حالىققا تىعىز سۇيەنىپ، تاريحي ۇلى ىستەر جاراتامىز
− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى شينجياڭدا قىزۋ اڭىس قوزعادى
□ انار بۇلت \ شينجياڭ گازەتىنىڭ تىلشىلەرى
بىرنەشە كۇننەن بەرى، باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى شينجياڭداعى ءار ۇلت كادرلارى مەن بۇقاراسى اراسىندا كۇشتى ۇندەستىك تۋدىردى. كوپشىلىك مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن جەتەكشى ەتىپ، حالىقتى وزەك ەتكەن دامۋ يدەياسىن امالياتتا ايگىلەپ، ”بيلىك دەگەنىمىز حالىق، حالىق دەگەنىمىز بيلىك “ دەگەندى ەستە بەرىك ساقتاپ، حالىقتىڭ تاماشا تۇرمىسقا تالپىنىسىن كۇرەس نىسانامىز ەتىپ، حالىققا تىعىز سۇيەنىپ، تاريحي ۇلى ىستەر جاراتامىز.
جۇمىستانۋدى ورنىقتىرىپ، سالاماتتىقتى قورعايمىز
”باس شۋجي شي جينپيڭنىڭ ماڭىزدى ءسوزىن دەن قويا تىڭداپ، مەن ’حالىققا تەرەڭ تامىر تارتىپ، باستان - اياق بەرىك نەگىزگە يە بولۋدىڭ‘ ماندىك مازمۇنىن اناعۇرلىم تەرەڭ ءتۇسىندىم. ءبىز اناعۇرلىم تاباندىلىقپەن حالىقپەن بىرگە تۇرىپ، بىرگە ويلاپ، بىرگە ىستەپ، قيىنشىلىقتان تايسالماي، قول ۇشىمەن ىستەمەي، حالىق تۇرمىسىنا قاتىستى ناقتى ىستەردى قۇلشىنا ويداعىداي ىستەيمىز“. اۆتونوميالى رايوندىق الەۋمەتتىك جۇمىستاندىرۋعا قىزمەت وتەۋ ورتالىعى جوعارى مەكتەپتەردەن وقۋ تاۋىسقان وقۋشىلاردى جۇمىستاندىرۋعا قىزمەت وتەۋ ءبولىمىنىڭ باستىعى حوۋ شين مىنالاردى ءبىلدىردى: جوعارى مەكتەپتەردەن وقۋ تاۋىسقان وقۋشىلاردى جۇمىستاندىرۋ قىزمەتى جاستاردىڭ ءوسىپ - جەتىلۋىنە، دارىندى بولۋىنا سايادى، سان مىڭداعان وتباسىنىڭ قۇت - ىرىسىنا سايادى. بيىل جىل باسىنان بەرى، ورتالىعىمىز نازاردى جوعارى مەكتەپتەردەن وقۋ تاۋىسقان وقۋشىلار ءتۇيىندى شوعىرىنا دالمە - ءدال شوعىرلاندىرىپ، كوكتەمگى قىزمەتكەر قابىلداۋ جينالىسى سياقتى جەلىلەس قيمىلدار وتكىزۋ ارقىلى مەكتەپ پەن جەرگىلىكتى ورىننىڭ جۇپ قۇراپ كومەكتەسۋ - سۇيەمەلدەۋ مەحانيزمىن اقاۋسىزداندىرىپ، تىكە تاراتۋ ارقىلى جۇمىس ورنىن تانىستىرۋ شەبىن ۇزدىكسىز كەمەلدەندىرىپ، جۇمىس ىزدەۋ قابىلەتىن ناقتى جاتتىقتىرۋدى ۇزدىكسىز كۇشەيتىپ، بۇكىل رايونداعى جوعارى مەكتەپتەردەن وقۋ تاۋىسقان وقۋشىلاردىڭ جۇمىستانۋ نەگىزگى جاعدايىن ءونىمدى ورنىقتىردى. كەلەسى قادامدا باس شۋجيدىڭ ماڭىزدى ءسوزىنىڭ رۋحىن جەتەكشى ەتىپ، جوعارى مەكتەپتەردەن وقۋ تاۋىسقان وقۋشىلاردى جۇمىستاندىرۋدان قامال الۋ ارەكەتىن ۇزدىكسىز تەرەڭدەتىپ، كۇزگى قىزمەتكەر قابىلداۋ سياقتى ءتۇيىندى قىزمەتتەردى تىڭعىلىقتى ورىستەتىپ، جوعارى مەكتەپتەردەن وقۋ تاۋىسقان وقۋشىلاردىڭ جوعارى ساپالى، تولىق جۇمىستانۋىن بار كۇشپەن جەبەيمىز.
نەگىزگى ساتى ەمدەۋ - دەنساۋلىق ساقتاۋ قۇرىلىمدارى − حالىقتىڭ سالاماتتىعىن قورعاۋداعى ”ءبىرىنشى قورعانىس شەبى“. اۆتونوميالى رايوندىق دەنساۋلىق ساقتاۋ، سالاماتتىق كوميتەتى نەگىزگى ساتى دەنساۋلىق ساقتاۋ، سالاماتتىق باسقارماسىنىڭ باستىعى سۋ شياۋچۋان بىلاي دەدى: باس شۋجي شي جينپيڭنىڭ ماڭىزدى ءسوزى اسا سالماقتى، تەرەڭ سۇيىسپەنشىلىككە تولى. ”باس شۋجيدىڭ ’1 - شىلدە وردەنىنىڭ‘ يەگەرى وقاس سۇلەيمەنگە وردەن بەرگەنىن كورگەندە كوڭىلىمىز تولقىپ، ’حالىق‘ دەگەن ءسوزدىڭ كوممۋنيستەردىڭ جۇرەگىندەگى سالماعىن اناعۇرلىم تەرەڭ سەزىندىك“. سۋ شياۋچۋان مىنالاردى ءبىلدىردى: اۆتونوميالى رايوننىڭ دەنساۋلىق ساقتاۋ، سالاماتتىق جۇيەسى باس شۋجي نۇسقاعان بەتالىستى بويلاي تاباندىلىقپەن العا ىلگەرىلەپ، حالىقتىڭ سالاماتتىعىن وزەك ەتۋگە تاباندى بولىپ، ءتۇيىندى تومەنگە ءتۇسىرۋدى، بايلىقتى تومەنگە ءتۇسىرۋدى، قىزمەت وتەۋدى تومەنگە ءتۇسىرۋدى ۇزدىكسىز ىلگەرىلەتىپ، نەگىزگى ساتىنىڭ اۋرۋدان ساقتانۋ، اۋرۋدى ەمدەۋ جانە سالاماتتىقتى باسقارۋ قابىلەتىن جاپپاي جوعارىلاتىپ، شينجياڭداعى ءار ۇلت بۇقاراسىن جاقىن ماڭدا اناعۇرلىم ساپالى سالاماتتىق قىزمەت وتەۋدەن يگىلىكتەندىرۋگە قۇلشىنىس جاسايدى.
باقىلاۋ - باسقارۋدى كۇشەيتىپ، قىزمەت وتەۋدى ساپالىلاندىرامىز
اۆتونوميالى رايوندىق بازار باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ شۋجيى جۋ شين مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن بازار باقىلاۋ - باسقارۋ سالاسىنداعى ءتۇرلى قىزمەتتەردە شىن مانىندە دايەكتىلەندىرىپ، تياناقتاندىرىپ، ”باقىلاۋ - باسقارۋ قىزمەتى حالىق ءۇشىن“ ۇستانىمىنا باستان - اياق تاباندى بولىپ، ازىق - تۇلىك، ءدارى - دارمەك، ونەركاسىپ ونىمدەرى، ەرەكشە جابدىقتار حاۋىپسىزدىگىنىڭ تومەنگى شەگىن قاتاڭ، بەرىك ساقتايمىز. كۇندەلىكتى باقىلاۋ - باسقارۋ جانە ارناۋلى وڭاۋ قىزمەتىن تىڭعىلىقتى ىلگەرىلەتەمىز. سونىمەن بىرگە ساپا جاعىندا قۋاتتى رايون مەن ءبىلىم مەنشىك ۇقىعىندا قۋاتتى رايون ستراتەگياسىن ىشكەرىلەي اتقارىپ، زەردەلى باقىلاۋ - باسقارۋ ارقىلى قۋات ۇستەۋ ينجەنەرياسىن ىشكەرىلەي ىلگەرىلەتىپ، جوعارى ساپالى پارتيا قۇرىلىسى ارقىلى بازار باقىلاۋ - باسقارۋ ىستەرىنىڭ جوعارى ساپالى دامۋىنا جەتەكشىلىك ەتەمىز.
”105 جىلدان بەرى، پارتيامىز قول جەتكىزگەن تابىستاردىڭ بارلىعىن نەشە ۇرپاق جۇڭگو كوممۋنيستەرى جۇڭگو حالقىن ىنتىماقتاستىرىپ جانە باستاپ، ىستىق قاندارىمەن، ماڭداي تەرىمەن جانە اقىل - پاراساتىمەن جاراتقان“. اۆتونوميالى رايوندىق قوسىننان بوساعان اسكەريلەر ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى يۇي فىڭ مىنالاردى ءبىلدىردى: حالىقتى وزەك ەتكەن دامۋ يدەياسىن امالياتتا ايگىلەپ، ەكونوميكالىق، قوعامدىق دامۋعا قىزمەت وتەۋ، مەملەكەت قورعانىسى مەن ارميا قۇرىلىسىنا قىزمەت وتەۋ باعىتىنا تاباندى بولىپ، ارميانى قولداۋ، قامقورلىق جاساۋ، وتكىزىپ بەرۋ - ورنالاستىرۋ، جۇمىستاندىرۋ، شارۋاشىلىق قۇرۋ، قىزمەت وتەۋدى قامتاماسىز ەتۋ سياقتى ءتۇرلى قىزمەتتەردى تىڭعىلىقتى ويداعىداي ىستەپ، قوسىننان بوساعان اسكەريلەردىڭ شۇعىل، قيىن، ۋايىمداعان، ءزارۋ ماسەلەلەرىن دەن قويا، سۇيىسپەنشىلىكپەن شەشەمىز، ”ءبىز شينجياڭنىڭ قوسىننان بوساعان اسكەريلەر قىزمەتىنىڭ ءىس جۇزىندىگىمەن تىعىز ۇشتاستىرىپ، قوسىننان بوساعان اسكەريلەردى قابىلداۋ، ورنالاستىرۋ مىندەتىن ويداعىداي تياناقتاندىرۋدى ىلگەرىلەتىپ، قامقورلىق جاساۋ ساياساتىنىڭ تياناقتانۋى، قوسىننان بوساعان قيىنشىلىعى بار اسكەريلەرگە كومەكتەسۋ - سۇيەمەلدەۋ، قامقورلىق جاساۋ، نەگىزگى ساتى قىزمەت وتەۋ پۋنكت قۇرىلىسى سياقتى ءتۇيىندى قىزمەتتەردى ارقاۋ ەتە وتىرىپ دالمە - ءدال كۇش سالامىز“.
تامىر تارتىپ، اۋەلگى ماقساتتى امالياتتا ايگىلەيمىز
تارباعاتاي ايماقتىق ونەركاسىپ جانە ينفورماتسيالاندىرۋ مەكەمەسىنىڭ قوبىقسارى موڭعۇل اۆتونوميالى اۋدانى قوستولاعاي قالاشىعى يسنتولاعاي قىستاعىندا تۇراتىن ءبىرىنشى شۋجي جين لەي باس شۋجيدىڭ ماڭىزدى ءسوزىن دەن قويا تىڭداعاننان كەيىن، جاۋاپكەرشىلىگىنىڭ اۋىر ەكەنىن تەرەڭ سەزىندى. ول مىنالاردى ءبىلدىردى: قىستاقتا تۇرۋ قىزمەتىندە حالىققا تەرەڭ تامىر تارتىپ، تاباندىلىقپەن بۇقارامەن بىرگە تۇرىپ، بىرگە ويلاپ، بىرگە ىستەۋىمىز كەرەك. كەلەسى قادامدا قىزمەت اترەتىمىز ۇزدىكسىز قىستاق ”ەكى كوميتەتىمەن“ بىرگە بۇقاراعا تىعىز سۇيەنىپ، بۇقاراعا قىزمەت وتەپ، كوش جولىن جوندەۋ سياقتى حالىق تۇرمىسىنا قاتىستى ناقتى ىستەردى بۇقارانىڭ جۇرەگىنە ۇيالاتىپ، كاسىپ سالاسى ارقىلى كومەكتەسۋ - سۇيەمەلدەۋدى تىڭعىلىقتى ىستەپ، مالشىلاردىڭ تۇرمىسىنىڭ بارعان سايىن شالقۋىنا مۇمكىندىك جاسايمىز.
اۋىل - قىستاقتى گۇلدەندىرۋدىڭ جالىندى امالياتى اتىزدا ورىستەتىلدى. قالادا كاسىپتىك وقۋ - اعارتۋدا دا ءار ۇلت بۇقاراسىنىڭ باقىتتى تۇرمىسىنىڭ نەگىزىن قالادى. شينجياڭ كاسىپتىك داشۋەسى پارتكومىنىڭ شۋجيى حۋاڭ جاۋحۋا مىنالاردى ءبىلدىردى: باس شۋجيدىڭ ماڭىزدى ءسوزى حالىق رازى بولاتىن وقۋ - اعارتۋدى ويداعىداي جۇرگىزۋگە ايقىن بەتالىس كورسەتتى، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ اۋەلگى ماقساتىنان، بورىشىنان جازباي، ءمورالدى، تەحنولوگيانى قاتار جەتىلدىرگەن تەحنولوگيالىق شەبەر دارىندىلار باۋليمىز؛ شينجياڭنىڭ جوعارى ساپالى دامۋ قاجەتىمەن تىعىز بايلانىستىرىپ، دارىندىلاردى باۋلۋ مەن كاسىپ سالاسىنىڭ سۇرانىسىن ۇشتاستىرۋ ارناسىن ىركىلىسسىزدەندىرەمىز، نازاردى بۇقارانىڭ ارمان - تىلەگىنە شوعىرلاندىرىپ، جوعارىلاپ وقۋ، جۇمىستاندىرۋ ارناسىن كەڭەيتىپ، ءۇيىنىڭ جانىنداعى ساپالى كاسىپتىك وقۋ - اعارتۋدى دەن قويا، سۇيىسپەنشىلىكپەن ويداعىداي جۇرگىزىپ، قۇلشىنا ەرەكشەلىگى ايقىن، حالىق رازى بولاتىن جوعارى دەڭگەيلى كاسىپتىك داشۋە قۇرىپ، شينجياڭعا اناعۇرلىم كوپ شەبەر باۋلىپ بەرەمىز.
(ءتىلشى سۋ لۋپيڭ، قاتىناسقان تىلشىلەر جاۋ چۇنحۋا، سو رۇڭجى، جاڭ دۇڭمەي، جاۋ شييا)
