ليۋ نيڭ، چىن شياۋجياڭ، ۋاڭ كاي، ەركىن تۇنياز قيمىلعا قاتىناستى
7 ـ ايدىڭ 6 ـ كۇنىنەن 8 ـ كۇنىنە دەيىن حىنان ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ جانە سەلبەسىپ دامۋ قىزمەتىن تەكسەردى، ٴتۇيىلىستىردى. سۋرەتتە: 7 ـ ايدىڭ 8 ـ كۇنى حىنان ولكەسى. شينجياڭ ۇيعۇر اۆتونوميالى رايونى باعىتتامالى كومەكتەسۋ قىزمەتى اڭگىمە ٴماجىلىسى حوتاندا اشىلدى.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 7 ـ ايدىڭ 8 ـ كۇنى حوتاننان حابارلايدى. 7 ـ ايدىڭ 6 ـ كۇنىنەن 8 ـ كۇنىنە دەيىن حىنان ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ جانە سەلبەسىپ دامۋ قىزمەتىن تەكسەردى، ٴتۇيىلىستىردى. ەكى جاق قىزمەت اڭگىمە ٴماجىلىسىن وتكىزىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ جاڭا داۋىردەگى شينجياڭعا باعىتتامالى كومەكتەسۋ قىزمەتىن تەرەڭدەتۋ جونىندەگى ورنالاستىرۋىن تياناقتاندىرىپ، جاڭا دامۋ ۇستانىمى مەن جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق قىزمەت باس نىساناسىنا شوعىرلاندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىندى“ كوزدەپ، شينجياڭعا باعىتتامالى كومەكتەسۋدىڭ جانە حىنان − شينجياڭ سەلبەستىگىنىڭ اناعۇرلىم تەرەڭدەۋىن، ناقتىلانۋىن ىلگەرىلەتتى. حىنان ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى ليۋ نيڭ، اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي چىن شياۋجياڭ، حىنان ولكەلىك پارتكومنىڭ ورىنباسار شۋجيى، ولكە باستىعى ۋاڭ كاي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز قاتىستى قيمىلدارعا قاتىناستى.
7 ـ ايدىڭ 8 ـ كۇنى تۇستەن بۇرىن حىنان ولكەسى· شينجياڭ ۇيعۇر اۆتونوميالى رايونى باعىتتامالى كومەكتەسۋ قىزمەتى اڭگىمە ٴماجىلىسى حوتاندا اشىلدى. چىن شياۋجياڭ اۆتونوميالى رايوندىق پارتكوم، ۇكىمەت جانە بيڭتۋان اتىنان حىناننىڭ شينجياڭعا زور كۇشپەن قولداۋ كورسەتكەندىگىنە جانە قالتقىسىز كومەك كورسەتكەندىگىنە العىس ايتتى. ول بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىن ستراتەگيالىق تۇرعىدان باعامداۋعا جانە جوسپارلاۋعا تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تۇراقتاندىرىپ، بۇكىل ەلدىڭ كۇشىن جۇمىلدىرىپ شينجياڭنىڭ قۇرىلىسىنا، دامۋىنا كومەكتەسىپ، شينجياڭنىڭ ەكونوميكالىق، قوعامدىق دامۋدا كۇللى دۇنيەنى جالت قاراتقان كەلەلى تابىستارعا قول جەتكىزۋىنە جەتەكشىلىك ەتىپ، پارتيانىڭ باسشىلىعى مەن سوتسياليستىك ٴتۇزىمنىڭ كورنەكتى ارتىقشىلىعىن تولىق ايگىلەدى، ۇلت ماسەلەسىن شەشۋدىڭ جۇڭگوشا دۇرىس جولىنىڭ قۋاتتى ومىرشەڭ كۇشىن بەينەلەدى، جۇڭحۋا ۇلتىنىڭ بەرەكەلى شاڭىراق ەكەنىن ايگىلەدى. حىنان شينجياڭعا باعىتتامالى كومەكتەسۋدى كەلەلى ساياسي مىندەت ەتتى، شينجياڭعا كومەكتەسەتىن توپ ـ توپ كادرلار شەكارا وڭىرگە ۇلەس قوسىپ، كومەك قابىلداعان جەرلەردە كاسىپ سالاسىن گۇلدەندىرۋدىڭ، حالىق تۇرمىسىن مەيىرگە بولەۋدىڭ، جۇرت تىلەگىن ۇيىستىرۋدىڭ سۇبەلى تابىستارىنا قول جەتكىزىپ، شينجياڭنىڭ قوعام ورنىقتىلىعىن قورعاۋعا، جوعارى ساپالى دامۋىن ىلگەرىلەتۋگە ماڭىزدى ۇلەس قوستى، شينجياڭداعى ٴار ۇلت كادر ـ بۇقاراسى مۇنى كوكەيىندە ساقتايدى. ەكى ولكە، اۆتونوميالى رايوننىڭ 10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسىنىڭ ورنالاستىرۋىن ىشكەرىلەي دايەكتىلەندىرىپ، نازاردى وڭتۇستىك شينجياڭ سىندى ”شاحمات كوزىن“ جانداندىرۋعا شوعىرلاندىرىپ، جاڭادان قۇرىلعان حىكاڭ اۋدانىن، حى ـ ان اۋدانىن جوعارى ولشەممەن جوبالاپ قۇرۋدى تىڭعىلىقتى ىلگەرىلەتىپ، نەگىزدىك قۇرىلعىلار جاعىنداعى ولقىلىقتاردى تولىقتاپ، ەرەكشەلىككە، ارتىقشىلىققا يە كاسىپ سالاسىن جەتىلدىرىپ، شەكارا ٴوڭىردى گۇلدەندىرىپ، حالىقتى بايىتۋدى اناعۇرلىم ويداعىداي جەبەۋىن ٴۇمىت ەتەمىز، كاسىپ سالاسى سەلبەستىگىن كۇشەيتىپ، كەن بايلىعى، جاڭا ەنەرگيا، وسى زامانعى اۋىل شارۋاشىلىعى سياقتى جاقتاردا بىرلەسىپ ارەكەتتەنىپ دامۋدى ىلگەرىلەتىپ، مەملەكەتتىڭ ەنەرگيا بايلىعى مەن استىق حاۋىپسىزدىگىن بىرگە قورعايمىز، جۇڭحۋا ۇلتى ورتاق تۇلعا تانىمىن بەكەمدەپ، مادەنيەت ـ ساياحات اۋىس ـ كۇيىسىن، سەلبەستىگىن كۇشەيتىپ، ٴار ۇلت كادر ـ بۇقاراسىنىڭ كەڭ كولەمدى ارالاسۋىن، ىشتەسۋىن، توعىسۋىن جەبەيمىز.
ليۋ نيڭ حىنان ولكەلىك پارتكوم، ولكەلىك ۇكىمەت اتىنان شينجياڭنىڭ ۇزاق ۋاقىتتان بەرى حىناننىڭ دامۋىن زور كۇشپەن قولداعاندىعىنا العىس ايتتى، شينجياڭنىڭ ەكونوميكالىق، قوعامدىق دامۋدا قول جەتكىزگەن كورنەكتى تابىستارىن قۇتتىقتادى. ول بىلاي دەدى: وسى بىرنەشە كۇن تەكسەرۋ ـ زەرتتەۋ ارقىلى شينجياڭنىڭ دامۋ جاعدايىنىڭ ايتارلىقتاي جاقسى، قوعامدىق كەلەلى جاعدايى ورنىقتى ەكەنىن، ٴار ۇلت بۇقاراسىنىڭ ٴبىر نيەتپەن كۇش بىرىكتىرىپ، ٴبىر تىلەكپەن ەكپىندەي ىلگەرىلەپ، اعا ـ باۋىرداي ەتەنە بولعانىن تەرەڭ سەزىندىم. حىنان حوتان ايماعىنىڭ حوتان، حى ـ ان، حىكاڭ سىندى 3 اۋدانىنا باعىتتامالى كومەكتەسىپ وتىر، بۇل پارتيا ورتالىق كوميتەتىنىڭ حىنانعا جۇكتەگەن جاڭا كەلەلى ساياسي مىندەتى، ٴبىز بورىشىمىزدىڭ داڭقتى، مىندەتىمىزدىڭ ماڭىزدى ەكەندىگىن تەرەڭ سەزىندىك. ٴبىز جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، نازاردى جۇڭحۋا ۇلتى ورتاق تۇلعا تانىمىن بەكەمدەۋ سىندى وسى نەگىزگى جەلىگە شوعىرلاندىرىپ، وسكەلەڭ ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن 3 اۋداننىڭ دامۋىن، ورنىقتىلىعىن ٴوز ٴىسىمىز دەپ ٴبىلىپ، كومەك قابىلداعان جەرلەردىڭ قاجەتىن تياناق ەتىپ، حىنان ولكەسىنىڭ بار كۇشىن سالىپ، زەيىن ـ زەردەنى ۇيىستىرىپ، رۋحتى سومداۋ ارقىلى ۇلتتار ىنتىماعىنىڭ جاڭا كارتيناسىن سالىپ، نىسان ارقىلى كومەك قابىلداعان جەرلەردىڭ دامۋ جاڭا قوزعالىس قۋاتىن كۇشەيتۋگە تىرەك ازىرلەپ، توعىستىرۋدى، تۇتاستىرۋدى ىركىلىسسىزدەندىرۋ ارقىلى شينجياڭ − حىنان سەلبەستىگىنىڭ تىڭ ٴورىسىن اشىپ، شىنايى مويىنداۋدى نىعايتۋ ارقىلى شينجياڭدى مادەنيەتپەن نارلەندىرۋدىڭ جاڭا جاعدايىن اشىپ، شىنايى يگەرىپ ناقتى ىستەۋ ارقىلى باعىتتامالى كومەكتەسۋدىڭ تىڭ جاۋاپناماسىن تاپسىرامىز. سونىمەن بىرگە حىنان مەن شينجياڭنىڭ گەولوگيالىق كەن بارلاۋ، كاسىپ سالاسىن دامىتۋ، ەنەرگيا ەلەكتر قۋاتى، وقۋ ـ اعارتۋ سەلبەستىگى، مادەنيەت ـ ساياحاتتى دامىتۋ، گۋمانيتارلىق اۋىس ـ كۇيىس سياقتى جاقتارداعى ارتىقشىلىقتارىمەن ٴبىرىن ـ ٴبىرى تولىقتاۋىنا، قوس باعىتتا قۋات ۇستەۋىنە دەم بەرىپ، شينجياڭ − حىنان سەلبەستىگىنىڭ، اۋىس ـ كۇيىسىنىڭ تىڭ تاراۋىن قۇلشىنا جازامىز.
اڭگىمە ماجىلىسىندە ەركىن تۇنياز، ۋاڭ كاي جەكە ـ جەكە اۆتونوميالى رايوننىڭ ەكونوميكالىق، قوعامدىق دامۋى جانە حىنانمەن اۋىس ـ كۇيىس، سەلبەستىك جاساۋ جاعدايىن، حىناننىڭ ەكونوميكالىق، قوعامدىق دامۋى جانە باعىتتامالى كومەكتەسۋ قىزمەتى جاعدايىن تانىستىردى. حوتان ايماعى مەن حىنان ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنداعى جاۋاپتى جولداستار ناقتى قىزمەت اياق الىسىنان دوكلات بەردى. ەكى جاق كومەك اتاۋ سالتىن وتكىزدى.
شينجياڭداعى كەزىندە ۋاكىلدەر ۇيىرمەسى حوتان قالاسىنا، حوتان اۋدانىنا بارىپ، اۋىل ـ قالاشىق، مەكتەپ، مادەني مۇرا ـ مۇراجاي الاڭ ـ سارايى، وتانشىلدىق تاربيە بازاسى سياقتى جەرلەردى ارالاپ، شينجياڭعا كومەكتەسۋ قىزمەتىنىڭ ورىستەتىلۋ جانە نىسانداردىڭ جوبالانۋ، قۇرىلىس جۇرگىزۋ جاعدايىن تەكسەرىپ، شينجياڭعا كومەككە كەلگەن كادر ـ دارىندىلارعا امانداسا باردى. ۇستىرتتەگى شەكارا بويىنا ورنالاسقان حىكاڭ اۋدانىندا، حى ـ ان اۋدانىندا ۋاكىلدەر ۇيىرمەسى اۋىل ـ قىستاقتىڭ دامۋى، اكىمشىلىك قىزمەت وتەۋ ورتالىعى قۇرىلىسى، ەرەكشەلىككە يە كاسىپ سالاسىن جەتىلدىرۋ جانە شينجياڭعا كومەككە كەلگەن كادرلاردىڭ قىزمەت، تۇرمىس جاعدايىن ناقتى ورىندا تەكسەرىپ كورىپ، نەگىزگى ساتىداعى بۇقاراعا امانداسا باردى.
تەكسەرۋ كەزىندە ەكى ولكە، اۆتونوميالى رايونداعى ليۋ نيڭ، چىن شياۋجياڭ قاتارلى جولداستار كاڭشيۋا قۇرباندار قابىرستانىنا كەلىپ، ازا ٴبىلدىرۋ قيمىلىن وتكىزىپ، وتاندى قورعاۋ، شەكارا ٴوڭىردى قورعاۋ جولىندا قۇربان بولعان قاھارمان قۇربانداردى ساعىنا ەسكە الدى.
حىنان ولكەسىنىڭ باسشىلارىنان ۋاڭ گاڭ، جاڭ مين، لي تاۋ، اۆتونوميالى رايوننىڭ جانە بيڭتۋاننىڭ باسشىلارىنان جاڭ يىڭچۇن، قادەن كابەن، لي گاڭ، ياڭ حۇڭبين قاتىستى قيمىلدارعا قاتىناستى.
