شينحۋا اگەنتتىگىنىڭ 7 ـ ايدىڭ 9 ـ كۇنى يىنچۋاننان بەرگەن حابارى (تىلشىلەر ۋىن شين، ليۋ حاي). 7 ـ ايدىڭ 9 ـ كۇنى ”شي جينپيڭ جاڭا ٴداۋىر جۇڭگوشا سوتسياليزم يدەياسى جانە دۇنيە ٴجۇزى“ اتىنداعى حالىقارالىق زەرتتەۋ ـ تالقى ٴماجىلىسى نيڭشيانىڭ يىنچۋانىندا وتكىزىلدى، زەرتتەۋ ـ تالقى ٴماجىلىسىنىڭ تاقىرىبى: ”وسىزامانداندىرۋعا قادام تاستاۋ جولى: جۇڭگونىڭ كەدەيلىكتى ازايتۋ نازارياسى مەن امالياتىنان شابىت“. زيمبابۆە افريكا ۇلتتىق وداعى ـ وتانشىلدىق شەبى ورتالىق كوميتەتى ساياسي بيۋروسىنىڭ مۇشەسى، قوسىمشا ايەلدەر وداعىنىڭ شۋجيى، كەڭەس پالاتاسىنىڭ باستىعى چيننومونا، ماروككو حالىق قوزعالىسىنىڭ باس شۋجيى، قاۋىم پالاتاسىنىڭ ورىنباسار باستىعى وزماني، انديس پارلامەنتىنىڭ ورىنباسار باستىعى بوۋركس قاتارلى 50 نەشە مەملەكەتتىڭ 120دان استام شەتەل ساياسي پارتياسىنىڭ باسشىلارى، جۇڭگودا تۇراتىن ٴىشىنارا ەلشىلەر، اقىل ـ پاراسات قويماسى وقىمىستىلارى مەن مەديا ۋاكىلدەرى قاتارلىلار ماجىلىسكە قاتىناستى.
جۇڭگو كوممۋنيستىك پارتياسى ورتالىق كوميتەتى شەتەلدەرمەن بايلانىس جاساۋ ٴبولىمىنىڭ باستىعى ليۋ حايشيڭ ارقاۋ سوزىندە مىنالاردى ٴبىلدىردى: جۇڭگو كوممۋنيستىك پارتياسى 18 ـ قۇرىلتايىنان بەرى، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى كەدەيلىكتەن ارىلتۋدان قامال الۋدى ەل باسقارۋدىڭ كورنەكتى ورنىنا قويىپ، جۇڭگو حالقىن ىنتىماقتاستىرىپ جانە باستاپ، مۇلدەم كەدەيلىك ماسەلەسىن تاريحي سيپاتتى شەشىپ، كەدەيلىكتى ازايتۋدىڭ جۇڭگوشا جولىن اشىپ، كەدەيلىككە قارسى اتتانۋدىڭ جۇڭگوشا نازارياسىن قالىپتاستىردى، ول شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگىنە اينالدى. جۇڭگونىڭ كەدەيلىكتى ازايتۋىنىڭ ٴساتتى بولۋى وركەندەپ كەلە جاتقان ەلدەردىڭ كەدەيلىكتەن ارىلۋىنا باتىلدىق پەن سەنىم ۇستەدى، ونان دا ماڭىزدىسى، ادامزاتتىڭ كەدەيلىكتى ازايتۋىنا جاڭا جول اشتى.
ماجىلىسكە قاتىناسقان شەتەلدىك قوناقتار جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قىزۋ قۇتتىقتاپ، مىنالاردى ٴبىلدىردى: جۇڭگو كوممۋنيستىك پارتياسىنىڭ 18 ـ قۇرىلتايىنان بەرى، باس شۋجي شي جينپيڭنىڭ پارمەندى باسشىلىعىندا جانە شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىگىندە، جۇڭگو مۇلدەم كەدەيلىكتى تۇبەگەيلى جويۋ سىندى تاريحي جەڭىسكە قول جەتكىزدى، بۇل − ادامزات وركەنيەتى ۇردىسىندەگى بەلەستىك تابىس. جۇڭگونىڭ امالياتى كەدەيلىك استە وزگەرتۋگە بولمايتىن تاعدىر ەمەس ەكەنىن دالەلدەدى، جۇڭگو وركەندەپ كەلە جاتقان ەلدەرگە ۇيرەنۋگە، ۇلگى الۋعا تاتيتىن مول تاجىريبە ازىرلەدى، سونداي ـ اق بىزگە جۇڭگو تابىسقا جەتكەن ەكەن، باسقا وركەندەپ كەلە جاتقان ەلدەر دە تابىسقا جەتەدى دەگەن سەنىم سيلادى. جۇڭگو كوممۋنيستىك پارتياسىمەن اۋىس ـ كۇيىستى، ٴوزارا ۇلگى الۋدى كۇشەيتىپ، اسىرەسە، شي جينپيڭ جاڭا ٴداۋىر جۇڭگوشا سوتسياليزم يدەياسىن زەرتتەۋدى كۇشەيتىپ، ٴوز ەلدەرىمىزدىڭ وسىزاماندانۋ اياق الىسىن قول ۇستاسا ىلگەرىلەتۋدى ٴۇمىت ەتەمىز.
