7 - ايدىڭ 9 - كۇنى ءتىلشىنىڭ اۆتونوميالى رايوندىق بازار باقىلاۋ - باسقارۋ مەكەمەسىنەن ۇعىسۋىنشا، بيىل 7 - ايدان 8 - ايعا دەيىن، وسى مەكەمە اۆتونوميالى رايوندىق قاتىناس - تاسىمال مەڭگەرمەسى، اۆتونوميالى رايوندىق مادەنيەت جانە ساياحات مەڭگەرمەسىمەن بىرلەسىپ، ءتۇيىندى ورىندارداعى تارازىدان جەۋ جايىتتەرىن ارناۋلى وڭاۋ ارەكەتىن ورىستەتەدى. وسى رەتكى شوعىرلى تۇردە وڭاۋ ەكى ايعا ۇلاسادى، ودان ارى قاراي باقىلاۋ - باسقارۋ ۇدايىلانا تۇسەدى. كوپ تاراۋلار سەلبەسىپ، بىرلەسىپ قيمىلداۋ، قاراستى ورىن دايەكتىلەندىرۋ سىندى قىزمەت مەحانيزمى ارقىلى باقىلاۋ - باسقارۋ جاۋاپكەرشىلىگىن ايقىن بەلگىلەپ، ولشەۋ سالاسىنداعى كورنەكتى ماسەلەلەردى نىسانالى تۇردە وڭاپ، تۇتىنۋ بازارىنىڭ ورتاسىن جالپى بەتتىك تازارتادى.
وسى رەتكى ارناۋلى وڭاۋ قىزمەتىندەگى ءتۇيىندى ورىندار كورىنىس ءوڭىرى، تاس جولداردىڭ قىزمەت وتەۋ رايونى، جارمەڭكە - ساۋدا بازارى، تيجارات جۇرگىزۋ، ساۋدالاۋ، مانەرلەۋ تۇيىندەرىن قامتيدى. ارناۋلى وڭاۋداعى ايقىندالعان 3 ۇلكەن جونگە سالۋ مىندەتى: ولشەۋ جابدىقتارىن وزگەرتۋ، سالماق ولشەۋدە قارالىق قىلۋ سياقتى زاڭسىز ارەكەتتەرگە قاتاڭ سوققى بەرىلەدى؛ ولشەۋ، باعا جاعىنداعى ءتۇرلى ۇقىققا سۇعاناقتىق جاساۋ ارەكەتتەرى قاتاڭ تەكسەرىلىپ، ءبىر جاقتىلى ەتىلەدى، تيپتىك دەلولاردى اشىق جاريالاۋ ارقىلى ەسكەرتۋ، سەس كورسەتۋ كۇشەيتىلەدى؛ اۋىل شارۋاشىلىق ونىمدەرى بازارىنىڭ ولشەۋ جاعىنداعى باقىلاۋ - باسقارۋ جانە سەنىمدىلىكتى باعالاۋ باياندى باسقارۋ مەحانيزمى كەمەلدەندىرىلىپ، حالىق تۇرمىسىنىڭ ولشەۋ حاۋىپسىزدىك شەبىن ۇزدىكسىز بەكەمدەيدى.
التاي ءنول قاشىقتىق ۋيشين تۇعىرىنان اۋدارىلدى
