7 - ايدىڭ 9 - كۇنى ءتىلشىنىڭ ءۇرىمجى قالالىق قورا - جاي ساۋدا - ساتتىعى، مايعا بەرۋ - مايعا الۋ جانە دەلدال بازارى ءتارتىبىن ارناۋلى وڭاۋ قىزمەتىنىڭ اتتانىسقا كەلتىرۋ ماجىلىسىنەن ۇعىسۋىنشا، ءۇرىمجى قالاسى تاۋار ءۇي ساۋدا - ساتتىعى، تاۋار ءۇيدى تابىستاۋ، قورا - جاي دەلدالى، تۇرارجايدى مايعا بەرۋ، قورا - جايدى باعالاۋ قىزمەتى سياقتى ءتۇيىندى سالالارعا ارناۋلى وڭاۋ ارەكەتىن جۇرگىزىپ، بۇقارانىڭ ءۇي ساتىپ الۋ، مايعا بەرۋ - مايعا الۋداعى زاڭدى ۇقىق - مۇددەسىنە شىنايى كەپىلدىك ەتەدى ەكەن.
وڭاۋ كولەمى مىنالاردى قامتيدى: ساۋدالاسۋ بۋىنىندا كۋالىك الماي تۇرىپ الدىن الا ساتۋ، جاڭادان سالىنعان تاۋار ءۇيدىڭ باعاسىن اشىق جازباۋ، ۇستەمەلەپ باعا قوسۋ، قوسانجارلاپ ساتۋ، تۇرارجايدى تۇرعىن ءۇي الەۋمەتتىك جيناق قورى قارىزى ارقىلى الۋعا كونبەۋ، الدىن الا ساتۋ قاراجاتىن بەلگىلەمەگە قايشى تۇردە وزگەگە جۇمساۋ، ءۇي قاينارىن جالعان ۇگىتتەۋ، ادىلەتسىز توقتام تارماقتارى سياقتى بەلگىلەمەگە قايشى ارەكەتتەر قاتاڭ تەكسەرىلەدى؛ ءۇيدى تاپسىرۋ بۋىنىندا ولشەمگە تولمايتىن ءۇيدى زورلىقتى تۇردە تاپسىرۋ، ءۇيدى كەشەۋىلدەتىپ تاپسىرۋ، قورا - جايدىڭ ساپاسىنداعى كەمىستىك، بەلگىلەمەگە قايشى تۇردە ارتىق اقى الۋ، ”ءۇيدى الدىمەن تەكسەرىپ، ونان سوڭ تاپسىرۋ“ ءتۇزىمىن تياناقتاندىرماۋ سياقتى ماسەلەلەر قاتاڭ جونگە سالىنادى.
شينجياڭ گازەتىنىڭ ۋيشين تۇعىرىنان اۋدارىلدى
