تاسقىننان ساقتانۋ، قۋاڭشىلىققا قارسى اتتانۋ قىزمەتىن ويداعىداي ىستەۋ سياقتىلاردى ورنالاستىردى
انار بۇلت \ شينجياڭ گازەتىنىڭ ٴتىلشىسى لي ياڭ 7 ـ ايدىڭ 9 ـ كۇنى ۇرىمجىدەن حابارلايدى. 7 ـ ايدىڭ 9 ـ كۇنى تۇستەن كەيىن اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ٴماجىلىسىن باسقارىپ اشتى، ٴماجىلىس باس شۋجي شي جينپيڭنىڭ تاسقىننان ساقتانۋ، اپاتتان قۇتقارۋ قىزمەتى جونىندە بەرگەن ماڭىزدى نۇسقاۋىنىڭ رۋحىن مۇقيات ۇيرەندى، دايەكتىلەندىردى، اۆتونوميالى رايوندىق پارتكومنىڭ تالابى بويىنشا تاسقىننان ساقتانۋ، قۋاڭشىلىققا قارسى اتتانۋ قىزمەتىن ويداعىداي ىستەۋدى ورنالاستىردى، «شينجياڭ ۇيعۇر اۆتونوميالى رايونىنىڭ ادام كۇشى بايلىعى جانە قوعامدىق قامتاماسىزداندىرۋ ىستەرىن دامىتۋدىڭ ”15 ـ بەسجىلدىق“ جوباسى»، «شينجياڭ ۇيعۇر اۆتونوميالى رايونىنىڭ جۇمىستاندىرۋدى الدىمەن ويلاستىرۋ ستراتەگياسىن اتقارۋداعى ”15 ـ بەسجىلدىق“ جوباسى»، «شينجياڭ ۇيعۇر اۆتونوميالى رايونىنىڭ ۇزاق ۋاقىت كۇتىمدەۋدى قامسىزداندىرۋ ٴتۇزىمىن ورناتۋدى اتقارۋ جوباسى» سياقتىلاردى قاراپ ماقۇلدادى.
ٴماجىلىس مىنالاردى باسا دارىپتەدى: باس شۋجي شي جينپيڭنىڭ تاسقىننان ساقتانۋ، اپاتتان قۇتقارۋ قىزمەتى جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، حالىقتى بارىنەن جوعارى قويۋعا، ٴومىردى بارىنەن جوعارى قويۋعا باستان ـ اياق تاباندى بولىپ، تومەنگى شەكتە ويلاۋدى، سوڭعى شەكتە ويلاۋدى بەكەمدەپ، حاۋىپ ـ قاتەرلەردى ٴبىر ـ بىردەن تەكسەرۋدى، جويۋدى تەرەڭدەتىپ، وزەن، كول، سۋ قويماسى، سۋعا ساياتىن ينجەنەريا سياقتى ٴتۇيىندى سالالاردى جانە تاۋلى وڭىردەگى تۇرعىندار شوعىرلانعان تۇيىندەر، مال باعۋ تۇيىندەرى، زاۆود ـ كەندەر سياقتى شەشۋشى ورىنداردى ٴجىتى قاداعالاپ، تور جايۋ ۇلگىسىندە ٴبىر ـ بىردەن تەكسەرۋ جانە حاۋىپ ـ قاتەردى الاستاۋ، جويۋ قىزمەتىن ورىستەتىپ، ٴتۇيىندى حاۋىپ ـ قاتەرلى وڭىردەگى ادامداردىڭ ورنىن اۋىستىرىپ قاتەردەن ساقتانۋ جانە ساقتانۋ، توتەپ بەرۋ دايىندىعىن الدىن الا ويداعىداي ىستەۋ كەرەك. باقىلاۋ ـ ولشەۋ، الدىن الا مالىمەت بەرۋ، ساقتاندىرۋ جيىلىگىن ارتتىرىپ، ساقتاندىرۋ ينفورماتسياسىن دەر كەزىندە جاريالاپ، الەۋمەتتىڭ حاۋىپسىزدىك تانىمىن جانە ٴوزىن قۇتقارۋ قابىلەتىن جوعارىلاتۋ كەرەك. تاسقىننان ساقتانۋ مەن قۋاڭشىلىققا قارسى اتتانۋدى بىردەي يگەرۋگە تاباندى بولىپ، سۋ بايلىعىن عىلمي، ەگجەي ـ تەگجەيلى، ويداعىداي جايعاستىرىپ، قۋاڭشىلىققا قارسى اتتانۋدا سۋمەن قامداۋدى قامتاماسىز ەتۋ قىزمەتىن ٴبىر تۇتاس جوسپارلاپ ويداعىداي ىستەۋ كەرەك. شۇعىل جاعدايعا توتەپ بەرۋ بويىنشا قاتەردەن اراشالاۋ، قۇتقارۋ ـ كومەكتەسۋ كۇشتەرىن ٴبىر تۇتاس جوسپارلاۋدى جانە زاتتىق ماتەريال قورىن دايىنداۋدى كۇشەيتىپ، كەزەكشىلىك مىندەت وتەۋدى، كۇزەتۋدى جانە ينفورماتسيا جەتكىزۋدى كۇشەيتىپ، حاۋىپسىزدىك قورعانىس شەبىن بەكەمدەۋ كەرەك.
ٴماجىلىس «شينجياڭ ۇيعۇر اۆتونوميالى رايونىنىڭ ادام كۇشى بايلىعى جانە قوعامدىق قامتاماسىزداندىرۋ ىستەرىن دامىتۋدىڭ ”15 ـ بەسجىلدىق“ جوباسىن»، «شينجياڭ ۇيعۇر اۆتونوميالى رايونىنىڭ جۇمىستاندىرۋدى الدىمەن ويلاستىرۋ ستراتەگياسىن اتقارۋداعى ”15 ـ بەسجىلدىق“ جوباسىن» قاراپ ماقۇلدادى. ٴماجىلىس مىنالاردى باسا دارىپتەدى: جالپى حالىقتى قامتىعان، قالا مەن اۋىلدى ٴبىر تۇتاس جوسپارلايتىن، ٴادىل، ٴبىر تۇتاس، حاۋىپسىز، ارناعا تۇسكەن، باياندى كوپ ساتىلى قوعامدىق قامتاماسىزداندىرۋ جۇيەسىن اقاۋسىزداندىرىپ، جوعارى ساپالى دارىندىلار قوسىنىن ۇزدىكسىز زورايتىپ، ”ٴبىر ٴىستى جوعارى ونىمدىلىكپەن ٴبىتىرۋدى“ كۇش سالا ىلگەرىلەتىپ، جۇمىس ٴتارتىبىن ىقشامداپ، ساپالىلاندىرىپ، حالىق تۇرمىسىنا تيىمدىلىك جەتكىزەتىن، حالىقتىڭ مۇڭ ـ مۇقتاجىن شەشەتىن، جۇرتقا مەيىر جەتكىزەتىن ٴبىر توپ ادام كۇشى بايلىعى جانە قوعامدىق قامتاماسىزداندىرۋ ناقتى ىستەرىن ويداعىداي ىستەۋ كەرەك. نازاردى جوعارى ساپالى تولىق جۇمىستاندىرۋ نىساناسىنا شوعىرلاندىرىپ، شينجياڭعا كومەكتەسەتىن ولكە، قالالارمەن ٴتۇيىلىسۋدى كۇشەيتىپ، ورتالىق كاسىپورىندارىنىڭ، مەملەكەت مەنشىگىندەگى كاسىپورىنداردىڭ جۇمىس ورنىن ازىرلەپ جۇمىستاندىرۋ كولەمىن كەڭەيتىپ، جوعارى مەكتەپ بىتىرگەن وقۋشىلار، اۋىل ـ قىستاق ەڭبەككۇشتەرى، قوسىننان شەگىنگەن اسكەريلەر، يكەمدى جۇمىستانۋ جانە جاڭا جۇمىستانۋ كۇيىندەگى ەڭبەكشىلەر سياقتى ٴتۇيىندى قاۋىمنىڭ جۇمىستانۋىن جەبەۋ كەرەك؛ جۇمىستانۋعا، شارۋاشىلىق قۇرۋعا قىزمەت وتەۋ جۇيەسىن كەمەلدەندىرىپ، ”جاساندى زەردە + جۇمىستانۋ“ سيفرلى، زەردەلى قۋات ۇستەۋ ارەكەتىن اتقارىپ، ۇدايىلانعان جۇمىستانۋ جاعدايىنا تالداۋ جاساۋ مەحانيزمىن اقاۋسىزداندىرىپ، ٴار ۇلت بۇقاراسىنىڭ ورنىقتى جۇمىس ورنىندا جۇمىستانۋىنا، بايىپ كىرىسىن ارتتىرۋىنا شىنايى كەپىلدىك ەتۋ كەرەك.
ٴماجىلىس «شينجياڭ ۇيعۇر اۆتونوميالى رايونىنىڭ ۇزاق ۋاقىتتىق كۇتىمدەۋ قامسىزداندىرۋى ٴتۇزىمىن ورناتۋدى اتقارۋ جوباسىن» قاراپ ماقۇلداپ، ”حالىق تۇرمىسىن نەگىز ەتۋ، تومەنگى شەكتى بەكەمدەۋ، جۇمىستى ارناعا ٴتۇسىرۋ، ۇزاق ٴونىمدى باياندى بولۋ“ پرينسيبىنە تاباندى بولىپ، بۇكىل رايوننىڭ قارجى توپتاۋ ولشەمىن، مامىلە ولشەمىن بىرلىككە كەلتىرىپ، قور اينالىمىن باقىلاۋ ـ ولشەۋ، بەلگىلەنگەن قۇرىلىمداردى باقىلاۋ ـ باسقارۋ سياقتىلاردى ٴبىر تۇتاس جوسپارلاپ ويداعىداي ىستەپ، ٴتۇزىمنىڭ تياناقتانىپ ونىمدىلىك كورسەتۋىن جوعارى ساپالى، جوعارى ٴونىمدى ىلگەرىلەتىپ، قابىلەتىنەن ايرىلعانداردىڭ ۇزاق ۋاقىت كۇتىمدەلۋ نەگىزگى قامتاماسىزداندىرۋ قاجەتىن اناعۇرلىم ويداعىداي قاناعاتتاندىرۋ كەرەك.
ٴماجىلىس تاعى باسقا دا ىستەردى اقىلداستى.
