينپيڭ نۇسقاعان دۇرىس بەتالىسپەن العا ىلگەرىلەۋىنە شىنايى كەپىلدىك ەتۋ كەرەك. پارتيانىڭ جاسامپازدىق نازارياسىمەن قارۋلانۋدى كۇشەيتىپ، شي جينپيڭ پارتيا قۇرىلىسى يدەياسىنىڭ عىلمي جۇيەسىن، باي مازمۇنىن، رۋحاني ءمانىن جانە امالياتتىق تالابىن تەرەڭ ءتۇسىنىپ، يگەرىپ، پارتيانى باسقارۋدىڭ، پارتيانى جونگە سالۋدىڭ، پارتيانى گۇلدەندىرۋدىڭ، پارتيانى قۇدىرەتتەندىرۋدىڭ شينجياڭ امالياتىن تىڭعىلىقتى ىلگەرىلەتۋ كەرەك. قوعام ورنىقتىلىعىن قورعاۋدى باستان - اياق ماڭداي الدى ورىنعا قويىپ، لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن ۇدايىلاندىرۋدى تىڭعىلىقتى ىلگەرىلەتىپ، قوعامدىق كەلەلى جاعدايدىڭ ورنىقتى جاقسارۋ بەتالىسىن ونان ارى بەكەمدەۋ كەرەك. جۇڭحۋا ۇلتى ورتاق تۇلعا تانىمىن ناقتى، جاندى، ءونىمدى تۇردە بەكەمدەپ، ءار ۇلت بۇقاراسىن ”بەستى شىنايى مويىنداۋدى“ ۇزدىكسىز كۇشەيتۋگە جەتەكتەپ، جۇڭگو پەيىلىن، جۇڭحۋا رۋحىن بەكەمدەۋ كەرەك. حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتىپ، ءار ۇلت بۇقاراسىنىڭ دامۋ اياق الىسىنا كەڭ كولەمدە ات سالىسۋىنا، دامۋ جەتىستىكتەرىنەن تولىق يگىلىكتەنۋىنە مۇمكىندىك جاساۋ كەرەك. پارتيانىڭ باسشىلىعى مەن پارتيا قۇرىلىسىن كۇشەيتىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.
”ۋاقىت كۇتىپ تۇرمايدى! تاريح كۇتىپ تۇرمايدى“! ”15 - بەسجىلدىق“ جوبا باستالدى، جاڭا جورىق ادامدى العا باسۋعا جەبەيدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ پارتيا قۇرىلىسى يدەياسىن ىشكەرىلەي ۇيرەنىپ، دايەكتىلەندىرىپ، ماڭگى بويكۇيەزدىككە سالىنبايتىن رۋحاني كۇيمەن، شىنايى يگەرىپ ناقتى ىستەيتىن تاڭداۋلى ستيلمەن، ىىنتىماقتى دا جاراسىمدى، گۇلدەنگەن ءارى باي، وركەنيەتتى دە العا باسقان، تىنىش ءومىر، شات - شادىمان تىرشىلىك كەشىرەتىن، ەكولوگياسى تاماشا سوتسياليستىك وسىزاماندانعان شينجياڭدى قۇلشىنا قۇرايىق.
