ٴتۇرلى حاۋىپ ـ قاتەرلەردى، كومەسكى كىناراتتاردى ىشكەرىلەي ٴبىر ـ بىردەن تەكسەرىپ، وڭاپ، ٴوندىرىس حاۋىپسىزدىگى شارالارىنىڭ تياناقتانۋىن ناقتى، ەگجەي ـ تەگجەيلى يگەرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ كەرەك

شي جينپيڭ فۋجيان چۋانجوۋدىڭ جينجياڭ قالاسىنداعى ٴبىر اياق كيىم زاۆودىندا تۋىلعان ٴورت اپاتى شىرعالاڭى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى

ٴتۇرلى حاۋىپ ـ قاتەرلەردى، كومەسكى كىناراتتاردى ىشكەرىلەي ٴبىر ـ بىردەن تەكسەرىپ، وڭاپ، ٴوندىرىس حاۋىپسىزدىگى شارالارىنىڭ تياناقتانۋىن ناقتى، ەگجەي ـ تەگجەيلى يگەرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ كەرەك

لي چياڭ بەكىتۋ جازدى

　　شينحۋا اگەنتتىگىنىڭ 7 ـ ايدىڭ 9 ـ كۇنى بەيجيڭنەن بەرگەن حابارى. 7 ـ ايدىڭ 9 ـ كۇنى ساعات 12 مولشەرىندە فۋجيان چۋانجوۋدىڭ جينجياڭ قالاسىنداعى ٴبىر اياق كيىم زاۆودىندا ٴورت اپاتى تۋىلىپ، اۋىر ٴولىم ـ ٴجىتىم بولدى.

　　شىرعالاڭ تۋىلعاننان كەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ايرىقشا ٴمان بەردى ٴارى ماڭىزدى نۇسقاۋ بەرىپ، بىلاي دەپ اتاپ كورسەتتى: فۋجيان چۋانجوۋدىڭ جينجياڭ قالاسىنداعى ٴبىر اياق كيىم زاۆودىندا ٴورت اپاتى تۋىلىپ، اۋىر ٴولىم ـ ٴجىتىم بولدى. ادامداردى ىزدەۋ ـ قۇتقارۋ، سوڭعى جۇمىستاردى ىڭعايلاستىرۋ، جۇباتۋ سياقتى قىزمەتتەردى كۇش سالا ويداعىداي ىستەپ، شىرعالاڭنىڭ سەبەبىن تەز ارادا تەكسەرىپ انىقتاۋ ٴارى جاۋاپكەرشىلىكتى قاتاڭ قۋزاستىرۋ كەرەك.

　　شي جينپيڭ بىلاي دەپ باسا دارىپتەدى: بيىل جىل باسىنان بەرى، ەل ىشىندە كوپتەگەن اۋىر ٴوندىرىس حاۋىپسىزدىگى شىرعالاڭى تۋىلدى، وڭىرلەر، قاتىستى تاراۋلار تەرەڭ ساباق الىپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، ٴوندىرىس حاۋىپسىزدىگى سىندى ارقاۋدى قاي ـ قاشان دا مىقتاپ شيراتىپ، ٴتۇرلى حاۋىپ ـ قاتەرلەردى، كومەسكى كىناراتتاردى ىشكەرىلەي ٴبىر ـ بىردەن تەكسەرىپ، وڭاپ، ٴوندىرىس حاۋىپسىزدىگى شارالارىنىڭ تياناقتانۋىن ناقتى، ەگجەي ـ تەگجەيلى يگەرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانىپ، حالىق بۇقاراسىنىڭ باس اماندىعى مەن مال ـ مۇلكىنىڭ حاۋىپسىزدىگىن شىن مانىندە قورعاۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، بىلاي دەپ اتاپ كورسەتتى: ىزدەۋ ـ قۇتقارۋدى بار كۇشپەن ۇيىمداستىرىپ، سوڭعى جۇمىستاردى ٴبىر جاقتى ەتۋدى ويداعىداي ىستەپ، قوسالقى شىرعالاڭداردىڭ تۋىلۋىنان ساقتانۋمەن بىرگە، سەبەبىن تەز ارادا تەكسەرىپ انىقتاپ، جاۋاپكەرشىلىكتى زاڭ بويىنشا قاتاڭ قۋزاستىرۋ كەرەك. مەملەكەتتىك كەڭەستىڭ ٴوندىرىس حاۋىپسىزدىگى كوميتەتى كەڭسەسى جەر ـ جەردىڭ تومەنگى شەكتە ويلاۋدى، سوڭعى شەكتە ويلاۋدى بەكەمدەۋىنە ىشكەرىلەي جەتەكشىلىك ەتىپ، قۋزاپ، ٴوندىرىس حاۋىپسىزدىگى حاۋىپ ـ قاتەرلەرىن، كومەسكى كىناراتتارىن جاپپاي ٴبىر ـ بىردەن تەكسەرىپ، جاۋاپكەرشىلىك شارالارىنىڭ تياناقتانۋىن مىقتى يگەرىپ، اۋىر، ەرەكشە اۋىر شىرعالاڭداردىڭ تۋىلۋىنان قاتاڭ ساقتانۋى كەرەك.

　　شي جينپيڭنىڭ ماڭىزدى نۇسقاۋى مەن لي چياڭنىڭ تالابىنا ساي، شۇعىل جاعدايعا توتەپ بەرۋدى باسقارۋ مينيسترلىگى جىبەرگەن قىزمەت گرۋپپاسى ناقتى ورىنعا بارىپ جەتەكشىلىك ەتتى. فۋجيان ولكەسى كۇشتەردى ۇيىمداستىرىپ، جارالىلاردى قۇتقارۋ ـ ەمدەۋ جانە ناقتى ورىندا ٴبىر جاقتى ەتۋ سياقتى قىزمەتتەردى كۇش سالا ويداعىداي ىستەدى. قازىر ٴتۇرلى قىزمەتتەر ورىستەتىلۋدە.