جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى
«تاسقىننان ساقتانۋ، قۋاڭشىلىققا قارسى اتتانۋ قىزمەتىن بار كۇشپەن ويداعىداي ىستەۋ جونىندەگى حابارلاندىرۋدى» باسىپ تاراتتى
شينحۋا اگەنتتىگىنىڭ 7 ـ ايدىڭ 9 ـ كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «تاسقىننان ساقتانۋ، قۋاڭشىلىققا قارسى اتتانۋ قىزمەتىن بار كۇشپەن ويداعىداي ىستەۋ جونىندەگى حابارلاندىرۋدى» (تومەندە قىسقارتىلىپ «حابارلاندىرۋ» دەلىنەدى) باسىپ تاراتىپ، تاسقىننان ساقتانۋ، قۋاڭشىلىققا قارسى اتتانۋ، قاتەردەن اراشالاپ اپاتتان قۇتقارۋ قىزمەتتەرىن بار كۇشپەن ويداعىداي ىستەۋ جونىندە ورنالاستىرۋ جاسادى.
«حابارلاندىرۋدا» مىنالار تالاپ ەتىلدى: وڭىرلەر، قاتىستى تاراۋلار جانە ورىندار پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە باس شۋجي شي جينپيڭنىڭ ماڭىزدى نۇسقاۋىن، تالابىن ىشكەرىلەي دايەكتىلەندىرىپ، تاسقىن، قۋاڭشىلىق اپاتىنىڭ اۋىر زيان تۋدىراتىندىعىن جانە كۇردەلىلىگىن تەرەڭ تانىپ، زور تاسقىننان ساقتانۋدى، اۋىر قۋاڭشىلىققا قارسى اتتانۋدى، كۇشتى تايفىڭ داۋىلىنان ساقتانۋدى تياناق ەتىپ، تومەنگى شەكتە ويلاۋدى، سوڭعى شەكتە ويلاۋدى بەكەمدەپ، ساياسي جاۋاپكەرشىلىكتى جاپپاي ناقتىلاندىرۋى كەرەك. سالعىرتسۋ يدەياسى مەن باق سىناۋ پسيحيكاسىن باتىل جەڭىپ، جەرگىلىكتى پارتكومدار مەن ۇكىمەتتەردىڭ نەگىزگى تۇلعالىق جاۋاپكەرشىلىگىن، كاسىپتىك تاراۋلاردىڭ باقىلاۋ ـ باسقارۋ جاۋاپكەرشىلىگىن نىعايتىپ، قاتىستى كاسىپورىن، ٴىسورىندارىنداعى نەگىزگى جاۋاپتىلاردىڭ تاسقىننان ساقتانۋداعى، حاۋىپسىزدىككە كەپىلدىك ەتۋدەگى ٴبىرىنشى جاۋاپتى ادام بولۋ جاۋاپكەرشىلىگىن ناقتىلاندىرۋ كەرەك. ٴار دارەجەلى تاسقىننان ساقتانۋ، قۋاڭشىلىققا قارسى اتتانۋ قولباسشىلىق قۇرىلىمدارى ٴبىر تۇتاس جوسپارلاپ سايكەستىرۋدى جانە قولباسشىلىق ەتۋدى، ورنالاستىرۋدى كۇشەيتۋى، قاتىستى تاراۋلار مەن ورىندار مىندەتىن اتقارىپ، جاۋاپكەرشىلىگىن ادا ەتىپ، جوعارى ونىمدىلىكپەن سايكەسۋى كەرەك. نەگىزگى ساتى پارتيا ۇيىمدارى مەن قالىڭ پارتيا مۇشەلەرى، كادرلار جاۋىنگەر قورعاندىق رولى مەن اۆانگاردتىق، ۇلگىلىك رولىن تولىق ساۋلەلەندىرىپ، تاسقىننان ساقتانۋ، قۋاڭشىلىققا قارسى اتتانۋ، قاتەردەن اراشالاپ اپاتتان قۇتقارۋ ٴبىرىنشى شەبىندە اۋىر جۇكتى باتىلدىقپەن ارقالاپ، اتويلاپ الدا ٴجۇرىپ، حالىق بۇقاراسىنىڭ باس اماندىعى مەن مال ـ مۇلكىنىڭ حاۋىپسىزدىگىن جانە قوعامدىق كەلەلى جاعدايدىڭ ورنىقتىلىعىن پارمەندى قورعاۋى كەرەك.
«حابارلاندىرۋدا» مىنالار باسا دارىپتەلدى: حالىقتى بارىنەن جوعارى قويۋعا، ٴومىردى بارىنەن جوعارى قويۋعا تاباندى بولىپ، وتكەلدى الدىعا جىلجىتىپ، ساقتانۋدى ماڭداي الدى ورىنعا قويۋ كەرەك. باقىلاۋ ـ ولشەۋدىڭ، الدىن الا مالىمەت بەرۋدىڭ دالمە ـ دالدىگىن جوعارىلاتىپ، تاۋلى ٴوڭىر، شاعىن الاپ سياقتى ٴتۇيىندى وڭىرلەر مەن ٴتۇن، قالىڭ جاڭبىر سياقتى ٴتۇيىندى ۋاقىت كەزەڭىندەگى قىسقا، تاياۋ مەرزىمدىك الدىن الا مالىمەت بەرۋ، ساقتاندىرۋ قابىلەتىن جوعارىلاتۋ كەرەك. ساقتاندىرۋ مەن سايكەسۋدىڭ بىرلەسىپ قيمىلداۋىن كۇشەيتىپ، اپات الدىندا ساقتىق ”دابىلىن قاعۋ“ جانە ىزىنە ٴتۇسىپ اڭىس ەتۋ مەحانيزمىن تياناقتاندىرىپ، ساقتاندىرۋ ينفورماتسياسىنىڭ نەگىزگى ساتىداعى جاۋاپتى ادامدار مەن حاۋىپ ـ قاتەرگە ۇشىراعان بۇقاراعا دەرەۋ تىكە جەتۋىنە شىنايى كەپىلدىك ەتۋ كەرەك. جىلعا اۋزى، تار وزەن ارنالارى، بەتكەيگە، شاتقالعا تاياۋ جەرلەر سياقتى حاۋىپ ـ قاتەرى جوعارى وڭىرلەرگە، قۇرىلىس ورنى، حالىقتىق تۇسەلحانا، ساياحات كورىنىس ٴوڭىرى سياقتى جىلجىمالى ادام كوپ جەرلەرگە، سونداي ـ اق قارتتاردى كۇتىمدەۋ قۇرىلىمى، مەكتەپ، شيپاحانا سياقتى ٴتۇيىندى ورىندارعا باعىتتاي وتىرىپ، ورىن اۋىستىرىپ قاتەردەن ساقتانۋ ورىندارى مەن شارالارىن ”ٴبىر تۇيىنگە ٴبىر شارا“ بويىنشا تياناقتاندىرۋ، اسىرەسە، قارت، ٴالسىز، ناۋقاس، مۇگەدەك، جۇكتى ايەل سياقتى ٴتۇيىندى قاۋىمعا باعىتتاي وتىرىپ، قاتەردەن ساقتانۋ شارالارىن الدىن الا باتىل قولدانىپ، كوشىرۋگە تيىستىلەرىن تۇگەل كوشىرۋگە شىنايى كەپىلدىك ەتۋ كەرەك.
«حابارلاندىرۋدا» مىنالار تالاپ ەتىلدى: جۇيە كوزقاراسىنا تاباندى بولىپ، الاپتىڭ جوعارعى ـ تومەنگى اعارىن، وڭ ـ سول جاعالاۋىن، نەگىزگى، تارماق اعارىن ٴبىر تۇتاس جوسپارلاپ، ٴوڭىر اتتاپ بىرلەسىپ قيمىلداپ، تاسقىننان ساقتانۋ تىرەكتى ينجەنەريالارىن عىلمي، دالمە ـ ٴدال ورنالاستىرىپ، تاسقىننان ساقتانۋ ينجەنەرياسى جۇيەسىنىڭ اپاتتان ساقتانۋ، اپات زيانىن ازايتۋ رولىن تولىق ساۋلەلەندىرىپ، الاپتىڭ تۇتاس تۇلعالىق تاسقىن حاۋىپ ـ قاتەرىن تومەندەتىپ، وزەن ـ داريالاردا تاسقىننان ساقتانۋدى، توتەپ بەرۋدى بار كۇشپەن ويداعىداي ىستەۋ كەرەك. بوگەتتى تەسىپ وتەتىن قۇرىلىس، قاتەرلى قۇرىلىس، قاتەرلى بولىك، تاريحتا قاتەر تۋىلعان ٴتۇيىن، سۋ قويماسى توسپاسى، سەل اعارى سياقتى ٴتۇيىندى ورىنداردى شارلاۋ ـ تەكسەرۋدى كۇشەيتىپ، شارلاۋ ـ تەكسەرۋ، قورعانۋ ساپاسى مەن ونىمدىلىگىن جوعارىلاتىپ، بايقالعان ماسەلەلەر مەن كومەسكى كىناراتتاردى دەر كەزىندە ٴبىر جاقتى ەتۋ كەرەك. وزەن ـ كولدەردىڭ تاسقىن سۋىن اعىزۋ، تاسقىن سۋىن بوگەۋ كەڭىستىگىن باسقارۋ ـ مەڭگەرۋدى كۇشەيتىپ، تاسقىن ىركۋ وڭىرىنەن پايدالانۋ دايىندىعىن ويداعىداي ىستەۋ كەرەك. تاسقىننان ساقتانۋ، ىركىلگەن سۋدى سارقۋ ينجەنەرياسى قۇرىلعىلارى قۇرىلىسىن ٴبىر تۇتاس جوسپارلاپ ىلگەرىلەتىپ، تاسقىننان ساقتانۋدىڭ شەشۋشى مەزگىلىندە نوسەر، تاسقىن اپاتىنان ساقتانۋ جانە وعان توتەپ بەرۋدى ويداعىداي ىستەۋ كەرەك.
«حابارلاندىرۋدا» مىنالار تالاپ ەتىلدى: ٴتۇيىندى وڭىرلەردەگى نەگىزدىك قۇرىلعىلاردىڭ حاۋىپ ـ قاتەرى مەن كومەسكى كىناراتتارىن يكەمدى ٴبىر ـ بىردەن تەكسەرۋدى كۇشەيتىپ، قاتىناس قۇرىلعىلارىنداعى بيىك جار، بيىك تىندىرما، شۇعىل اينالمالى قايقاڭ بەتكەي، سۋعا، وزەنگە جاقىن ماڭ سياقتى ٴتۇيىندى ورىنداردى، سونداي ـ اق قالانىڭ جان تامىرى قۇرىلعىلارىنداعى ويپاڭ جەردەگى الاڭ ـ بەكەت، جەر استى قۇبىر تورى، كونە قۇبىر جەلىلەرى سياقتى ٴالسىز بۋىنداردى كورنەكتى تۇردە ٴبىر ـ بىردەن تەكسەرۋ كەرەك. نەگىزدىك قۇرىلعىلاردىڭ اينالىمىن قاداعالاۋدى، ساقتاندىرۋدى كۇشەيتىپ، شەشۋشى ۋاقىت كەزەڭىندە ارالاپ تەكسەرۋ رەت سانىن ارتتىرىپ، حاۋىپ ـ قاتەر بەلگىلەرىن دەر كەزىندە بايقاۋ ٴارى ساقتاندىرۋ كەرەك. وڭتۇستىكتىڭ سۋىن سولتۇستىككە باستاۋ، گازدى باتىستان شىعىسقا جەتكىزۋ سياقتى كەلەلى نەگىزدىك قۇرىلعىلار ينجەنەريالارىندا تاسقىننان ساقتانۋ حاۋىپسىزدىگى باسقارۋىن كۇشەيتىپ، كەلەلى نەگىزدىك قۇرىلعىلار مەن سالىنىپ جاتقان ينجەنەريالاردىڭ تاسقىننان امان ٴوتۋىن قامتاماسىزداندىرۋ كەرەك.
«حابارلاندىرۋدا» مىنالار باسا دارىپتەلدى: قاتەردەن اراشالاپ قۇتقارۋ ـ كومەكتەسۋدى، اپاتتان قۇتقارۋدى جەدەل، جوعارى ٴونىمدى جۇرگىزۋ كەرەك. قاتەردەن اراشالاۋ، قۇتقارۋ ـ كومەكتەسۋ كۇشتەرى مەن جابدىق، زاتتىق ماتەريالدار دايىندىعىن كۇشەيتىپ، ٴبىر تۇتاس جوسپارلاپ ورنالاستىرۋدى جانە الدىن الا ورنالاستىرۋدى، ساقتانۋدى كۇشەيتىپ، شۇعىل جاعدايعا توتەپ بەرۋ زاتتىق ماتەريالدارى بويىنشا جەدەل اڭىس قايتارۋ جانە ازىرلەۋ مەحانيزمىن اقاۋسىزداندىرىپ، جەدەل جەتكىزۋ قابىلەتىن جوعارىلاتۋ كەرەك. مەملەكەتتىك جالپىلىق سيپاتتى ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ قوسىنى، ازاتتىق ارميا مەن قارۋلى ساقشى بولىمدەرى، ورتالىق كاسىپورىندارىنىڭ كاسىپتىك كۇشتەرى سياقتى ٴتۇرلى كۇشتەردىڭ رولىن ويداعىداي ساۋلەلەندىرىپ، وڭىرلىك شۇعىل جاعدايعا توتەپ بەرۋ، قۇتقارۋ ـ كومەكتەسۋ ورتالىعىنىڭ ناقتى شايقاس قابىلەتىن جوعارىلاتىپ، دەر كەزىندە عىلمي جولمەن قاتەردەن اراشالاپ قۇتقارۋ كەرەك. حابارلاسۋدا ەڭ تومەنگى شەكتى قامتاماسىز ەتۋ جابدىقتارىن الدىن الا ورنالاستىرۋ سەرپىنىن ارتتىرىپ، جولدىڭ ۇزىلۋىنە، توردىڭ ۇزىلۋىنە، ەلەكتردىڭ ۇزىلۋىنە توتەپ بەرۋ ساپاسى مەن ونىمدىلىگىن جوعارىلاتۋ كەرەك. اپاتتان قۇتقارۋ ـ كومەكتەسۋدى دەن قويا، سۇيىسپەنشىلىكپەن ويداعىداي ىستەپ، اپاتتان قۇتقارۋ قارجىسىن دەر كەزىندە الدىن الا بوساتىپ، اپات قامسىزداندىرۋى بويىنشا الدىن الا تولەم بەرۋدى، تەز تولەۋدى سايكەستىرىپ، اپاتقا ۇشىراعان بۇقارانىڭ نەگىزگى تۇرمىسىن شىن مانىندە قامتاماسىز ەتۋ كەرەك.
«حابارلاندىرۋدا» مىنالار تالاپ ەتىلدى: بايلىقتى نەگىزگى ساتىعا بەيىمدەۋگە، كۇشتى ٴبىرىنشى شەپكە تۇسىرۋگە تاباندى بولىپ، نەگىزگى ساتىعا اپات حاۋىپ ـ قاتەرىن پارىقتاۋ، كومەسكى كىناراتتاردى ٴبىر ـ بىردەن تەكسەرۋ، دايىندىق جاتتىعۋى سياقتى كاسىپتىك جەتەكشىلىك ەتۋدى، قىزمەت وتەۋىن كۇشەيتىپ، نەگىزگى ساتىنىڭ تاسقىننان ساقتانۋ، اپات زيانىن ازايتۋ، اپاتتان قۇتقارۋ قابىلەتىن كۇش سالا جوعارىلاتۋ كەرەك. نەگىزگى ساتى كادرلارىن، اسىرەسە، جاڭادان مىندەتكە تاعايىندالعان كادرلاردى كاسىپتىك ونەرگە باۋلۋدى ويداعىداي ىستەپ، نەگىزگى ساتىنىڭ ٴوز جەرىندەگى اپات ەرەكشەلىگىنە باعىتتاي وتىرىپ، شۇعىل جاعدايعا توتەپ بەرۋدىڭ ناقتى، جارامدى جوباسىن كەمەلدەندىرۋىنە جەتەكشىلىك ەتۋ كەرەك. كوپ بولىپ ساقتانۋ، كوپ بولىپ وڭاۋ كۇشتەرىن تولىق جۇمىلدىرىپ، بۇقارانى ماڭايىنداعى حاۋىپ ـ قاتەردى، كومەسكى كىناراتتاردى دەر كەزىندە بايقاۋعا، مالىمدەۋگە شابىتتاندىرۋ كەرەك. عىلىم جالپىلاستىرۋ ۇگىتىن، شۇعىل جاعدايعا توتەپ بەرۋ بويىنشا بىتىراتۋ جاتتىعۋىن ىشكەرىلەي ورىستەتىپ، بۇقارانىڭ اپاتتان ساقتانۋ، قاتەردەن ساقتانۋ تانىمى مەن قابىلەتىن جوعارىلاتۋ كەرەك.
«حابارلاندىرۋدا» سونىمەن بىرگە مىنالار اتاپ كورسەتىلدى: قۋاڭشىلىق سۋ باسۋ اپاتىنا شۇعىل وزگەرۋ حاۋىپ ـ قاتەرىنە باسا ٴمان بەرىپ، تاسقىننان ساقتانىپ، قۋاڭشىلىققا قارسى اتتانۋدى تەڭ يگەرۋگە تاباندى بولىپ، قۋاڭشىلىققا قارسى اتتانۋ جوباسىن جانە شۇعىل جاعدايعا توتەپ بەرۋ بويىنشا سۋمەن قامداۋ جوباسىن كەمەلدەندىرىپ، شۇعىل جاعدايعا توتەپ بەرۋ شارالارىن ەگجەي ـ تەگجەيلىلەندىرىپ، كوپ ٴتۇرلى شارانى قاتار قولدانىپ، قۋاڭشىلىققا قارسى اتتانۋ، اپات زيانىن ازايتۋ قىزمەتىن ناقتى يگەرۋ كەرەك.
«حابارلاندىرۋدا» مىنالار باسا دارىپتەلدى: وڭىرلەر، قاتىستى تاراۋلار جانە ورىندار تاسقىننان ساقتانۋ، قۋاڭشىلىققا قارسى اتتانۋ قىزمەت ٴتارتىبىن قاتايتىپ، تاسقىن مەزگىلىندەگى كەزەكشىلىك مىندەت وتەۋ بەلگىلەمەسىن قاتاڭ اتقارىپ، 24 ساعات ارناۋلى ادام كەزەكشى بولۋدى تياناقتاندىرىپ، شەشۋشى قىزمەت ورنىنداعى كەزەكشىلىك كۇشىن كۇشەيتىپ، شۇعىل جاعدايعا توتەپ بەرۋ بويىنشا جۇمىلۋ كەزىندە جاعدايعا قاراي كوپتەگەن تاراۋدى بىرلەسىپ كۇزەتۋگە ۇيىمداستىرىپ، قاتەرلى جاعدايدى، اپات جاعدايىن دەر كەزىندە جوعارى ونىمدىلىكپەن ٴبىر جاقتى ەتۋگە شىنايى كەپىلدىك ەتۋ كەرەك. ٴار دارەجەلى باسشى كادرلار دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، كۇزەتۋدى، الدىڭعى شەپتە قولباسشىلىق ەتۋدى كۇشەيتۋى كەرەك. ينفورماتسيا جولداۋ جاۋاپكەرشىلىگىن قاتايتىپ، ناقتىلاندىرىپ، اۋىر ٴولىم ـ ٴجىتىم جاعدايىن، قاتەرلى جاعدايلاردى، اپات جاعدايىن جانە ماڭىزدى قىزمەت ينفورماتسيالارىن دەر كەزىندە جوعارىعا مالىمدەۋ، كەشىكتىرىپ مالىمدەۋگە، تولىق مالىمدەمەۋگە، مالىمدەمەي جاسىرۋعا باتىل تيىم سالۋ كەرەك.
