− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىن ىشكەرىلەي ۇيرەنۋ، دايەكتىلەندىرۋ جونىندەگى جەلىلەس شولۋ (2)
□ شينحۋا اگەنتتىگىنىڭ ٴتىلشىسى جاۋ چاۋ
جول ماسەلەسى − پارتيا ىستەرىنىڭ كوركەيۋى مەن قۇلدىراۋىنا، ٴساتتى ـ ٴساتسىز بولۋىنا قاتىستى ماڭداي الدى ماسەلە، جول − پارتيانىڭ جانى.
باس شۋجي شي جينپيڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا ماڭىزدى ٴسوز سويلەپ، بىلاي دەپ اتاپ كورسەتتى: ”105 جىل قاجىماي ـ تالماي كۇرەس جۇرگىزىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولىن اشتى“.
بۇل دۇرىس جول − جۇڭگوشا سوتسياليزم، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ٴسوز جوق، باسىپ وتەتىن جول.
تار جول، تايعاق كەشۋلەردى باستان كەشىرىپ، شەكسىز داڭعىل جولعا ٴتۇستى.
وسى جولمەن جۇرۋدە پارتيامىز حالىققا باسشىلىق ەتىپ سانسىز جاپا ـ ماشاقاتتى باستان كەشىرىپ، ۇزدىكسىز ىزدەنىس جاساپ كۇرەس جۇرگىزدى.
تاياۋ زاماننان بەرى، جۇڭحۋا ۇلتى كەدەي، ٴالسىز، كىم كورىنگەننىڭ تالان ـ تاراجىلاۋىنا تۇسكەن مەزگىلگە قادام تاستاپ، ٴتۇرلى يزمدەر مەن يدەيالىق اعىمدار ارت ـ ارتىنان جارىققا شىقتى، الايدا ”جولدىڭ ٴبارى تىعىرىققا تىرەلىپ“، جۇڭگونىڭ بولاشاعى مەن تاعدىرى ماسەلەسىن شەشۋگە شاراسىز قالدى.
قازان توڭكەرىسىنىڭ تۇڭعىش زەڭبىرەك ٴۇنى جۇڭگوعا ماركسيزم ـ لەنينيزمدى الا كەلدى. جۇڭگو كوممۋنيستىك پارتياسى زامانعا قاراي دۇنيەگە كەلىپ، جۇڭگو حالقىن ىنتىماقتاستىرىپ جانە باستاپ، جاڭا دەموكراتيالىق توڭكەرىستىڭ جەڭىسىنە قول جەتكىزىپ، سوتسياليستىك نەگىزگى ٴتۇزىمدى ورناتىپ، جۇڭگوشا سوتسياليزمدى قۇرىپ، جۇڭگونىڭ العا باسۋىنا جەتەكشىلىك ەتەتىن، حالىقتىڭ قۇت ـ ىرىسىن ارتتىراتىن، ۇلتتىڭ گۇلدەنۋىن جۇزەگە اسىراتىن داڭعىل جولدى اشتى.
2012 ـ جىلى 11 ـ ايدا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ ەندى عانا سايلانعان شي جينپيڭ جاڭا كەزەكتى ورتالىق كوميتەت باسشىلىق كوللەكتيۆىنىڭ مۇشەلەرىن باستاپ مەملەكەتتىك مۇراجايعا كەلىپ، ”گۇلدەنۋ جولى“ نەگىزگى كورمەسىن ەكسكۋرسيالاپ، تاياۋ زاماننان بەرگى جۇڭگو حالقىنىڭ ۇلتتىڭ گۇلدەنۋىن جۇزەگە اسىرۋ جولىندا باسىپ وتكەن تاريحي بارىسىن ەسكە الدى، ”بۇكىل پارتياداعى جولداستار،ٴسوز جوق، جولدىڭ تاعدىردى بەلگىلەيتىندىگىن، دۇرىس جول تابۋدىڭ قانشاما قيىن ەكەنىن ەستە بەرىك ساقتاۋى كەرەك، ٴبىز، ٴسوز جوق، تاباندىلىقپەن جۇرە بەرۋىمىز كەرەك“ دەپ باسا دارىپتەدى.
ٴوز جولىمىزبەن ٴجۇرۋ − پارتيانىڭ بارلىق نازارياسى مەن امالياتىنىڭ تابان تىرەر تياناعى.
پارتيا 18 ـ قۇرىلتايىنان بەرى، جۇڭگوشا سوتسياليزم جاڭا داۋىرگە ٴوتتى. شي جينپيڭ جولداستى ۇيتقى ەتكەن پارتيا ورتالىق كوميتەتى قازىرگى ٴداۋىر مەن زامانىمىزداعى جۇڭگونىڭ دامۋى العا قويعان ٴبىر قىدىرۋ كەلەلى نازاريالىق جانە رەال ماسەلەلەرگە عىلمي جاۋاپ قايتارىپ، جۇڭگوشا سوتسياليزمگە تاباندى بولدى جانە ونى كەمەلدەندىردى؛
جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ٴتۇزىمنىڭ ەڭ ۇلكەن ابزالدىلىعى ەكەندىگىن ايقىندادى؛
جۇڭگوشا سوتسياليزمگە تاباندى بولۋ جانە ونى دامىتۋدىڭ باس مىندەتى − سوتسياليستىك وسىزامانداندىرۋدى جانە جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ەكەندىگىن ايقىندادى؛
جۇڭگوشا سوتسياليزم ىستەرىنىڭ تۇتاس تۇلعالىق ورنالاستىرۋىندا ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس جوسپارلاپ ىلگەرىلەتۋ، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ باسا دارىپتەلدى؛
جاپپاي دوڭگەلەك داۋلەتتى قوعام ورناتۋدان وسىزاماندانۋدى نەگىزىنەن جۇزەگە اسىرۋعا، ونان جاپپاي سوتسياليستىك وسىزاماندانعان قۇدىرەتتى ەل قۇرۋعا دەيىن جاڭا داۋىردەگى جۇڭگوشا سوتسياليزمدى دامىتۋدىڭ ستراتەگيالىق ورنالاستىرۋىن جاسادى؛
”ون تورتكە تاباندى بولۋدى“ العا قويىپ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىن قالىپتاستىردى؛
...
باس شۋجي شي جينپيڭ بىلاي دەپ اتاپ كورسەتتى: ”ٴبىز جۇڭگوشا سوتسياليزم جولىمەن جۇرۋدە شەكسىز كەڭ ٴداۋىر ورىسىنە يە بولدىق، تەڭدەسسىز مىعىم تاريحي نەگىزگە يە بولدىق، تەڭدەسسىز قۇدىرەتتى العا باسۋ تاباندىلىعىنا يە بولدىق“.
وسى جولمەن جۇرۋدە جۇڭگو كوممۋنيستىك پارتياسى مەن جۇڭگو حالقى دۇرىس ٴجۇرىپ، توقتاۋسىز ٴجۇرىپ قانا قويماي، ونىڭ ۇستىنە ورنىقتى ٴجۇردى، جاقسى ٴجۇردى.
بيىل − سۇن جۇڭشان مىرزا دۇنيەگە كەلگەندىگىنىڭ 160 جىلدىعى. 100 نەشە جىلدىڭ الدىندا سۇن جۇڭشان «مەملەكەت قۇرۋ ۇلى جوباسىندا» جۇڭگونى وسىزامانداندىرۋدىڭ العاشقى جوباسىن كەسكىندەدى.
2020 ـ جىلى 10 ـ ايدا باس شۋجي شي جينپيڭ گۋاڭدۇڭدا قىزمەت تەكسەرگەندە شانتوۋ كايبۋ مادەنيەت كورمە سارايىنا باردى. «مەملەكەت قۇرۋ ۇلى جوباسىنىڭ» قاتىستى جوبا كارتاسى الدىندا باس شۋجي ايالداپ، زەر سالا قاراپ تۇرىپ: ”تەك ٴبىز جۇڭگو كوممۋنيستەرى عانا جۇزەگە اسىردىق“، ـ دەدى تەبىرەنە.
بىرىنشىدەن كەدەي، ەكىنشىدەن اق بولۋدان دۇنيە جۇزىندەگى ەكىنشى ٴىرى ەكونوميكالىق تۇلعاعا اينالعانعا دەيىن، ابدەن قورلىق كورۋدەن دۇنيە ٴجۇزىنىڭ شىعىسىندا ەڭسە كوتەرگەنگە دەيىن ٴبىز نەبارى نەشە ون جىل ۋاقىت جۇمساپ دامىعان ەلدەر نەشە 100 جىلدا باسىپ وتكەن ونەركاسىپتەنۋ بارىسىن باسىپ ٴوتىپ، ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتى جاراتتىق.
باس شۋجي شي جينپيڭ بىلاي دەپ باسا دارىپتەدى: ٴبىزدىڭ ادامزات تاريحىندا بۇرىن بولماعان دامۋ تابىستارىن جاراتا الۋىمىزداعى ٴتۇبىرلى سەبەپ دۇرىس جولمەن جۇرگەندىگىمىزدە.
ٴدال وسى جولدا پارتيامىز جالپى جاعدايدى تەگىس مەڭگەرىپ، ٴار جاقتى سايكەستىرۋگە تاباندى بولىپ، ەكونوميكالىق، قوعامدىق دامۋدىڭ باستان ـ اياق دۇرىس بەتالىسپەن ورنىقتى العا ىلگەرىلەۋىنە شىنايى كەپىلدىك ەتتى؛ بۇكىل ەل ٴبىر تۇتاس جۇيە بولۋعا، كۇش ـ قۋاتتى شوعىرلاندىرىپ ٴىرى ٴىس تىندىرۋعا تاباندى بولىپ، كەلەلى ستراتەگيالاردى پارمەندى اتقارىپ، ۇلكەن سىندارعا ٴونىمدى توتەپ بەردى؛ حالىقتى وزەك ەتكەن دامۋ يدەياسىنا تاباندى بولىپ، دامۋ جەتىستىكتەرىنەن جالپى حالىقتى اناعۇرلىم كوپ، اناعۇرلىم ٴادىل يگىلىكتەندىردى...
پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگوشا سوتسياليزمنىڭ تاريحي جاڭا ورنىن، داۋىرلىك جاڭا وزگەرىسىن، امالياتتىق جاڭا تالابىن دالمە ـ ٴدال يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، رەفورمانى جاپپاي تەرەڭدەتۋگە تاباندى بولىپ، شىرىكتەسۋگە قارسى كۇرەستى پارمەندى ىلگەرىلەتىپ، ەكولوگيالىق قورشاعان ورتانى وڭاۋ سەرپىنىن ارتتىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، ۇزاق ۋاقىتتان بەرى شەشۋدى ويعا العانمەن شەشە الماي كەلگەن قيىن ماسەلەلەردى شەشتى، بۇرىن ىستەۋدى ويعا السا دا ىستەي الماي كەلگەن ٴىرى ىستەردى ىستەدى، پارتيا مەن مەملەكەت ىستەرىندە تاريحي تابىسقا قول جەتكىزىلدى، تاريحي وزگەرىستەر تۋىلدى.
”1 ـ شىلدە“ قارساڭىندا باس شۋجي شي جينپيڭ شاندۇڭ ولكەسىنىڭ دىجوۋ قالاسىنا بارىپ قىزمەت تەكسەرگەندە اتىز باسىن ارالاپ، اۋىل ـ قىستاق نەگىزگى ساتى پارتيا ۇيىمى قۇرىلىسى جانە اۋىل ـ قىستاقتى گۇلدەندىرۋ جونىندە تەكسەرۋ ـ زەرتتەۋ جۇرگىزىپ، شارۋالاردىڭ ۇيىنە بارىپ، باقىتتى تۇرمىستى بىرگە اڭگىمەلەدى، پارتيا مۇشەلەرىنە، كادرلارعا، بۇقاراعا ٴۇمىتىن ٴبىلدىردى −
”105 جىلدان بەرى، پارتيامىز بۇكىل ەلدەگى ٴار ۇلت حالقىن ىنتىماقتاستىرىپ، باستاپ، قاجىماي ـ تالماي كۇرەس جۇرگىزىپ، تاريح پەن حالىقتىڭ ٴۇمىتىن اقتايتىن ۇلى تابىستار جاراتتى. قازىر ٴبىز جاپپاي سوتسياليستىك وسىزاماندانعان مەملەكەت قۇرۋ جاڭا جورىعىندا ارشىندى قاداممەن العا باسىپ كەلەمىز، ٴبىر نيەتپەن سەلبەسىپ، جاڭا ۇزاق جورىقتى ويداعىداي باسىپ، اناعۇرلىم نۇرلى بولاشاق اشىپ، حالىقتىڭ تاماشا تۇرمىسقا تالپىنىسىن ۇزدىكسىز قاناعاتتاندىرۋىمىز كەرەك.“
وسى جولمەن جۇرۋدە جۇڭحۋا ۇلتىنىڭ ۇلى گۇلدەنۋى بوگەۋ بەرمەيدى، بۇرىن بولماعان نۇرلى بولاشاق ايگىلەنەدى.
جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى قارساڭى، ”15 ـ بەسجىلدىقتىڭ“ باستاما جىلى. جاڭا جورىقتا جۇڭگو كوممۋنيستەرى جۇڭگوشا سوتسياليزم ۇلى تۋىن ۇزدىكسىز بيىك ۇستاپ، ٴجۇز ميلليونداعان حالىقتىڭ تەلەگەي كۇشىن ۇيىستىرىپ، مەملەكەت پەن ۇلتتىڭ دامۋىن ٴوز كۇشىنىڭ نەگىزگى تۇيىنىنە قويىپ، جۇڭگونىڭ دامۋ، العا باسۋ تاعدىرىن ٴوز قولىندا مىقتاپ يگەردى.
تاريحي اۋقىمعا قاراي ٴومىردىڭ دۇرىس جولىمەن ٴجۇردى.
بۇگىنگى تاڭدا ٴبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ٴارقانداي كەزدەگىدەن دە اناعۇرلىم جاقىنداي تۇستىك، مۇنى جۇزەگە اسىرۋعا سەنىمىمىز ٴتىپتى دە كامىل جانە قۋاتىمىز دا قاپتال جەتەدى.
باس شۋجي شي جينپيڭ بىلاي دەپ اتاپ كورسەتتى: ”ٴبىز جۇڭگوشا سوتسياليزمگە تاباندى بولىپ جانە ونى دامىتىپ، زاتتىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ سايكەسە دامۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ جاڭا جولىن جاراتتىق، ادامزات وركەنيەتىنىڭ جاڭا فورماتسياسىن جاراتتىق“.
العا باسۋ جولىندا پارتيامىز جولدى وزگەرتپەۋ، جىگەردى وزگەرتپەۋ تاباندىلىعىمەن پارتيانىڭ جاپپاي باسشىلىعىنا جانە پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىنا تاباندى بولىپ، جول سەنىمىن، نازاريا سەنىمىن، ٴتۇزىم سەنىمىن، مادەنيەت سەنىمىن بەكەمدەپ، بۇرىنعىلاردىڭ ىسىنە مۇراگەرلىك ەتىپ، بولاشاققا جول اشىپ، تۋراشىلدىقتان اينىماي جاڭالىق اشىپ، كوشپەلى بۇلتتىڭ كوزدى كولەگەيلەۋىنەن قورىقپاۋدى، تولقىن جارا العا ىلگەرىلەۋدى ٴارى باعداردان اداسپاۋدى ورىندادى.
العا باسۋ جولىندا پارتيامىز سوتسياليستىك وسىزامانداندىرۋدى نەگىزىنەن جۇزەگە اسىرۋدا نەگىزدى بەكەمدەيتىن، جاپپاي كۇش سالاتىن شەشۋشى مەزگىلدى تياناق ەتىپ، پارتيا مەن مەملەكەت ىستەرى دامۋىنىڭ تاريحي ورنىن دۇرىس يگەرىپ، الداعى 5 جىلداعى دامۋ جونىندە جوعارى دەڭگەيلى جوبا جانە ستراتەگيالىق جوسپار جاساپ، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن قۇلشىنا اشاتىن تاريحي ىرىقتىلىقتى ايگىلەدى.
العا باسۋ جولىندا پارتيامىز جالپى حالىقتى ىنتىماقتاستىرىپ، باستاپ، ٴبىر جوبانى سوڭىنا دەيىن جالعاستىرىپ، ىستەردى ىستەرگە جالعاپ ىستەپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ نىساناسىنا قاراي ۇدەرە العا تارتىپ، جاڭا ٴداۋىر تاراۋىن ۇزدىكسىز جازىپ، جۇڭگوشا سوتسياليزمنىڭ تىڭ دا اناعۇرلىم زور جەڭىستەرىنە، ٴسوز جوق، قول جەتكىزەتىن بولادى.
(شينحۋا اگەنتتىگىنىڭ 7 ـ ايدىڭ 6 ـ كۇنى بەيجيڭنەن بەرگەن حابارى)
