شينحۋا اگەنتتىگىنىڭ 7 ـ ايدىڭ 8 ـ كۇنى بەيجيڭنەن بەرگەن حابارى. ورتالىق كوميتەت ۇيىمداستىرۋ ٴبولىمى ۇيىمداستىرىپ قۇراستىرعان «شي جينپيڭنىڭ نەگىزگى ساتى قىزمەت ٴادىسى جونىندەگى ماڭىزدى بايىمداۋلارىن ۇيرەنۋ وقۋلىعى» تاياۋدا پارتيا قۇرىلىسى وقۋلىعى باسپاسىنان باسىلىپ شىعىپ، بۇكىل ەلدە تاراتىلدى.
باس شۋجي شي جينپيڭ نەگىزگى ساتىدا، بۇقارا اراسىندا ەسەيىپ ـ ەرجەتكەن ٴىرى پارتيانىڭ، ٴىرى ەلدىڭ كوسەمى، حالىق بۇقاراسىنا باستان ـ اياق تەرەڭ سۇيىسپەنشىلىك ورناتقان، نەگىزگى ساتى قىزمەتىنىڭ زاڭدىلىعىن تەرەڭ اڭعارعان. مەيلى جەرگىلىكتى ورىندا قىزمەت ىستەگەن كەزدە، الدە ورتالىققا بارىپ قىزمەت ىستەگەننەن كەيىن بولسىن، شي جينپيڭ جولداس باستان ـ اياق نەگىزگى ساتىعا ٴمان بەرىپ، نەگىزگى ساتىعا كوڭىل ٴبولىپ، نەگىزگى ساتىعا ىشكەرىلەي ارالاسىپ، نەگىزگى ساتىنى قولداپ، نەگىزگى ساتىنى يگەرۋدى، نەگىز قالاۋدى ۇزاق بولاشاقتىق جوسپار جانە نەگىزدى بەكەمدەۋ شاراسى ەتۋگە تاباندى بولىپ، نازاريالىق مانگە جانە امالياتتىق قۇنعا باي ٴبىر قىدىرۋ نەگىزگى ساتى قىزمەت ٴادىسى جونىندە ىزدەنىس جاسادى جانە ونى قالىپتاستىردى. شي جينپيڭ جولداستىڭ نەگىزگى ساتى قىزمەت ٴادىسىن ارقاۋ ەتە وتىرىپ جاريالاعان ٴبىر قىدىرۋ ماڭىزدى بايىمداۋلارىنىڭ مۇراتى اسقاق، مازمۇنى باي، يدەياسى تەرەڭ بولىپ، نەگىزگى ساتى دەگەن نە، نەگىزگى ساتىعا قالاي ىشكەرىلەي ارالاسۋ، نەگىزگى ساتىعا قالاي قىزمەت وتەۋ سياقتى كەلەلى نازاريالىق جانە امالياتتىق ماسەلەلەرگە عىلمي جاۋاپ بەردى، نەگىزگى ساتى قىزمەتىنىڭ زاڭدىلىعى جونىندەگى تانىمدى تەرەڭدەتتى، جاڭا ٴداۋىردىڭ جاڭا جورىعىندا نەگىزگى ساتى قىزمەتىن ويداعىداي ىستەۋگە ايقىن بەتالىس نۇسقادى، ماڭىزدى بويسۇنۋ ولشەمىن ازىرلەدى. «شي جينپيڭنىڭ نەگىزگى ساتىنىڭ قىزمەت ٴادىسى جونىندەگى ماڭىزدى بايىمداۋلارىن ۇيرەنۋ وقۋلىعىن» باسپادان شىعارىپ تاراتۋ ٴار دارەجەلى پارتيا ۇيىمدارى مەن پارتيا مۇشەلەرىنىڭ، كادرلاردىڭ شي جينپيڭ جولداستىڭ نەگىزگى ساتى قىزمەت ٴادىسى جونىندەگى ماڭىزدى بايىمداۋلارىن جۇيەلى ۇيرەنۋىنە، يگەرۋىنە سەپتىگىن تيگىزىپ، نەگىزگى ساتى قىزمەتىن ويداعىداي ىستەۋدىڭ كەلەلى ٴمانىن، ٴتۇبىرلى تالابىن، عىلمي ۇستانىمىن، ٴونىمدى ٴتاسىلىن، ٴتۇبىرلى كەپىلىن تەرەڭ ٴتۇسىنىپ، اناعۇرلىم ويداعىداي نەگىزگى ساتىنى تانىپ، نەگىزگى ساتىعا ىشكەرىلەي ارالاسىپ، نەگىزگى ساتىعا قىزمەت وتەپ، پارتيانىڭ بيلىك جۇرگىزۋ نەگىزىن كۇش سالا بەكەمدەپ، جۇڭگو ۇلگىسىندەگى وسىزامانداندىرۋدىڭ نەگىزگى ساتى نەگىزىن بەكەمدەۋ جونىنەن توتەنشە ماڭىزدى مانگە يە.
جاقىندا ورتالىق كوميتەت پارتيا قۇرىلىسى قىزمەتى باسشىلىق گرۋپپاسى حابارلاندىرۋ شىعارىپ، ٴار دارەجەلى پارتيا ۇيىمدارىنان «شي جينپيڭنىڭ نەگىزگى ساتى قىزمەت ٴادىسى جونىندەگى بايىمداۋلارىنان ۇزىندىلەردى» جانە «شي جينپيڭنىڭ نەگىزگى ساتىنىڭ قىزمەت ٴادىسى جونىندەگى ماڭىزدى بايىمداۋلارىن ۇيرەنۋ وقۋلىعىن» دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىنىڭ ماڭىزدى ۇيرەنۋ مازمۇنى ەتىپ، شي جينپيڭ پارتيا قۇرىلىسى يدەياسىن ىشكەرىلەي ۇيرەنۋمەن، دايەكتىلەندىرۋمەن ۇشتاستىرىپ، باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىن ىشكەرىلەي ۇيرەنۋمەن، دايەكتىلەندىرۋمەن ۇشتاستىرىپ، قالىڭ پارتيا مۇشەلەرىن، كادرلاردى مۇقيات زەرتتەپ وقۋعا، ۇيرەنىپ اۋىس ـ كۇيىس جاساۋعا ۇيىمداستىرىپ، ۇيرەنۋ مەن قولدانۋدى ۇشتاستىرۋعا تاباندى بولىپ، نەگىزگى ساتى قىزمەت قابىلەتىن ۇزدىكسىز كۇشەيتىپ، جاڭا ٴداۋىردىڭ جاڭا جورىعىندا نەگىزگى ساتى قىزمەتىنىڭ جاڭا جاعدايىن قۇلشىنا اشۋدى تالاپ ەتتى.
