اۆتونوميالى رايوندىق پارتكومنىڭ تۇراقتى كوميتەتى ٴماجىلىس اشتى
باس شۋجي شي جينپيڭنىڭ ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، شينجياڭنىڭ تاسقىننان ساقتانۋ، اپات زيانىن ازايتۋ، اپاتتان قۇتقارۋ سياقتى قىزمەتتەرىن ىشكەرىلەي اقىلداستى، ورنالاستىردى
چىن شياۋجياڭ ٴماجىلىستى باسقاردى
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ ي 7 ـ ايدىڭ 9 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ تۇراقتى كوميتەتى 7 ـ ايدىڭ 9 ـ كۇنى تۇستەن بۇرىن ٴماجىلىس اشتى، اۆتونوميالى رايوندىق پارتكومنىڭ شۋجيى چىن شياۋجياڭ ٴماجىلىستى باسقاردى.
ٴماجىلىس باس شۋجي شي جينپيڭنىڭ تاسقىننان ساقتانۋ، اپاتتان قۇتقارۋ قىزمەتى جونىندە بەرگەن ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، مىنالاردى باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي دايەكتىلەندىرىپ، تياناقتاندىرىپ، حالىقتى بارىنەن جوعارى قويۋعا، ٴومىردى بارىنەن جوعارى قويۋعا تاباندى بولىپ، تومەنگى شەكتە ويلاۋدى، سوڭعى شەكتە ويلاۋدى بەكەمدەپ، سالعىرتسۋ يدەياسى مەن باق سىناۋ پسيحيكاسىن باتىل جەڭىپ، ”ٴاردايىم قام جەپ تۇراتىن“ جاۋاپكەرشىلىك ارقالاۋمەن تاسقىننان ساقتانۋ شارالارىن ناقتى، ەگجەي ـ تەگجەيلى تياناقتاندىرىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتىن تىڭعىلىقتى ويداعىداي ىستەۋ كەرەك. حاۋىپ ـ قاتەرلەردى، كومەسكى كىناراتتاردى ٴبىر ـ بىردەن تەكسەرۋ، وڭاۋ اياسىن كەڭەيتىپ، سۋ قويماسى توسپاسى، وزەن ارناسى توسپاسى، تاسقىن اڭعارى اۋزى، ساياحات كورىنىس ٴوڭىرى، قالانىڭ ويپاڭ ٴوڭىرى سياقتى ٴتۇيىندى وڭىرلەر مەن ٴتۇيىندى ورىنداردى ٴجىتى قاداعالاپ، تور جايۋ ۇلگىسىندە ٴبىر ـ بىردەن تەكسەرۋدى، وڭاۋدى اناعۇرلىم كۇشەيتىپ، قاتەرلى جاعدايدى، كومەسكى كىناراتتاردى ەرتە بايقاۋعا، ەرتە ٴبىر جاقتى ەتۋگە، ەرتە جويۋعا شىنايى كەپىلدىك ەتۋ كەرەك. اپاتتى باقىلاۋ ـ تەكسەرۋدى، ساقتاندىرۋدى كۇشەيتىپ، الدىن الا مالىمەت بەرۋ، ساقتاندىرۋ ينفورماتسياسى مەن حاۋىپ ـ قاتەر ەسكەرتۋىن دەر كەزىندە دالمە ـ ٴدال جاريالاپ، ساقتاندىرۋ ينفورماتسياسىنىڭ دەر كەزىندە وتباسىلارىنا، ادامدارعا جەتۋىنە، دەر كەزىندە اڭىس قايتارىلۋىنا، دەر كەزىندە ٴونىمدى ٴبىر جاقتى ەتىلۋىنە شىنايى كەپىلدىك ەتۋ كەرەك. شۇعىل جاعدايعا توتەپ بەرۋ، قۇتقارۋ ـ كومەكتەسۋ دايىندىعىن ويداعىداي ىستەپ، قىزمەت دايىندىق جوباسىن كەمەلدەندىرىپ، قاتەردەن اراشالاۋ كۇشتەرىن الدىن الا ورنالاستىرۋدى كۇشەيتىپ، قاتىناس، حابارلاسۋ، ەلەكتر قۋاتى سياقتى شۇعىل جاعدايعا توتەپ بەرۋ بويىنشا قامتاماسىز ەتۋدى ويداعىداي ىستەپ، شۇعىل جاعدايعا توتەپ بەرۋ بويىنشا ٴبىر جاقتى ەتۋ جانە سول جەردە قۇتقارۋ ـ كومەكتەسۋ قابىلەتىن شىنايى جوعارىلاتۋ كەرەك. ٴار دارەجەلى پارتكومدار، ۇكىمەتتەر ساياسي جاۋاپكەرشىلىكتى باتىل ارقالاۋى، نەگىزگى جاۋاپتى جولداستار ٴوز جاۋاپكەرشىلىگىن ادا ەتىپ، الدىڭعى شەپتە قولباسشىلىق ەتۋى، اۆتونوميالى رايوندىق تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى مەن قاتىستى تاراۋلار سايكەسە بىرلەسىپ قيمىلداپ، اركىم ٴوز مىندەتىن ادا ەتىپ، تاسقىننان ساقتانۋ شارالارىنىڭ نەگىزگى ساتىنىڭ ٴبىرىنشى شەبىندە تياناقتانۋىن ىلگەرىلەتىپ، ٴار ۇلت بۇقاراسىنىڭ باس اماندىعى مەن مال ـ مۇلكىنىڭ حاۋىپسىزدىگىن جانە قوعامدىق كەلەلى جاعدايدىڭ ورنىقتىلىعىن بار كۇشپەن قورعاۋى كەرەك.
ٴماجىلىس ورتالىقتىڭ جاڭا داۋىردەگى قوعامدىق قىزمەتتى كۇشەيتۋ جونىندەگى ورنالاستىرۋلارىن، تالاپتارىن اقىلداسىپ، دايەكتىلەندىرىپ، تياناقتاندىرىپ، مىنالاردى باسا دارىپتەدى: پارتيانىڭ قوعامدىق قىزمەتكە جاپپاي باسشىلىعىنا تاباندى بولىپ، جوعارى ساپالى دامۋ مەن جوعارى ٴونىمدى باسقارۋدى ٴبىر تۇتاس جوسپارلاپ، كۇش سالا حاۋىپسىز، ورنىقتى قوعامدىق ورتا قالىپتاستىرۋ، بەرىك، ورنىقتى نەگىزگى ساتى نەگىزىن بەكەمدەۋ، ومىرشەڭدىككە تولى قوعامدىق كۇشتەردى ۇيىستىرۋ كەرەك. جاڭادان گۇلدەنگەن سالالارداعى پارتيا قۇرىلىسىن ۇزدىكسىز كەڭەيتىپ، تەرەڭدەتىپ، پارتيا ۇيىمىنىڭ قامتىمى مەن قىزمەت قامتىمىن ىلگەرىلەتىپ، جاڭادان گۇلدەنگەن سالالارداعى ٴتۇرلى ۇيىمدار مەن قاۋىمدى پارتيانىڭ سوزىنە بۇلجىماي قۇلاق اسۋعا، پارتياعا ىلەسۋگە جەتەكتەپ، پارتيا قۇرىلىسى ارقىلى نەگىزگى ساتىنى باسقارۋدى جانە نەگىزگى ساتى بيلىك قۇرىلىسىنا جەتەكشىلىك ەتۋدى ىشكەرىلەي ىلگەرىلەتىپ، نەگىزگى ساتىنى باسقارۋدىڭ جالپى تۇلعالىق ونىمدىلىگىن جوعارىلاتىپ، بۇقارانى ۇيىستىرۋ، بۇقاراعا قىزمەت وتەۋ قىزمەتىن دەن قويا، سۇيىسپەنشىلىكپەن كۇش سالا ويداعىداي ىستەپ، ارىز ـ ارمان قىزمەتىن زاڭمەن باسقارۋدى تىڭعىلىقتى ىلگەرىلەتىپ، قايشىلىقتار مەن داۋ ـ شارلاردى ٴبىر ـ بىردەن تەكسەرىپ شەشۋدى مىقتى يگەرىپ، بۇقارا ٴجىتى قاداعالاپ وتىرعان ماسەلەلەرگە اناعۇرلىم ويداعىداي جاۋاپ قايتارىپ، بۇقارانىڭ مۇددەسىن قورعاۋ كەرەك.
ٴماجىلىس شەكارا وڭىردەگى نەگىزگى ساتى پارتيا قۇرىلىسى قىزمەتىن كۇشەيتۋدى اقىلداسىپ، مىنالاردى باسا دارىپتەدى: شەكارا وڭىردەگى ٴار دارەجەلى پارتكومداردىڭ (پارتيا باسشىلىق گرۋپپاسى) پارتيا قۇرىلىسى قىزمەت جاۋاپكەرشىلىگىن ناقتىلاندىرىپ، يدەيالىق ـ ساياسي جەتەكشىلىكتى شىنايى كۇشەيتىپ، نەگىزگى ساتى پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن كۇشەيتۋ كەرەك. شەكارانى كۇشەيتۋ، قورعانىستى بەكەمدەۋ ارەكەتىن ۇزدىكسىز تەرەڭدەتىپ، شەكارانىڭ حاۋىپسىزدىگى مەن ورنىقتىلىعىن باتىل قورعاپ، شەكارا ٴوڭىردى گۇلدەندىرىپ حالىقتى بايىتۋدى تىڭعىلىقتى ىلگەرىلەتىپ، شەكارا وڭىردەگى بۇقارانىڭ ٴوندىرىس، تۇرمىس شارت ـ جاعدايىن جاقسارتىپ، وتاندى ٴسۇيۋ، شەكارانى قورعاۋ رۋحىن اسقاقتاتىپ، شەكارا وڭىردەگى ٴار ۇلت بۇقاراسىن ىنتىماقتاسا كۇرەس جۇرگىزۋگە جەتەكتەپ، پارتيانىڭ ساياسي ارتىقشىلىعى مەن ۇيىمدىق ارتىقشىلىعىن شەكارا ٴوڭىردىڭ دامۋ ارتىقشىلىعى مەن باسقارۋ ونىمدىلىگىنە ۇزدىكسىز اينالدىرۋ كەرەك.
ٴماجىلىس تاعى باسقا دا ىستەردى اقىلداستى.
