انار بۇلت \ شينجياڭ گازەتىنىڭ ٴتىلشىسى گو ليڭ 7 ـ ايدىڭ 9 ـ كۇنى ۇرىمجىدەن حابارلايدى. 7 ـ ايدىڭ 9 ـ كۇنى 2026 ـ جىلعى جاز ماۋسىمىنداعى مەملەكەتتىك كومىر ساۋدا جارمەڭكەسى ٴۇرىمجى قالاسىندا اشىلدى، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ٴتوراعاسى ٴيۇسۇپجان مامەت قاتىناستى.
شينجياڭنىڭ مول كومىر بايلىعى باتىس بولىكتى قاۋىرت اشۋ ستراتەگياسى مەن وسىزاماندانعان ونەركاسىپ جۇيەسىن قۇرۋدى تۇتاستىرۋعا پارمەندى تىرەك ازىرلەدى. بيىل − ”15 ـ بەسجىلدىق“ جوبانىڭ باستاما جىلى، مەملەكەتتىك كومىر ساۋدا جارمەڭكەسىنىڭ اشىلۋى − پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىندى“ تياناقتاندىرۋداعى ناقتى شارا، ول جاڭا دامۋ ۇستانىمى مەن جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە جاڭا قوزعالىس قۋاتىن ۇستەدى.
ساۋدا جارمەڭكەسى 2 كۇنگە جالعاسادى، ”كومىردىڭ ەڭ تومەنگى شەكتەن تۇسىرمەي قامتاماسىز ەتۋ رولىن كۇشەيتىپ، كومىر حاۋىپسىزدىگىن قامتاماسىز ەتۋ دەڭگەيىن جوعارىلاتۋدى“ نەگىزگى تاقىرىپ ەتىپ، كاسىپ سالاسىنىڭ قامداۋدى قامتاماسىز ەتۋ، باعانى ورنىقتىرۋ، ٴوندىرىس حاۋىپسىزدىگى، زەردەلىلەندىرىپ تيپ جاڭالاۋ، جاسىل دامۋ جولىندا نىق قاداممەن العا باسۋىن ىلگەرىلەتىپ، كومىر كاسىبىنىڭ جوعارى ساپالى دامۋىنىڭ ايقىندىعى ارقىلى ٴتۇرلى ايقىنسىزدىقتارعا توتەپ بەرىپ، ەلىمىز ەكونوميكاسىنىڭ جوعارى ساپالى دامۋىنا ەنەرگيا قورعانىس شەبىن بەكەمدەپ، ”15 ـ بەسجىلدىقتىڭ“ تاماشا باستاماسىن قۇلشىنا جۇزەگە اسىرادى.
ٴماجىلىس كەزىندە كومىر ساتىپ الۋ ـ ساتۋ كەلىسىمىنە قول قويۋ سالتى، سونداي ـ اق ”شينجياڭنىڭ كومىرىن حىبەيگە جەتكىزۋ“، ”شينجياڭنىڭ كومىر بايلىعىن اشۋ جانە تاسىمالداۋ جۇيەسىن ساپالىلاندىرۋ“، ”كومىر بازارىنا ارناۋلى تاقىرىپتىق تالداۋ جاساۋ“ سياقتى ارناۋلى تاقىرىپتا اڭگىمە ٴماجىلىسى وتكىزىلىپ، كاسىپورىنداردى تانىستىرۋ جانە ەرەكشە ونىمدەردى كورمەگە قويىپ ساتۋ ارناۋلى رايونى تەڭ قادامدا ورنالاستىرىلدى. ماجىلىستەن كەيىن سانجى حۇيزۋ اۆتونوميالى وبلىسى، قۇمىل قالاسى، تۇرپان قالاسى، ىلە قازاق اۆتونوميالى وبلىسى، اقسۋ ايماعى سياقتى جەرلەر كوپ رەت كاسىپ سالاسىن ٴتۇيىلىستىرۋ جانە جۇمىس باسىندا تەكسەرۋ قيمىلىن ۇيىمداستىردى.
مەملەكەتتىڭ قاتىستى تاراۋلارى، ولكە دارەجەلى كومىر سالاسىن باسقارۋ تاراۋلارى، كومىر ٴوندىرىسى، تاسىمالى (تەمىر جول مەكەمەسى جانە پورت)، ساتۋ، تۇتىنۋ كاسىپورىندارى، سونداي ـ اق قاتىستى كاسىپتىك قوعامدار، فينانس قۇرىلىمدارى ماجىلىسكە قاتىناستى.
