شي جينپيڭ ماڭىزدى ٴسوز سويلەپ، بىلاي دەپ باسا دارىپتەدى: ”15 ـ بەسجىلدىق“ مەزگىلى − عىلىم ـ تەحنولوگيادا قۋاتتى ەل قۇرىلىسىنىڭ شەشۋشى قامال الۋ مەزگىلى. ٴسوز جوق، تاريحي ورايدى مىقتى يگەرىپ، ٴداۋىر سىن ـ سايىسىن قارسى الىپ، جوعارى دەڭگەيدەگى عىلىم ـ تەحنولوگيادا ٴوز كۇشىنە سۇيەنىپ ٴوزىن الۋەتتەندىرۋدى جەدەل ىلگەرىلەتىپ، 2035 ـ جىلعا بارعاندا عىلىم ـ تەحنولوگيادا قۋاتتى ەل قۇرۋ نىساناسىنا قاراي نىق قادام تاستاپ، عىلىم ـ تەحنولوگيادا جاڭالىق اشۋ ارقىلى جۇڭگو ۇلگىسىندەگى وسىزامانداندىرۋعا تىڭعىلىقتى تىرەك بولۋ جانە جەتەكشىلىك ەتۋ كەرەك
لي چياڭ باسقاردى، جاۋ لىجي، ۋاڭ حۋنيڭ، ساي چي، لي شي قاتىناستى، ديڭ شۋەشياڭ سيلىق بەرۋ جونىندەگى قاۋلىنى وقىدى
7 ـ ايدىڭ 8 ـ كۇنى تۇستەن بۇرىن مەملەكەتتىك عىلىم ـ تەحنولوگيا سيلىعىن بەرۋ جينالىسى، جۇڭگو عىلىم اكادەمياسىنىڭ 22 ـ رەتكى اكادەميكتەر جينالىسى جانە جۇڭگو ينجەنەريا اكادەمياسىنىڭ 18 ـ رەتكى اكادەميكتەر جينالىسى، جۇڭگو عىلىم ـ تەحنولوگيا قوعامىنىڭ مەملەكەتتىك 11 ـ قۇرىلتايى بەيجيڭ حالىق سارايىندا سالتاناتپەن اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جينالىسقا قاتىناستى ٴارى ماڭىزدى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى شىن حۇڭ تۇسىرگەن
7 ـ ايدىڭ 8 ـ كۇنى تۇستەن بۇرىن مەملەكەتتىك عىلىم ـ تەحنولوگيا سيلىعىن بەرۋ جينالىسى، جۇڭگو عىلىم اكادەمياسىنىڭ 22 ـ رەتكى اكادەميكتەر جينالىسى جانە جۇڭگو ينجەنەريا اكادەمياسىنىڭ 18 ـ رەتكى اكادەميكتەر جينالىسى، جۇڭگو عىلىم ـ تەحنولوگيا قوعامىنىڭ مەملەكەتتىك 11 ـ قۇرىلتايى بەيجيڭ حالىق سارايىندا سالتاناتپەن اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 2025 ـ جىلعى مەملەكەتتىك ەڭ جوعارى عىلىم ـ تەحنولوگيا سيلىعىنا يە بولعان جۇڭگو عىلىم اكادەمياسى فيزيكا زەرتتەۋ ورنىنداعى اكادەميك چىن ليچۋانعا (وڭدا) جانە جۇڭگو ەلەكترون عىلىم ـ تەحنولوگيا توبى 14 ـ زەرتتەۋ ورنىنداعى اكادەميك بىن دىعا (سولدا) سيلىق بەردى.
□ سۋرەتتى شينحۋا اگەنتتىگىنىڭ ٴتىلشىسى يان يان تۇسىرگەن
7 ـ ايدىڭ 8 ـ كۇنى تۇستەن بۇرىن مەملەكەتتىك عىلىم ـ تەحنولوگيا سيلىعىن بەرۋ جينالىسى، جۇڭگو عىلىم اكادەمياسىنىڭ 22 ـ رەتكى اكادەميكتەر جينالىسى جانە جۇڭگو ينجەنەريا اكادەمياسىنىڭ 18 ـ رەتكى اكادەميكتەر جينالىسى، جۇڭگو عىلىم ـ تەحنولوگيا قوعامىنىڭ مەملەكەتتىك 11 ـ قۇرىلتايى بەيجيڭ حالىق سارايىندا سالتاناتپەن اشىلدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلىلار جينالىسقا قاتىناستى.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
شينحۋا اگەنتتىگىنىڭ 7 ـ ايدىڭ 8 ـ كۇنى بەيجيڭنەن بەرگەن حابارى. مەملەكەتتىك عىلىم ـ تەحنولوگيا سيلىعىن بەرۋ جينالىسى، جۇڭگو عىلىم اكادەمياسىنىڭ 22 ـ رەتكى اكادەميكتەر جينالىسى جانە جۇڭگو ينجەنەريا اكادەمياسىنىڭ 18 ـ رەتكى اكادەميكتەر جينالىسى، جۇڭگو عىلىم ـ تەحنولوگيا قوعامىنىڭ مەملەكەتتىك 11 ـ قۇرىلتايى 7 ـ ايدىڭ 8 ـ كۇنى تۇستەن بۇرىن حالىق سارايىندا سالتاناتپەن اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جينالىسقا قاتىناسىپ، مەملەكەتتىك ەڭ جوعارى عىلىم ـ تەحنولوگيا سيلىعىنىڭ يەگەرلەرى قاتارلىلارعا سيلىق تاراتتى ٴارى ماڭىزدى ٴسوز سويلەدى. ول بىلاي دەپ باسا دارىپتەدى: ”15 ـ بەسجىلدىق“ مەزگىلى − عىلىم ـ تەحنولوگيادا قۋاتتى ەل قۇرىلىسىنىڭ شەشۋشى قامال الۋ مەزگىلى. ٴسوز جوق، تاريحي ورايدى مىقتى يگەرىپ، ٴداۋىر سىن ـ سايىسىن قارسى الىپ، جوعارى دەڭگەيدەگى عىلىم ـ تەحنولوگيادا ٴوز كۇشىنە سۇيەنىپ ٴوزىن الۋەتتەندىرۋدى جەدەل ىلگەرىلەتىپ، 2035 ـ جىلعا بارعاندا عىلىم ـ تەحنولوگيادا قۋاتتى ەل قۇرۋ نىساناسىنا قاراي نىق قادام تاستاپ، عىلىم ـ تەحنولوگيادا جاڭالىق اشۋ ارقىلى جۇڭگو ۇلگىسىندەگى وسىزامانداندىرۋعا تىڭعىلىقتى تىرەك بولۋ جانە جەتەكشىلىك ەتۋ كەرەك.
لي چياڭ جينالىستى باسقاردى، جاۋ لىجي، ۋاڭ حۋنيڭ، ساي چي، لي شي جينالىسقا قاتىناستى، ديڭ شۋەشياڭ سيلىق بەرۋ جونىندەگى قاۋلىنى وقىدى.
تۇستەن بۇرىن ساعات 10نان 30 مينۋت وتكەندە جينالىس باستالدى، بۇكىل الاڭداعىلار ورىندارىنان تۇرىپ مەملەكەت ٴانىن اسقاقتاتا شىرقادى.
ديڭ شۋەشياڭ «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ 2025 ـ جىلعى مەملەكەتتىك عىلىم ـ تەحنولوگيا سيلىعىن بەرۋ جونىندەگى قاۋلىسىن» وقىدى (قاۋلىنىڭ تولىق مازمۇنى 2 ـ بەتتە).
سالت دابىلى قاعىلدى، شي جينپيڭ الدىمەن 2025 ـ جىلعى مەملەكەتتىك ەڭ جوعارى عىلىم ـ تەحنولوگيا سيلىعىن العان جۇڭگو عىلىم اكادەمياسى فيزيكا زەرتتەۋ ورنىنداعى اكادەميك چىن ليچۋانعا جانە جۇڭگو ەلەكترون عىلىم ـ تەحنولوگيا توبى 14 ـ زەرتتەۋ ورنىنداعى اكادەميك بىن دىعا مەدال، كۋالىك بەردى، ولارمەن ىستىق ىقىلاسپەن قول الىسىپ قۇتتىقتادى. وسىدان سوڭ شي جينپيڭ قاتارلى پارتيا مەن مەملەكەت باسشىلارى ەڭ جوعارى سيلىقتىڭ 2 يەگەرىمەن بىرگە مەملەكەتتىك جاراتىلىستىق عىلىمدار سيلىعىنا، مەملەكەتتىك تەحنولوگيالىق تاپقىرلىق سيلىعىنا، مەملەكەتتىك عىلىم ـ تەحنولوگيا العاباسارلىعى سيلىعىنا جانە جۇڭحۋا حالىق رەسپۋبليكاسىنىڭ حالىقارالىق عىلىم ـ تەحنولوگيا سەلبەستىك سيلىعىنا يە بولعانداردىڭ ۋاكىلدەرىنە كۋالىك بەردى.
دۋ قول شاپالاق ٴۇنى ىشىندە شي جينپيڭ ماڭىزدى ٴسوز سويلەدى. ول بىلاي دەپ اتاپ كورسەتتى: پارتيا 18 ـ قۇرىلتايىنان بەرى، پارتيا ورتالىق كوميتەتى عىلىم ـ تەحنولوگيادا جاڭالىق اشۋدى وسىزامانداندىرۋ قۇرىلىسىندا كورنەكتى ورىنعا قويىپ، عىلىم ـ تەحنولوگيادا قۋاتتى ەل قۇرىلىسى جوباسىن جۇيەلى جاساپ، دامۋعا جاڭالىق اشۋ ارقىلى دەم بەرۋ ستراتەگياسىن اتقارۋدى ىشكەرىلەي ىلگەرىلەتىپ، عىلىم ـ تەحنولوگيا ٴتۇزىلىسى رەفورماسىن جاپپاي تەرەڭدەتىپ، عىلىم ـ تەحنولوگيا ىستەرىندە تاريحي تابىستارعا قول جەتكىزۋدى، تاريحي وزگەرىس تۋىلۋىن ىلگەرىلەتتى. ەلىمىز دۇنيە جۇزىندەگى عىلىم ـ تەحنولوگياعا ات سالىسۋشىدان، ۇلەس قوسۋشىدان ٴورىس اشۋشىعا، جەتەكشىلىك ەتۋشىگە قاراي جەدەل بۇرىلىس جاساپ، جاڭالىق اشۋ قۋاتى ەڭ تەز جوعارىلاعان ەلدەردىڭ بىرىنە اينالدى.
شي جينپيڭ بىلاي دەپ باسا دارىپتەدى: جاڭا كەزەكتى عىلىم ـ تەحنولوگيا توڭكەرىسى مەن كاسىپ سالاسى وزگەرىسى ادامزاتتىڭ ٴوندىرىس، تۇرمىس ٴتاسىلىن جانە دۇنيە ٴجۇزىنىڭ دامۋ ارناسىن تەرەڭ وزگەرتتى. ٴبىز جاڭا جاعدايعا، جاڭا تالاپقا ۇيلەسىپ، اناعۇرلىم پارمەندى شارا قولدانىپ، ەلىمىز عىلىم ـ تەحنولوگياسىنىڭ دامۋىندا ورىن تەۋىپ وتىرعان ماسەلەلەردى شىن مانىندە شەشىپ، پارتيا ورتالىق كوميتەتىنىڭ عىلىم ـ تەحنولوگيا ىستەرى جونىندەگى ٴتۇرلى ورنالاستىرۋىن تياناقتاندىرۋدى بار كۇشپەن ويداعىداي يگەرۋىمىز كەرەك.
شي جينپيڭ بىلاي دەپ اتاپ كورسەتتى: عىلىم ـ تەحنولوگيادا جاڭالىق اشۋدا جۇيەلىلەنگەن قامال الۋ قابىلەتىن كۇشەيتىپ، مەملەكەتتىڭ جاڭالىق اشۋ جۇيەسىنىڭ تۇتاس تۇلعالىق ونىمدىلىگىن جوعارىلاتۋ كەرەك. ”ٴتورتتى بەتكە الۋ“ ستراتەگيالىق باعدارىنا تاباندى بولىپ، عىلىم ـ تەحنولوگيا ستراتەگيالىق جوباسى، ساياسات ـ شارالارى، كەلەلى مىندەتتەرى، عىلمي زەرتتەۋ كۇشتەرى، بايلىق تۇعىرى، وڭىرلىك جاڭالىق اشۋ سياقتى جاقتاردى ٴبىر تۇتاس جوسپارلاۋدى اناعۇرلىم كۇشەيتۋ كەرەك. مەملەكەتتىڭ كەلەلى عىلىم ـ تەحنولوگيادا جاڭالىق اشۋ مىندەتتەرىن ورنالاستىرۋ جانە ۇيىمداستىرىپ اتقارۋ مەحانيزمىن كەمەلدەندىرىپ، عىلمي زەرتتەۋ نەگىزدىك شارت ـ جاعدايىن دەربەس قامتاماسىز ەتۋدى كۇشەيتۋ كەرەك. مەملەكەتتىڭ ستراتەگيالىق عىلىم ـ تەحنولوگيا كۇشتەرىنىڭ فۋنكتسيالىق ورنى مەن ورنالاسىمىن ساپالىلاندىرىپ، مىندەتتەردى سايكەستىرۋدى، بايلىقتان ورتاق يگىلىكتەنۋدى، ارتىقشىلىقتار ارقىلى ٴوزارا تولىقتاۋدى ىلگەرىلەتۋ كەرەك. ٴار دارەجەلى عىلىم ـ تەحنولوگيا قىزمەتىن ٴبىر تۇتاس جوسپارلاپ جەتەكشىلىك ەتۋدى كۇشەيتىپ، ورتالىق پەن جەرگىلىكتى ورىن سايكەسەتىن، وڭىرلەر بىرلەسىپ قيمىلدايتىن تۇزىمدىك ورنالاستىرۋدى قالىپتاستىرۋ كەرەك.
شي جينپيڭ بىلاي دەپ باسا دارىپتەدى: عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن ىلگەرىلەتىپ، عىلىم ـ تەحنولوگيانى رەال وندىرگىش كۇشكە جەدەل اينالدىرۋ ارناسىن اشۋ كەرەك. عىلىم ـ تەحنولوگيادا جاڭالىق اشۋدا قولدانۋ باعدارىن كورنەكتىلەندىرۋ، كاسىپ سالاسىندا جاڭالىق اشۋدا عىلمي ماسەلەلەردى العا قويۋ كەرەك. مەملەكەتتىڭ تەحنولوگيانى اۋىستىرۋ جۇيەسى قۇرىلىسىن كۇشەيتىپ، كوپ نەگىزدى قولدانىلمالى ورتا مەن جوعارى دەڭگەيدەگى كاسىپ سالاسى شوعىرىن قالىپتاستىرىپ، دەربەس زەرتتەپ اشقان تەحنولوگيالىق ونىمدەردى جالپىلاستىرۋدى، قولدانۋدى جانە بۋىن جاڭالاپ دارەجەسىن جوعارىلاتۋدى جەبەۋ كەرەك. ٴبىلىم مەنشىگى ۇقىعىن قورعاۋ ٴتۇزىمىن كەمەلدەندىرۋ كەرەك. عىلىم ـ تەحنولوگيادا جاڭالىق اشۋعا سايكەسەتىن عىلىم ـ تەحنولوگيا فينانس ٴتۇزىلىسىن ورناتۋ كەرەك.
شي جينپيڭ بىلاي دەپ اتاپ كورسەتتى: عىلىمنىڭ بولاشاعى جاستاردا، عىلىم ـ تەحنولوگيا تاراۋلارى مەن وقۋ ـ اعارتۋ تاراۋى سەلبەسىپ ادام تاربيەلەۋ مەحانيزمىن ساپالىلاندىرىپ، تاڭداۋلى جاس عىلىم ـ تەحنولوگيا دارىندىلارىن كۇش سالا باۋلۋ كەرەك. عىلمي زەرتتەۋ قىزمەتكەرلەرىن قولداۋ سەرپىنىن ارتتىرىپ، ولاردىڭ ٴىس جۇزىندىك قيىنشىلىعىن شەشۋىنە كومەكتەسىپ، زەيىن سالا زەرتتەۋ جۇرگىزىپ، تۇراقتاپ قالۋىنا، الاڭسىز بولۋىنا، كاسىپپەن شۇعىلدانۋىنا مۇمكىندىك جاساۋ كەرەك. جاستار مەن ورەندەردىڭ اۋەسى مەن ەرەكشەلىگىن، عىلمي جەتىلىمىن، تاجىريبە جاساۋ قابىلەتىن اشۋعا جانە جەتىلدىرۋگە باسا ٴمان بەرىپ، عىلمي زەرتتەۋ كومەسكى قاسيەتىنە يە ٴتىپتى دە كوپ جاس پەن ورەندى عىلىم ـ تەحنولوگيا ىستەرىنە ات سالىسۋدى مۇرات ەتۋگە باۋراۋ كەرەك.
شي جينپيڭ بىلاي دەپ باسا دارىپتەدى: عىلىم ـ تەحنولوگيادا جاڭالىق اشۋ ۇسىنىلىمى ونىمدىلىگىن جوعارىلاتىپ، ۇسىنىلىم كولەمىن ارتتىرۋ مەن ونىمدىلىكتى جوعارىلاتۋدىڭ بىرلىگىن جۇزەگە اسىرۋ كەرەك. ورتالىق قازىنانىڭ عىلىم ـ تەحنولوگيا قاراجاتىن ۇلەستىرۋ جانە باسقارۋ، پايدالانۋ مەحانيزمىن كەمەلدەندىرىپ، كەلەلى عىلىم ـ تەحنولوگيا مىندەتتەرىندە ورتالىق پەن جەرگىلىكتى ورىننىڭ ۇسىنىلىمدى تەڭ ارقالاۋ مەحانيزمىن اقاۋسىزداندىرۋ كەرەك. عىلىم ـ تەحنولوگيا جوسپارىن باسقارۋدى جاقسارتىپ، عىلىم ـ تەحنولوگيا نىساندارىن باقىلاۋ ـ تەكسەرۋدى جانە ونىڭ ناتيجەسىن باعالاۋدى كۇشەيتۋ كەرەك. كاسىپورىنداردى زەرتتەۋ ـ اشۋ ۇسىنىلىمىن ارتتىرۋعا جەتەكتەپ، اناعۇرلىم كوپ قوعامدىق كۇشتى عىلىم ـ تەحنولوگيادا جاڭالىق اشۋدى قولداۋعا جۇمىلدىرۋ كەرەك.
شي جينپيڭ بىلاي دەپ اتاپ كورسەتتى: عىلىم ـ تەحنولوگيالىق باعالاۋ رەفورماسىن تەرەڭدەتىپ، عىلىم ـ تەحنولوگيالىق باعالاۋ سىلتەمە تاياقشاسىنان ويداعىداي پايدالانۋ كەرەك. نىسانداردى باعالاۋ ـ تەكسەرۋدە، قۇرىلىمدى باعالاۋدا، دارىندىلاردى باعالاۋدا تۇگەلدەي جاڭالىق اشۋ قابىلەتىن، ساپاسىن، ناقتى ونىمدىلىگىن، ۇلەس قوسۋ باعدارىن كۇشەيتۋ كەرەك. ”ٴتورت بارلىعىن بەلگىلەۋ جايتىن تالقانداۋدى“ جەدەلدەتىپ، عىلىم، وقۋ ـ اعارتۋ سالاسىنىڭ ”قالپاعىنا عانا قاراۋ“ ماسەلەسىن تۇزەۋدى ۇزدىكسىز تەرەڭدەتۋ كەرەك. عالىمدار رۋحىن كۇش سالا اسقاقتاتىپ، عىلمي زەرتتەۋدە ادال بولۋ قۇرىلىسىن كۇشەيتىپ، ستيلى پاك، سالتى دۇرىس عىلمي زەرتتەۋ ەكولوگياسىن قالىپتاستىرۋ كەرەك.
شي جينپيڭ بىلاي دەپ باسا دارىپتەدى: عىلىم ـ تەحنولوگيا ەتيكاسى مەن حاۋىپسىزدىك باسقارۋىن كۇشەيتىپ، عىلىم ـ تەحنولوگيانىڭ العا باسۋىن، ىزگىلىككە ۇمتىلۋىن، حاۋىپسىز دە مەڭگەرىمدى بولۋىن، حالىقتى باقىتقا كەنەلتۋىن ىلگەرىلەتۋ كەرەك. ساياساتتى، ٴتۇزىمدى، زاڭدى، زاڭ ـ ەرەجەنى جانە باسقارۋ ولشەمىن كەمەلدەندىرىپ، كوپ جاق ات سالىساتىن، سەلبەسىپ بىرگە باسقاراتىن ٴتۇزىلىس مەحانيزمىن اقاۋسىزداندىرۋ كەرەك. ٴتۇيىندى سالالارداعى ەتيكالىق ولشەم مەن جەتەكشىلىكتى ايقىنداپ، عىلىم ـ تەحنولوگيا حاۋىپسىزدىگى حاۋىپ ـ قاتەرىن تۇجىرىمداۋدى، قاداعالاۋدى، ساقتاندىرۋدى جانە شۇعىل جاعدايعا توتەپ بەرۋ بويىنشا ٴۇن قوسۋدى كۇشەيتۋ كەرەك. الەمدىك عىلىم ـ تەحنولوگيانى باسقارۋعا ىشكەرىلەي ات سالىسىپ، جۇڭگو قۋاتتاماسى مەن جۇڭگو جوباسىن كەڭىنەن ۇگىتتەۋ جانە تانىستىرۋ كەرەك.
شي جينپيڭ بىلاي دەپ اتاپ كورسەتتى: ەلىمىزدىڭ عىلىم ـ تەحنولوگيا ىستەرىنىڭ گۇلدەنىپ ـ كوركەيۋىن ىلگەرىلەتۋ بۇكىل پارتيانىڭ، بۇكىل قوعامنىڭ بىرگە قۇلشىنۋىن قاجەت ەتەدى. ٴار دارەجەلى پارتكومدار مەن ۇكىمەتتەر عىلىم ـ تەحنولوگيا قىزمەتىن ماڭىزدى كۇن تارتىپكە قويىپ، دۇرىس ناتيجە كوزقاراسىن ورناتىپ جانە امالياتتا ايگىلەپ، شىنايى يگەرىپ ناقتى ىستەپ، ۇزدىكسىز قاجىماي كۇش سالىپ، جاڭا ونىمدىلىكتەرگە ۇزدىكسىز جەتۋى كەرەك. جۇڭگو عىلىم اكادەمياسى، جۇڭگو ينجەنەريا اكادەمياسى بۇكىل ەلدەگى عىلىم ـ تەحنولوگيا سالاسىنداعىلاردى ىنتىماقتاستىرىپ، جاڭا كەزەكتى عىلىم ـ تەحنولوگيا توڭكەرىسى بەتالىسىن يگەرىپ، دۇنيەنىڭ عىلىم شىڭىنا باتىلدىقپەن شىعۋى كەرەك. جۇڭگو عىلىم ـ تەحنولوگيا قوعامى ىزدەنىس جاساۋعا، جاڭالىق اشۋعا تاباندى بولىپ، بار ىنتا ـ پەيىلىمەن عىلىم ـ تەحنولوگيا قىزمەتكەرلەرىنە قىزمەت وتەۋى، دامۋعا جاڭالىق اشۋ ارقىلى دەم بەرۋگە قىزمەت وتەۋى، جالپى حالىقتىڭ عىلىم ساپاسىن جوعارىلاتۋعا قىزمەت وتەۋى، پارتيا مەن ۇكىمەتتىڭ عىلمي شەشىم جاساۋىنا قىزمەت وتەۋى كەرەك.
شي جينپيڭ مىنالاردى ٴبىلدىردى: ەكى اكادەميا اكادەميكتەرىنىڭ داڭقتى قاستەرلەپ، قاجىماي ـ تالماي كۇرەس جۇرگىزىپ، عىلىم ـ تەحنولوگيانىڭ الدىڭعى لەگىندە ٴورىس اشۋ، كەلەلى مىندەت ارقالاۋدا ماڭىزدى رول اتقارۋ، جاس دارىندىلاردى جەتىلدىرۋ، عالىمدار رۋحىن امالياتتا ايگىلەۋ جاقتارىندا ۇلگىلىك، جەتەكشىلىك رول اتقارۋىن ٴۇمىت ەتەمىن. قالىڭ عىلىم ـ تەحنولوگيا قىزمەتكەرلەرىنىڭ مەملەكەتكە قىزمەت وتەۋ، حالىققا باقىت جاراتۋ سىندى تاڭداۋلى ٴداستۇردى اسقاقتاتىپ، عىلىم ـ تەحنولوگيادا قۋاتتى ەل قۇرۋعا كوپتەپ تىڭ ەڭبەك ٴسىڭىرۋىن ٴۇمىت ەتەمىن.
لي چياڭ جينالىستى باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى سوزىندە سوڭعى جىلدارى ەلىمىزدىڭ عىلىم ـ تەحنولوگيا ىستەرىندە قول جەتكىزگەن كەلەلى تابىستارى تولىق تۇراقتاندىرىلدى، عىلىم ـ تەحنولوگيانىڭ دامۋى ٴدوپ كەلگەن جاڭا جاعدايعا تەرەڭ تالداۋ جاسالدى، جاۋاپكەرشىلىك سەزىمدى، كوكەي تەستىلىك سەزىمدى، بورىشتىلىق سەزىمدى ونان ارى كۇشەيتۋ، پارتيا ورتالىق كوميتەتىنىڭ ”15 ـ بەسجىلدىق“ مەزگىلىندەگى عىلىم ـ تەحنولوگيا ىستەرى جونىندەگى ورنالاستىرۋلارىنىڭ تياناقتاندىرىلۋىن بار كۇشپەن ويداعىداي يگەرۋ جونىندە ايقىن تالاپ قويىلدى. باس شۋجي شي جينپيڭنىڭ ماڭىزدى ٴسوزى بيىكتە تۇرىپ الىستى بولجاعان، يدەياسى تەرەڭ، مازمۇنى باي، اسا كۇشتى ساياسي سيپاتقا، ستراتەگيالىق سيپاتقا، جەتەكشىلىك سيپاتقا يە، جاڭا داۋىردەگى عىلىم ـ تەحنولوگيا قىزمەتىن ويداعىداي ىستەۋگە ايقىن العا باسۋ بەتالىسىن كورسەتتى، ٴتۇبىرلى بويسۇنۋ ولشەمىن ازىرلەدى. ٴبىز ىشكەرىلەي ۇيرەنىپ، ٴتۇسىنىپ، باتىل دايەكتىلەندىرىپ، تياناقتاندىرىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، عىلىم ـ تەحنولوگيا قىزمەتىن ويداعىداي ىستەۋ بەكىمىمىز بەن سەنىمىمىزدى ونان ارى كۇشەيتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋىمىز كەرەك.
جينالىستا چىن ليچۋان مەن بىن دى بارلىق سيلىق يەگەرلەرى اتىنان ٴسوز سويلەدى.
جينالىستان بۇرىن شي جينپيڭ قاتارلى باسشى جولداستار مەملەكەتتىك عىلىم ـ تەحنولوگيا سيلىعى يەگەرلەرىنىڭ ۋاكىلدەرىمەن ىقىلاسپەن كەزدەستى ٴارى كوپشىلىكپەن بىرگە سۋرەتكە ٴتۇسىپ ەستەلىك قالدىردى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ٴىشىنارا مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى قاتىستى باسشى جولداستار جينالىسقا قاتىناستى.
ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ قاتىستى تاراۋلارىنداعى نەگىزگى جاۋاپتى جولداستار، ورتالىق عىلىم ـ تەحنولوگيا كوميتەتىنىڭ مۇشەلەرى، مەملەكەتتىك عىلىم ـ تەحنولوگيا سيلىعى كوميتەتىنىڭ مۇشەلەرى، ٴارقايسى ولكە، اۆتونوميالى رايون، توتە قاراستى قالالارداعى جانە جوسپارى بولەك جاسالاتىن قالالارداعى، شينجياڭ ٴوندىرىس ـ قۇرىلىس بيڭتۋانىنداعى قاتىستى جاۋاپتى جولداستار، مەملەكەتتىك عىلىم ـ تەحنولوگيا سيلىعىن العانداردىڭ ۋاكىلدەرى، ەكى اكادەميانىڭ اكادەميكتەرى، ٴىشىنارا شەتەل ازاماتتىعىنداعى اكادەميكتەر، جۇڭگو عىلىم ـ تەحنولوگيا قوعامىنىڭ مەملەكەتتىك 11 ـ قۇرىلتايىنىڭ ۋاكىلدەرى قاتارلىلاردان 4300دەي ادام جينالىسقا قاتىناستى.
2025 ـ جىلعى مەملەكەتتىك عىلىم ـ تەحنولوگيا سيلىعى بويىنشا جيىنى 258 نىسان جانە 11 عىلىم ـ تەحنولوگيا مامانى سارالاندى. مۇنىڭ ىشىندە 2 ادام مەملەكەتتىك ەڭ جوعارى عىلىم ـ تەحنولوگيا سيلىعىن الدى؛ 51 نىسان مەملەكەتتىك جاراتىلىستىق عىلىم سيلىعىن الدى، مۇنىڭ ىشىندە ٴبىرىنشى دارەجەلى سيلىق ۇشەۋ، ەكىنشى دارەجەلى سيلىق 48؛ 58 نىسان مەملەكەتتىك تەحنولوگيالىق تاپقىرلىق سيلىعىن الدى، مۇنىڭ ىشىندە ٴبىرىنشى دارەجەلى سيلىق ۇشەۋ، ەكىنشى دارەجەلى سيلىق 55؛ 149 نىسان مەملەكەتتىك عىلىم ـ تەحنولوگيا العاباسارلىعى سيلىعىن الدى، مۇنىڭ ىشىندە ەرەكشە سيلىق ۇشەۋ، ٴبىرىنشى دارەجەلى سيلىق 13، ەكىنشى دارەجەلى سيلىق 133؛ 9 شەتەلدىك مامانعا جۇڭحۋا حالىق رەسپۋبليكاسىنىڭ حالىقارالىق عىلىم ـ تەحنولوگيا سەلبەستىگى سيلىعى بەرىلدى.
