شي جينپيڭ تاسقىننان ساقتانۋ، اپاتتان قۇتقارۋ قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
قاتەردەن اراشالاۋ مەن قۇتقارۋ - كومەكتەسۋدى، جارالىلاردى قۇتقارۋ - ەمدەۋدى، بۇقارانى ورنالاستىرۋدى بار كۇشپەن ۇيىمداستىرىپ، اپاتتان ساقتانۋ، اپاتتان قۇتقارۋ قىزمەتتەرىن تىڭعىلىقتى ويداعىداي ىستەپ، حالىق بۇقاراسىنىڭ باس اماندىعى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك
لي چياڭ بەكىتۋ جازدى
شينحۋا اگەنتتىگىنىڭ 7 - ايدىڭ 7 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاسقىننان ساقتانۋ، اپاتتان قۇتقارۋ قىزمەتى جونىندە ماڭىزدى نۇسقاۋ بەردى.
شي جينپيڭ بىلاي دەپ اتاپ كورسەتتى: تاياۋدا گۋاڭشي، حۋبەي، گانسۋ قاتارلى جەرلەردە جاڭبىر، بوران سىندى اۋا رايى سەبەبىنەن سۋ قويمالارىنىڭ توسپاسى ورىلۋ، تاۋ كوشكىنى ءتۇسۋ سياقتى اپاتتار ارت - ارتىنان تۋىلىپ، اۋىر ءولىم - ءجىتىم جانە ەكونوميكالىق زيان بولدى. قاتەردەن اراشالاۋ مەن قۇتقارۋ - كومەكتەسۋ، جارالىلاردى قۇتقارۋ - ەمدەۋ، بۇقارانى ورنالاستىرۋ سياقتى قىزمەتتەردى بار كۇشپەن ۇيىمداستىرىپ، ءولىم - ءجىتىمدى مۇمكىندىكتىڭ بارىنشا ازايتىپ، قوسالقى اپاتتاردان ساقتانۋ كەرەك.
شي جينپيڭ بىلاي دەپ باسا دارىپتەدى: قازىر تاسقىننان ساقتانۋ جاعدايى قاتاڭ دا كۇردەلى، جەر - جەر، قاتىستى تاراۋلار بەلگىلەنگەن ورنالاستىرۋ شارالارىنىڭ تياناقتانۋىن ويداعىداي يگەرىپ، سالعىرتسۋ يدەياسى مەن باق سىناۋ پسيحيكاسىن باتىل جەڭىپ، اپاتتان ساقتانۋ، اپاتتان قۇتقارۋ جاۋاپكەرشىلىگىن ءجىتى قاداعالاپ، ناقتىلاندىرىپ، وزەن - كولدەردەگى، حاۋىپ - قاتەر ورىن تەۋىپ وتىرعان سۋ قويمالارىنداعى، گەولوگيالىق اپات وڭاي تۋىلاتىن وڭىرلەردەگى، ت. ب حاۋىپ - قاتەرلەردى، كومەسكى كىناراتتاردى ءبىر - بىردەن تەكسەرۋدى، وڭاۋدى ىشكەرىلەي ورىستەتىپ، باقىلاۋ - ولشەۋ، ساقتاندىرۋ جانە شۇعىل جاعدايعا توتەپ بەرۋ، قۇتقارۋ - كومەكتەسۋ دايىندىعىن كۇشەيتىپ، اپاتتان ساقتانۋ، اپاتتان قۇتقارۋ قىزمەتتەرىن تىڭعىلىقتى ويداعىداي ىستەپ، حالىق بۇقاراسىنىڭ باس اماندىعى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋى كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، بىلاي دەپ اتاپ كورسەتتى: جۋىقتان بەرى ەرەكشە ناشار اۋا رايى كوپ تۋىلدى، مەملەكەتتىك تاسقىننان ساقتانۋ قۋاڭشىلىققا قارسى اتتانۋ باس قولباسشىلىق شتابى كەڭسەسى، مەملەكەتتىك اپاتتان ساقتانۋ، اپات زيانىن ازايتۋ، اپاتتان قۇتقارۋ كوميتەتى كەڭسەسى جەر - جەردىڭ جاۋىن - شاشىن جاعدايىنا، تاسقىن جاعدايىنا قاداعالاي نازار اۋدارىپ، حاۋىپ - قاتەردى باقىلاۋ - ولشەۋدى، ساقتاندىرۋدى كۇشەيتىپ، قاتەردەن اراشالاۋ، قۇتقارۋ - كومەكتەسۋ قىزمەتىن بار كۇشپەن ورىستەتىپ، اپات حاۋىپ - قاتەرىن، كومەسكى كىناراتتارىن ىشكەرىلەي ءبىر - بىردەن تەكسەرىپ، تاسقىننان ساقتانۋ، اپاتتان قۇتقارۋ شارالارىن ناقتى، ەگجەي - تەگجەيلى تياناقتاندىرىپ، اۋىر قوسالقى اپاتتاردىڭ تۋىلۋىنان قاتاڭ ساقتانۋىنا جەتەكشىلىك ەتۋى كەرەك.
