− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
شۇعىلالى تاريح ادامدى ماقتانىشقا بولەيدى، اۋەلگى ماقسات پەن بورىش ۋاقىت وتكەن سايىن بەكەمدەلە تۇسەدى.
”جۇڭگو كوممۋنيستىك پارتياسىنىڭ 105 جىلدىق كۇرەس بارىسىندا ۇزدىكسىز شۇعىلالى ناتيجە جاراتا الۋى، تاريح پەن حالىقتىڭ جۇڭگو كوممۋنيستىك پارتياسىن تاڭداۋى، تۇپتەپ كەلگەندە، پارتيامىزدىڭ باسقا ساياسي پارتيالار مەن ساياسي كۇشتەر تەڭەسە المايتىن تاڭداۋلى قاسيەتكە يە بولعاندىعىندا“.
جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا باس شۋجي شي جينپيڭ پارتيامىزدىڭ تاڭداۋلى قاسيەتىن 6 جاقتان تەرەڭ قورىتىندىلاپ، بىلاي دەپ باسا دارىپتەدى: ”جاڭا ٴىس جۇزىندىكپەن ۇشتاستىرىپ، پارتيانىڭ تاڭداۋلى قاسيەتىن ۇزدىكسىز كەڭىنەن ساۋلەلەندىرىپ، پارتيانىڭ ماڭگى قاسيەتىنىڭ وزگەرمەۋىنە، ٴتۇسىنىڭ وزگەرمەۋىنە، سيپاتىنىڭ وزگەرمەۋىنە، باستان ـ اياق قۇدىرەتتى جاسامپازدىق قۋاتقا، ۇيىسۋ قۋاتىنا، جاۋىنگەرلىك قۋاتقا يە بولۋىنا شىنايى كەپىلدىك ەتۋىمىز كەرەك“.
ٴارقانداي ٴبىر ىسكەر ۇلت، جاۋاپكەرشىلىك ارقالايتىن ساياسي پارتيا ٴوزىنىڭ وزگەشە رۋحىمەن الەمگە تانىلعان.
تاريحقا قايىرىلا قاراساق، نە ٴۇشىن تەك جۇڭگو كوممۋنيستىك پارتياسى عانا حالىققا باسشىلىق ەتىپ ٴتورت ٴىرى ٴىستى ورىنداپ جانە ىلگەرىلەتىپ، كەدەي، ٴالسىز جۇڭگونىڭ بىرتىندەپ ەڭسە كوتەرۋىن، بايۋىن، قۇدىرەتتەنۋىن ىلگەرىلەتىپ، وزىنە سەنىمدى، ٴوز كۇشىنە سۇيەنەتىن، ٴوزىن الۋەتتەندىرەتىن بەينەمەن اناعۇرلىم كوركەم بولاشاققا ارشىندى قادام تاستاي الدى؟
ادامزاتتىڭ دامۋ تاريحىنا كوز جىبەرسەك، دۇنيە جۇزىندە ەشقانداي ساياسي پارتيا ٴبىز سياقتى وسىنشاما كوپ جاپاعا، قيىندىققا، قاتەرگە، كەدەرگىگە ۇشىراپ، وسىنشاما كوپ ٴومىر مەن ٴولىم سىناعىن باستان كەشىرىپ، وسىنشاما كوپ ايانىشتى قۇرباندىقتار بەرگەن ەمەس. جۇڭگو كوممۋنيستىك پارتياسى نە ٴۇشىن تار جول، تايعاق كەشۋلەردى باستان وتكەرىپ كۇرەس جىگەرىن ونان ارى شىڭداپ، سان سىننان ٴوتىپ قۇرىشتاي شىڭدالىپ، ۇزدىكسىز جەڭىستەن تىڭ جەڭىسكە جەتە الدى؟
”اقيقاتقا تالپىنۋدى مۇرات ەتىپ، العا باسۋ بەتالىسىن باستان ـ اياق ٴداپ باسىپ يگەردى“، ”حالىققا تەرەڭ تامىر تارتىپ، باستان ـ اياق بەرىك نەگىزگە يە بولدى“، ”تاريحي بورىشتى باتىلدىقپەن ارقالاپ، باستان ـ اياق ستراتەگيالىق ىرىقتىلىقتى يگەردى“، ”دامۋ اعىمىنا سايكەسىپ، باستان ـ اياق ٴداۋىردىڭ الدىڭعى لەگىندە ٴجۇردى“، ”باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، ٴسوزسىز جەڭىسكە جەتۋ سەنىمىن باستان ـ اياق ساقتادى“، ”ٴوزىن الۋەتتەندىرۋگە باسا ٴمان بەرىپ، باستان ـ اياق ومىرشەڭ كۇشكە تولدى“.
باس شۋجي شي جينپيڭ جيناقتاپ قورىتىندىلاعان 6 جاقتاعى تاڭداۋلى قاسيەت ۇلى تاريحي كوزقاراسپەن، ۇلى ٴداۋىر كوزقاراسىمەن ساباقتاسىپ، ماركسيزمدىك پارتيا قۇرۋ ٴىلىمىن بايىتىپ جانە دامىتىپ، جۇڭگو كوممۋنيستىك پارتياسىنىڭ نە ٴۇشىن قولىنان كەلەتىندىگىنىڭ شەشۋشى شيفرىن اشىپ كورسەتتى، بۇل جاڭا جورىقتا قۇلشىنا جاڭا تاريحي شۇعىلالى تابىستار جاراتۋ جونىندەگى تەرەڭ جاريالاۋ سانالادى.
ماركسيزمدىك عىلمي نازاريانىڭ جەتەكشىلىگىنە يە بولۋ − پارتيامىزدىڭ سەنىم ـ نانىمدى بەكەمدەۋىنىڭ، تاريحي ىرىقتىلىقتى يگەرۋىنىڭ ٴتۇبىرلى تياناعى.
ۇزاق جورىق بارىسىندا اشىلعان زۇن ـ ي ماجىلىسىندە ”ماۋ زىدۇڭ جولداستى باستى ۋاكىل ەتكەن ماركسيزمدىك دۇرىس لۋشياننىڭ پارتيا ورتالىق كوميتەتىندەگى باسشىلىق ورنى تۇراقتانا باستادى“، سونىمەن پارتيانىڭ جۇڭگو توڭكەرىسىنىڭ ٴىس جۇزىندىك ماسەلەلەرىن دەربەس، ٴوز ـ وزىنە قوجايىن بولا وتىرىپ شەشۋ جاڭا كەزەڭى باستالدى؛ پارتيا 11 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ الدى ـ ارتىندا، پارتيا اقيقاتتىڭ ولشەمى ماسەلەسى جونىندە زور تالقى ورىستەتۋگە باسشىلىق ەتىپ جانە ونى قولداپ، جاڭا امالياتتى جانە ٴداۋىر ەرەكشەلىگىن نەگىزگە الىپ، ماركسيزمگە تاباندى بولدى جانە ونى دامىتتى... يدەيانى ازات ەتۋگە، شىندىقتى ٴىس جۇزىنەن ىزدەۋگە، داۋىرمەن بىرگە العا باسۋعا، شىندىققا جۇگىنىپ ناقتى ىستەر ىستەۋگە تاباندى بولىپ، پارتيا مەن حالىق ىستەرىنىڭ دۇرىس بەتالىسپەن العا ىلگەرىلەۋىنە شىنايى كەپىلدىك ەتتى.
عىلىمعا عىلمي پوزيتسيامەن مامىلە جاسادى، اقيقات رۋحىمەن اقيقاتقا تالپىندى.
جاڭا داۋىردەن بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگو ۇلگىسىندەگى وسىزامانداندىرۋدىڭ مازمۇنى مەن ەرەكشەلىگى جونىندەگى تانىمدى ونان ارى تەرەڭدەتىپ، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىن، ماندىك تالابىن جانە كەلەلى پرينسيبىن جيناقتاپ، قالىپتاستىرىپ، جۇڭگو ۇلگىسىندەگى وسىزامانداندىرۋدىڭ نازاريالىق جۇيەسىن العاشقى ادىمدا تۇلعالاپ، جۇڭگو ۇلگىسىندەگى وسىزامانداندىرۋدىڭ ٴتىپتى دە انىق، ٴتىپتى دە عىلمي، ٴتىپتى دە ۇيلەسىمدى بولۋىنا مۇمكىندىك جاسادى.
جۇڭگو ۇلگىسىندەگى وسىزامانداندىرۋ نازارياسى ارقىلى جۇڭگو ۇلگىسىندەگى وسىزامانداندىرۋ امالياتىنا جەتەكشىلىك ەتۋ سىندى مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ داڭعىل جولىمەن ”دۇرىس، ىركىلىسسىز ٴجۇرىپ قانا قويماي، ونىڭ ۇستىنە ورنىقتى، ويداعىداي جۇردىك“.
شي جينپيڭ پارتيا قۇرىلىسى يدەياسىنىڭ جەتەكشىلىگىندە، پارتيامىز پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانى توڭكەرىستىك شىڭدالۋ بارىسىندا اناعۇرلىم پارمەندى ەتتى. وسى يدەيا ”ەكىنى ۇشتاستىرۋعا“ تاباندى بولىپ، نازارايادا جاڭالىق اشۋدى ىلگەرىلەتۋدەگى ەڭ جاڭا جەتىستىك، جاڭا داۋىردەگى پارتيا قۇرىلىسىن كۇشەيتۋدەگى ٴتۇبىرلى بويسۇنۋ ولشەمى.
بۇگىن جۇڭگوشا سوتسياليزم ىستەرىنىڭ قاۋلاعان تىرشىلىك تىنىسى مەن تاسقىنداعان ومىرشەڭ كۇشى ماركسيزمنىڭ عىلميلىعىن جانە اقيقاتتىعىن تولىق سىننان وتكىزىپ، ماركسيزمنىڭ حالىقتىق سيپاتى مەن امالياتتىق سيپاتىن تولىق ايگىلەپ، ماركسيزمنىڭ اشىقتىق سيپاتى مەن داۋىرلىك سيپاتىن تولىق كورسەتىپ وتىر.
جاڭا جورىقتا شي جينپيڭ جاڭا ٴداۋىر جۇڭگوشا سوتسياليزم يدەياسىن سۋبيەكتيۆ دۇنيە مەن وبيەكتيۆ دۇنيەنى وزگەرتەتىن قۇدىرەتتى يدەيالىق قارۋ ەتىپ، جۇڭگو سۇراۋىنا، دۇنيە ٴجۇزى سۇراۋىنا، حالىق سۇراۋىنا، ٴداۋىر سۇراۋىنا ۇزدىكسىز جاۋاپ قايتارساق، ماركسيزمنىڭ اقيقاتىن اناعۇرلىم شۇعىلالى نۇر شاشتىرىپ، يدەيا كۇشىمەن ەكپىندەي العا ىلگەرىلەۋدىڭ ۇلى كۇشىن تاسقىنداتا الامىز.
ستراتەگيا ماسەلەسى − ٴبىر ساياسي پارتيانىڭ، ٴبىر مەملەكەتتىڭ ٴتۇبىرلى ماسەلەسى.
”ۇزاق بولاشاقتىق نىسانا مەن كەزەڭدىك نىسانانىڭ بىرلىگىنە تاباندى بولىپ، قوعامداعى باستى قايشىلىقتىڭ وزگەرىسىنە ۇيلەسىپ، وزەكتى مىندەتتى تۇراقتاندىرىپ، دۇرىس لۋشيان، باعىت ـ ساياساتتاردى بەلگىلەپ جانە اتقارىپ، ىستەردى دامىتۋدىڭ باسشىلىق ۇقىعىن جانە ىرىقتىلىعىن مىقتاپ يگەرۋگە شىنايى كەپىلدىك ەتۋ كەرەك“.
جاڭا داۋىردەن بەرگى وسىناۋ جىلدار اسا وزگەشە ٴارى ايرىقشا بولدى. جاڭا دامۋ ۇستانىمىن جاسامپازدىقپەن العا قويىپ، ەلىمىز دامۋىنىڭ جالپى جاعدايىنا ساياتىن ٴبىر رەتكى تەرەڭ وزگەرىسكە جەتەكشىلىك ەتۋدەن ونى ىلگەرىلەتۋدەن جاڭا دامۋ ارناسىن قالىپتاستىرۋ سىندى كەلەلى ستراتەگيالىق شەشىم جاساپ، ٴومىر ٴسۇرۋ قۋاتىمىزدى، باسەكەلىك قۋاتىمىزدى، دامۋ قۋاتىمىزدى، جالعاستىرۋ قۋاتىمىزدى ۇزدىكسىز ارتتىرۋعا دەيىن...
ٴار رەتكى شەشۋشى ساتتەگى شەشۋشى تالعام ”ستراتەگيالىق جاقتاعى تۇجىرىم دالمە ـ ٴدال بولسا، ستراتەگيالىق جاقتاعى جوسپار عىلمي بولسا، ستراتەگيالىق جاقتا ىرىقتىلىققا قول جەتسە، پارتيا مەن حالىق ىستەرىندە زور ٴۇمىت بولاتىندىعىن“ تەرەڭ ۇعىندىردى.
بيىل − ”15 ـ بەسجىلدىقتىڭ“ باستاما جىلى. ”1 ـ بەسجىلدىقتان“ ”15 ـ بەسجىلدىققا دەيىن“ جالعاسىپ كەلە جاتقان نەگىزگى تاقىرىپ − ەلىمىزدى سوتسياليستىك وسىزاماندانعان مەملەكەت ەتىپ قۇرىپ شىعۋ.
5 جىلدىق جوبا − ۇزاق بولاشاقتىق ستراتەگيانىڭ قادامعا ٴبولىنىپ تياناقتانۋى ٴارى ۇزاق بولاشاقتىق ستراتەگيالىق نىسانانى جۇزەگە اسىرۋدىڭ ماڭىزدى قامتاماسىزدىعى.
5 جىلدىق جوبا ىستەرىمىزدىڭ ساتىسى سياقتى، ”قادام سايىن باتىل ٴجۇرىپ، كەزەڭ سايىن العا ىلگەرىلەۋ ارقىلى ۇزدىكسىز بولماشى جەڭىستى توپتاپ ۇلكەن جەڭىسكە جەتۋگە، پارتيا مەن مەملەكەت ىستەرىنىڭ ورنىقتى قاداممەن الىسقا جەتۋىنە كەپىلدىك ەتۋگە بولادى“.
جۇرگەنىمىز ادامزاتتىڭ دۇرىس جولى، ىستەگەنىمىز ادىلەت ىستەرى، ارقالاعانىمىز تاريح پەن حالىق جۇكتەگەن اۋىر مىندەت.
جاڭا ەمتيحان تاپسىرۋ جولىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ۇلى پارتيا قۇرۋ رۋحىن زور كۇشپەن اسقاقتاتىپ، پارتيانىڭ تاڭداۋلى ەرەكشەلىگىن ۇزدىكسىز ساۋلەلەندىرىپ، جاڭا داۋىردەگى جۇڭگو كوممۋنيستەرى، ٴسوزسىز، اناعۇرلىم ۇزدىك جاۋاپناما جازا الادى، جۇڭحۋا ۇلتىنىڭ ۇلى گۇلدەنۋى سىندى ايبىندى نىسانا، ٴسوزسىز، جۇزەگە اسادى.
(شينحۋا اگەنتتىگىنىڭ 7 ـ ايدىڭ 3 ـ كۇنى بەيجيڭنەن بەرگەن حابارى)
